2. Оқу пәнінің сипаттамасы

5.1 Пәнді оқытудың мақсаты: – Қазақстан этнопедагогикасының жалпы негіздерін оқыту арқылы Қазақстан Республикасын мекендеген әрбір этностың дамуын ынталандыру, жалпы мәдени құндылықтарды меңгеру, этникалық мәдениетті өзара шығармашылықпен байыту бағытында студенттердің педагогикалық дүниетанымын, педагогикалық мәдениетін және жалпы кәсіби құзыреттеліктерін қалыптастыру.

Пәннің міндеттері:

1) этнопедагогиканың негізгі ұғымдары, Қазақстан Республикасы этностарының мәдениеті мен салт-дәстүрлері туралы білімін;

2) болашақ мұғалімнің кәсіби-маңызды тұлғалық қасиеттерін (педагогикалық ойлау, педагогикалық қарым-қатынас, педагогикалық такт, әдеп, ұтқырлық, толеранттылық және т.б.);

3) қоғамдық-саяси, этнопедагогикалық әдебиеттерді талдап зерттеу біліктілігін;

4) этнопедагогика саласындағы ғылыми-ізденіс, шығармашылық жұмыстарға даярлығын;

5) білім алушылардың көпұлтты ортадағы педагогикалық іс-әрекеттің ерекшеліктері туралы білімін және этнопедагогикалық жүйені теңестіре-салыстырмалы талдау дағдыларын;

6) білім беру мекемелерінің тәрбиелік іс-әрекеттері тәжірибесіне ҚР этностары этнопедагогикасының негізгі жолдарын, әдістерін, формалары мен құралдарын енгізу материалдарын түсінуін қалыптастыру.

5.2 Оқытылатын пәннің құзіреттілігі

Этнопедагогика курсын оқу нәтижесінде студент міндетті:

а) білімдерді меңгеруге:

- этнопедагогиканың базалық ұғымдары, Қазақстан Республикасы этностарының мәдениеті мен салт-дәстүрлері туралы;

- көпұлтты ортадағы педагогикалық іс-әрекет ерекшеліктері туралы;

- білім беру мекемелерінің тәрбиелік іс-әрекеттері тәжірибесіне ҚР этностары этнопедагогикасының негізгі жолдарын, әдістерін, формалары мен құралдарын енгізу материалдарын түсіну туралы;

- ҚР этностары мен әлем халықтары этнопедагогикасының мәселелерін зерттеу негіздері туралы;

б) біліктіліктерді игеруге:

- этнопедагогика бойынша әлеуметтік әдебиеттерді талдау барысында өздігінен білім алу;

- әр түрлі халықтардың этнопедагогикалық жүйесін теңестіре-салыстырмалы талдау;

- этнопедагогика мәселелері саласындағы ғылыми-ізденіс, шығармашылық жұмыстары;

- этнопедагогика материалдарын оқу-тәрбие үрдісіне енгізу.

Этнопедагогика курсын оқыту студенттердің мынадай тұлғалық қасиеттерін қалыптастыруы тиіс:

- кәсіби-маңызды тұлғалық қасиеттерді, соның ішінде педагогикалық ойлау, педагогикалық қарым-қатынас, ұтқырлық және т.б.;

- ұлтаралық қарым-қатынас мәдениеті мен толеранттылық.

5.3 Оқу пәнін оқыту жоспары

№ апталар	Тақырып атауы	Оқытуды ұйымдастырудың формалары мен сағаттар саны					БӨЖ арналған тапсырма және білімді бақылаудың формасы
		Дәріс	Тәжірибе (семинар)	Зертханалық	Студиялық	БӨЖ
1	Этнопедагогика педагогикалық ғылымның құрамдас бөлігі	1	1			6	Этнопедагогика глоссарийін құрастыру. Қазақ этнопедагогикасының пайда болу, қалыптасу, даму кезеңдерінің кестесін құру.
2	Қазақ этнопедагогикасының теориялық негіздері	1	1			6	Этнопедагогиканың адам туралы ғылымдар жүйесінің байланыс кестесін құрастыру, оларға мазмұндық сипаттама жасау.
3	Қазақ халық педагогикасы қазақ этнопедагогикасының негізгі көзі	1	1			6	Халық педагогикасының бастау бұлағы – ауыз әдебиетiнiң үлгiлерi тақырыбына реферат.
4	Этномәдени білім беру	1	1			6	Этномәдени білім беру жүйесінің сызбасын құрастыру.
5	Этностық тәрбиенің принциптері	1	1			6	Этникалық және көпмәдениетті тәрбиенің байланысын кесте түрінде көрсету
6	Халықтық педагогиканың негізгі құралдары (мақал-мәтелдер, жұмбақтар)	1	1			6	Қазақ мақалдары мен мәтелдерін, жұмбақтарын жинақтаған және зерттеген ғалымдар еңбектері негізінде конспект дайындау.
7	Халық идеалындағы “жетілген адам” және оны тәрбиелеу тәжірибесі	1	1			6	Кемелденген адам жайлы ғұлама ойшылдардың ой-тұжырымдары. Абайдың «Адам бол» тұжырымдасы
8	Халықтық тәрбиенің факторлары	1	1			6	Ұлттық ойындар топтамасын құрастыру.
9	Отбасы тәрбиесі – халық педагогикасының негізгі өзегі	1	1			6	Отбасында жүргізілетін тәрбиелер жүйесінің үлгісін жасау.
10	Қазақстандағы педагогикалық ойлар	1	1			6	Қазақ ойшылдарының педагогикалық идеяларындағы әлеуметтік мәселелер. Эссе жазу.
11	Халық педагогикасындағы адамгершілік және патриоттық тәрбие	1	1			6	Адамгершілік және патриоттық тәрбие туралы жазған ғалымдардың еңбектер топтамасын құру.
12	Педагогикалық мәдениет және халықтың рухани дамуы	1	1			6	Ұлттық салт-дәстүр – ұрпақ тәрбиесiнiң пәрмендi құралы екендігін дәлелдеңіз.
13	Ән – халықтық педагогиканың құралы	1	1			6	Халық әндерінің ерекшеліктерін сипаттаңыз.
14	Этностық тәрбиенің әдістері мен түрлері	1	1			6	1. Ата-анаңыз, достарыңыз т.б. білетін жұмбақтарды, ертегілерді, мақал-мәтелдерді, ырым-тыйымдарды жинастырыңыз. 2.Студенттерге арналған «Халық тәлімі» атты қабырға газетін шығару (топтық жұмыс)
15	Этникалық дидактиканың мәні, мақсаты, міндеттері, мазмұны, түрі, құралдары	1	1			6	1.Қазақ халқының құнды дидактикалық идеяларының банкісін жасау (идеялар банкісі); 2.Оқу-тәрбие процесінде пайдаланылатын халық педагогикасы элементтерін (математика, информатика, қазақ тілі, дүние тану, еңбек және т.б. сабақтарда) жинақтау. 3.Этнопедагогикалық аспектідегі сыныптан тыс жұмыстар жоспары мен бағдарламасын дайындау, қорғау.