№5 Laboratoriyaliq jumis

Tema: C++ Builder ortalıǵı, Standard komponentalar bólimi: MainMenu, PopupMenu hám Memo komponentaları. (6 caat)

Jumıstıń maqseti: C++ Builder ortalıǵında Standard komponentalar bólimindegi MainMenu, PopupMenu hám Memo komponentalarınan paydalanıp baǵdarlamalar dúziwdi úyreniw.

Máseleniń qoyılıwı: Tómendegi kestede kórsetilgen tapsırmalardıń baǵdarlamasın C++ Builder ortalıǵında dúzip shıǵıń hám nátiyjesin alıń.

Metodikalıq kórsetpe:

MainMenu komponentası. MainMenu komponentası bul bas menyu komponentası bolıp File, Edit, Search hám View kibi menyulerdi jaratıw ushın isletiledi.

MainMenu komponentasınıń tiykarǵı qásiyeti bul Items qásiyeti bolıp esaplanadı. Items qásiyetine kirip menyu dizimlerin jaratıwǵa boladı. Bunı MainMenu komponentasın formaǵa jaylastırıp, onıń ústine 2 márte basıw arqalı da islewge boladı.

PopupMenu komponentası. PopupMenu komponentası baǵdarlamada komponentalar ushın kontekst menyu jaratıw ushın isletiledi. Baǵdarlamada kontekst menyu qaysı komponentaǵa tiyisli bolsa sol komponentanıń PopupMenu qásiyetine barıp qaysı PopupMenu komponentası menen baylanıslı ekenligin kórsetip qoyıwımız kerek boladı.

Memo komponentası. Memo komponentası bir neshe qatarlardı kiritiw ushın isletiledi. Komponentanıń tiykarǵı qásiyeti bul Lines qásiyeti esaplanadı. Bul aldınǵı ListBox hám ComboBox komponentalarında Items formasında bolatuǵın edi.

Mısalı: Tekstli redaktorlaw aynası baǵdarlamasın dúziń. Tekstli redaktorlaw aynası bas menyu, kontekst menyu, olardıń piktogrammaları hám qısqa túymelerin óz ishine qamtıǵan bolıwı kerek.

Baǵdarlama dúziw izbe-izligi:

Baǵdarlamanıń interfeysin tómendegi súwrette kórsetilgendey etip jaratamız.

Bunıń ushın:

• Forma konstruktorı Caption qásiyetin 5-laboratoriya jumisi qılıp ózgertemiz;

• Formaǵa MainMenu1 komponentasın ornatamız hámde onıń Items qásiyetine kirip Fayl (Jaratiw, Ashiw, Saqlaw, ---------, Shigiw) menyusin jaratamız;

• Menyulerdiń arasındaǵı ajıratıwshı sızıqtı salıw ushın MainMenu1 komponentası Items qásiyetine kirip Fayl menyusi aqırındaǵı bos orınǵa kelip onıń Caption qásiyetine – (minus) jazıp Enter túymesine basamız. Keyin onı mıshka járdeminde qálegen jerge qoyıwımız múmkin;

• Qısqa túymeni (mısalı Ctrl+S) jaratıw ushın kerekli menyu saylanǵan halda onıń ShortCut qásiyetine barıladı hám sol jerden kereklisi saylanadı;

• Menyu astı menyudi jaratıw ushın kerekli menyudiń (mısalımızda Jaratiw menyusi) ústine kelip Ctrl+-> (Ctrl hám oń tárep strelkasına) basamız hámde menyu astı menyuleri atı (Fayl, Papka, ----------, Basqasi) jazıladı;

• Piktogrammalardı jaylastırıw ushın Win32 bóliminen ImageList komponentasın formaǵa jaylastırıp ústine 2 márte basamız hámde Add -> C (S diski) -> Program Files -> Common Files -> Borland Shared -> Images -> Buttons papkasına kirip kerekli piktogrammalar saylanadı hám OK knopkasına basıladı (ashılǵan dialog aynasınan Yes to All túymesine basıladı);

• MainMenu1 komponentası Images qásiyetine kirip ImageList1 saylanadı (bul jerde MainMenu1 komponentası menyuları ushın piktogrammalardı ImageList1 den alıwı kerekligi belgilep qoyıldı);

• MainMenu1 komponentası ústine 2 márte basıp Jaratiw, Ashiw, Saqlaw hám Shigiw menyularınıń ImageIndex qásiyetine barıp sáykes piktogrammalar saylanadı;

• Formaǵa PopupMenu1 komponentası ornatıladı;

• PopupMenu1 komponentası ústine 2 márte basıp kontekst menyu (Kóshiriw, Qirqip aliw, Qoyiw) jaratıladı;

• Hár bir kontekst menyu ushın ShortCut qásiyetine kirip qısqa túymeler (Ctrl+C, Ctrl+X, Ctrl+V) jaratıladı;

• Formaǵa Memo1 komponentası ornatıladı;

• Memo1 komponentası Lines qásiyetine kirip tazalanadı;

• Memo1 komponentası PopupMenu komponentasına kirip PopupMenu1 saylanadı. Yaǵnıy bul jerde Memo1 komponentası menen PopupMenu1 komponentaları baylanıstırlıp qoyıldı;

• Memo1 komponentasınıń Align qásiyetin alClient mánisine ózgertemiz.

Baǵdarlama kodın jazıw ushın tómendegi izbe-izlik orınlanadı:

• MainMenu1 komponentası ústine 2 márte basıp, Shigiw menyusına 2 márte basıp ashılǵan kodlar aynasına tómendegi kodlardı jazamız:

//Aktiv aynani jabiw

Close();

• PopupMenu1 komponentası ústine 2 márte basıp, Koshiriw menyusına 2 márte basıp ashılǵan kodlar aynasına tómendegi kodlardı jazamız:

//Almastiriw buferine kopiyalaymiz

Memo1 -> CopyToClipboard();

• PopupMenu1 komponentası ústine 2 márte basıp, Qirqip aliw menyusına 2 márte basıp ashılǵan kodlar aynasına tómendegi kodlardı jazamız:

//Almastiriw buferine qirqip alamiz

Memo1 -> CutToClipboard();

• PopupMenu1 komponentası ústine 2 márte basıp, Qoyiw menyusına 2 márte basıp ashılǵan kodlar aynasına tómendegi kodlardı jazamız:

//Almastiriw buferinen alip kerekli jerge qoyamiz

Memo1 -> PasteFromClipboard();

Nátiyje:

Tapsırma variantları:

№	Máseleniń shárti
1.	MS Word 2003 baǵdarlamasındaǵı Fayl menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
2.	MS Word 2003 baǵdarlamasındaǵı Pravka menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
3.	MS Word 2003 baǵdarlamasındaǵı Vid menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
4.	MS Word 2003 baǵdarlamasındaǵı Vstavka menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
5.	MS Word 2003 baǵdarlamasındaǵı Format menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
6.	C++ Builder ortalıǵındaǵı File menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
7.	C++ Builder ortalıǵındaǵı Edit menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
8.	C++ Builder ortalıǵındaǵı Search menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
9.	C++ Builder ortalıǵındaǵı View menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
10.	C++ Builder ortalıǵındaǵı Project menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
11.	C++ Builder ortalıǵındaǵı Run menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
12.	C++ Builder ortalıǵındaǵı Component menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
13.	C++ Builder ortalıǵındaǵı Tools menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
14.	C++ Builder ortalıǵındaǵı Window menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.
15.	C++ Builder ortalıǵındaǵı Help menyusi islep shıǵılsın. Tekstli redaktor jaratılsın. Redaktorda kontekst menyu (Koshiriw, Qirqip aliw, Qoyiw) paydalanılsın.