4. Семінарскія заняткі

Назва раздзелаў, тэм, лекцый і іх змест	Коль­касць гадзін Д.	Коль­касць гадзін З.
1. Гістарычныя помнікі Полацка Падрыхтоўка археалагічнай карты Полацка з пазначэннем: старажытнага гарадзішча, паселішча, Верхняга і Ніжняга замка, полацкіх пасадаў (Вялікага, Запалоцкага, Астроўскага, Крыўцова, Слабадскога, Экіманскага), старажытнага русла Палаты. Гісторыя археалагічнага даследавання гістарычных помнікаў Полацка. Абарончыя збудаванні Полацка IX – XVIII стст.: Старажытнага гарадзішча. Верхняга замка. Вялікага і Запалоцкага пасадаў. Ніжняга замка: палітычныя мэты і гістарычныя рэаліі. Барысаглебскага (княжацкага) манастыра. Асаблівасці тапаграфічнага размяшчэння Бельчыцкага і Спаса-Ефрасіннеўскага манастыроў. Асаблівасці размяшчэння Храма-на-рву і Царквы на стрэлцы Ніжняга замка. Манастыр Іаана Прадцечы на Востраве: гіпотэзы і факты.	4	2
2. Паходжанне і ранняя гісторыя Полацка Праблема паходжання гарадоў Усходняй Еўропы па дадзеных пісьмовых і археалагічных крыніц. Этнічная сітуацыя на тэрыторыі Беларускага Паддзвіння ў VIII – IX стст. Полацк і раннегарадскія абшчынныя цэнтры (Віцебск, Лукомль) на тэрыторыі Беларускага Падзвіння: асноўныя вынікі археала­гічнага вывучэння. Летапісная гісторыя Полацка (IX – XIII стст) і помнікі археалогіі.	2
3. Археалагічнае вывучэнне Сафійскага сабора Гісторыя вывучэння помніка. Этапы будаўніцтва Сафійскага сабора. Архітэктурныя асаблівасці Полацкай Сафіі ХІ – ХVII стст. Сабор Сафіі XVIII ст. – помнік Віленскага барока.	2
4. Археалагічнае вывучэнне Спаса-Ефрасіннеўскага манастыра Гісторыя Спаскага манастыра. Гісторыя археалагічнага вывучэння Спаса-Ефрасіннеўскага манастыра. Асаблівасці архітэктуры Спаса-Праабражэнскай царквы. Метад дойліда Іаана. Фрэскавы жывапіс Спаса-Праабражэнскай царквы. Храм-пахавальня полацкіх епіскапаў: гісторыя археалагічнага вывучэння. Асаблівасці архітэктуры Храма-пахавальні полацкіх епіскапаў (царквы св. Георгія).	4
5. Археалагічнае вывучэнне Барысаглебскага (княжацкага) манастыра Гісторыя Барысаглебскага (княжацкага) манастыра. Гісторыя археалагічнага вывучэння Барысаглебскага (княжац­кага) манастыра. Архітэктурныя асаблівасці Пятніцкай царквы. Архітэктурныя асаблівасці Барысаглебскай царквы. Гісторыя вывучэння храма-трыконха. Гісторыя археалагічнага вывучэння Вялікага сабора. Праблема кансервацыі і рэстаўрацыі старажытных помнікаў полацкага манументальнага дойлідства.	2
6. Матэрыяльная культура старажытнага Полацка (ІХ – ХVIIІ cтст.). Рамёствы старажытнага Полацка па археалагічных дадзеных. Вытворчасць керамічных будаўнічых матэрыялаў (плінфа, пліткі для падлогі, дахоўка і інш.). Утылітарна-дэкаратыўныя і дэкаратыўна-мастацкія творы по­лацкіх рамеснікаў. Асноўныя накірункі знешняга гандлю старажытнага Полацка.	4	2
УСЯГО:	18	4

Заўвагі: для студэнтаў завочнай формы навучання – тэмы 2, 3, 4, 5 вывучаюцца самастойна