Установа адукацыі «БЕЛАРУСКІ ДЗЯРЖАЎНЫ ТЭХНАЛАГІЧНЫ

ЎНІВЕРСІТЭТ»

Кафедра паліграфічных вытворчасцей

ТЭХНАЛОГІЯ ФОРМНЫХ ПРАЦЭСАЎ

Праграма, метадычныя ўказанні і кантрольныя заданні

для студэнтаў спецыяльнасці 1-47 02 01 «Тэхналогія паліграфічных вытворчасцей» завочнай формы навучання

Мінск 2012

УДК 655.2/.3(073)

ББК 37.8.я73

Т97

Разгледжаны і рэкамендаваны рэдакцыйна-выдавецкай радай універсітэта.

Укладальнік

М. К. Якаўлеў

Рэцэнзент кандыдат тэхнічных навук,

дацэнт кафедры паліграфічнага абсталявання і сістэм апрацоўкі інфармацыі БДТУ

В. С. Юдзянкоў

Па тэматычным плане выданняў вучэбна-метадычнай літаратуры ўніверсітэта на 2012 год. Паз. 197.

Для студэнтаў спецыяльнасці 1-47 02 01 «Тэхналогія паліграфічных вытворчасцей» завочнай формы навучання.

©УА «Беларускі дзяржаўны тэхналагічны ўніверсітэт», 2012

4

ПРАДМОВА

Мэтай вывучэння дысцыпліны служыць прафесійная падрыхтоўка інжынераў-тэхнолагаў паліграфічнай вытворчасці ў галіне вырабу формаў асноўных і спецыяльных відаў і спосабаў друку.

Задачы дысцыпліны — вывучэнне тэарэтычных звестак і заканамернасцей формных працэсаў паліграфічнай вытворчасці, тэхналагічных схем, абсталявання і матэрыялаў, патрабаванняў і спосабаў кантролю якасці, правіл тэхнікі бяспекі і цэхавых умоў пры вырабе формаў асноўных і спецыяльных відаў і спосабаў друку.

Увыніку вывучэння дысцыпліны студэнт абавязаны ведаць:

–асноўныя тыпы і разнавіднасці друкарскіх формаў;

–асноўныя тыпы формных пласцін і іх тэхнічныя паказчыкі;

–фізіка-хімічныя асновы капіравальнага працэсу;

–тэхналагічныя схемы вырабу друкарскіх формаў асноўных відаў

іспосабаў друку на аснове аналагавых і лічбавых працэсаў;

–будову, асноўныя тэхнічныя паказчыкі і тэхналагічныя схемы выкарыстання сучаснага формнага абсталявання;

–тэхнічныя патрабаванні і метады кантролю друкарскіх формаў;

–галіновыя стандарты, тэхнічныя ўмовы і тэхналагічныя інструкцыі па формных працэсах;

–праблемы і перспектывы развіцця формных працэсаў паліграфічнай вытворчасці;

–тэрміны і азначэнні, прынятыя ў тэхналогіі формных працэсаў;

–методыку тэхналагічных разлікаў формных працэсаў.

Тэхналогія формных працэсаў цесна звязаная з многімі спецыяльнымі дысцыплінамі, што складаюць фундамент тэарэтычнай і спецыяльнай падрыхтоўкі спецыяліста паліграфічнай вытворчасці: тэорыяй працэсаў рэпратэхнічнай рэгістрацыі, тэорыяй колеру і колераўзнаўлення, тэхналогіяй апрацоўкі выяўленчай інфармацыі і інш. Для глыбокага разумення формных працэсаў студэнту трэба ведаць асновы папярэдне засвоеных дысцыплін.

5

Метадычныя ўказанні маюць на мэце аказанне дапамогі студэнтамзавочнікам у самастойным вывучэнні дысцыпліны і выкананні кантрольнай работы.

Структура дысцыпліны адпавядае традыцыйнай будове вучэбнага матэрыялу паводле раздзелаў і тэм. Яны служаць адносна самастойнымі дыдактычнымі адзінкамі зместу навучання.

Структура метадычных указанняў уключае праграму дысцыпліны, метадычныя рэкамендацыі да вывучэння асноўных раздзелаў вучэбнага матэрыялу, кантрольныя пытанні па курсе і метадычныя ўказанні да выканання кантрольнай работы.

Заданне на кантрольную работу афармляецца на спецыяльным бланку і падпісваецца выкладчыкам.

Кантрольная работа выконваецца ў школьным сшытку і павінна змяшчаць пісьмовыя адказы на ўсе пункты задання. Афармляць яе трэба акуратна, пакідаючы па краях тэксту палі. У канцы тэксту кантрольнай работы неабходна прывесці спіс выкарыстанай літаратуры са спасылкамі на нумары старонак.

Кантрольная работа высылаецца ва ўніверсітэт на праверку ў тэрмін, пазначаны навучальным планам.

Калі кантрольная работа не залічана, неабходна ўважліва азнаёміцца з заўвагамі рэцэнзента і, выправіўшы памылкі, улічыўшы заўвагі, адказаўшы на пастаўленыя пытанні, выслаць работу паўторна. Выпраўленне памылак трэба рабіць у канцы сшытка, а не ў тэксце кантрольнай работы.

На экзаменацыйную сесію неабходна прыбыць, вывучыўшы самастойна ўвесь запланаваны матэрыял. Пасля атрымання заліку па дысцыпліне абароненую кантрольную работу трэба здаць выкладчыку.

6

СПІС СКАРАЧЭННЯЎ

АП — афсетная пласціна; АФ — афсетная форма; ВД — высокі друк; ГД — глыбокі друк;

ДЭ — друкарскія элементы (формы); ДФ — друкарская форма; ПЭ — прагальныя элементы (формы);

ІЧ — інфрачырвонае (выпраменьванне); КП — капіравальны пласт; МФ — мантажная форма; КР — капіравальная рама;

ОНХД — ортанафтахінондыязід; ПАД — плоскі афсетны друк; ПВС — полівінілавы спірт; ПД — плоскі друк;

ПСК — полісілаксанавы каўчук; УФ — ультрафіялетавае (выпраменьванне); ФВД — форма высокага друку; ФГД — форма глыбокага друку;

ФМС — фотамеханічны спосаб (вырабу формаў); ФНА — фотанаборны аўтамат; ФПК — фотапалімерная кампазіцыя; ФПП — фотапалімерная пласціна; ФПФ — фотапалімерная форма; ФФ — фотаформа; ХК — характарыстычная крывая;

ЭГА — электрагравіравальны аўтамат;

СtF, CtFilm — Сomputer-to-Film (камп’ютар – фотаформа);

СtP, CtPlate — Сomputer-to-Plate (камп’ютар – друкарская форма);

СtP, CtPress — Сomputer-to-Press (камп’ютар – друкарская машына);

DI — Direct Imaging (экспанаванне формнага матэрыялу ў друкарскай машыне);

LAMS — Laser Ablation Masking System (лазерная абляцыя маскавага пласта лічбавай фотапалімернай флексапласціны).