Тэма 8. Узнікненне міжнароднага бібліяграфічнага супрацоўніцтва

Фактары ўзнікнення і асноўныя этапы развіцця міжнароднага бібліяграфічнага супрацоўніцтва. Пачатак правядзення міжнародных бібліяграфічных канферэнцый, кангрэсаў.

Стварэнне Міжнароднага бібліяграфічнага інстытута (1895), яго дзейнасць. Роля П.Атле і А.Лафантэна ў распрацоўцы праектаў міжнароднага і нацыянальнага рэтраспектыўнага бібліяграфічнага ўліку друкаванай прадукцыі.

Стварэнне і распаўсюджанне класіфікацыйных схем: “Дзесятковай класіфікацыі” М.Дзьюі, “Універсальнай дзесятковай класіфікацыі”.

Уплыў Лігі нацый на інтэграцыйныя працэсы ў еўрапейскай бібліяграфіі. Бібліяграфічныя кірункі дзейнасці Міжнароднай федэрацыі бібліятэчных асацыяцый і ўстаноў, Міжнароднай федэрацыі па дакументацыі.

Рэалізацыя ідэй міжнароднага і нацыянальнага рэтраспектыўнага бібліяграфічнага ўліку выданняў праз падрыхтоўку друкаваных зводных каталогаў (“Нацыянальны зводны каталог” (ЗША), “Агульны каталог друкаваных кніг Брытанскай бібліятэкі” і інш.).

Раздзел III. Бібліяграфія на сучасным этапе (пасля Другой сусветнай вайны) Тэма 9. Міжнароднае бібліяграфічнае супрацоўніцтва і асноўныя тэндэнцыі развіцця бібліяграфіі на сучасным этапе

Развіццё міжнароднага супрацоўніцтва ў галіне бібліяграфіі пасля другой сусветнай вайны. Уплыў інтэграцыйных культурных, сацыяльна-эканамічных, навукова-тэхнічных і іншых фактараў на паглыбленне міжнароднага супрацоўніцтва ў галіне бібліяграфічнай дзейнасці.

Міжнародныя арганізацыі, якія вызначаюць развіццё бібліяграфічнага супрацоўніцтва на сучасным этапе: ЮНЕСКА, ІФЛА, ІСО, ФІД і інш. Характарыстыка бібліяграфічных кірункаў іх дзейнасці.

Камп’ютэрызацыя бібліяграфічнай дзейнасці бібліятэк, бібліяграфічных інстытутаў, органаў навуковай інфармацыі і іншых цэнтраў. Стварэнне машыначытальных фарматаў MARC; аўтаматызаваных бібліяграфічных сістэм з міжнародным ахопам дакументаў. Перавод каталогаў у машыначытальную форму. Сістэма OCLC – як транснацыянальны онлайнавы камп’ютарны бібліятэчны цэнтр.

Міжнародныя праграмы як эфектыўны сродак фарміравання сусветных інфармацыйна-бібліяграфічных сістэм. Універсальныя міжнародныя праграмы ІФЛА. Праграма УБУ/ММ (UBCIM) і інш. Бібліяграфічныя аспекты праграм і праектаў “Усеагульная даступнасць выданняў” (ЮАП), “Універсальная перадача даных і тэлекамунікацыі” (УПДТ), “Захаванасць і кансервацыя” (РАС), “Памяць свету”, “Інфармацыя для ўсіх”, “Manuscriptorium”, “Europеana”. Галіновыя праграмы (UNISYST, NATIS, NIP).

Тэма 10. Развіццё нацыянальнай бібліяграфіі ў асобных краінах свету і рэгіёнах

Асноўныя тэндэнцыі развіцця бягучай нацыянальнай бібліяграфіі на сучасным этапе і яе значэнне для абмена бібліяграфічнай інфармацыяй ў сусветным маштабе.

Арганізацыя Рады Брытанскай нацыянальнай бібліяграфіі і пачатак выдання ў 1950 г. “Брытанскай нацыянальнай бібліяграфіі”. Улік серыяльных выданняў, аўдыёвізуальных дакументаў, артыкулаў з часопісаў і інш.

Значэнне для нацыянальнага бібліяграфічнага ўліку бібліяграфічных выданняў Брытанскай асацыяцыі кнігавыдаўцоў. Станоўчыя рысы гэтых выданняў і іх метадычныя недахопы.

Асаблівасці арганізацыі бягучага нацыянальнага бібліяграфічнага ўліку у ЗША. Кірункі бібліяграфічнай дзейнасці Бібліятэкі Кангрэса ЗША. “Нацыянальны зводны каталог” і спроба арганізаваць бягучую рэгістрацыю кніг у 1983 – 1986 гг. Асаблівасці ўліку дакументаў у паказальніках фірмаў Баўкера і Уілсана.

Развіццё бягучай нацыянальнай бібліяграфіі Францыі. Улік розных відаў дакументаў. Уліку кніг на французскай мове (паказальнік “Бібліо” фірмы Ашэт). Стварэнне “Аўтаматызаванай базы даных аб друкаваных і рукапісных дакументах Нацыянальнай бібліятэкі” (BN-OPALE).

Дзейнасць Нямецкай бібліятэкі ў Лейпцыгу (ГДР) па стварэнні “Нямецкай нацыянальнай бібліяграфіі”, Нямецкай бібліятэкі ва Франкфурце-на-Майне (ФРГ) па стварэнні “Нямецкая бібліяграфіі”. Асаблівасці бягучага нацыянальнага бібліяграфічнага ўліку ў ФРГ, звязаныя з аб’яднаннем дзвюх нямецкіх краін у 1990 г.

Сучасны стан і арганізацыя бягучай нацыянальнай бібліяграфіі ў краінах Усходняй Еўропы: Балгарыя, Венгрыя, Польшча і інш. Роля нацыянальных бібліятэк гэтых краін у яе развіцці. Аўтаматызаваныя інфармацыйныя сістэмы CABINA (Польшча), CASLIN (Чэхія і Славакія).

Асаблівасці фарміравання сістэмы паказальнікаў нацыянальнай бібліяграфіі ў краінах Азіі, Афрыкі, Лацінскай Амерыкі. Цэнтры бягучай нацыянальнай бібліяграфіі. Закон аб абавязковым экземпляры дакументаў як аснова фарміравання крыніц бягучай нацыянальнай бібліяграфіі. Прынцыпы ўліку дакументаў у гэтых крыніцах. Праблемы ўключэнне краін Азіі, Афрыкі, Лацінскай Амерыкі ў сусветны абмен бібліяграфічнай інфармацыяй.

Асноўныя кірункі развіцця рэтраспектыўнай нацыянальнай бібліяграфіі на сучасным этапе. Зводныя каталогі. Нацыянальныя рэпертуары.

Асноўныя кірункі развіцця перспектыўнай нацыянальнай бібліяграфіі на сучасным этапе.