- •Прыкладны пералік пытанняў па педагогіцы да комплекснай кантрольнай работы
- •Даказаць, што педагогіка - гэта навука.
- •Ахарактарызаваць сістэму педагагічных навук.
- •3.Даць характарыстыку інфармацыйнай гадзіне як асноўнай форме палітычнага выхавання школьнікаў.
- •Ахарактарызаваць фактары развіцця і фарміравання асобы.
- •Ахарактарызаваць асноўныя структурныя элементы урока.
- •6. Сфармуліраваць і ахарактарызаваць мэты педагагічнай дзейнасці і мэту выхавання.
- •7. Раскрыць сутнасць дыдактыкі як тэорыі адукацыі і навучання.
- •8. Раскрыць сутнасць працэсу навучання, яго функцыі і структуру.
- •9. Назваць дакументы, якія вызначаюць змест школьнай адукацыі. Даць характарыстыку вучэбнай праграме.
- •10. Сфармуліраваць сістэму прынцыпаў навучання ў педагогіцы.
- •11. Даць характарыстыку славесным метадам навучання (расказ, гутарка, тлумачэнне).
- •12. Раскрыць сутнасць і ўмовы выкарыстання наглядных метадаў навучання.
- •13. Даць кароткую характарыстыку практычным метадам навучання (практыкаванні, практычныя і лабараторныя работы).
- •14. Даць характарыстыку ўроку як асноўнай форме арганізацыі вучэбных заняткаў у школе. Вызначыць тыпы ўрокаў.
- •15. Апісаць асаблівасці падрыхтоўкі настаўніка да ўрока.
- •16. Раскрыць сутнасць дамашняй самастойнай работы вучняў.
- •17. Ахарактарызаваць віды кантролю вучэбных дасягненняў школьнікаў.
- •18. Ахарактарызаваць метады вуснага кантролю ведаў (франтальнае, індывідуальнае, камбінаванае апытванне).
- •19. Вызначыць асаблівасці выхавання як састаўной часткі цэласнага педагагічнага працэсу.
- •20. Раскрыць сутнасць паняццяў “заканамернасці” і “прынцыпы” выхавання. Растлумачыць узаемасувязь паміж імі.
- •21. Раскрыць сутнасць метадаў выхавання. Растлумачыць іх класіфікацыю.
- •22. Раскрыць сутнасць і прызначэнне метадаў фарміравання свядомасці асобы (этычная гутарка, расказ на этычную тэму, растлумачэнне, прыклад) .
- •23. Ахарактарызаваць метады стымулявання паводзін і дзейнасці: заахвочванне, пакаранне, спаборніцтва.
- •24. Раскрыць сутнасць і прызначэнне метадаў арганізацыі дзейнасці.
- •25. Вызначыць сутнасць, прыкметы і шляхі фарміравання калектыву.
- •26. Даць кароткую характарыстыку структурным кампанентам светапогляду.
- •27. Вызначыць задачы і змест маральнага выхавання школьнікаў.
- •28. Раскрыць сутнасць, задачы і сродкі эстэтычнага выхавання школьнікаў.
- •29. Ахарактарызаваць сістэму работы сучаснай школы па працоўным выхаванні школьнікаў.
- •30. Ахарактарызаваць сістэму фізічнага выхавання ў сучаснай школе.
- •31. Вызначыць формы работы школы з сям’ёй. Ахарактарызаваць бацькоўскісход як найбольш распаўсюджаную форму работы школы з сям’ёй.
14. Даць характарыстыку ўроку як асноўнай форме арганізацыі вучэбных заняткаў у школе. Вызначыць тыпы ўрокаў.
Урок – гэта завершаны ў сэнсавых, часовых і арганізацыйных адносінах адрэзак (этап, звяно, элемент) вучэбнага працэсу. Яму характэрны пэўна вызначаны час правядзення, прыкладна аднолькавы склад вучняў, работа ўсіх вучняў над адным і тым жа матэрыялам пры кіруючай ролі настаўніка. Негледзячы на малую працягласць, урок – складаны і адказны элемент (этап) вучэбнага працэсу: ад якасці асобных заняткаў у канчатковым выніку залежыць агульная якасць школьнай падрыхтоўкі.
Вузлавымі аспектамі ўрока з’яўляюцца мэта, змест, арганізацыя і методыка.
Мэта ўрока накіравана на прадбачанне пэўных вынікаў, якіх жадае дасягнуць настаўнік. У сваім вырашэнні яна распадаецца на шэраг канкрэтных задач, якія настаўнік рэалізуе разам з вучнямі. Мэта залежыць ад месца ўрока ў сістэме заняткаў. Мэта надае вучэнню сэнс. Яна абгрунтоўвае неабходнасць набыцця разнастайных ведаў, і, даказваючы іх духоўную і практычную значнасць, пераўтварае іх у перакананні.
Змест урока – вызначаецца роллю ўрока ў сістэме заняткаў. Пад зместам разумеюцца так званыя апорныя веды, уменні і навыкі, якімі навучэнцам належыць авалодаць.
Арганізацыя ўрока – гэта ўмовы , у якіх ён праводзіцца, тая абстаноўка, што садзейнічае сумеснай плённай працы педагога і вучняў. Методыка ёсць сукупнасць сродкаў для выканання пастаўленых задач, сістэма спосабаў і прыёмаў перадачы вучням ведаў, уменняў, навыкаў і іх засваення.
Аналіз урокаў, якія праводзяцца ў школе паказвае, што іх структура і методыка ў многім залежыць ад тых дыдактычных мэт і задач якія вырашаюцца ў працэсе вывучэння той або іншай тэмы. Так у педагогіцы з’явілася неабходнасць у класіфікацыі розных тыпаў урокаў.
Па пераважнай накіраванасці на вырашэнне задач фізічнага выхавання вылучаюць 4 разнавіднасці ўрокаў фізічнай культуры і здароўя:
1.камбінаваныя ўрокі;
2. урокі з пераважна аздараўленчай накіраванасцю;
3. урокі з пераважна выхаваўчай накіраванасцю;
4. урокі з пераважна адукацыйнай накіраванасцю.
Урокі з пераважна адукацыйнай накіраванасцю падзяляюцца падзяляюцца на пяць тыпаў: уводныя урокі; урокі вывучэння новага матэрыялу; урокі ўдасканалення і замацавання вучэбнага матэрыялу; змешаныя (комплексныя ўрокі);кантрольныя ўрокі.
Даць добры (якасны) урок - справа няпростая нават для вопытнага настаўніка. А ўзорным урокам можна назваць такі, на якім вучні выступаюць не ў ролі пасіўных спажыўцоў гатовых ведаў, а пад кіраўніцтвам настаўніка вядуць зацікаўлены і разважлівы, упарадкаваны і дынамічны пошук ісціны. І разам з ім набліжаюцца да яе. Бо менавіта вузлавыя аспекты ўрока робяць гэты пошук мэтанакіраваным, змястоўным, арганізаваным і прадукцыйным.
15. Апісаць асаблівасці падрыхтоўкі настаўніка да ўрока.
Падрыхтоўка ўрока – гэта распрацоўка компленкса мер, выбар такой арганізацыі вучэбна-выхаваўчага працэсу, якая ў канкрэтных умовах забяспечыць найвышэйшы канчатковы вынік.
У падрыхтоўцы настаўніка да ўрока вылучаюць два этапы – папярэдні і непасрэдны. Папярэдняя падрыхтоўка настаўніка да ўрока звязана з каляндарна-тэматычным планаваннем. Каляндарна-тэматычнае планаванне неабходна для вызначэння аптымальных шляхоў рэалізацыі адукацыйнай, развіваючай і выхаваўчай функцый вучэбна выхаваўчага працэсу ў сістэме ўрокаў і пазаўрочных заняткаў па дадзенай тэме або раздзеле вучэбнай праграмы. Для ажыццяўлення каляндарна-тэматычнага планавання настаўнік павінен дасканала вывучыць дзяржаўны адукацыйны стандарт, вучэбную праграму па прадмету, азнаёміцца з падручнікамі і вучэбнымі дапаможнікамі, вопытам работы настаўнікаў, скласці каляндарна-тэматычны план вывучэння прадмета на чвэрць, паўгоддзе, навучальны год. Тэматычнае планаванне звычайна ўключае наступныя пункты: назву тэмы кожнага ўрока; колькасць гадзін, адведзеных на вывучэнне тэмы; мэты і задачы; спосабы выкладання матэрыялу, прыкладны пералік наглядных дапаможнікаў, прыкладнае дамашняе заданне; дату правядзення заняткаў. Тэматычнае планаванне стварае магчымасць комплекснага падыходу да вывучэння вучэбных прадметаў, аблягчае падрыхтоўку настаўніка да кожнага асобнага ўрока.
Непасрэдная падрыхтоўка настаўніка да ўрока звязана з паўрочным планаваннем. Паўрочнае планаванне ажыццяўляецца на аснове каляндарна-тэматычнага планавання. Вынікам паўрочнага планавання з’яўляецца паўрочны план. Настаўніку патрэбна навучыцца складаць і план, і канспект урока. Да ўрока рыхтуюцца ў наступнай паслядоўнасці: спачатку складаецца план урока, потым на яго аснове выконваецца канспект і затым, калі неабходна, робіцца падрабязны запіс урока.
У плане ўрока павінны быць адлюстраваны наступныя моманты:
дата правядзення ўрока і яго нумар па тэматычным плане;
назва тэмы ўрока і класа, у якім праводзіцца,
мэты і задачы навучання, выхавання і развіцця школьнікаў;
тып урока;
абсталяванне;
ход урока ў адпаведнсці са структурай урока пэўнага тыпу, з указаннем паслядоўнасці яго этапаў і прыкладнага размеркавання часу па гэтых этапах;
змест вучэбнага матэрыялу;
метады і прыёмы работы ў кожнай частцы ўрока;
заданне на дом.
Падрыхтоўка да ўрока – гэта пастаянны неабходны элемент прафесійнай дзейнасці настаўніка. Эфектыўнасць кожнага ўрока залежыць ад дасканалай яго падрыхтоўкі і майстэрства правядзення.