- •Уводзіны
- •Літаратура
- •Жывапіс
- •Гістарычны жанр.
- •Пейзаж.
- •Партрэтны жывапіс
- •Бытавы жанр
- •Манументальна-дэкаратыўны жывапіс
- •В. Дунін-Марцінкевіч
- •Дзейнасць рускіх і іншых тэатраў
- •Аматарскі тэатр
- •Архітэктура
- •Палацава-сядзібнае дойлідства
- •Манументальнае культавае дойлідства
- •Грамадзянская архітэктура.
- •Спіс выкарыстоўванай літаратуры
МІНІСТЭРСТВА АДУКАЦЫІ РЭСПУБЛІКІ БЕЛАРУСЬ
ІНСТЫТУТ БІЗНЕСУ І МЕНЕДЖМЕНТУ ТЭХНАЛОГІЙ БЕЛАРУСКАГА ДЗЯРЖАЎНАГА УНІВЕРСІТЭТУ
ФАКУЛЬТЭТ БІЗНЕС-АДМІНІСТРАВАННЕ
№ 112
Рэферат
Літаратура, жывапіс, тэатр і архітэктура ў другой палове ст.
Буднік Алена Юр’еўна
Работу праверыў старшы выкладчык
Сцебурака Анатоль Мікалаевіч
Мінск, 2011
Змест
Уводзіны
Тэма майго рэферата вельмі шырокая. Наконт культуры, тым больш другой паловы ст., можна размаўляць доўгі час. Гэта даволі-такі цяжкі перыяд развіцця белпрускай культуры таму, што значны ўплыў на яе развіццё аказвае спачатку пераважна польская, а пазней, асабліва ў 1860-х гг. – руская культура. Беларуская культура сутыкаецца з жорсткім прыгнётам з боку царскай ўлады, якая імкнецца даказаць, што Беларусь з’яўляецца заходняй часткай Расійскай імперыі, а яе насельніцтва не мае сваёй этнічнай асаблівасці. Але нягледзячы на гэтыя цяжкасці беларуская культура квітнела.
Напрыклад, у літаратуры пачынае фарміравацца стыль крытычнага рэалізму, які прадстаўлены ў Ф.Багушэвіча, А.Гурыновіча, Я.Лучыны. Іх творы дэманструюць абуджэнне нацыянальнай самасвядомасці.
У беларускім жывапісе ўсё больш яскрава праступаюць рэалістычныя тэндэнцыі. У Пецярбургу складваецца своеасаблівая беларуская мастацкая школа. У жанравай разнастайнасці жывапісу вызначаюцца пейзажы А.Гараўскага, гістарычныя палотны К.Альхімовіча, І Трутнёва, бытавыя і партрэтныя работы Н.Сілівановіча.
У архітэктуры адбываецца росквіт новага накірунку – “гістарызму” (электрызму). Ён вызначаецца спалучэннем розных так званых неастыляў – раманскага, готыкі, барока, класіцызму, псеўдавізантыйскага і інш. Пашыраецца выкарыстанне ў будаўніцтве новых матэрыялаў – чыгуну, жалезабетону, цэменту, фабрычнай дахоўкі. З’яўляюццаіновыя тыпы будынкаў – чыгуначныя вакзалы, 3 – 4 - павярховыя даходныя дамы.
Тэатр набывае усё большую папулярнасць сярод беларусаў.
Літаратура
Як і заўсёды, пісьменнікі пішуць на тую тэму, якая актуальна ў іх час. Так, другая палова ст. не выключэнне. Тым больш, яна была насычана падзеямі.
Каліноўскі Вікенцій Канстанцін Сямёнавіч (псеўд. Яська гаспадар з-пад Вільні, Хамовіч, Вітажэнец і інш. 2.2.1838-22.3.1864;). Разам са сваім сябрам В.Урублеўскім, беларускім паэтам Ф.Ражанскім і інш. паплечнікамі па гродзенскай арганізацыі летам 1862 ён распачаў выданне першай у гісторыі Беларусі нелегальнай рэвалюцыйна-дэмакратычнай газеты “Мужыцкая праўда”. На працягу 1862-63 удалося выдаць 7 нумароў, аўтарам і рэдактарам большасці з якіх быў Каліноўскі. “Мужыцкая праўда” ўпершыню на беларускай мове несла рэвалюцыйна-дэмакратычныя ідэі ў асяроддзе сялянства, рыхтавала яго да паўстання. Каліноўскі асабіста ўдзельнічаў у распаўсюджванні газеты. У час следства і суда Каліноўскі напісаў і здолеў перадаць на волю “Пісьмы з-пад шыбеніцы” – сваё ідэйна-палітычнае завяшчанне, яскравы мастацка-публіцыстычны твор, дакумент рэвалюцыйна-дэмакратычнай ідэалогіі.
Багушэвіч Францішак Бенядзікт Казіміравіч (псеўд. Мацей Бурачок, Сымон Рэўка з-пад Барысава; 21.3.1840-28.4.1900). Яшчэ пры жыцці паэта пад псеўданімамі былі надрукаваны вершаваныя зборнікі “Дудка беларуская”(Кракаў, 1891) і “Смык беларускі”(Познань, 1894), апавяданне “Тралялёначка”(Кракаў, 1892). Багушэвіч – першы, хто найбольш поўна і паслядоўна выказаў наспелую патрэбу ў існаванні нацыянальнай літаратуры і эстэтыкі. Новыя рысы ў трактоўцы народа знайшлі выразную аналогію ў мастацкай творчасці Багушэвіча як увасабленне пачуцця глыбоувй любові дв роднага краю, вернасці свайму народу і зямлі (“Мая хата”, “Свая зямля”). Турма як самы яркі сімвал несвабоды выступае ў вершаванай аповесці “Кепска будзе!”
Гурыновіч Адам Гіляры Калістравіч (25.1.1869-4.2.1894). Беларускі паэт-дэмакрат, фалькларыст, рэвалюцыянер. Працаваў над пытаннямі грамадскага жыцця. У гісторыю роднай літаратуры ўвайшоў як паэт-рэвалюцыянер, пясняр народнай нядолі, які заклікаў да рашучай барацьбы з панамі і самаўладствам, першы з беларускіх літаратараў звярнуўся да рабочай тэмы. Ён адзін з пачынальнікаў беларускай дзіцячай паэзіі. Перакладаў на беларускую мову творы А.Пушкіна, І.Крылова, А.Міцкевіча, Э.Ажэшкі і інш. Значная частка творчай спадчыны Гарэўскага загінула.
Лучына Янка (сапр. Неслухоўскі Іван Люцыянавіч; 6.7.1851 – 16.7.1897). Паэт-дэмакрат, мысліцель. У 1886 у газеце “Мінскі лісток” надрукаваны яго верш “Не дзеля славы ці разліку”, там жа ўпершыню выступіў з беларускамоўным вершам “Вясновай парой”(1889). Друкаваўся таксама ў “Паўночна-Заходнім каляндары за 1893 год”, польскіх часопісах і штоднёвіках “Польскі голас”, “Калоссе” і інш. Першы зборнік вершаў “Паэзія” выдадзены ў 1898 у Варшаве. Аўтар згубленых беларускамоўных паэм “Пятруся”, “Віялета”, “Гануся”, “Андрэй”. Адметнымі рысамі мастацкай творчасці Лучыны, асновай яго маральна-эстэтычнай пазіцыі з’яўляюцца гуманістычная накіраванасць, дэмакратызм і арганічнае зліццё яго жыцця з жыццём народа.
Багдановіч Адам Ягоравіч (20.3.1862 – 16.4.1940). Беларускі фалькларыст, этнограф і мовазнавец. У зборніках акадэміі навук і інш. выданнях былі апублікаваны яго навуковыя артыкулы і матэрыялы па беларускім фальклоры і этнаграфіі. Асобным выданнем выйшлі яго кнігі “Пра паншчыну”(1894), “Перажыткі старажытнага светасузірання ў беларусаў”(1895). Шматлікія працы багдановіча на самыя розныя тэмы сведчаць пра вялікую эрудыцыю аўтара.
Каганец Карусь (Будзімір, К.Шашаль; сапр. Кастравіцкі Казімір Карлавіч; 10.2.1868 – 10.5.1918). Празаік, паэт, драматург, мастак. Літаратурную дзейнасць пачаў у канцы 19 ст. Самыя раннія з яго твораў датуюцца 1893. Артыкулы, апрацоўкі народных легенд друкаваў у газетах “Минский листок” і “Северо-западный край”, потым супрацоўнічаў з “Нашай нівай”.