Беларуская дзяржаўная акадэмія мастацтваў

Паліталогія вучэбна-метадычны дапаможнік менск, 2012 выкладчык: сп. Сяргей русецкі

___________________________________________________________________________________

КАФЕДРА ГУМАНІТАРНЫХ ДЫСЦЫПЛІН: Аўд. 311 пр. Незалежнасці, 81 Менск

КАФЕДРА ПРАЦУЕ: 9.00-13.00, 14.00-18.00 ПН-ПТ

ТЭЛЕФОН КАФЕДРЫ: [phone]

E-MAIL ADDRESS: [e-mail]

(Важна! Калі ласка, пастаўце ПАЛІТАЛОГІЯ ЗАВОЧНІКІ 2012 ў радок тэмы, каб пазбегнуць спаму і надаць Вашаму лісту належную ўвагу)

SKYPE: rusiecki_siarhiej

___________________________________________________________________________________­_

“Чаму я гэтак моцна захапляюся палітыкай? <…> А чаму ж гэта я не павінен ёю захапляцца? Якая слепата, якая глухата, якая ідэалагічная тупасць былі б здольныя перашкодзіць мне захапіцца, напэўна, найбольш важным прадметам для нашага існавання, гэта значыць грамадствам, у якім мы жывем, гаспадарчымі адносінамі, у якіх яно існуе, і сістэмай улады, якая вызначае тыя законныя ўзоры дазволенага і забароненага, якія ў адпаведнасці з вызначанымі правіламі кіруюць нашымі паводзінамі? Бо, у рэшце рэшт, сама сутнасць нашага жыцця складаецца з палітычнай жыццядзейнасці грамадства, у якім мы знаходзімся”

Мішэль Фуко (Michel Foucault)

АПІСАННЕ Палітыка ў сучасным грамадстве з’яўляецца непазбежнай часткай жыцця.

Мы павінны вывучаць праявы палітычнага на ўсіх узроўнях: індывідуальным, групавым, нацыянальным і міжнародным.

Вы зможаце пазнаёміцца з асноўнымі паняццямі паліталогіі, зможаце даведацца аб розных пытаннях, якія вывучае навука пра палітыку, удасканаліць сваё крытычнае мысленне, развіць навыкі чытання спецыяльных тэкстаў.

МЭТЫ І ЗАДАЧЫ КУРСА

Мэтамі курса з’яўляюцца:

• атрыманне пэўнай сістэмы ведаў пра палітычнае;

• развіццё здольнасцей да творчага, крытычнага ўспрымання з’яў, ідэй, тэндэнцый, сімвалаў, феноменаў палітыкі;

• асэнсаванне галоўных праблем сучаснага грамадства.

Задачы па рэалізацыі мэтаў:

• разгляд асноўных напрамкаў палітычнай думкі, сацыяльнай філасофіі, якія адлюстроўваюць сутнасныя аспекты палітыкі, сацыяльнага ўзаемадзеяння ў палітычнай сферы;

• выяўленне агульных заканамернасцей палітычнай сферы жыцця грамадства, яе структуры;

• вывучэнне паліталагічных тэкстаў;.

У выніку засваення курса студэнт павінен ведаць:

• асноўныя пазіцыі, прынцыпы і метады паліталогіі, якія забяспечваюць разуменне сферы палітычнага;

• структуру палітычнай сферы;

• палітычныя праблемы сучаснасці.

КАЛЯНДАР АКТЫЎНАСЦІ І РАСКЛАД ЗАНЯТКАЎ. ТЭМАТЫЧНЫ ПЛАН

№ зан.	Дата	Час		Від актыўнасці / тэма
1	27 чэрвеня	9.00-13.15	практ.	Уводзіны. “Наіўная паліталогія”. Палітычнае як частка жыцця. Практычная дэмакратыя і парламентарызм (гульня)
2	28 чэрвеня	9.00-13.15	лекц.	Уводзіны ў палітычныя тэорыі. Паняцце палітыкі, падыходы. Палітычныя сістэмы і рэжымы. Палітычныя ідэалогіі. Дэмакратыя. Дзяржава
3	29 чэрвеня	9.00-12.20	лекц.	Нацыі і глабалізацыя. Паняцце нацыі. Нацыяналізм. Мультыкультуралізм. Сусветная палітыка. Дынаміка глабалізацыі. Рэгіяналізацыя.Унутраная палітыка.
4	1 ліпеня	9.00-12.20	лекц.	Палітычнае ўзаемадзеянне. Палітычная культура і камунікацыя. Легітымнасць. Прадстаўніцтва, выбары і галасаванне. Партыі і партыйныя сістэмы. Грамадзянская супольнасць.
5	2 ліпеня	9.00-10.35	лекц.	Механізмы дзяржаўнага кіраўнітцва. Канстытуцыі, права, судовыя сістэмы. Заканадаўчыя сходы. Выканаўчая ўлада. Дзяржаўная служба. Армія і паліцыя.
	2 ліпеня	10.45		Залік ФЭМ
	4 ліпеня	9.00		Залік ТФ

АРГАНІЗАЦЫЯ

Вашая асноўная актыўнасць будзе пазааўдыторнай. Уважліва стаўцеся да планавання свайго часу з улікам максімы “Чым больш справаў – ты больш паспяваеш”. Чытайце і пішыце болей. Думайце.