- •Установа адукацыі «Беларускі дзяржаўны педагагічны Ўніверсітэт імя Максіма Танка»
- •Праграма журналісцкай практыкі для спецыяльнасЦі
- •Тлумачальная запіска
- •Змест практыкі
- •Інфармацыйна-метадычная частка Патрабаванні да зместу і афармлення індывідуальнага задання і справаздачы па практыцы
- •Абавязкі метадыста і супрацоўнікаў базавых устаноў
- •Абавязкі студэнта-практыканта
- •Падвядзенне вынікаў практыкі
- •Крытэрыі ацэнкі за практыку
- •Літаратура:
- •Узор афармлення дзённіка
Установа адукацыі «Беларускі дзяржаўны педагагічны Ўніверсітэт імя Максіма Танка»
|
|
ЗАЦВЯРДЖАЮ |
|
|
Прарэктар па вучэбнай рабоце |
|
|
_____________ Ю.А.Быкадораў |
|
|
«____» ____________ 2011 г. |
|
Рэгістрацыйны № УД-________________ |
Праграма журналісцкай практыкі для спецыяльнасЦі
1-02 03 03-05 |
«Беларуская мова і літаратура. Журналістыка» |
Мінск 2011Складальнік:
Т.А. Курышка-Луйгас, старшы выкладчык кафедры беларускай літаратуры ўстановы адукацыі «Беларускі дзяржаўны педагагічны ўніверсітэт імя Максіма Танка»
Разгледжана і рэкамендавана да зацвярджэння на пасяджэнні кафедры беларускай літаратуры
|
31.05.2011 (пратакол № 12) |
|
В.а. загадчыка кафедры __________________ І.М.Гоўзіч |
Адобрана і рэкамендавана да зацвярджэння саветам факультэта беларускай і рускай філалогіі
|
01.06.2011 (пратакол № 9) |
|
Старшыня __________________ В.Д.Старычонак |
Тлумачальная запіска
У адпаведнасці з адукацыйным стандартам спецыяльнасці практыка студэнтаў факультэта беларускай і рускай філалогіі дзённага навучання прадугледжвае паэтапнае замацаванне тэарэтычных ведаў, атрыманых у час лекцыйных, семінарскіх, лабараторных заняткаў па розных вучэбных дысцыплінах, а таксама набытых прафесійных навыкаў, арганізацыйных і камунікацыйных здольнасцей, развіццё творчых ініцыятыў студэнтаў.
На працягу 4-х тыдняў, з пачатку ліпеня кожнага года, згодна з вучэбным планам, студэнты 4-га курса спецыяльнасці «Беларуская мова і літаратура. Журналістыка» пачынаюць вытворчую практыку ў рэдакцыях рэспубліканскіх, рэгіянальных, шматтыражных СМІ Рэспублікі Беларусь.
Мэта практыкі — сфарміраваць у студэнтаў уяўленне аб практычнай дзейнасці газеты, часопіса; пазнаёміць з арганізацыяй і планаваннем работы рэдакцыі, з асаблівасцямі працы журналіста, з працэсам падрыхтоўкі і выпуску перыядычнага выдання.
Задача практыкі — падрыхтаваць студэнтаў да самастойнай прафесійнай дзейнасці па спецыяльнасці.
У працэсе практычнай работы будучы журналіст павінен не толькі выканаць заданні, прадугледжаныя праграмай, але і паспрабаваць выпрацаваць уласную сістэму прафесійных каштоўнасцей, навучыцца аналізаваць асабістую пазіцыю адпаведна з тымі патрабаваннямі, якія сучаснае грамадства прад’яўляе журналісту, набываць навыкі працы ў рэдакцыйным мікраасяродку.
Творчае супрацоўніцтва студэнтаў з вопытным майстрам слова дапаможа правесці апрабацыю на практыцы ўсіх асноўных тэарэтычных палажэнняў вучэбнай праграмы, выкрышталізаваць і замацаваць адметны стыль, вызначыць узровень прафесійнага майстэрства.
Праграма практыкі выконваецца студэнтамі пад кіраўніцтвам журналіста ад рэдакцыі і пад кантролем выкладчыка факультэта. Усе арганізацыйныя і творчыя пытанні вырашаюцца факультэцкім кіраўніком практыкі загадзя, да пачатку ўстановачнай тэматычнай канферэнцыі. Ён забяспечвае дакладнае планаванне, арганізацыю, улік вынікаў праходжання студэнтамі практыкі.
У склад праграмы ўваходзяць дакладна распрацаваныя мэты і вызначаныя абавязкі студэнтаў, факультэцкага кіраўніка практыкі.
У выніку праходжання практыкі студэнт павінен
ведаць:
асаблівасці працы рэдакцыйнага калектыву;
спецыфіку дзейнасці творчых і тэхнічных аддзелаў рэдакцый;
функцыі кіраўніцтва рэдакцыі і супрацоўнікаў яе структурных падраздзяленняў;
асновы творчага працэсу, правядзення літаратурнага рэдагавання і праўкі газетнага матэрыялу;
умець:
арыентавацца ў структуры рэдакцыйнага апарата;
арыентавацца ў рэдакцыйнай дакументацыі (планы работы);
ствараць журналісцкія матэрыялы з выкарыстаннем розных метадаў збору інфармацыі.