- •Вучэбная і вытворчая практыка
- •Складальнікі:
- •Рэцэнзенты:
- •Рэкамендавана да зацвярджэння:
- •Агульныя палажэнні
- •Мэты і задачы практыкі
- •Мэты і задачы азнаямленчай (вучэбнай) практыкі
- •Мэты і задачы тэхналагічнай (вытворчай) практыкі
- •Мэты і задачы пераддыпломнай практыкі
- •Арганізацыя і кіраўніцтва практыкай
- •Базы практыкі
- •Этапы практыкі
- •Абавязкі кіраўніка практыкі ад кафедры
- •Абавязкі кіраўніка практыкі ад базы практыкі
- •Абавязкі студэнта-практыканта
- •Змест практыкі
- •Змест азнаямленчай (вучэбнай) практыкі (іі курс)
- •(Ііі курс)
- •Раздзел 1. Інфармацыйныя рэсурсы
- •Практычныя заданні да раздзела 1 «Інфармацыйныя рэсурсы»
- •Раздзел 2. Каталагізацыя дакументаў
- •Практычныя заданні да раздзела 2 «Каталагізацыя дакументаў»
- •Раздзел 3. Бібліяграфічная работа бібліятэкі
- •Практычныя заданні да раздзела 3 «Бібліяграфічная работа бібліятэкі»
- •Раздзел 4. Абслугоўванне карыстальнікаў бібліятэкі
- •Практычныя заданні да раздзела 4 «Аслугоўванне карыстальнікаў бібліятэкі»
- •(IV курс)
- •Раздзел 1. Бібліятэчна-інфармацыйны менеджмент і маркетынг
- •Практычныя заданні да раздзела 1 «Бібліятэчна-інфармацыйны менеджмент і маркетынг»
- •Раздзел 2. Кіраванне і арганізацыя работы ў адным з функцыянальных падраздзяленняў бібліятэкі
- •Практычныя заданні да раздзела 2 «Кіраванне і арганізацыя работы ў адным з функцыянальных падраздзяленняў бібліятэкі»
- •Падвядзенне вынікаў практыкі Парадак падвядзення вынікаў практыкі
- •Справаздачная дакументацыя па практыцы і патрабаванні да яе афармлення
- •Спіс літаратуры
- •Дадатак 2
- •Вучэбная і вытворчая практыка
- •220007, Г. Мінск, вул. Рабкораўская, 17.
- •2 20007, Г. Мінск, вул. Рабкораўская, 17.
Практычныя заданні да раздзела 2 «Каталагізацыя дакументаў»
1. Прадставіць схематычна структуру аддзелаў бібліятэкі, якія займаюцца навуковай апрацоўкай дакументаў. Прааналізаваць размеркаванне абавязкаў паміж супрацоўнікамі.
2. Даць характарыстыку інструктыўна-метадычным матэрыялам па бібліяграфічным апісанні і індэксаванні дакументаў.
3. Авалодаць тэхналогіяй уводу бібліяграфічных звестак аб дакументах адпаведна структуры АРМа “Каталагізатар”.
4. Прыняць удзел у стварэнні бібліяграфічных запісаў ЭК бібліятэкі.
5. Прааналізаваць сістэму картачных каталогаў і баз даных ЭК.
6. Прыняць удзел у рэдагаванні алфавітнага каталога: праверыць расстаноўку картак, наяўнасць бібліятэчных паметак на картках асноўных запісаў.
7. Прыняць удзел у рэдагаванні аднаго з раздзелаў сістэматычнага каталога, звярнуць увагу на афармленне раздзяляльнікаў. Папоўніць алфавітна-прадметны паказальнік да сістэматычнага каталога новымі прадметнымі рубрыкамі.
8. Прыняць удзел у індэксаванні дакументаў і стварэнні аўтарытэтных запісаў (пры магчымасці).
9. Прааналізаваць нарматыўна-метадычную базу існуючых картачных і электроннага каталогаў.
10. Вывучыць методыку рэтраканверсіі картачных каталогаў і прыняць у ёй удзел.
11. Падрыхтаваць прэзентацыю аб ЭК бібліятэкі.
Раздзел 3. Бібліяграфічная работа бібліятэкі
Студэнты знаёмяцца з матэрыяламі па наступных пытаннях:
– арганізацыя бібліяграфічнай дзейнасці ў бібліятэцы;
– нарматыўна-метадычнае забеспячэнне бібліяграфічнай дзейнасці;
– даведачна-бібліяграфічны апарат (ДБА) бібліятэкі: фарміраванне і выкарыстанне;
– стварэнне і выкарыстанне бібліяграфічных рэсурсаў у розных формах;
– арганізацыя, тэхналогія і методыка бібліяграфічнага абслугоўвання карыстальнікаў у традыцыйным і аўтаматызаваным рэжымах;
– арганізацыя, змест, формы і метады фарміравання бібліяграфічнай культуры карыстальнікаў.
Практычныя заданні да раздзела 3 «Бібліяграфічная работа бібліятэкі»
1. Прааналізаваць нарматыўныя дакументы, якія рэгламентуюць дзейнасць аддзелаў бібліятэкі і вызначыць асноўныя функцыі і накірункі бібліяграфічнай дзейнасці бібліяграфічнага і небібліяграфічных аддзелаў, накірункі і формы ўзаемадзеяння паміж аддзеламі пры выкананні бібліяграфічных функцый.
2. Скласці схему арганізацыйна-функцыянальнай структуры бібліяграфічнай службы бібліятэкі і вызначыць прынцыпы размеркавання абавязкаў паміж бібліёграфамі.
3. Даць агульную характарыстыку ДБА бібліятэкі. Раскрыць структуру каталогаў і картатэк, баз даных, склад даведачна-бібліяграфічнага фонду, стан фонду неапублікаваных бібліяграфічных дапаможнікаў. Скласці схему ДБА бібліятэкі.
4. Прыняць удзел у арганізацыі, вядзенні, рэдагаванні розных частак ДБА: папаўненні сістэматычнай картатэкі артыкулаў або базы даных «Артыкулы», тэматычных і спецыяльных картатэк або баз даных; рэдагаванні картатэк або баз даных.
5. Прыняць удзел у фарміраванні тэматычных, галіновых і іншых бібліяграфічных баз даных бібліятэкі:
– пазнаёміцца з фарматам прадастаўлення бібліяграфічнага запісу;
– авалодаць тэхналогіяй:
уводу бібліяграфічных запісаў;
рэдагавання бібліяграфічных запісаў;
пошуку інфармацыі ў базах даных;
падрыхтоўкі на аснове баз даных разнастайных бібліяграфічных прадуктаў (каталожных картак, бібліяграфічных спісаў і паказальнікаў, бюлетэняў, справаздач і г. д.);
– пазнаёміцца з магчымасцямі бібліяграфічнага абмену інфармацыяй.
6. Вывучыць фактаграфічныя картатэкі і фактаграфічныя базы даных бібліятэкі, крыніцы іх папаўнення, структуру фактаграфічнага запісу, тэхналогію вядзення.
7. Прааналізаваць падыходы і крыніцы камплектавання даведачна-бібліяграфічнага фонду бібліятэкі. Прывесці прыклады набыцця ў яго электронных афіцыйных, бібліяграфічных, даведачных выданняў. Авалодаць тэхналогіяй працы з імі.
8. Даць агульную характарыстыку набытых бібліятэкай баз даных (колькасныя паказчыкі, віды, тэматычныя межы). Пазнаёміцца і апісаць найбольш значныя ў бібліяграфічнай рабоце паўнатэкставыя, бібліяграфічныя, рэфератыўныя, фактаграфічныя і іншыя базы даных.
9. Вывучыць магчымасці працы бібліяграфічнага аддзела з генерыруемымі іншымі аддзеламі бібліятэкі базамі даных, а таксама з інфармацыяй, прадстаўленай у Інтэрнэце.
10. Пазнаёміцца з вынікамі вывучэння інфармацыйных патрэбнасцей карыстальнікаў бібліятэкі (калі такія даследаванні праводзіліся ў бібліятэцы), пры неабходнасці прыняць удзел у іх правядзенні. Даць ацэнку ДБА з пункту гледжання яго адпаведнасці інфармацыйным патрэбнасцям і запытам асноўных груп карыстальнікаў. Даць свае прапановы па аптымізацыі ДБА.
11. Пазнаёміцца з асноўнымі формамі і зместам работы бібліятэкі па фарміраванні бібліяграфічнай культуры карыстальнікаў. Прыняць удзел у рабоце бібліятэкі па фарміраванні бібліяграфічнай (інфармацыйнай) культуры карыстальнікаў.
12. Вызначыць асноўныя формы і метады бібліяграфічнага інфармавання, засвоіць тэхналогію падрыхтоўкі асноўных форм масавага, групавога і індывідуальнага бібліяграфічнага інфармавання.
13. Прыняць непасрэдны ўдзел у арганізацыі, правядзенні і вывучэнні эфектыўнасці Дня інфармацыі, Дня кафедры, Дня спецыяліста, прэзентацыі і іншых комплексных мерапрыемстваў. Скласці да Дня інфармацыі агляд новых паступленняў бібліяграфічных інфармацыйных рэсурсаў.
14. Прыняць непасрэдны ўдзел у дыферэнцыраваным бібліяграфічным інфармаванні карыстальнікаў. Скласці тэхналагічную карту на адну з форм дыферэнцыраванага бібліяграфічнага інфармавання.
15. Авалодаць аўтаматызаванай тэхналогіяй ажыццяўлення розных формаў бібліяграфічнага інфармавання.
16. Вызначыць і прааналізаваць інавацыйныя формы бібліяграфічнага інфармавання (падрыхтоўка дайджэстаў, матэрыялаў маніторынга прэсы, фактаграфічнае бягучае інфармаванне, тэматычныя аналітычныя агляды і інш.).
17. Прыняць непасрэдны ўдзел у даведачна-бібліяграфічным абслугоўванні карыстальнікаў, выявіць асаблівасці выканання розных тыпаў даведак у традыцыйным і аўтаматызаваным рэжымах. Прыклады выканання найбольш складаных запытаў, а таксама адмовы занатаваць у дзённіку.
18. Азнаёміцца з асаблівасцямі тэхналогіі віртуальнага даведачна-бібліяграфічнага абслугоўвання карыстальнікаў (пры наяўнасці).
19. Зрабіць вывады аб характары, тэматыцы, тыпах, мэтах запытаў карыстальнікаў, прычынах і абгрунтаванасці адмоў, выкарыстанні традыцыйнага і электроннага ДБА, электронных інфармацыйных рэсурсаў аддаленага доступу пры іх выкананні.
20. Азнаёміцца з асаблівасцямі кансультацыйнага абслугоўвання карыстальнікаў па пытаннях пошуку, выбару, выкарыстання крыніц інфармацыі, у тым ліку па пошуку інфармацыйных рэсурсаў у сетцы Інтэрнэт.
21. Падрыхтаваць і правесці кансультацыі па выкарыстанні ДБА, асноўных бібліяграфічных прадуктаў і паслуг як лакальнага, так і аддаленага доступу.
22. Скласці памятку (схему, даведнік, прэзентацыю або адну з іншых формаў) карыстальніку аб ДБА ў цэлым ці яго частцы (электронным каталозе, базе даных і інш.).
23. Прыняць непасрэдны ўдзел у падрыхтоўцы друкаваных рэкламных матэрыялаў аб дзейнасці бібліяграфічнай службы, яе бібліяграфічных прадуктах і паслугах, фарміраванні бібліяграфічнай культуры карыстальнікаў.