- •Тыпы скланення назоўнікаў
- •Субстантыўнае (назоўнікавае) скланенне
- •Ад’ектыўнае (прыметнікавае) скланенне
- •Змешанае скланенне
- •Нулявое скланенне
- •Скланенне назоўнікаў Канчаткі назоўнікаў II скланення
- •Канчаткі рознаскланяльных назоўнікаў
- •Канчаткі назоўнікаў I скланення
- •Канчаткі назоўнікаў у родным склоне множнага ліку у родным склоне множнага ліку канчаткі -аў (-яў), –оў (-ёў) маюць:
- •2. Большасць назоўнікаў ніякага роду, якія адносяцца да I скланення:
- •З нулявым канчаткам ужываюцца:
- •Варыянтныя нулявы і канчаткі –оў (-ёў), -аў (-яў) дапускаюцца для:
- •У родным склоне множнага ліку канчаткі –эй (-ей), -ай маюць:
- •Варыянтныя –эй (-ей) і канчаткі -аў (-яў) могуць мець:
Тыпы скланення назоўнікаў
У беларускай мове вылучаюць субстантыўнае (назоўнікавае), ад’ектыўнае (прыметнікавае), змешанае і нулявое скланенні назоўнікаў.
Субстантыўнае (назоўнікавае) скланенне
Да субстантыўнага скланення адносяцца назоўнікі I, II, III тыпаў скланення (верасень, загадка, шыр) і рознаскланяльныя назоўнікі (імя, бацька, туляга).
Да I скланення адносяцца
а) назоўнікі мужчынскага роду з нулявым канчаткам у назоўным склоне адзіночным ліку: край, універсітэт, брат, насып, шынель, Максім, Антось;
б) назоўнікі ніякага роду з канчаткамі –о, -а, -ё, -е: сяло, жыта, жыццё, зелле,
в) пяць назоўнікаў на –мя (полымя, бярэмя, цемя, вымя, семя).
б) назоўнікі тыпу Паўло, Дняпро і назоўнікі з ацэначнымі суфіксамі (вятрыска, галасішча);
Да II скланення адносяцца
а) назоўнікі жаночага роду з канчаткамі –а, -я ў назоўным склоне адзіночнага ліку: вярба, зграя, Тамара;
б) назоўнікі агульнага роду, калі абазначаюць асоб жаночага полу: сведка Алеся, ціхоня Настасся, няўмека Саша,
в) назоўнікі мужчынскага роду з націскным канчаткам -а, -я: старшынá, Крапівá, Кузьма′;
г) назоўнікі агульнага роду, якія абазначаюць асоб мужчынскага полу, з націскным канчаткам -а, -я (тамадá Алесь Пятровіч, сарвігалавá ўнук, размазня′ паляўнічы).
Да III трэцяга скланення адносяцца
назоўнікі жаночага роду з нулявым канчаткам у назоўным склоне адзіночнага ліку: мыш, свякроў, нацыянальнасць, верф, флэш.
Да рознаскланяльных адносяцца
а) назоўнікі імя, племя, стрэмя;
б) назвы маладых істот (мышаня, кураня, дзіця),
в) назоўнікі мужчынскага і агульнага роду (калі абазначаюць асоб мужчынскага полу) з ненаціскнымі канчаткамі на –а, -я (бáцька, дзя´дзька, со´ня, праны´ра, запявáла),
г) назоўнік маці, калі пры скланенні мае ўстаўку –ер-,
Асаблівасцямі скланення вызначаюцца назоўнікі на –ын- (-ін-), -анін- (-янін-) (селянін, армянін, гараджанін), назоўнікі вока, вуха, плячо, неба.
Ад’ектыўнае (прыметнікавае) скланенне
Да ад’ектыўнага тыпу скланення адносяцца назоўнікі, якія скланяюцца, як прыметнікі: паранены, прыёмная, абязбольваючае, Гартны, Кавалеўская, Каліноўскі.
Змешанае скланенне
Да змешанага тыпу скланення адносяцца мужчынскія прозвішчы на –аў-, -еў, -оў- (ёў-), -ын- (-ін-) і жаночныя на –ав- (а), -ев-(а), -ов-(а), -ёв- (а), -ын- (а), -ін- (а), а таксама агульныя назоўнікі кабельтаў, швартоў, якія пры змяненні маюць канчаткі назоўнікаў і прыметнікаў.
Параўнаем: тапанімічныя назвы змяняюцца паводле I субстантыўнага скланення (Н. Петрыкаў, Р. Петрыкава, Д. Петрыкаву, В. Петрыкаў, Т. Петрыкавам, М. у Петрыкаве), а мужчынскія прозвішчы – паводле змешанага тыпу скланення: у творным склоне назоўнік мае канчатак прыметніка, а ва ўсіх іншых – назоўніка (Н. Петрыкаў-□ Антось, Р. Петрыкав-а Антося, Д. Петрыкав-у Антосю, В. Петрыкав-а Антося, Т. Петрыкав-ым Антосем, М. пры Петрыкав-е Антосю). Жаночыя прозвішчы ў назоўным і вінавальным склонах маюць канчаткі назоўнікаў, а ва ўсіх ускосных – прыметнікаў (Н. Кавалёв-а, Р. Кавалёв-ай, Д. Кавалёв-ай, В. Кавалёв-у, Т. Кавалёв-ай, М. пры Кавалёв-ай).
Нулявое скланенне
Да нулявога тыпу скланення адносяцца назоўнікі, якія ва ўскосных склонах маюць аманімічныя формы: рандэву, Ляўко, Кармэн, Баранавых.
Па-за сістэмай скланення знаходзяцца множналікавыя назоўнікі (цымбалы, канікулы, шпалеры, Віскулі, Сілічы), таму што ў множным ліку ў сучаснай беларускай мове адбылася ўніфікацыя канчаткаў розных скланенняў.