- •Асновы менеджменту
- •Распрацавана
- •Рэцензенты
- •Тэматычны план курса
- •Змест курса Тэма 1. Сутнасць менеджменту. Канцэпцыя эвалюцыі кіравання
- •Тэма 2. Агульная сістэма рыначных інстытутаў менеджменту
- •Тэма 3. Мэты і функцыі кіравання ў сістэме катэгорый менеджменту
- •Тэма 4. Паняцце і значэнне кадравага менеджменту
- •Тэма 5. Асноўныя школы кіравання і іх уклад у кіраўнічую практыку
- •Тэма 6. Прынцыпы і метады менеджменту
- •Тэма 7. Працэсны, сістэмны і сітуацыйны падыходы да менеджменту
- •Тэма 8. Арганізацыя, яе прызнакі і элементы
- •Тэма 9. Структура кіравання арганізацыяй (ска)
- •Тэма 10. Сутнасць і класіфікацыя кіраўнічых рашэнняў
- •Тэма 11. Стратэгічнае і аператыўнае кіраванне арганізацыяй
- •Тэма 12. Камунікацыі ў кіраванні
- •Тэма 13. Улада, яе аснова і роля ў кіраванні
- •Тэма 14. Арганізацыйная культура і стыль кіраўніцтва
- •Пытанні для самакантролю
- •Літаратура Асноўная
- •Асновы менеджменту Праграма для студэнтаў па спецыялізацыі “менеджмент сацыякультурнай сферы”
- •220007, Мінск, вул. Рабкораўская, 17
- •220007, Г.Мінск, вул. Рабкораўская, 17
Тэма 7. Працэсны, сістэмны і сітуацыйны падыходы да менеджменту
Паняцце падыходу. Працэсны падыход да менеджменту. Першы этап з 20-х гг. мінулага стагоддзя: разгляд працэсу кіравання як узаемазвязанага ланцуга паўтаральных асноўных функцый менеджменту. Другі этап з 40-х гг.: уключэнне працэсу прыняцця і рэалізацыі кіраўнічых рашэнняў. Трэці этап з 90-х гг.: рэінжынірынг перапраекціраванне бізнес-працэсаў для дасягнення істотных паляпшэнняў у ключавых для сучаснага бізнесу паказчыках выніковасці ў сувязі з пераходам да рынку пакупніка і ўзмацненню ўлады кліента, абвастрэннем канкурэнцыі.
Сістэмны падыход у менеджменце як метадалогія навуковага пазнавання аб'ектаў, як спосаб мыслення менеджэра ў дачыненні да арганізацыі і кіравання. Фармуляванне ўніверсальных паняццяў і метадаў даследавання аб'ектаў з улікам іх унутранай разнастайнасці, цэласнасці, арганічнай узаемасувязі элементаў і знешняга асяроддзя. Арганізацыя як адкрытая сістэма, якая складаецца з некалькіх узаемазвязаных падсістэм. Метадалогія стратэгічнага кіравання як праява сістэмнага падыходу.
Выкарыстанне новых сістэмных інфармацыйных тэхналогій.
Узнікненне сітуацыйнага падыходу да менеджменту ў 60-х гг. XX ст. Сітуацыі і ўмовы знешняга асяроддзя, якія ўплываюць на эфектыўнасць дасягнення мэт арганізацыі. Значэнне ўнутраных сітуацыйных пераменных для рашэння праблемы гнуткасці і адаптыўнасці да знешняга асяроддзя.
Тэма 8. Арганізацыя, яе прызнакі і элементы
Арганізацыя адасобленае аб'яднанне людзей для ўзаемадзеяння ў дасягненні вызначаных мэт і рашэння задач. Стварэнне арганізацый (прадпрыемстваў) для задавальнення запатрабаванняў грамадства ў прадукцыі і паслугах шляхам перапрацоўкі зыходных рэсурсаў і ператварэння іх у канчатковы прадукт.
Прызнакі арганізацыі. Унутраныя пераменныя арганізацыі (па Мескану). Унутранае асяроддзе арганізацыі. Узаемадзеянне арганізацыі са знешнім асяроддзем. Канцэпцыя жыццёвага цыкла арганізацыі. Узроўні кіравання. Падзел працы, спецыялізацыя і іерархія ў арганізацыі. Суб'ект і аб'ект кіравання.
Віды арганізацый. Функцыянальныя, дывізіянальныя і адаптыўныя арганізацыйныя структуры.
Формы арганізацыйных структур: аб'яднанне па сістэме ўдзелу; арэндныя арганізацыі з абмежаваным характарам цэнтралізаванага кіравання; таварыствы з абмежаванай адказнасцю, з прыцягненнем пазыковага капіталу; сумесныя прадпрыемствы; акцыянернае таварыства; холдынгавыя кампаніі. Прыметы арганізацыі як юрыдычнай асобы.
Тэма 9. Структура кіравання арганізацыяй (ска)
Паняцце структуры кіравання арганізацыяй (арганізацыйная структура кіравання). Вытокі ўтварэння сучасных структур кіравання і іх асновы. Структура кіравання арганізацыяй спарадкаваны будынак, арганізацыйная форма сістэмы кіравання, якая ўтвараецца ўстойлівымі ўзаемасувязямі элементаў, што адлюстроўвае і замацоўвае падзел і кааперацыю кіраўнічай працы. Элементы СКА і іх сувязі. Вертыкальныя і гарызантальныя сувязі ў сістэме кіравання. Фарміраванне структур кіравання ў выніку выканання функцыі арганізацыі.
Тыпы структур кіравання арганізацыяй: лінейныя, функцыянальныя, лінейна-штабныя, лінейна-функцыянальныя, праграмна-мэтавыя, праектныя і матрычныя, дывізіянальныя.
Сеткавыя і віртуальныя структуры кіравання арганізацыяй.
Комплекснасць рэальных СКА. Праектаванне аргструктуры пэўнага прадпрыемства з улікам знешніх і ўнутраных праблем.