- •Зацверджана
- •2. Прадмет, мэты I задачы дзейнасцi унiверсiтэта
- •3. Калектыў універсітэта
- •4. Арганізацыя вучэбнага працэсу
- •5. Арганізацыя ідэалагічнай і выхаваўчай работы
- •6. Арганізацыя навукова-даследчай работы
- •7. Кіраванне універсітэтам
- •8. Структура універсітэта
- •9. Рэдакцыйна-выдавецкая дзейнасць універсітэта
- •10. Міжнародная дзейнасць універсітэта
- •11. Фінансаванне і матэрыяльна-тэхнічная база
- •12. Улік і справаздачнасць, кантроль за дзейнасцю універсітэта
3. Калектыў універсітэта
33. Калектыў Універсітэта ўключае педагагічных (у тым ліку прафесарска-выкладчыцкі састаў), навуковых і іншых работнікаў, а таксама навучэнцаў.
34. Членам калектыву Універсітэта даецца права:
удзелу ў дзейнасці Універсітэта і вырашэнні задач яго перспектыўнага развіцця;
выбірання і выбрання ў Савет Універсітэта, саветы структурных падраздзяленняў Універсітэта;
карыстання вучэбна-навуковай, матэрыяльнай і сацыяльнай базай Універсітэта;
на бяспечныя ўмовы працы і вучобы ў адпаведнасці з заканадаўствам Рэспублікі Беларусь;
стварэння ва Універсітэце прафесійных саюзаў, іншых грамадскіх арганізацый (аб’яднанняў), дзейнасць якіх не супярэчыць заканадаўству Рэспублікі Беларусь.
35. Члены калектыву Універсітэта абавязаны:
прытрымлівацца гэтага Статута, выконваць правілы ўнутранага распарадку і правілы ўнутранага працоўнага распарадку Універсітэта, зацверджаныя рэктарам;
добрасумленна і ў поўным аб’ёме выконваць патрабаванні службовых інструкцый, працоўных дагавароў (кантрактаў), іншых дакументаў, рэгламентуючых дзейнасць членаў калектыву Універсітэта;
сістэматычна павышаць свой прафесійны, навуковы, агульнакультурны ўзровень, не меней чым адзін раз у пяць гадоў праходзіць павышэнне кваліфікацыі;
не дапускаць парушэння працоўнай дысцыпліны, своечасова і якасна выконваць загады рэктара Універсітэта;
не дапускаць дзеянняў, што зневажаюць чалавечую годнасць ці перашкаджаюць іншым членам калектыву выконваць свае службовыя абавязкі і абавязкі студэнтаў, аспірантаў, слухачоў;
беражліва адносіцца да маёмасці Універсітэта;
захоўваць патрабаванні тэхнікі бяспекі, вытворчай санітарыі і пажарнай бяспекі.
36. Іншыя правы і абавязкі членаў калектыву Універсітэта рэгулююцца заканадаўствам Рэспублікі Беларусь і лакальнымі нарматыўнымі прававымі актамі Універсітэта.
4. Арганізацыя вучэбнага працэсу
37. Змест адукацыйнага працэсу вызначаецца адукацыйнымі стандартамі, тыпавымі вучэбнымі планамі і праграмамі, зацверджанымі Міністэрствам адукацыі Рэспублікі Беларусь, распрацаванымі на іх аснове і зацверджанымі Універсітэтам вучэбнымі планамі і праграмамі.
38. Навучанне ва Універсітэце ажыццяўляецца на аснове інтэграцыі вучэбнага працэсу з навуковай і (або) творчай, даследчай дзейнасцю выкладчыкаў і студэнтаў.
39. Мовамі навучання і выхавання ва Універсітэце з'яўляюцца беларуская і руская мовы. Замежная мова можа быць выкарыстана як мова навучання для пэўнай катэгорыі замежных студэнтаў.
40. Залічэнне, адлічэнне, аднаўленне і перавод навучэнцаў ажыццяўляецца Універсітэтам у парадку і на падставах, устаноўленых заканадаўствам Рэспублікі Беларусь.
41. Навучанне ва Універсітэце ажыццяўляецца ў вочнай (дзённай і вячэрняй), завочнай (у тым ліку дыстанцыйнай) формах атрымання адукацыі.
42. Навучанне ва Універсітэце ажыццяўляецца:
за кошт сродкаў рэспубліканскага бюджэту;
на ўмовах аплаты фізічнымі ці юрыдычнымі асобамі ў адпаведнасці з заключанымі дагаварамі.
43. Ва Універсітэце ўстанаўліваюцца наступныя віды вучэбных заняткаў: лекцыі, лабараторныя, практычныя і семінарскія заняткі, кансультацыі.
44. Правядзенне вучэбных заняткаў, курсавога і дыпломнага праектавання, кантрольных работ, вучэбных і вытворчых практык, бягучая і выніковая атэстацыя навучэнцаў ажыццяўляецца ў адпаведнасці з заканадаўствам Рэспублікі Беларусь.
45. Рэжым заняткаў навучэнцаў устанаўліваецца ва Універсітэце лакальнымі нарматыўнымі прававымі актамі.
46. Для студэнтаў дзённай формы атрымання адукацыі два разы ў год устанаўліваюцца канікулы. Час і працягласць канікул вызначаюцца вучэбнымі планамі ў залежнасці ад курса і спецыяльнасці.
47. Арганізацыя адукацыйнага працэсу аспірантаў і слухачоў ажыццяўляецца ў адпаведнасці з заканадаўствам Рэспублікі Беларусь.