3. Талунъя лирикалöн чужöмбан.

1 № лекция. Öтув пасъяс.Выль либö выльпöв коми поэзияö пыртöм образъяс (еджыд вичко, öзйысь сись, сöстöм ты, öтка сьöлöм, ен). Важысянь коми литературалы лöсялана образъяс выль ногöн восьтöм (чужан му, коми кыв, гöрд пелысь, еджыд кыдз, сöдз зарни ёль, лöз синъяс, муса ныв, дона мам). В.Тиминлöн «Мича Ёма» кывбур чукöрын нывбаба образ. М. Елькин кывбуръясын публицистика сяма кывбуръясын öнiя олöмысь серпасъяс да найöс донъялöм. «Öтувъя керка» кассетаа небöг. Öнiя коми лирикаын рытыв Европаса да ылi асыввывса поэзиялöн пасъяс (Г.Бутырева, О. Уляшев).

2 № лекция. Лирика геройлöн олöм кылöм. Пемыд да югыд. Челядьдыр казьтылöм, чужанiнö кыскöм. А.Лужиков кывбуръяслöн мифопоэтика образъяс. Пемыдлöн да югыдлöн оппозиция.

Е.Козлов кывбуръяслöн нора да лöнь, элегия сяма юргöм. Вöт мотив.

А.Ельцова лирикаын туй мотив. Том нывлöн олöм кылöм.

3 № лекция. Рифматöм стих. Г.Бутыревалöн рифматöм поэзия. Метафоралöн, мöдпöвъёвтöмлöн, синтаксис öтвесьтасалöмлöн ыджыд тöдчанлун. Лирика героинялöн ас ритмöн олöм, чужан мукöд да став миркöд йитöд. Поэтическöй билингвизм. Е. Козловлöн, Н. Обрезковалöн, А. Ельцовалöн рифматöм кывбуръяс.

1 № ПРАКТИЧЕСКÖЙ ЗАНЯТИЕ

Рифматöм коми поэзия (Öнiя рифматöм кывбуръяслöн 1920-öд вояскöд йитöд да аслыспöлöслун; Г.Бутыревалöн верлибрын «сьöлöма мöвп», челядьдыр кад, муюгыдлöн метафораа серпас, художествоа мöдпöвъёвтöмлöн, синтаксис öтвесьтасалöмлöн тöдчанлун).

2 № ПРАКТИЧЕСКÖЙ ЗАНЯТИЕ

А.Лужиков творчествоын мифопоэтика образъяс

3 № ПРАКТИЧЕСКÖЙ ЗАНЯТИЕ

Е.Козловлöн элегия сяма лирика (Лирика сюжет подулын вöт, казьтылöм, элегиялы лöсялана кыввор, синтаксис, нормöдан интонация).

4 № ПРАКТИЧЕСКÖЙ ЗАНЯТИЕ

Аньяслöн поэзия. А. Мишарина, Г. Бутырева, Н. Обрезкова, А.Ельцова; А.Шомысовалöн, Е.Афанасьевалöн кывбуръяс.

Студентлы колö тöдны лирика родлысь аслыспöлöслунсö; велöдан кадся коми лирикалысь сюрöссö, торъялöмсö.

Студентлы колö кужны гöгöрвоöдны лирика родлысь аслыспöлöслунсö; восьтыны велöдан кадся коми лирикалысь сюрöссö, аддзыны сылысь воддза кадся лирикакöд öтувъялунсö да торъялöмсö.

АСШÖР УДЖ

1. Орччöдны öнiя коми да роч лирикалысь аслыспöлöслунсö.

2. Видлавны ас бöрйöм серти кывбуръяс. Велöдны 2-3 кывбур.

Литература Быть колана

1. Латышева В.А. Коми кывлöн вын да мич // Коми литература историяысь: Учеб.пособие. Сыктывкар, 1995.

2. Лейдерман Н.Л. Современная русская литература: 1950-1990-е г.г. в 2-х т.: Учебное пособие для вузов. М., 2003.

3. Федотов О.И. Основы теории литературы: Учебное пособие для студентов высш. учеб. заведений: В 2 ч. М., 2003.

Содтöд

1. Дёмин В.Н. Том поэзиялöн философия // Войвыв кодзув. 1994. №4. 68-77 л.б.

2. Дёмин В.Н. На небе звезда… Введение в теорию и историю коми поэзии. Сыктывкар, 1995. С. 227-237; 255-268.

3. Дёмин В.Н. «Лолöй лэбö югыд енэж шöрöд…» (А.Лужиковлöн поэзия йылысь) // Войвыв кодзув. 1997. №4. 71-75. л.б.

4. Дёмин В.Н. «Пипилисты сöкöлöй, кытчö меысь лэбöмыд». Коми поэзия йылысь пасйöдъяс // Войвыв кодзув. 1999. №4. 69-73 л.б.

5. Дёмин В. Новое и традиционное в современной коми поэзии // Ассоциация финно-угорских литератур. Инф. Сборник. №3. Сыктывкар, 1998. С. 40-53.

6. Кузнецова Т. Аслас ордымöд // Войвыв кодзув. 1989. №5. 56-57 л.б.

7. Латышева В.А. Г.Бутыревалöн кывбуръяс // Миян кывным мыйöн шыасяс… Сыктывкар, 1991. 153-157 л.б.

8. Образцы изучения лирики: Учеб. пособие:В 2 ч. / Сост. Т.Л.Власенко, Д.И.Черашняя. Ижевск, 1997.

9. Современная коми литература: проблематика, герой, стиль. – Сыктывкар, 2004. (Тр. Инс-та языка, литературы, истории УрО РАН; Вып. 64.) .

10. Уляшев О.И. Вичко лэптöм. (Е.Козловлöн поэзияын жыннян гор) // Арт. 1997. 82-84 л.б.

4. Öнiя драматургия. В.Лекановлöн, Н.Белыхлöн, Г.Юшковлöн, А.Ларевлöн, А.Поповлöн теш да драма тэчан киподтуй. Ирония, бöрдöм сора серам, жальпырысь нюмъялöм, «сьöд юмор».

Важ коми олöмысь идеал корсьöм, фольклор подув вылын гижöдъяс тэчöм. А.Поповлöн «Туналöм ордым» пьеса. Коми мойдъяс серти Г.Юшковлöн «Ен ныв» кывбура драма.

А.Ларевлöн «Кор йиркакылiс гым-чард» фантастическöй трагикомедия. Выль пöлöс персонажъяс – коммерсант Петухов Демокрит, секретарша Василиса.

А.Поповлöн «Мыйсяма йöз», «Ойя да Ойя», «Вой, кодi некор эз вöвлы», «Туналöм ордым» пьесаясын лоöмторъяссö сукмöдöм, збыльсö вöвлытöмыскöд йитöм, олöм сьöмöссö аллегория пыр восьтöм. Персонажъяслöн бур да лёк костас йöршитчöм лов, морт ногöн олан туй воштöм да сiйöс аддзыны эбöстöмлун. Песаясын коми мифология пыр öнiя мортöс петкöдлöм. Авторлöн коми олöм вылö видзöдлас. Геройяс сёрниын экспрессия. Серпаса посниторлöн (кытш, ен образ, челядь гöлöс, дорыш визь) авторлысь видзöдлассö восьтöмын тöдчанлун. 1990-öд воясся коми пьесаясын курыд мöвпъяс.

ПРАКТИЧЕСКÖЙ ЗАНЯТИЕ

Öнiя коми драматургия жанръяс (теш, драма, фантастическöй трагикомедия, «öти акта пьеса»).

Студентлы колö тöдны драма родлысь да жанръяслысь аслыспöлöслунсö; öня кадся коми драмалысь россияса драматургиякöд öтувъялунсö да торъялунсö; гижöдъяслысь сюрöссö.

Студетнлы колö кужны гöгöрвоöдны драма родлысь да жанръяслысь аслыспöлöслунсö; öня кадся коми драмалысь россияса драматургиякöд öтувъялунсö да торъялунсö; видлавныгижöдъяссö.

АСШÖР УДЖ

1. Орччöдны öнiя коми да роч драматургиялысь пасъяссö.

2. Видлавны öти коми авторлысь пьеса.