- •Радзівіліяда,
- •330 Зброю падняўшы сваю (бо за гідраю — сіла багацця!)27.
- •340 Подзвігам, а не казной можна продкаў сваіх перавысіць.
- •350 Век састарэлых гадоў для спазнання навук непрыдатны, —
- •430 Сам пагражае мардве, а ў душы перамогі з трыумфам
- •490 Цешыцца буду жыццём, ці загінуць прызначыць Узвышні,
- •570 Так нападае на край тое войска ліхіх каняедаў,
- •760 Толькі бясслаўны Крыжак, ненавідзячы мір і дамовы,
- •770 Вось і прычына вайны: што багі патрабуюць адпомсты.
- •780 Злобай бясконцай палаў, і, калі б не заможнасць легатаў,
330 Зброю падняўшы сваю (бо за гідраю — сіла багацця!)27.
Значыць, не варта табе далучацца да гэтага руху…
Смела й рашуча за мір выступай, супраць звады, заганаў!
Будзь абаронцам Айчыны і носьбітам высакародства!
Хай Дасканаласць цябе дабрачыннай аздобнасцю вабіць,
Будзь годны продкаў сваіх мужнай справай, набожнасцю чыстай.
Нават калі б табе лёс даручыў над мідзянамі ўладу,
Што ж — радавітасць твая і кляйноты дазволілі б гэта.
Толькі ў сенаце Літвы — іншы звычай і іншы крытэрый:
Цнота вышэй за радство, а адвага — паважней за тытул,
340 Подзвігам, а не казной можна продкаў сваіх перавысіць.
Ты ж Фаэтонам28
не будзь: дбай найперш пра падданых — літвінаў,
Дбай пра Айчыну сваю, ды не толькі ў прыгожых прамовах.
Хай падкрадзецца бяда: запануюць лянота ці пыха, —
Будзь для Айчыны абранцам, і бацькам, і грамадзянінам.
Будзеш чыніць так — тады твая слава агорне ўсе землі,
Дойдзе да ўсходніх дзяржаў, да ўзбярэжжа ружовага сонца,
Краю народжаных хмарай29, вышэй за аблокі. Дзівіся
З гетманаў даўніх часоў, а вучыся айчынным законам,
Веды імкніся здабыць, задавай ад маленства пытанні, —
350 Век састарэлых гадоў для спазнання навук непрыдатны, —
Так што спяшайся чытаць старадаўніх аналаў старонкі,
Творы паэтаў, — у іх каралі, валадарствы і войны…
Гэтак пелейскі ваяр30сярод тысячаў выбраў Гамера,
Прагна чытаў31… Спасцігай, мой абранец, паэтаў, а з імі
Тых, хто са Свадай32самой красамоўствам зраўняўся, — пачуеш
Нестара мудры расказ, сівізну Ітакійца33пабачыш…
Вось што цяпер, Радзівіл, я заўважу табе для навукі,
Словам адкрытым сваім прыгадаю яшчэ і яшчэ раз.
Божа цябе барані ад пажады ліхой ухваленняў,
360 Пільна не пніся, не лезь на вяршыні напышлівай славы:
Міру больш прагна жадай, чым трыумфаў любой перамогі.
Марса, юнача, не кліч, бо пракляцце спрадвечнае — войны —
Прыйдуць і самі; цяпер я прадбачу крывавыя воды
Дуны-ракі і Улы. Набліжаюцца новыя беды —
Бітвы, што меддзю блішчаць. Ты трымаць будзеш ратныя лейцы,
Змусіш ты шмат гарадоў перайсці пад уладу літвінаў,
З Марсам магутным сваім пераможаш варожыя раці.
Мае той дзень надысці, калі ты афарбуеш крывёю
Войска маскоўцаў — хутчэй надыдзі, гэты дзень! — але сёння
370 Больш не трымаю цябе: праслаўляй жа літвінаў адвагай!»
Скончыў прамову Мусэй. Затрымцела юначае сэрца,
Словы такія пачуўшы, любоўю да славы спрадвечнай.
Звычай сівы старадаўні падняўся з высокага трона,
Даў юнаку падарунак, сказаўшы: «Шаноўны юнача!
З гэтых пенатаў маіх неадораным госцем не выйдзеш.
Шаты прымі ад мяне, разнастайным сатканыя кшталтам».
Так ён сказаў, і тады вельмі годныя сонмы герояў
Разам яго павялі праз чысцейшы струмень Гіпакрэны.
О Прага Славы, Хвала, над якой не ўладарыць ніводзін —
380 Нават вышэйшы — закон, вы ўздымаеце ў сэрцы турботы.
Чым так узрушылі вы Мікалая ў юначым узросце,
Моцна працяўшы душу вашым джалам пякуча-салодкім?
Марыла ноччу і днём яго сэрца пра годную славу.
Чуючы згадкі пра вас, ён маркоціўся… Што ж, натуральна:
Мноства смяротных спрадвек, пагарджаючы болем і смерцю,
Следам за вамі ішлі, каб прыгожа з жыццём развітацца.
З верай у вас сам Алцыд нападаў на жахлівых пачвараў,
Сёння ж, як кажуць, ён стаў найславуцейшым з даўніх герояў.
Курцый, успомніўшы вас, без загаду людзей, без прынукі
390 Смела пагнаўшы каня, разагнаўся і скочыў да продкаў!34
Цяжка паверыць, што ён змог адзін немагчымае здзейсніць,
Смела закрыўшы сабой апраметнай адкрытую пашчу!
Гэткай ахвяры яго і багі пазайздросцілі нават…
Вось сярод мілых дзяцей пачынае (пакуль што ў забавах)
Княжыч сябе рыхтаваць, каб жыццём абмяняцца з хвалою.
Сёння вітаюць цябе і Масілья35, і Сірты, а з імі
Людзі шматлікіх краін пад гарачымі зоркамі Рака…
Гэтым юнацкім жыццём апякуецца Вечная Слава.
Помнячы добра пра вас, о героі, вялікія справы
400 Хоча ўчыніць Радзівіл — і жыве, не марнуючы часу.
Сэрца гартуе сваё для суровых і цяжкіх турботаў,
Сам патрабуе каня, сам нацягвае марсавы стрэлы.
Вось аднагодкаў сваіх да ваеннай гульні прыцягнуўшы,
Вершнікам смелым нясецца — наперад, назад, развароты…
Гоняць яны па лясах хутканогіх пужлівых аленяў,
Потым у марсавай бітве драўляных праціўнікаў пляжаць, —
Вучацца разам вайне: як змагацца завостранай шабляй,
Як паварочваць яе, як спрытней ухіліцца ад дзіды.
Гэтак праходзіць дзяцінства ў занятках суровага Марса:
410 Конік пярэсты пад ім, у бакі яго моцна ён шпорыць,
Ззяючы ясным шчытом, непахісна нясецца ў атаку.
Шлем яго медны, глядзі, упрыгожаны пер’ем наверсе.
Вось калясніцай кіруе, каб біцца на полі адкрытым:
Коні ляцяць пад ярмом, ажно полымя з ноздраў ірвецца.
Вось ён нацягвае лук, аж пакуль між сабой не самкнуцца
Верхні і ніжні канцы, так што можа намацаць лявіцай
Востранькі кончык стралы, а правіцу заводзіць за вуха.
Вось ён шыбае мячом, вось кідае спічастую дзіду,
Грозны, суровы ў душы, ён рыхтуецца з ворагам стрэцца,
420 Вучыцца, як расстаўляць лепшым чынам на полі атрады,
Як навучыцца трываць пасля першай магчымай паразы,
Як ваяроў наймудрэй па шарэнгах бяспечна пастроіць.
Ратныя хітрасці ўсе і законы ваеннай навукі
Ён спасцігае: як роў вакол лагера выкапаць хутка,
Валам абнесці муры, уварвацца ў высокую крэпасць
(Спосабам лёгкім, цяжкім), і, калі выступае ўжо вораг,
Як навучыцца складаць мудры план пераможнае бітвы.
Ён патрабуе дадаць да сутычак няўмольнага Марса
Пасткі падманаў ліхіх; і вайной, і бязлітаснай сечай