Метадычныя парады да выканання курсавой работы

Курсавая работа на другiм курсе прадстаўляе сабой напісанне рэферата на падставе літаратуры па тэме. Яна будуецца на аналізе і абагульненні асноўных ідэй, палажэнняў, якія выказаны рознымі аўтарамі.

Мэта работы: Замацаваць тэарэтычныя веды, атрыманыя ў працэсе вывучэння курса “Дакументалогiя”, навучыць студэнтаў складаць класіфікацыі розных дакументаў па шэрагу прыкмет, вызначыць асаблівасці і структуру розных дакументаў.

Методыка выканання работы: Студэнт самастойна выбірае тэму з прапанаванага спісу. Выкарыстоўваючы слоўнікі, энцыклапедыі і іншую літаратуру, студэнт вывучае тэму. Па каталогах бiблятэк, базах дадзеных, спецыяльных часопісах неабходна выявіць асноўную літаратуру за апошнія 3-5 гадоў.² Уся атабраная літаратура праглядаецца і адбіраецца найбольш значная, на якую складаецца канспект. Пасля вывучэння i аналіза літаратуры складаецца план курсавой работы. Ен павінен складаецца з раздзелаў: уводзіны, асноўная частка, якая павінна быць прадстаўлена тэматычнымі раздзеламі і падраздзеламі па тэме работы, і заключэнне. Ва ўводзінах неабходна даць абгрунтаванне актуальнасці, значнасці тэмы, выкласці мэты і задачы работы.

Курсавая работа павінна прадстаўляць сабой звязнае выкладанне матэрыяла са спасылкамі на афіцыйныя крыніцы, артыкулы, манаграфіі і г.д.

Спасылкі на літаратуру можна даваць у падрадковых заўвагах ці непасрэдна ў тэксце.

Напрыклад,

пры цытаванні: Каганаў А. сцвярджаў, што “сутнасць выхаваўчага працэсу...” [2, с.14],

пры выказванні ў тэксце: Каганаў А. разглядаў сутнасць выхаваўчага працэсу [2].

Тэмы курсавых работ

1. Дакумент як сiстэмны аб’ект.

2. Відэадакументы: вызначэнне, віды, характарыстыка і віды.

3. Электронныя дакументы: агульная характарыстыка і віды.

4. Мікраформы і іх роля ў інфармацыйнай дзейнасці.

5. Гісторыя, сучасны стан і стуктура навукова-тэхнічных перыядычных выданняў.

6. Гісторыя, сучасны стан, перспектывы развіця грамадска-палітычных перыядычных выданняў.

7. Дакументы на CD-ROM носьбітах: віды, характарыстыка, тэхналогіі падрыхтоўкі, выкарыстанне.

8. Фотадакументы: гісторыя, сучаны стан, віды, выкарыстанне.

9. Паштоўкі як асобы від выдання: гісторыя, характэрныя рысы, класіфікацыя.

10. Прамысловыя каталогі для рэкламы як крыніца фірменнай інфармацыі.

11. Класіфікацыя дакументаў: аналіз розных падыходаў.

12. Неапублікаваныя дакументы: азначэнне, характарыстыка асобных відаў, структура.

13. Картаграфічныя дакументы: вызначэнне і характарыстыка асобных відаў.

14. Кніга як духоўная скарбонка чалавецтва: праблемы класіфікацыі i відаў.

15. Перспектывы выкарыстання розных відаў дакументаў.

16. Тэхнiчныя нарматыўна-прававыя акты: характэрныя рысы, віды і агульная характарыстыка.

17. Праблемы класіфікацыі выданняў.

18. Літаратурна-мастацкія перыядычныя выданні Беларусі: гісторыя, сучасны стан, перспектывы развіцця.

19. Маркі як дакумент па філатэліі: гісторыя ўзнікнення, характэрныя рысы, віды, класіфікацыя.

20. Электронная кніга: праблемы вызначэння, падрыхтоўкі, стварэння.

21. Афармленне дакументаў.

22. Тэкставыя вытворчыя дакументы.

23. Дакументныя iнфармацыйныя рэсурсы па прыродазнаўстве: азначэнне паняцця, накiрункi аналiза.

24. Дакументныя iнфармацыйныя рэсурсы па медыцыне: азначэнне паняцця, накiрункi аналiза.

25. Дакументныя iнфармацыйныя рэсурсы па тэхнiцы: азначэнне паняцця, накiрункi аналiза.

26. Дакументныя iнфармацыйныя рэсурсы па сельскай гаспадарцы: азначэнне паняцця, накiрункi аналiза.

27. Электронныя перыядычныя выданнi па адной з галiн: азначэнне, ўласцiвасцi, структура.