Статут ВКЛ 1588
.pdfСтатут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
РОЗДЕЛЪ ОСМЫЙ. «О ТЕСТАМЕНЪТОХЪ».
Артыкулъ 1.
Хто можеть и не можеть о речахъ своихъ рухомыхъ тестаментъ чынити.
Уставуемъ, ижъ кождый маеть мети моцъ о речахъ своихъ рухомыхъ тестаментъ чинити, окромъ тыхъ паръсонъ, нижей описаныхъ, которые парсоны, ижъ подле права не мають ничого волного, для того тестаментомъ никому ничого отдати не могуть. Напервей, дети, летъ зуполъныхъ не маючие; законъники, будучы в законе упривил[ь]еваном, принемши и потверъдившисе в законе; сынове, от отца не выделеные, окромъ речей набытья своего власного або выслуги, такъ тежъ в чужую моцъ с права выданые, то естъ тот, кого бы кому выдано зъ его статъки и маетъностью; полоненики и челядь дворная; по тому жъ люди шаленые, которые от розуму отходили. А вед же и тые, коли ку доброму и досконалому розуму прийдуть, моцни тэстаменъты свои чынити. Такъ же выволанъцы и чсти отсужоные не могутъ тестаменътовъ чинити.
Артыкулъ 2.
О тэстаментъ на речы рухомые и на именья набытые, яко мають быти справованы.
Уставуемъ: коли бы хто на речы свои, маетност[ь] рухомую и тежъ на именья, всякимъ способомъ набытые, хотелъ тестамент чынити, тогды кождый таковый, будучы здоровый албо и хорый, толко бы при добрей памети и здоровый на розуме былъ, волно ему будетъ речы свои, маетность рухомую, также и именья, черезъ него самого набытые, однакъ же не отчызные, ани материстые имен[ь]я, кому хотечы подлугъ доброе воли своее, такъ духовнымъ особамъ, яко тежъ и светъскимъ, записати. Ведъ же при справованью тестаменту маетъ мети врадъ нашъ земъский албо кгродъский оного повету, где ся тотъ тестаментъ справовати будетъ. А где бы вряду такъ земъского, яко и кгродъского зуполъного к собе взяти не могъ, тогды хотя одна особа урядовая прибудетъ, маючы при враднику двухъ шляхтичовъ. А не можетъ ли быти и одинъ который урядникъ, тогды передъ трема шляхтичами, в томъ панъстве нашо[м], великомъ князстве литовъскомъ, оселыми людми, веры годными, можетъ тесътаментъ справити. А кгды сама тая особа, хто тестаменътомъ кому што записалъ, потомъ умеръ и тымъ вжо остаточную волю свою потвердитъ, приложивъшы до того тестаменъту печать свою. А если бы хто умел и могъ еще писати, тогды руку свою подъписати маетъ. Также и печатники, хто з нихъ писать умети будетъ, маютъ руки свои у тестаменту подъписать. Вед же подъписъ рукъ не маетъ быть на кустодеи, одно на самомъ тестаменте або на листехъ всякихъ записныхъ, и тыхъ особъ, звышъ предъречоныхъ, повиненъ будетъ о приложенье печати ихъ до того тестаменту своего просити. Тогъды тотъ тэстаментъ, тымъ обычаемъ справленый, вечными часы на всякомъ враде при зуполной моцы держанъ и ни в чомъ нарушонъ не маетъ быти. А тотъ, хто тестаментомъ своимъ што кому записовати будетъ, маетъ кождую речъ меновите докладати, и тые печатники, которые пры справованью тэстаменътовъ бывають, маютъ то, што слышали от того, хто тэстаментъ чынитъ, правдиве подъ сумненьемъ своимъ достаточне до тестаменту уси слова уписати и выразити безъ кождого охиленья значне. Вед же скоро по смерти его заразомъ неомешкане тотъ тестаментъ первей на враде кгродъскомъ, а потомъ передъ нами, г[о]с[по]д[а]ремъ, або передъ судомъ нашымъ земъскимъ на першыхъ рокохъ маетъ быти оповеданъ и до книгъ вписанъ. А где бы хто по написанью того тестаменту жыв зосталъ, волно ему будетъ завжды тестаментъ свой одменити колко кроть похочет. А остаточный всихъ першыхъ тестаментовъ, смертью его потвержоный и тымъ обычаемъ, яко вышей описано, справленый, у кождого права маетъ при моцы зостати.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
Артыкулъ 3.
О вольность записать на костелъ именей набытыхъ.
Хочемъ такъ мети вечъными часы и уставуемъ: хто бы кольвекъ с подданыхъ нашыхъ хотелъ именье свое набытое на костел хрестиянъский записати, тогды волно будеть то ему учинити поступкомъ, вышей въ арт[ы]куле второмъ сего розделу описаным. Ведъ же предъсе с такого именья, на костелъ записаного, духовъные мають и повинъни будуть служъбу нашу земъскую военную конъно, збройно водлугъ уставы и уфалы земъское по тому жъ заровно из ыншою шляхтою служити, выправуечи на местъце свое слугу своего народу шляхетъского с такъ много почту, колко повиненъ будеть з оного именья ставить. И тотъ почетъ маеть быти подъ справою хоружого оного повету, где тое именье лежати будеть.
Артыкулъ 4.
Естли бы ся кому прыдало на войне, албо где в дорозе, або тежъ в чужой земли тестаменътъ чинити.
Уставуем теж: если бы ся пригодило кому тестаменътъ чинити на войне або где в дорозе, а не могъ бы трехъ светковъ мети, тогды предъсе колко ихъ мети можеть, принамъней двухъ особъ, только бъ людей добрыхъ, шляхтичовъ, веры годныхъ, при таковыхъ можеть тестаменътъ чинити. А по вчиненью маеть тотъ тестаменътъ объявленъ быти передъ нами, г[о]с[по]д[а]ремъ, або передъ судомъ земъскимъ на першыхъ рокохъ судовых, або перед кгродским на першихъ рочкохъ, а на войне передъ гетманомъ або хоружимъ поветовымъ, пры которомъ оповеданьи такового тестаменъту тые светки мають прысегою своею потверъдити. А где бы се трафило кому, будучы в чужой земли, тестаменътъ чинити, тогды тотъ тестаментъ маеть быти объявленъ перед тым врядомъ, где ся то прыгодить. А потомъ, прыехавшы зась до того паньства и повету, где прыслухати будеть, указавшы выписъ оного уряду, пры которомъ тотъ тестаментъ чиненъ, предъсе маеть передъ урядомъ земъскимъ того повету своего то оповедати, яко о томъ естъ вышей описано. А предъсе жъ тотъ, кому што за такимъ тестаменътомъ, в чужой земли справленымъ, посегнути належить, на томъ присегнути маеть, ижъ справедливе, за волею и ведомостью, за доброе и здоровое памети самое особы тое тотъ тестаменътъ справленъ.
Артыкулъ 5.
Которые печатниками и светками пры чиненью тестаменту быти не могуть.
Тежъ уставуемъ, ижъ при справованью тестаменъту печатъниками и светками быти не могуть тые особы, нижей назначоные, то естъ напервей [в оригинале: «напервем»] которые своихъ тэстаментовъ чинити не годни; второе, невесты; третее, екъзекуторове або опекунове того тестаменъту; четвертое, тежъ и тые быти не могут, которымъ в томъ тестаменте што будеть описано.
Артыкулъ 6.
С которыхъ причынъ тестаментъ за моцный у права приймованъ быти не маеть.
Коли бы в которомъ тестаменъте на дате або на местъцу якомъ значномъ поправовано и скробано ку шкоде которой стороне, таковый артыкулъ в томъ тестаменте за моцный у права не маеть быти приймованъ. А вшак же где бы на местъцу мало потребномъ, не в
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
дате ани стороне ку шкоде былъ скробаный або поправованый, што бы се стало з омылки того, хто писалъ, тымъ того аръты[ку]лу в томъ тестаменте касовать не можеть. А хто бы хотелъ бурыти тестаментъ, и если бы в одномъ албо в колку артыкулехъ, надъ право описаныхъ, былъ нарушонъ, а вси иные водлугъ права справлены, тогды однымъ албо колькома арътыкуловъ всего тестаменъту касовати не можетъ. Так же и о записехъ всякихъ на каждую речъ розумено и сужоно быти маетъ.
Артыкулъ 7.
Причыны, для которых отецъ сыновъ або дочокъ выреч[ы]се можеть.
Уставуемъ, ижъ отецъ и матка выречисе сына и девки можетъ с прычынъ тыхъ, нижей описаныхъ. Перъшая: если бы сынъ або девъка, не помнечы на пана бога и на родичы свои, торъгнулъся рукою, ударылъ або пхнулъ з гневу, такового не только выречысе можетъ, але горломъ от ураду за жалобою и доводомъ родичовъ каран быти маетъ. Другая: коли бы сынъ або девъка значную кривду родичомъ чинили в забиранью маетности без воли и ведомости ихъ. Третяя: естли бы сынъ або девка зе злости своее а не для пожытку речы посполитое, фолъдровали на родичовъ своих на горло кому кгволи. Четвертая: если бы ся трафило где у права ойца [так!] або матки ручыть не хотели ку постановенью, а звлаща, где бы того врадъ допустилъ. Пятая: если бы девъка, нестатечне чыстость свою на вшетеченьство оборочаючы, мешкала. Шостая: если бы родичовъ опустили в зошлыхъ и старыхъ летех ихъ, а не давали жывности и инъшыхъ потребъ родичомъ. Семая: кгды бы родичовъ з рукъ неприятельскихъ окупить або вызволить не хотели, а маетности отцовъское або матъчыное ужывали. Што усе если бы ся явне и правне передъ урадомъ показало, с такихъ причынъ родичы могутъ детей своих выречися.
Артыкулъ 8.
Нихто не можетъ челедину домовому ани полоненику своему ничого записати, волнымъ его не вчынившы.
Уставуемъ, ижъ кождый якого колвекъ стану челедину домовому ани полоненику своему, не вчынившы его напередъ волнымъ, ничого тестаментомъ записати не можетъ, ажъбы его первей волным учынилъ. А вед же тестаменътомъ и каждымъ листомъ явным можетъ такового челядника своего волнымъ вчынити, а учынившы, тымъ же тестаменътомъ можетъ ему што водле воли своее записать.
Артыкулъ 9.
Кождый слуга путный и мещанинъ местъ неупрывильеваныхъ и тежъ чоловекъ простый якъ тестаментъ чынити маеть.
Уставуемъ, ижъ кождый с таковыхъ людей воленъ тестаментъ о речы свое рухомые чынити и отписати третюю часть всее маетности своее кому похочеть. А две части тыхъ же рухомыхъ речей маеть зоставити в дому своемъ детемъ для службы тое земъли, на которой седитъ. А не будет ли мети детей, ино предъсе тые две части маетности его маетъ зостати в дому его ку службе оного пана, на чыей земли седелъ. А если бы дети, будучы волни, а хотели прочъ пойти, тогды, и тые две части маетности вземъшы, маютъ пойти прочъ, толко землю пану своему подати з жытомъ засеянымъ, и съ хоромами, и с тымъ зо всим, с чымъ хто будетъ тую землю пана своего на службе взялъ.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
Розделъ девятый: «О подъкоморых в поветехъ и о правахъ земленыхъ; о границахъ и о межахъ».
Артыкулъ 1.
О уставленовенью подъкоморыхъ в поветехъ и о прысязе ихъ.
Уставуемъ, ижъ в кождомъ повете маеть быти подъкоморый присяглый и оселый в повете томъ, также и в земли Жомоитъской. Вед же того вряду подъкоморъства иначей давати не маемъ, одно за обраньем на то певныхъ особъ чотырехъ черезъ обывателей кождое земли и повету тымъ порядкомъ, яко обиранья инъшыхъ врядниковъ судовыхъ земъскихъ: судъи, подъсудка и писара — естъ в семъ статуте описано. А с тыхъ особъ обраныхъ и нам от становъ поданыхъ кого се намъ напрыстойней видети будеть, того мы, г[о]с[по]д[а]ръ, зверъхности нашое г[о]с[по]д[а]ръское на тотъ врядъ преложимъ и привильемъ нашымъ его потвердимъ до жывота его або до подвышенья на иньшый який большый врядъ або достоеньство. А перъвей, нижли тым урядомъ подъкоморъским справовати будеть, маеть прысягу на тотъ врядъ свой на перъшыхъ рокохъ судовыхъ земъскихъ передъ врядомъ судовым земъскимъ и передъ всими иными станы, такъ на роки прыбылыми, вчынити тыми словы: «Я, н[айме], прысегаю пану богу всемогущому, в тройцы единому, ижъ на вряде томъ земъскомъ подкоморъскомъ, который з ласъки и з рукъ его королевъское м[и]л[о]сти беру, его королевской м[и]л[о]сти г[о]с[по]д[а]ру своему м[и]л[о]стивому и обывателем того повету веренъ буду, справуючы тотъ врядъ верьне а справедливе такъ на суде моемъ подкоморъскомъ, яко тежъ при чинен[ь]ю границъ и пры сыпанью копцовъ, и поправенъю межъ, ничого болшей на томъ уряде не постерегаючы, одно справедливости светое, и не даючысе ни в чомъ уводити, ани приязни, ани звазни, ани даромъ, и погрозокъ ничиихъ не дбаючи, и сторонамъ не радечы, ани боячисе никого, толко самого пана бога а справедливость его светую передъ очима маючи. Также справы мое подкоморъские на всемъ веръне справуючи, споры обудву сторонъ зъ сказаньемъ, черезъ мене учыненым, пилне до книгъ своихъ судовыхъ уписуючи и с книгъ выдаючы, так ми, боже, поможы».
Артыкулъ 2.
О повинъности и владзы вряду подъкоморъского.
Во всихъ розницахъ земляныхъ и граничныхъ за отосланъемъ от суду земъского або кгродъского мають подкоморые моцъю зверъхности нашое и владзы уряду своего давати позвы по стороны подъ именемъ и печатью своею и с подписъю руки своее и за тыми позвы своими от поданья ихъ, такъ очывистого, яко заочного, рокъ завитый на выездъ на кгрунътъ складати за шесть недель о всякие розницы земленые и иные входы, пожытки. Которые жъ позвы подъкоморого мають трвати от взятья ихъ до поданья албо положенья стороне толко черезъ годъ. А хто, позвы взявши, до году ими не позовет, тот потомъ инъшые позвы отновити и възяти маеть. А за позвы выехавшы подъкоморый на кгрунътъ пенъный и огледавшы доводъ права листовъ и знаковъ граничныхъ, и светковъ, чые листы лепшые, и знаки граничные певнейшые, и светки слушнейшые, тую сторону мает ку доводу прыпустити и, выслухавшы доводу, водле статуту маеть кгрунтъ пенъный и границы сказати, копцы и знаки граничные учинеть. А хто въ кгрунъте виненъ зостанеть, тотъ кгвалтъ платити повиненъ, а навезки всякого стану и головъщызны людей простых, так же шкоды вси за доводомъ слушнымъ правнымъ заразомъ там же на кгрунъте, не откладаючы того на иншый часъ и до инъшого суду, сказати и на то все листъ свой судовый подъ печатью своею и с подъписомъ руки своее дати. И колко кгвалъту, навезокъ, головщынъ, шкодъ подъкоморый скажеть, то черезъ листъ свой отвороный
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
виненъ будеть вряду тому судовому земъскому або кгродъскому, от которого первей отосланье к нему тое справы было, ознаймити. А врядъ тотъ судовый за отосланьемъ и ознайменьемъ подъкоморого маеть стороне поводовой отправу на имен[ь]ю стороны противное водлугъ арътыкуловъ, в семъ статуте вышей о отправе речей сужоныхъ постановеныхъ, учинити. А где бы з обеюхъ сторонъ выводу правного на писме або тежъ и зънаковъ граничныхъ явныхъ слушныхъ не было, толко бы светки ставили, тогды поводовая сторона пры жалобе своей маеть быти ку доводу прыпущона, то естъ ку светкамъ, веры годным, и ку прысязе ихъ и самого жалобника. Вед же где бы поводовая сторона пущала на прысегу стороне позваной самой албо зъ светками ее, а она бы се за прысегу доброволне узела, тогды за прысегою речъ одеръжыть и кгвалту, боевъ, шкодъ воленъ будеть. А хто бы, взявшисе за прысегу, не учинилъ бы ее, тогды речъ тратить.
Артыкулъ 3.
Около обосланья суседовъ граничныхъ и сумежныхъ ку выеханью на кгрунътъ пенъный.
Аижбы хто, ведучы право о кгрунътъ пенъный або розницы граничные з однымъ, не мелъ от кого иного зъ стороны переказы в томъ праве, яко се то прыдавати звыкло от околичныхъ суседовъ, границами и межами прилеглыхъ ку тому кгрунту, о который право идет, для того сторона поводовая або жалобная маетъ и тыхъ околичныхъ суседовъ на тотъ же выездъ листомъ подъкоморого обнести передъ рокомъ выезду подъкоморого зложонымъ принамней за чотыри недели, даючы с того листу копею под печатью возного кождому таковому суседу албо на именью ихъ кладучы и имъ то ознаймуючы, абы на рокъ, в томъ листе ознайменый, ку пригледанью выводу и становенья границъ прыбывали або сами, або черезъ врадниковъ своихъ, постерегали границъ своихъ. А где бы которые суседы околичные, граничные за обосланьемъ и упомнен[ь]емъ черезъ листъ подкоморого на тотъ рокъ выезду подъкоморого зложоный у оныхъ кгрунтовъ и границъ пенъныхъ, о што право идетъ, не становилися и своихъ границъ, межъ и кгрунтовъ не заступовали, тогды межы тыми двема сторонами предсе подъкоморый маетъ розсужати и граничыти. А што кгрунту таковых неприбылыхъ, тымъ межы двема особами граниченьемъ который з нихъ стороне занято, о то той особе неприбылой волно будет позвать передъ врадъ належный правомъ держачого спирати. А хто станетъ самъ на своей границы або черезъ кого жъ колвекъ боронити будетъ граниченья, тогды подъкоморый, покуль розница идетъ вземъшы ведомость от оного, хто боронитъ границъ, заховать маетъ право у належного суду с тыхъ, хто переказу учынилъ границамъ. А далей предся едучы, где бы переказа не была, маетъ границы конъчыти, а жалобникъ о тую переказу до права позвати маеть оного, хто переказилъ, до суду належъного о шкоды и о кгрунтъ оный, где се споръ сталъ.
Асудъ отошлеть на выездъ подъкоморого с тою особою, которая то перекажала, тому, хто границы велъ. И кгды бы з розсудку подъкоморого узнано, же, не маючы справедливости до оного кгрунту, але зъ направы або з вазни перекажалъ праву его, таковый шкоду, прынятую от выезду перъвшого, повиненъ будетъ заплатити оному укривжоному и кгрунтъ кгрунтомъ навезати такъ много, яко отнималъ або тою переказою собе прывлащалъ. А то маетъ быти черезъ подъкоморого ж отправлено, вымерившы кгрунтъ.
Ао шкоды порадкомъ статутовымъ отправа будетъ учынена. Вед же где бы, розумеючы уближенья, до апеляцыи бралъсе, то ему не маетъ быти заборонено, яко статутъ учытъ, от подъкоморого суду. Але если бы у вышъшого права узнанъ былъ за упорного, таковый шкоду всю, от подъкоморого сказаную, совито стороне заплатити маеть, а кгрунтъ кгрунтомъ навезати, и черезъ подъкоморого врадъ маетъ то быть вымероно тымъ же посътупкомъ, яко о речахъ сужоных около отправы описуетъ.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
Пакли бы тежъ опекунъ або заставникъ и кождый, дочаснымъ правомъ держачый именья, то учынилъ, а граничыть не допустил, тогды дедичове не повинни на томъ шкодовати, але самъ таковый, хто з упору, з васни албо заздрости переказу граниченью учынитъ, на своей маетности маетъ то терпети, кгды до права притягненъ будетъ тымъ порадкомъ, яко вышей описано, ведъ же о вечность кгрунту право заховуючы и волное мовенье детемъ недорослымъ, кгды летъ зуполъныхъ дойдуть. А где бы пры [в оригинале: «кры» - О.Л.] кгрунътехъ нашыхъ, г[о]с[по]д[а]ръскихъ, таковое граниченье кому с кимъ придалося, тогды деръжавца тыхъ кгрунътовъ нашы[х] таковымъ же способомъ, яко вышей описано, черезъ сторону поводовую листомъ подъкоморого маеть быти обосланъ. А такъ же и деръжавцы добръ нашыхъ в томъ заховатися повинни будуть.
Артыкулъ 4.
О такихъ кгрунътехъ нашыхъ, г[о]с[по]д[а]ръскихъ, которые бы часу граниченья межы кгрунъты пенъными шляхетъскими были прылегълыми ку границы кгрунътовъ шляхетъских.
К тому и то варуемъ, ижъ где бы пры такомъ праве и граничен[ь]ю межы шляхътою примешалисе и прилегли кгрунъты нашы, г[о]с[по]д[а]ръские, а сторона бы которая, выводечы границу свою, займовала нашого кгрунъту, чого бы староста, деръжавца нашъ або подъданые нашы, менечы быти властъностью нашою, боронити хотели и не допущали по нашымъ кгрунътом граннцы вести, тогды подъкоморый маеть то на инъшый часъ отложыти, поки стороны албо одна з нихъ, которой того потреба укажеть, до насъ в той речы утечетьсе, а мы комисаровъ нашыхъ на то вышлемъ и виньни будемъ в такой речы заховатисе водлугъ сего жъ статуту, яко около розницъ межы кгрунътовъ нашыхъ и шляхетъскихъ вышей в семъ статуте, в розделе перъвомъ арътыкуле двадъцатом и в розделе четвертомъ арътыкуле осмъдесятъ третемъ естъ описано. А ку тому жъ року, на выездъ комисаровъ нашыхъ зложоному, сторона поводовая або тая, которая насъ о комисары просити будеть, винъна будеть сторону свою противную знову позвомъ подъкоморого припозвати также на рокъ завитый.
Артыкулъ 5.
О року завитомъ на выездъ подъкоморого, и хто бы на немъ за причынами правными не сталъ.
Уставуемъ, ижъ кождый рокъ выезду подъкоморого на кгрунтъ маеть быти завжды завитый. Ведь же где бы сторона, позваная на тотъ рокъ, за позвы подъкоморого зложоный, за правъдивою обложъною хоробою або за послугою нашою, г[о]с[по]д[а]ръскою и речы посполитое, в семъ статуте выражоною, стати не могла, с тыхъ прычынъ маеть быти вольна от того перъшого року, але о хоробе своей, если се перед рокомъ прыдасть, также и о послузе, маеть в часъ, яко наборъздей быти можеть, подъкоморому и стороне передъ рокомъ запозваным ознаймити такимъ обычаемъ, яко около такихъ обмовъ наука в розделе четвертомъ естъ постановена, абы вжо того року не пильновали, а подъкоморый повиненъ будеть рокъ на иньшый часъ за тыми жъ першыми позвы от року, за ними припадаючого, такежъ за недель шест[ь] преложыти и то стороне позваной черезъ того жъ ее посланьца, которого к нему с тою обмовою прышлеть, листомъ своимъ ознаймити. А сторона позваная стороне жалобной черезъ листъ подъкоморого виньна будеть о томъ преложенью року ведати дати того жъ часу скоро по обмове своей, надалей за тыдень албо, яко на часъ и далекостъ местъца знесеть, покладаючы черезъ возного копею з листу подъкоморого на томъ именью, с которого споръ о земълю идеть.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
А если хороба припадеть близко передъ рокомъ выезду подъкоморого, тогды и на самомъ року. можеть такое отроченье ити, а подъкоморый рокъ на инъшый час, яко вышей описано, преложити маеть, за которымъ преложеньемъ на другомъ року сторона, которая на першомъ року не стала, повинъна будеть первей водлугъ статуту прысегою правдивое обложное хоробы своее довести. И если обмова хоробою будеть чынена на самомъ року, тогды въ присязе и то доложоно быти маеть, ижъ его в такъ близкомъ часе хороба зашла, же не могъ передъ рокомъ о хоробе подъкоморому и стороне дати знати, а о послузе нашой земской сведецьство слушное на листехъ нашихъ оказати, а потом з стороною противною росправу судовную наконецъ прыняти. По тому жъ и стороне поводовой такие обмовы ити, и она се в таких прыпадкохъ водлугъ того, яко о позваномъ вышей естъ описано, заховати маеть. А где бы которая сторона на хоробе прысегнути не хотела або о послузе сведецъства водлугъ сего статуту не оказала, таковая речъ свою тратить, а подъкоморый то, о што межы ними идеть, стороне, року пилнуючой, безъ доводу сказати маетъ. Пакли бы хто и на другомъ року за позвы подъкоморого хоръ былъ, таковый, если не самъ, тогды черезъ умоцованого своего, предъсе права пилен быти и передъ подъкоморым на кгрунъте становитисе и росправу водлугъ права прыймовати виненъ будеть. А если с права присега тому, хто хоръ, сказана будет, тогды светки его тамъ на местъцу передъ подкоморымъ заразомъ прысегу учинити винъни будуть, а ку пригледанью прысеги самого хорого маеть подъкоморый возного з двема шляхтичами, кого собе тая сторона, которая, хоробою будучы, прысегати будеть, упросить и в домъ оного послати, а сторона противная и своихъ посланъцовъ при той присязе можеть мети, и возного, а оный хоры [так!] повиненъ будет яко на хоробе своей, же былъ и естъ хоръ, такъ и на речы самой, если ее всхочеть одержати, присегу перед тымъ вознымъ и шляхтою учынити. А не прысягнетъ ли, таковый речь свою тратить. Если бы тежъ хто хотелъ се на першомъ року за позвы подкоморого вымовляти позваньемъ до иншого повету и суду, тогды таковая обмова, яко на року завитомъ, не маеть быти приймована, вынявшы толко тые причыны, где бы хто на тотъ же одинъ рокъ былъ позван в ыншом повете также о кгрунтъ земъленый. Позвы подъкоморого на завитый рокъ о речъ болшую важнейшую або теж до суду кгродского, буд[ь] и в ыншомъ повете або и в томъ одномъ, в такой речы, где о горло идеть, и рокъ бы ему на тот же одинъ часъ у кгроду, яко и передъ подкоморымъ припадалъ, тогды в такомъ припадъку сторона такова захована будеть водлугъ арътыкулу двадъцат[ь] семого в розделе четвертомъ. Можеть тежъ обмова противъ року за позвы подъкоморого ити и такъ сторонамъ, в праве стоячымъ, яко и сумежникомъ тымъ, кгды хто с пановъ радъ нашыхъ водлугъ повинъности своее, або хто иный для потребъ и справъ своихъ судовыхъ, на съемъ припадаючыхъ, албо тежъ, с которого повету в поселъстве будучы отправенымъ, на съемъ поедеть. Вед же тое бытности своее на сойме маеть сведецьство на писме слушное, за печатью нашою, на другомъ року за позвы подъкоморого показати, а не покажет ли, тотъ речъ свою тратить. Еще тежъ суды подъкоморъские ити не мають часу поветрея морового и подъ войною, которая бы была з уфалы соймовое посполитымъ всихъ рушеньемъ отправована.
Артыкулъ 6.
Абы подъкоморый повинъности вряду своего досыть чынилъ.
Уставуемъ, ижъ подъкоморый от року, сторонамъ за позвы его прыпадаючого, никоторыми иными причинами вымовлятисе и проволоки справедливости людъской чынити не маеть подъ тою жъ прысегою своею, на врядъ его вчыненою, окромъ где бы его зашла хороба обложная, тогды онъ черезъ листы свои виненъ будеть сторонамъ обудвумъ о томъ знати дати.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
А по выздоровенью подъкоморого сторона жалобная знову о то сторону свою противъную позвати маетъ. А подкоморый на другом року виненъ будетъ то передъ сторонамъ под тою жъ прысягою своею [в оригинале: "своюе"], на врадъ его учыненою поведити, же правдиве якою хоробою хор былъ, же для нее на оный рокъ прибыти не могъ. А где бы подъкоморый, не будучы хоръ и обмовы хоробою не чынечы, враду своего пиленъ не былъ и ку зволоце справедливости на рокъ запозваный не прибылъ, таковый повиненъ будетъ стороне поводовой за кождый омешкаый [так!] рокъ шесть [в оригинале: "шестs"] рублев] грошей заплатити, а о тую вину волно будетъ стороне жалобной позвати его до суду земъского на рокъ завитый. Вед же сторона жалобная по заложенью позвомъ подъкоморого стороны своее противъное маетъ подъкоморому о том надалей за две недели черезъ возного и сторону и черезъ листъ отвороный враду земъского або кгродъского дати знати. А который бы подъкоморый без причины хоробы своее до трехъ разовъ роков, за позвы его зложоныхъ, омешкалъ, таковый врад свой тратитъ.
Артыкулъ 7.
О отозвехъ от суду подъкоморого.
Еще тежъ и то уставуемъ: где бы се кому судъ подкоморого не водле права виделъ, тогды по головной сказни речы самое волно каждой стороне отозватисе с тымъ до суду головного, за которым отозвомъ маетъ [так!] быти выслани от суду головного комисары, в ономъ же повете оселые, а звлаща кашталянъ оного повету, а где бы кашталяна не было, тогды маршалокъ нашъ того повету, и при нихъ по две особе шляхетъские людей добрыхъ, цнотливыхъ, веры годныхъ и у праве умеетныхъ. А в которомъ повете кашталяна ани маршалка не будетъ, в томъ таковая комисея отсылана быти быти маетъ до старосты судового того ж повету, а при старосте такежъ два шляхтичы прыданы на то будуть, а кашталянове, маршалкове або старостове подъ тою жъ присягою, на достоенъство ихъ вчыненою, винъни будуть справедливе такие речы, до нихъ отосланые, розсужовати. А рокъ тому выезду комисаръскому от суду головного будеть покладанъ водлугъ баченья ихъ, передъ которыми комисарми будеть повиненъ подкоморый справы суда своего оказати, а они моцни будуть судъ подъкоморого и границь, если бы в чомъ выкрочылъ, поправити або тежъ, если добре судилъ, пры моцы зоставити. А хто бы тежъ безъ прычыны слушное от суду подъкоморого отзов учинилъ, тотъ повиненъ за высланьемъ комисаровъ, в томъ дознаный, заплатити вины подкоморому шесть рублей грошей, а стороне противной тры рубли грошей. И кгды апеляция в которой речы от подъкоморого уростеть, тогды до выеханья с розсудъку комисарского присега стороне маеть быти задержана. Одънакъ же для памети знаки того заграниченья мають быти почынены и от того подъкоморому толко половица доходу его, нижей описаного, плачона будетъ, а тые кгрунты до росъправы комисаръское маютъ зоставати въ держанью тое стороны, которой подъкоморый присудитъ. Вед же и тотъ до розсудъку комисаръского того кгрунту, звлаща пущъ, дерева, пустошыти не маетъ, а при росправе комисаръской и прысеги водлугъ вынайденья ихъ слуханы и вжо наконецъ границы значъные починены и копцы водле потребы закопаны быти мають заразомъ через тых же комисаров. А за працу комисаромъ так же, яко и подкоморому нижей описано, плачоно быти маеть. Также присега на презыски и отосланье презысков, на отправу врадовую маеть ся задержати в тотъ часъ, кгды апеляцыя уростеть аж до росправы комисаръское. А по росправе комисарской зостанеть ли при моцы судъ подъкоморого, тогды отосланье презысков на отправу до враду судового маеть быти через листъ подъкоморого. А естли суду подъкоморого комисари поправять, то вжо и отосланье презысковь на отправу до враду комисары жъ черезъ листъ свой учинити мають. А таковые справы судовые, которые се скончать за выеханьемъ комисаровъ, маютъ быти вписованы в тые жъ книги
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
подъкоморого. А похочет ли сторона вырокъ судовый до книгъ земъскихъ або кгродъскихъ вписать, то ей волно будеть.
Артыкулъ 8.
О розницы в такихъ кгрунтехъ, которые бы были на границы спольной двухъ поветовъ.
Где бы тежъ розницы в кгрунтехъ придалися на гранцы [так!] сполной двухъ поветовъ, тогды не одинъ который подъкоморый, але обадва з обеюхъ поветовъ на такий кгрунтъ пенъный выехати мают. А подъкоморый одного повету маеть и виненъ будеть на такую справу выехати за обосланьемъ черезъ листъ отвороный другого подъкоморого того повету, в которомъ се повете будуть о то стороны до вряду земъского або кгродъского запозвали и до которого отъ врядовъ тая справа будетъ отослана, который листъ от подъкоморого до подкоморого сторона жалобная маеть носити або посылати. А тые подъкоморые обадва, укажет ли потреба за злученьемъ кгрунту пенъного и въ кольку поветехъ за обосланьемъ ихъ обычаемъ вышей мененымъ черезъ одного подъкоморого, зъехавшысе на рокъ, за позвы прыпалый на рокъ пенъный подъ тою жъ виною, яко вышей въ артыкуле о повинъности подъкоморого естъ описано, мають вси згодне межы сторонами споръными справедливость водле права посполитого учинити и суд свой границами и копцами, и листы своими судовыми умоцънити.
А от покладан[ь]я границы и сыпанья копцовъ доходъ свой подъкоморъский, нижей описаный, кожъдый зъ нихъ маеть брати от того, што будеть въ кгрунте которого повету границы учинено и копцовъ укопано. И для того кождый подъкоморый повиненъ границы повету своего с канъцлереи нашое на писме за печатью нашою у себе мети, и канъцлерея наша маеть имъ то выдавати. А где бы подъкоморые в которой справе розъсудкомъ своимъ не згодилися и за тымъ конца въ границы межы сторонъ учынити не могли, тогды каждый з нихъ всю справу, яко се точити будеть, и пры том зданъе свое, достаточне выписавшы, мають [в оригинале: "маить"] с тым сторон отослати до суду головного. А судъ головный, угленувшы в тые листы справы ихъ, мають то на сконъченье до комисаровъ, порядкомъ вышей описанымъ отослати, однак же комисаромъ мають зданье свое ознаймити - которого подкоморого судъ албо вынайденьемъ и правнейшое видетисе будеть. А хотя ж бы подъкоморые розъсудкомъ своимъ згодилися, а сторона бы которая, не переставаючи на ихъ сказанью, хотела апелевати, то ей волно будеть.
Артыкулъ 9.
О доходехъ подкоморого и о книгахъ его.
Уставуемъ, ижъ доходъ подкоморому такий маеть быти, яко тутъ нижей описано: от позвовъ его - по грошу; от листу, который будеть писанъ до участниковъ албо других подкоморыхъ,- по два гроши; от листу, который будеть писанъ рокъ прекладаючи,- два грошы; от записанья справы до книгъ - грошъ; от выписовъ судовых по тому, яко писаръ [так!] земъскому албо кгродскому в розделе четве[р]томъ постановено за листъ отъсыланья презысковъ на отправу до вряду - шесть грошей. А за працу и проездъ подъкоморого мает ему заплата быти таковымъ обычаемъ: от копца кождого нарожного - по двадъцати чотыри грошы литовъскихъ, а отъ посреднихъ копцовъ от кождого - по грошей дванадъцати. А вед же копцы одинъ одъ другого не мають быти чынены ближей, одно черезъ пять шнуровъ волочныхъ, окромъ того, где бы ся граница закривеная прыдала и частейшыхъ копцовъ потребовано. А где бы тежъ копцовъ потреба не была, одно прегонен[ь]е межы было, тогды от таковое межы от каждых пети шнуровъ волочныхъ –
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003. http://starbel.narod.ru/statut1588.htm
дванадъцать грошей. А пересуду от сумы сказаное подъкоморый по тому жъ, яко и иные судьи земъские и кгродские, брати маеть, а вси справы, позвы и листы, и выписы всякие подъкоморый рукою своею подъписовати маеть. А книги подъкоморого по смеръти его мають быти отдаваны до вряду земъского судового того повету ку захованью ихъ пры книгахъ земскихъ. А кому з нихъ выписовъ якихъ потреба будеть, тому мають быти выдаваны с подъписью писара земъского и с печат[ь]ю судьи и подъсудъка.
Артыкулъ 10.
О установенью черезъ подъкоморого коморъниковъ.
А ижъбы отправа всякихъ справъ, вряду подъкоморого належачыхъ, омешканья и затрудненья никоторого не прыймуючы, але тымъ снадъней, окромъ всякое проволоки и продлуженья, скутокъ и конецъ свой справедливость прыймовала, прото в кожъдомъ повете подъкоморый ку помочы своей маеть обрати одного або тежъ и двухъ коморъниковъ шляхтичовъ, у повете оселых, людей годъныхъ, статочныхъ, в праве умеетныхъ и писати умеючыхъ, которые на рокохъ судовыхъ передъ кашталяномъ або маръшалъкомъ поветовымъ и передъ урядомъ земъскимъ, а в небытности кашталяновъ, маръшалъковъ - передъ урядомъ судовымъ земъскимъ и иными станы, на роки прыбылыми, мают прысегу таковую жъ, яко самъ подъкоморый на врядъ свой подъкоморъский, учынити. Ведь же тые коморъники мають быти от подъкоморого за недоспехомъ его самого посылани ку розъсудку и граниченью и инымъ справамъ, вряду подъкоморъскому належачыми [так!], за позвы самого подъкоморого, толко в речахъ малыхъ, не важныхъ, где бы шло о волоку кгрунъту аоо меньшъ, маючы на то моцъ и владность такую, яко и самъ подъкоморый. И доходъ коморъникомъ от границъ, копцовъ и межъ маеть быть такий, яко подъкоморому. А на большые, важнейшие речы самъ подъкоморый ездити и росправовати то повинен. А где бы кому судъ коморъника которого не подобалъсе, о то отзовъ ити маетъ, яко и одъ подъкоморого до суду головного. Одно жъ если бы се што в справе, в писанью и в поступку иньшом якомъ черезъ коморъника поблудило, нижли бы прышло до розъсудку скутечного о границы, о такие речы росправа з ними маеть быти передъ подкоморымъ. А подъкоморый виненъ з нихъ справедливость чинити от прынесенья к нему жалобы надалей за две недели и моцонъ будеть облуженья ихъ поправити. А где бы в томъ чыненъю справедливости с коморъникомъ або въ якомъ самого подъкоморого облуженью, звлаща подъ часомъ заочного его сказанья, где апеляцыя быти не могла, кривда се стороне видела, тогды о то подъкоморого волно позвати до суду головного на рокъ завитый и тамъ, где подъ онымъ часомъ судъ головный будеть.
Артыкулъ 11.
О томъ, где бы в кгрунъте земленомъ от самого подъкоморого кривда кому деяласе або ему от кого.
Пакли жъ бы кому от самого подъкоморого албо подъкоморому отъ кого иного кривда в кгрунте деяласе, таковый укривжоный мает сторону свою противъную водлугъ науки и описанья сего статуту до враду належного позвати. А тамъ, на враде, справа прыйдет ли до того, же выезду на землю не потреба будеть, тогды в таковой речы мають з уряду судового земъского две особы, суд[ь]я с подъсудкомъ, а если бы тые обадва быти не могли, тогды з однымъ з нихъ которымъ писаръ земъский на тотъ кгрунтъ пенный выехати и то промежъку сторонъ водлугъ права розъсудъкомъ своимъ сконъчыти. А рокъ такому выезду, если се такая справа у суду земъского точыти будеть, маеть быти очывисте сторонамъ зложонъ завитый, по доконанью роковъ земъскихъ в чотырохъ неделяхъ. А