№	Бөлімнің атауы	Бет
	Пәннің оқу бағдарламасы (syllabus)	3
	Оқытушы туралы мәліметтер	5
	Пәннің пререквизиттері мен постреквизиттері	5
	Курстың мақсаты мен міндеттері	5
	Оқу сабақтарының графигі	6
	Дәріс сабақтарының тақырыптық жоспары	7
	Семинар сабақтарының тақырыптық жоспары	10
	СОӨЖ орындау және тапсыру графигі	12
	СӨЖ орындау және тапсыру графигі	14
	Тәжірибелік сабақтарды оқу бойынша әдістемелік ұсыныстар	15
	Негізгі және қосымша әдебиеттер тізімі	16
	Глоссарий	20
	Білімді бағалаудың жалпы шкаласы	20
	Келісу, танысу, өзгерістерді тіркеу, мерзімді тексерулерді тіркеу парағы	21
	Дәрістер тезисі	23

Оқытушы туралы мәліметтер

Нуркеева Динара Рабаниевна заң ғылымдарының магистрі, Е.А.Бөкетов атындағы Қарағанды мемлекеттік университетін «Заңтану» мамандығын аяқтаған.

Оқытушының ғылыми бағыттары: Криминалистика, жедел іздестіру қызметі.

Кафедра туралы мәліметтер: Астана қаласы Қорғалжын шоссесі 8, Қазақ гуманитарлық заң университеті, қылмыстық іс жүргізу және криминалистика кафедрасы, к. 352.

Байланыс мәліметтері: 8 (7172) 703045 –жұмыс телефоны,[e-mail]

Пәннің пререквизиттері: қорғау органдары; қылмыстық құқық; қылмыстық іс жүргізу құқығы; жедел іздестіру қызметінің теориясы; Қазақстан Республикасындағы прокурорлық қадағалау; криминология.

Пәннің постреквизиттері:криминалистикалық техниканың дамуының жаңа бағыттары; сот және сот төрелігі: тәжірибе, қазіргі кезең, перспективалар; қылмыстық істерді тергеу бойынша арнаулы практикум; тергеу әрекеттері, Қазақстан Республикасындағы адвокатура және адвокаттық қызмет, сот сараптамасы.

Пәнді оқытудың мақсаты

«Криминалистика» пәнін оқытудың мақсаты қылмысты ашу, тергеу және алдын алу үшін криминалистік техника, тактика және тергеу әдістемесін жеткілікті меңгерген, сот өндірісінде ақиқатты танудың жолдарын және құралдарын үйренген, кәсіби білікті заңгер мамандарды дайындау.

«Криминалистика» пәнін студенттердің дұрыс ұғынуы қылмыстылықпен күресті күшейтуді, қылмыстарды тергеу және ашу кезінде ғылыми негізделген, тергеу-криминалистикалық тәжірибелік қызметте өзін ақтаған тактикалық әдістер мен техникалық криминалистикалық құралдарды пайдалануға мүмкіндік береді. Қазіргі кезеңдегі криминалистиканы дұрыс меңгеру үшін қылмыстық құқық, қылмыстық іс жүргізу құқығы бойынша негізгі білімдер болуы керек.

Пәнді оқытудың міндеттері

Криминалистиканы үйренудің міндеттері студенттердің қылмыстарды ашу, тергеу және болдырмауға бағытталған ғылыми негізделген ұсынымдарды меңгеру, криминалистикалық техникалық құралдардың қылмыстарды тергеудегі маңыздылығын көрсету, оларды пайдалануды үйрету, тергеу әрекеттерін жүргізу тактикасын ұғыну, жекелеген қылмыстарды тергеу әдістемесін меңгеру болып табылады. Сонымен бірге, пән бойынша негізгі анықтамаларды білу, түсіну, криминалистиканың негізгі ұғымдарын қамту, теориялық және практикалық материалдармен жұмыс істей білу есептеледі.

Студенттердің міндеттері

«Криминалистика» пәнін тыңдайтын студенттердің міндетіне, ең алдымен, келесілер кіреді:

аталған пән бойынша дәрістерге қатысу және конспектілеу;

семинар сабақтарының барысындағы белсенділік және білімге құштарлық;

аралық бақылауды дер кезінде тапсыру (тестілеу, жазбаша бақылау жұмыстарын орындау, коллоквиумдар) және қорытынды бақылау (сынақ, емтихан).

«Криминалистика» пәні бойынша білім мен дағдыларды иелену үшін, студенттер оқытушының тапсырмаларын, өзіндік жұмыстарға дайындалған тапсырмаларды өз уақытында және нақты орындауы тиіс. Студенттер оқытушы ұсынған негізгі және қосымша әдебиетпен танысуы керек. Тапсырмаларды орындау үстінде, сондай-ақ бақылау және курстық жұмыстарын дайындау кезінде студенттер қойылған міндеттерді шығармашылық ынталылықпен жұмыс істеу керек. Қазақстан Республикасының нормативті-құқықтық базасын және сот дәлелдемелер теориясы бойынша ғылыми әдебиетті сыни тұрғыдан оқып үйрене отыра, студенттер зерттелетін сұрақтар бойынша өзінің ой пікірін айтуы және тұжырымдарын дәлелді түрде негіздеу қажет.

Курстың компоненттеріне және оны оқуға қойылатын негізгі талаптар

Тапсырмаларды орындау аптасына кем дегенде 3-4 сағат уақытты алуы тиіс. Кеңесу кестесіне сәйкес оқытушымен тұрақты негізде консультациялар жүргізіледі. Әрбір сабаққа мұқият дайындалу керек, өйткені әртүрлі ғылыми еңбектерді пайдалана отырып, түрлі ғалымдардың пікірін талдаймыз. Кестеде көрсетілген тақырыпты талдау барысында өткен тақырыптарды алдын ала қарап, қайталау қажет. Аудиторияда өткізілетін сабақтарда ситуативті есептерді шешу түріндегі тапсырмалар орындалып, оның нәтижелері келесі сабақта хабарланады.

Жазбаша реферат алдын ала таңдалған тақырып бойынша орындалып, құрамы келесілерден тұрады: кіріспе, негізгі бөлім, қорытынды, әдебиеттер тізімі, қажет жағдайларда кесетелер, схемалар түріндегі қосымшалар. Әдебиеттер тізімі келесілерді қамтуы тиіс екендігін айту қажет:

1) нормативті-құқықтық актілер;

2) негізгі әдебиет;

3) қосымша әдебиет.