Фрагмент 3.

• Укажите, какова была судьба минского князя Глеба Всеславича.

• Отметьте, что сделал с плененными полоцкими князьями Мстислав Владимирович.

• Какие события повествуют о междуусобной борьбе Рогволода Борисовича и минских Глебовичей?

1. Полоцкий летапис

2. 12 Век (от 1132 года)

3. О межусобных войнах, принятии христианства.

1. В лето 6627. Володимер взя Менеск у Глеба у Всеславича, самого приведе Кыеву. Том же лете преставися Глеб в Киеве Всеславичь, сентября в 13.

2. [В лето 6636]. Того же лета посла князь Мьстислав с братьею своею многы Кривичы, четырьми путьми, Вячьслава из Турова, Андрея из Володимеря, Всеволодка из Городна, Вячьслава Ярославича из Клечьска, тем повеле ити к Изяславлю, а Всеволоду Ольговичю повеле ити с своею братьею на Стрежев к Борисову, Ивана Воитишича посла с Тор.кы, и сына своего Ростислава посла с Съмолоньяны к Дрютьску, рек им: «В один день всим пустити на вороп, месяца августа в первыинадесять день». Изяслав же ускори днем перед братьею, зая люди от града, они же устрашившеся передашася, а Изяславци почаша битися с Вячьславом и с Андреем. Изяслав же перестряп 2 дни у Логожьска и иде к Изяславлю, к строеви своему, водя с собою Брячислава, зятя своего, иже бяше пошел к отцю своему, и быв поореде пути и острашився не мога пойти ни семо ни онамо, и иде шюрину своему в руце и Логожаны приведе, иже бе вывел из Логожьска. И видивше Изяславчи князя своего и Логожаны, оже без пакости суть переяли, и дашася, рекше Вячьславу: «Призови ны бога, яко нас не даси на щит». И бысть вечер, Воротислав Андреев тысячькый и Иванко Вячьславль въсласта отрокы своя в город, и свитающю, увидивше вси вой, тако взяша и в ночи, и одва Мьстиславны товар ублюдоша, и то с нужею, бьючеся; и тако изворотишася с многым полоном.

Потом же и Новгородци придоша с Мьстиславичем с Всеволодом к Неклочю. И тако Полочане сътъснувшеси, выгнаша Давыда с сынъми, поемше Рогъволода идоша ко Мьстиславу, просяче его собе князем, и створи волю их Мьстислав, поемьше Роговолда ведоша и к Полотьску.

3. В лето 6637. Преставися князь полотьскый Борис.

4. [В лето 6638]. У се же лето поточи Мьстислав полотьскии князе, с женами и с детми, в Грекы, еже преступиша хрестьное целование.

5. В лето 6641. Преставися благоверный князь Мьстислав, Володимерь сын, оставив княжение брату своему Ярополку, ему же и дети свои с богом на руце предасть; преставися Мьстислав априля в 15, празной неделе в 'пяток, положен бысть у церкви святаго Федора, юже бе сам създал, а Ярополк вниде в Киев в 17й день, в неделю.

Том же лете Ярополк приведе Всеволода Мьстиславича из Новагорода, и да ему Переяславль; с завтрия же седе в нем,. а до обеда выгна Юрьи стрый его и седе в нем 8 дний, и выведе брат его Ярополк из Переяславля за хрестьное целование, и посла Ярополк по другаго Мьстивлавлича в Полтеск по Изяслава, яриведе и с клятвою.

6. [В лето 6642]. Тое же зимы Вячьслав лишився Переяславля, иде опять Турову, не послушав брата своего Ярополка.

7. [В лето 6643]. А потом Изяслава же выгна тот же Вячьслав из Турова.

8. В лето 6648. Пойде Всеволод Олговичь из Вышегорода к Кыеву, изрядив полкы, и пришед ста у города в Копыреве конци, и нача зажвгати дворы, иже суть пред городом в Козыреве конци, месяца марта в 4й день, а Вячьслав противу не изиде, не хотя крове пролияти, но створися мний и выела к нему митрополита, река ему тако: "Иди опять Вышегороду, а яз днесь иду в свою волость, а то тобе Киев". И отвори тако Всеволод, иде Вышегороду опять, в т день Вячьслав иде во свою волость в Туров. Всеволод же вниде в Киев марта 'в 5й день, с честью и славою великою, и приде к нему Игорь, бе бо Игореви обещал изъдавна дата под собою Чернигов; и не да ему, но да и Давыдовичю Володимерю, и свади братью, и тако отпусти е.

9. [В лето 6650]. В се лето посла Всеволод ко Вячеславу Володымеричу, да сядет в Переяславлю, а Святослава, сына своего, посади в Турове, а Изяслава Мстиславича з Володымере, и 'бысть распря межи князи на Всеволода и Вячеслава, и 'бысть нестроение великое и брани безконечныя; последи же Всеволод собра братию в любов, и помирися с ними, и 'розда 'им волости: Давидичем чернеговским, си ест братаничом своим, Берестя, Дорогичин, Вощиж, Ормину, Игорубрату Городец, Юриев, Рогачев, а Святославубрату Клецко, Чорториск, Изяславу Мстиславичу Переяславль, а Вячеславу Володимеричу Туров, Святославу, сыну своему, Володымер, Ростиславу Мстиславичу Смоленск.

10. [В лето 6654]. Изяслав же се слышав посла брата своего Ростислава и Всеволодича Святослава на стрыя своего Вячьслава, и отъя от него Туров, и епископа туровського Акима, и посадника его Жирослава Яванковича, и посади сына своего Ярослава в Турове.

11. [В лето 6659]. Том же лете яша Полочане Рогъволода Борисовича, князя своего, и послаша Меньску. и ту и держаша у велице нужи, а Глебовича собе уведоша; и при слашася Полотьчане к Святославу Олговичю с любовью, яко имети отцем собе и ходити в послушаньи его, и на том целоваша хрест.

12. [В лето 6662]. Ростислав Мстиславич седе на княжении Киевском, и вси ради быша ему; и даде Святославу Всеволодичу Туров и Пенск.

13. [В лето 6663]. И тако Дюрги, благодаря бога, вниде в Киев, выйде противу ему множьство народа, и седе на столе отець своих и дед, и прия с радостью вся земля Руская; тогды же, сед, раздая волости детем: Андрея посади Вышегороде, а Бориса Турове, Глеба в Переяславля, а Василкови да Поросье.

14. [В лето 6666]. Том же лете иде Изяслав на Ярославича к Турову и с ним иде Ярослав из Лучьска, и Андреевич Ярополк, и галичьская помочь, и Ростиславичь Рюрик с Смолняны, и Володимир Мьстиславичь: тому бо искаху Турова. И Полчане пришедше к Турову, пожгоша села около его, и воеваша Берендичи около Пиньска и за Припетью. И бьяхуться крепко выходячи из города, и много бываше язвеных. И многу молбу створиваше Гюрги Ярославич, высылая из города к Изяславу, река: «Брате! Прими мя в любовь к. собе»; Изяслав же того не въсхоте, но всяко хотяше под ним взяти Туров и Пинеск. И стояша около города недель 10: и бысть мор в коних, и тако не успевше ему ничтоже, възвратишася въсвояси, не створше с ним мира, и мнози пеши придоша с тое войны.

15. [В лето 6667]. Том же лете иде Рогъволод Борисовичь от Святослава от Олговича искать собе волости, поем полк Святославль, зане не створиша милости ему братья его, вземше под ним волость его и жизнь его всю; и приехав к Случьску и нача слатися ко Дрьючаном. Дрьючане же ради быша ему, и приездяче к нему вабяхуть и к собе, рекуче: «Поеди, княже, не стряпай, ради есме тобе; аче ны ся и с детьми бити за тя, а ради ся бьем за тя». И выехаша противу ему боле 300 лодий Дрьючан и Полчан, и вниде в город с честью великою, и ради быша ему людие; а Глеба Ростиславича выгнаша, и двор его разграбиша горожане и дружину его, и приде же Глеб к отцю. И мятежь бысть велик в городе в Полчанех, мнози бо хотяху Рогъволода; одва же установи людье Ростислав, и одарив многыми дарми и води я к хресту, а сам иде с Всеволодом и с Володарем и с всею братьею на Рогъволода к Дрьютьску. Рогьволод же затворися в городе, и бьяхуться крепко, и много от обоих падаху, Дрьючане же укаривахуть много. И створи мир Ростислав с Рогъволодо'м, и целоваша хрест межи собою, и прида волости Рогъволоду, и воротися Ростислав с братьею въсвояси.

Том же лете съвет зол свещаша на князя своего Полочане на Ростислава на Глебовича, и тако преступиша хрестное целование: на том бо целовали бяше хрест к нему, «яко ты нам, князь, еси и дай ны бог с тобою пожити, извета никакого же до тебе доложити и до хрестного целования». И тако съступиша еже рекше, и послашася вътайне к Рогволоду Борисовичю Дрьютьску, рекуче ему: «Княже нашь! Съгрешили есмь к богу и к тобе, оже въстахом на тя без вины, и жизнь твою всю разграбихом и твоея дружины, а самого емше выдахом тя Глебовичем на великую муку; да аще ны не помянеши всего того, иже створихом своим безумием, и хрест к нам целуеши, то мы людие твое, а ты еси нашь князь; а Ростислава ти емше вдамы в руче, а еже хощеши, то створиши ему». Рогьволод же целова к ним хрест на том, яко не помянути ему всего того, и отпусти я въсвояси. И бяху приятеле Ростиславу от Полцан, оже хотять и яти. И начаша Ростислава звати льстью у братьщину к святей богородици к старей, на Петров день, да ту имуть и; он же еха к ним изволочивъся в броне под порты, и не смеша на нь дьрьзнути. Наутрии же день начаша и вабити к собе, рекуче: «Княже! Поеди к нам, суть ны с тобою речи; поеди же к нам в город»; бящеть бо князь в то веремя на Белцици. И рече Ростислав послом; «А вчера есмь у вас был; а чему есте не молвили ко мне, а что вы было речи?»—обаче без всякого извета еха к ним у город. И се погна из города детьский его противу ему: «Не езди, княже, вече ти в городе, а дружину ти избивають, а тебе хотять яти». И ту воротися опять и съвъкупися весь с дружиною на Белчици, и оттуда пойде полком к брату. к Володареви Меньску, и много зла створи волости Полотьской, воюя, и скоты и челядью. И послашася Полчане по Рогъволода Дрьютьску, и вниде Рогъволод Полотьску месяца июля, и седе на столе деда своего и отца своего с честью великою; и тако быша ради Полчане. И потом Рогъволод съвъкупи вое многы Полчаны, и Ростислав Мьстиславичь пусти ему 2 сына в помочь, Романа и Рюрика, и Внезда, и Смолняны и Новгородци и Плесковичи, и сам бяше пошел: но вороти и Аркад епископ Новгородьский, идя из Киева. И поидоша на Ростислава к Меньску, и придоша первое ко Изяславлю на Всеволода. Всеволод же затворися в Изяславли, и оступиша в городе. Всеволод же бе имя великую любов к Рогъволоду, и на ту любов надеяся, ехав к Рогъволоду поклонися; Рогъволод же въда Изяславль Брячиславу, того бо бяше отцина, а Всеволоду да Сътрежев. И оттуда пойде к Меньску, и стоя у Меньска 10 дний, и створи мир с Ростиславом и хрест целоваша, възвратишася въсвояси; а Володарь не целова хреста, тем оже ходящс под Литвою в лесех.

16. [В лето 6668]. Том же лете ходи Рогъволод с Полтчаны на Ростислава Глебовича к Меньску; послал же бяше Ростислав из Киева помочь Рогъволоду, с Жирославом с Нажировичем, Торк 600, а ты померше голодом и придоша пеши, не дождавше мира. Рогъволод же стоя около города 6 недель и створи мир с Ростиславом по своей воли, и выстоя Володшю из поруба, а Брячислава из желез; и целоваста хрест к собе.

17. [В лето 6668]. Той же зиме ходи Мьстислав Изяславичь и Ярослав, брат его Ярополк, Андреевичь Володимир, брат его Ярополк, к Турову на Гюргя на Ярославича, и стояша пол3 неделе, и не въспевше ему ничтоже възвратишася въсвояси.

18. [В лето 6669 ]. Том же лете ходи Рогъволод ко Меньску на Ростислава на Глебовича и створи с ним мир, и възвратися въсвояси.

19. [В лето 6670]. Том же лете приходи Рогъволод на Володаря с Полотьчаны к Городцю, Володарь же не да ему полку в дне, но ночь выступи на нь из города с Литьвою, и много зла створися в ту ночь, онех избиша, а другыя руками изоимаша множьство, паче изъбьеных; Рогъволод же въбеже в Случьск, и ту быв 3 дни, иде в Дрьютеск, а Полотьску не сме ити: занеже множьство погибе Полотчан; Полотчане же посадиша в Полотьски Василковича .

20. [В лето 6670]. В то же лето Рурик Ростиславич и Святополк Юриевич Туровский, и Святослав, и Ярослав Всеволодичи, и Олег Святославич, и Борис Володымерич, и кривекии князи, поидоша ко Слуцку на Володымера Мстиславича, Ростиславля брата; Володымер же видя силу их и не хотяше кровопролития, пусти им Слуцк, а сам пойде в Киев к Ростиславу брату, Ростислав же даде ему Триполь и инныя чтыри городы.

21. .[В лето 6673 ]. Том же лете Давыд Ростиславичь седе Витебьски, а Романови, Вячеславлю внуку, да Ростислав Васильев и Краснъ.

22. [В лето 6675]. Том же лете пойде Володарь Глебовичь к Полотьску ратью; Василковичь же Всеслав пойде противу ему с Полчаны. Володарь же уведав, оже идуть противу ему, не да ему съвъкупитися и вдари на них изнезапы, и много их изби, а инех руками изоимаша; Всеслав же бежа Витебьску. Володарь же вниде в Полтеск и целова хрест с Полтьцаны, и пойде Витебьску на Давыда и на Всеслава, и пришед ста на реци, и начаша ся бити о реку; Давыд же тем не да ему полку, занеже ждаше брата своего Романа с Смолняны. Се же дивно сдеяся: в полунощи бысть гром силен, яко воем бродящимъся через реку, и страх нападе на воя Володаревы. И рекоша Дружина Володареви: «Что стбиши, княже, не поеда прочь? А се ти ся Роман бродить, а отсюда Давыд»; и побеже Володарь от Витебьска. И заутра съгляда Давыд, оже Володарь бежал, и пусти по них, и не постигоша их, но по лесу блудящих много изоимаша; а Всеслава посла Полотьску.

23. В лето 6686. Прислаша Новгородци муже свои ко Мьстиславу к Ростиславичю …

И на весну съдума с мужи своими, пойде на Полтьск на зятя на своего на Всеслава: ходил бо бяше дед его на Новгород, и взял ерусалим церковный и сосуды служебные, и погост один завел за Полтеск. Мьстислав же все то хотя оправити Новгородьскую волость и обиду, и пришедшю ему на Лукы с вой Новгородьскими, услышав же то Роман, брат его, во Смоленьски, посла сын свой Мьстислав Полотьску к зяти своему в помочь; а к брату своему Мьстиславу посла мужь свой, река ему: «Обиды ти до него нетуть, но же идеши на нь, то первое пойтить на мя»; он же не хотя вередити сердца брату своему старейшему, возвратися в Новъгород.

24. [В лето 6688]. Сдумав же Ярослав с Игорем, поидоста к Дрьютьску, поемше с собою Половце, а Всеволода Игорева брата оставиша Чернигове и Олга Святославича. И придоша полотьскии князи в стретение, помагающе Святославу: Василковича, Брячьслав из Витебьска, брат его Всеслав с Полочаны, с ними же бяхуть и Либь и Литва, Всеслав Микуличь из Логажеска, Андрей Володьшичь и сыновець его Изяслав, и Василко Брацьславичь, — снемшеся вси пойдоша мимо Дрьютьск противу Святославу. И въеха Давыд князь Смоленьский в Дрьютьск со всим полком своим, совокупився с Глебом с Рогъволодичем, и пойде за Ярослава, и хотяшеть Давыд Ярославу и Игореви полк дати до Святослава; Ярослав же и Игорь не смеяста дати полку Давыдови без Святослава, ино идоша во твердая места и стояша межи собою неделю, обапол Дрьюти: но от Давыдова полку приеждивахуть стрелци и бьяхуться с ними крепко. Посем же Святослав приеха с Новгородьчи, и ради быша ему братья его и перегатиша Дрьють, хотяче ехати ко Давыдови; Давыд же заложися ночью и бежа Смоленьску. Святослав же приступи ко Дрьютьску и пожьже острог, и оттоле пусти Новгородьце, а сам пойде к Рогачеву,,из Рогачева поёха по Днепру к Кыеву.

25. [В лето 6703]. Тое же зимы, в великое говение, сдумав Ярослав Всеволодичь князь черниговьский с братьею своею, переступив крестное целование, на чем же бяшеть умолвил с Рюриком и крест к нему человал, како не воеватися до ряду, доколе же съездят поели Всеволожи и Давыдови, Ярослав же, не дождав ряду, посла сыновця своя ко Витебьску, на зятя на Давыда; Рюрика в Кыеве не бяшеть, но ехал бе Въручий своих деля орудей, распустив братью свою и дружину свою, и има веру крестному.целованию. Олговичи же, не доехавше Витебьска, воеваша Смоленьскую волость. Слышав же Давыд Олговича, посла Мьстислава Романовича, сыновця своего, и Ростислава Володимерича с полком своим, и рязаньского княжича зятя своего Глеба со Смолняны, противу им; и бысть на другой неделе поста, во вторник, на обедне, потрясеса земля; того же дни полци устретошася обои. Олговичи же устерегшеся и снарядивше полкы своя, и сташа противу им, отоптавшеся во снегу, бе бо снег велик. Мьстислав же и дружина его узревше я, близ бе лес, и тако не изрядивше полков своих, наборзе устремившеся на них и поткоша к ним, и съшибошася со Оптовым полком, и стяги Олговы потапташа и сына его Давыда изсекоша. И тысячьский Михалко Давыдов со Смоленским полком наряжен бяшеть на Полотьскый полк, бяхуть бо полотьскии князи помогающе Олговичем; Смолняне же не доехавше их поскочиша. Полочани же видевше Мьстиславя одоляюща Олгови, и не гнаша во след Смолнян, но увернувшеся и удариша в тыл полка Мьстиславля и потопташа и. Мьстислав бо не бе ту, но загнал бе с передними во след полка Олгова, и возвратися ко своим, мнев яко уже победив Олга, а не веды своих побеженых, и творя своя въеха в ратныя; и познавше Полчане яша и. Ростислав же Володимеричь, и Давыдова дружина, и рязаньский княжичь зять Давыдов, гонивше по Олговичех и возвратишася ко своим, и видиша стягы своя потаены от Полочан, и воэмятьшеся бежаша во Смолнеск ко Давыдови, и прочий с ними. Олег же Святославичь видив, ажь Полочане потоптале стяги Мьстиславли, и возвратися к ним, и приехав виде Мьстислава пятого, и обрадовася, испроси у Бориса у дрьютьского князя Мьстислава Романовича; и посла весть ко строеви своему к Чернигову ко Ярославу и к братьи своей, и поведа им: «Мьстислава есмь ял и полк его победил, и Давыдов полк Смолняны, и сказывають ми Смолняне изыимани, ажь братья их недобре с Давыдом; а ныне, отче, с якого ны веремени не будеть пакы; а поеди не стряпая, совокупив братью свою; ныне возмем честь свою». Се же слышав, Ярослав и вси Олговичи, обрадовашася и поехаша ко Смоленьску изъездом. Се же слышав, Рюрик, и посла изо Вручего перекы к нему со крестьными грамотами, река ему: «Ажь еси поехал брата моего убить и обрадовался еси сему, то уже соступилъся еси ряду и крестного челования; а се ти крестьныя грамоты; а ты пойди ко Смоленьску, а яз к Чернигову, да како нас бог разсудить и крест честный. «Се же слышав, Ярослав и не поеха ко Смоленьску, но возвратися опять в Чернигов; и посла посол свой к Рюрикови, оправливаяся во крестное челованье, а Давыда винить про Витебьск, аже помогаеть зяти своему. Рюрик же рече ему: «Яз ся Витебьска съступил тобе, и посол был свой послал есмь ко брату Давыдови, поведан ему, ажь есмь соступилъся Витебьска тобе; ты же того не до ждав, послал еси сыновця своя ко Витебьску, сыновци же твои идуци воеваша Смоленьскую волость, Давыд же слышав рать и послал Мьстислава сыновца своего». И тако бывши межи ими распре мнози и речи велице, и не уладишася.