- •Установа адукацыі «Беларускі дзяржаўны педагагічны Ўніверсітэт імя Максіма Танка»
- •Праграма журналісцкай практыкі для спецыяльнасЦі
- •Тлумачальная запіска
- •Змест практыкі
- •Інфармацыйна-метадычная частка Патрабаванні да зместу і афармлення індывідуальнага задання і справаздачы па практыцы
- •Абавязкі метадыста і супрацоўнікаў базавых устаноў
- •Абавязкі студэнта-практыканта
- •Падвядзенне вынікаў практыкі
- •Крытэрыі ацэнкі за практыку
- •Літаратура:
- •Узор афармлення дзённіка
Інфармацыйна-метадычная частка Патрабаванні да зместу і афармлення індывідуальнага задання і справаздачы па практыцы
Пасля заканчэння журналісцкай практыкі праводзіцца яе абмеркаванне на выніковай канферэнцыі з удзелам усіх студэнтаў, выкладчыкаў журналістыкі, прадстаўнікоў рэдакцый СМІ.
Па выніках журналісцкай практыкі студэнт павінен здаць наступную дакументацыю:
1. Дзённік практыкі.
2. Пісьмовую справаздачу аб праходжанні практыцы, завераную подпісам непасрэднага кіраўніка практыкі.
3. Публікацыі або падрыхтаваныя да друку матэрыялы, завераныя галоўным рэдактарам, а таксама арыгіналы работ з праўкай рэдакцыі.
4. Пры наяўнасці падрыхтаваныя да друку пісьмы чытачоў, а таксама адказы на пісьмы.
5. Пісьмовую характарыстыку непасрэднага кіраўніка практыкі аб праходжанне практыкі студэнтам.
Абавязкі метадыста і супрацоўнікаў базавых устаноў
Для ажыццяўлення кіраўніцтва практыкай і аказання ўсебаковай дапамогі студэнтам да групы прымацоўваецца метадыст.
Да пачатку размеркавання студэнтаў па рэдакцыях выданняў наладжвае кантакты з рэдактарамі газет і часопісаў, знаёміць іх з мэтамі, задачамі, зместам практыкі і тэрмінамі яе правядзення. Загадзя ўзгадняе пытанне пра колькасны склад практыкантаў. Забяспечвае заключэнне дамоў аб правядзенні практыкі.
Прымае ўдзел ва ўстановачнай і выніковай канферэнцыях па практыцы. Забяспечвае дакладнае планаванне, арганізацыю, улік вынікаў праходжання студэнтамі практыкі.
Зацвярджае індывідуальныя планы работы студэнтаў, кансультуе практыкантаў падчас праходжання практыкі па ўсіх арганізацыйных і творчых пытаннях.
Наведвае рэдакцыі выданняў з мэтай кансультацыі і кантролю работы практыкантаў.
Правярае справаздачы студэнтаў і выстаўляе адзнакі за практыку.
Абавязкі студэнта-практыканта
У час практыкі студэнт працуе ў якасці пазаштатнага творчага супрацоўніка рэдакцыі газеты і таму выконвае ўсе патрабаванні, якія прадугледжаны службовымі абавязкамі для ўсіх членаў калектыву.
Студэнты знаёмяцца са структурай рэдакцыі, прымаюць удзел ва ўнутрырэдакцыйнай і масавай рабоце рэдакцыі, рыхтуюць да публікацыі матэрыялы ўласных і пазаштатных аўтараў, адказваюць на пісьмы чытачоў, знаёмяцца з творчым вопытам таленавітых супрацоўнікаў рэдакцыі.
Студэнты-практыканты назіраюць і аналізуюць арганізацыю працы рэдакцыйнага калектыву (планаванне, яго віды, методыка збору інфармацыі прафесійнымі журналістамі, формы камунікатыўнага супрацоўніцтва з аналагічнымі структурамі, рэалізацыя творчых ініцыятыў і інш.).
Падвядзенне вынікаў практыкі
Пасля завяршэння практыкі ў трохдзённы тэрмін студэнты прадстаўляюць кіраўніку практыкі ад факультэта справаздачную дакументацыю. Рыхтуюць выпуск насценгазеты.
Крытэрыі ацэнкі за практыку
У адпаведнасці з вучэбным планам факультэта беларускай і рускай філалогіі студэнтам выстаўляецца дыферынцаваны залік па журналісцкай практыцы. Залік выстаўляецца пры ўмове штодзённага наведвання імі рэдакцыі сродку масавай інфармацыі, наяўнасці належным чынам аформленай і своечасова здадзенай дакументацыі (справаздача), а таксама ўласных публікацый.
«10» выстаўляецца пры прадстаўленні ўзорна аформленай дакументацыі і 5-ці апублікаваных матэрыялаў;
«9» выстаўляецца пры прадстаўленні аформленай належным чынам дакументацыі, 4-х апублікаваных матэрыялаў і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«8» выстаўляецца пры прадстаўленні аформленай належным чынам дакументацыі, 3-х апублікаваных матэрыялаў і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«7» выстаўляецца пры прадстаўленні справаздачнай дакументацыі, 2-х апублікаваных матэрыялаў і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«6» выстаўляецца пры прадстаўленні справаздачнай дакументацыі, 2-х апублікаваных матэрыялаў і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«5» выстаўляецца пры прадстаўленні справаздачнай дакументацыі, 1-го апублікаванага матэрыялу і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«4» выстаўляецца пры прадстаўленні справаздачнай дакументацыі і 1-го матэрыялу, падрыхтаванага да публікацыі (заверанага подпісам супрацоўніка СМІ і пячаткай установы СМІ);
«3», «2», «1» выстаўляюцца ў выпадку невыканання студэнтам індывідуальнага задання па журналісцкай практыцы.
Справаздача аб праходжанні практыкі павінна быць напісана са строгім захаваннем арфаграфіі і сінтаксісу беларускай мовы, стылістычна выразнай. Не дапускаюцца прастамоўе, клішэ, таўталогія, эмацыйныя выразы тыпу «мне падабаецца», «мне не спадабалася». Назіранні, заключэнні, абагульненні павінны быць падстаўнымі, пацверджанымі фактамі і праілюстраванымі.
Справаздача можа будавацца ў апавядальнай манеры: падаюцца ўражанні практыканта пра тое, што яму ўдалося даведацца, зрабіць, з якімі цяжкасцямі ён сутыкнуўся, якія праблемы давялося вырашаць. У справаздачы павінны давацца падрабязны аналіз практыкі, разбор адметных эпізодаў уласнай работы, развагі пра творчыя знаходкі і пралікі, заўвагі і пажаданні па ўдасканаленні арганізацыі практыкі. Аб’ём справаздачы павінен складаць не менш за 4 старонкі камп’ютарнага тэксту.
Пры наяўнасці арфаграфічных, пунктуацыйных, граматычных, стылістычных памылак справаздача вяртаецца на дапрацоўку з адпаведным зніжэннем адзнакі.