- •Беларуская мова (прафесійная лексіка)
- •Тлумачальная запіска
- •Тэматычны план
- •Раздзел I. Уводзіны ў дысцыпліну
- •Тэма 1. Прадмет, задачы і метадалогія вывучэння курса
- •Генезіс беларускай мовы, яе развіццё ў часе
- •Раздзел III. Функцыянаванне фанетычнай і арфаэпічнай сістэм беларускай літаратурнай мовы ва ўмовах білінгвізму Тэма 5. Спецыфіка фанетычнай сістэмы беларускай літаратурнай мовы
- •Тэма 8. Нарматыўнае ўжыванне лексіка-граматычных разрадаў назоўнікаў і займеннікаў
- •Тэма 9. Нарматыўнае ўжыванне лексіка-граматычных разрадаў прыметнікаў і прыслоўяў
- •Тэма 10. Нарматыўнае ўжыванне лексіка-граматычных разрадаў лічэбнікаў
- •Тэма 11. Нарматыўнае ўжыванне граматычных катэгорый і формаў дзеяслова
- •Тэма 12. Функцыянальна-стылістычная характарыстыка службовых часцін мовы
- •Дадаткі
- •Асноўныя паняцці I тэрміны
- •Пытанні для самакантролю
- •Літаратура Асноўная
- •Дадатковая
- •Беларуская мова (прафесійная лексіка)
- •220007, Г. Мінск, вул. Рабкораўская, 17.
- •220007, Г. Мінск, вул. Рабкораўская, 17.
Раздзел I. Уводзіны ў дысцыпліну
“Беларуская мова (прафесійная лексіка)”
Тэма 1. Прадмет, задачы і метадалогія вывучэння курса
“Беларуская мова (прафесійная лексіка)”.
Генезіс беларускай мовы, яе развіццё ў часе
Прадмет і задачы курса, яго месца ў сістэме сацыяльна-гуманітарных навук, узаемасувязь з іншымі філалагічнымі дысцыплінамі. Метады навучання. Роля курса ў фарміраванні і развіцці сацыяльна-асобаснай і сацыяльна-прафесійнай кампетэнцыі выпускнікоў ВНУ культуры і мастацтваў.
Мова і соцыум. Славянскія мовы ў індаеўрапейскай сям’і. Беларуская мова – адна з формаў нацыянальнай культуры беларусаў і яе функцыі ў грамадстве. Асаблівасці функцыянавання беларускай літаратурнай мовы ў ХХ – пачатку ХХІ ст.: рэформы беларускай мовы (1933, 1957); Закон “Аб мовах у Беларускай ССР” (1990); Закон Рэспублікі Беларусь “Аб адукацыі”.
Раздзел II. Лексічная сістэма беларускай літаратурнай мовы
Тэма 2. Лексіка сучаснай беларускай мовы
паводле паходжання
Спрадвечна беларуская (агульнаславянская, усходнеславянская і ўласнабеларуская) і запазычаная лексіка. Храналагічныя пласты спрадвечнай лексікі. Крыніцы і паказчыкі запазычання.
Тэма 3. Лексіка сучаснай беларускай мовы паводле сферы ўжывання і характару маўленчых зносін
Спецыяльная лексіка як частка лексікі абмежаванага выкарыстання. Мабільнасць змен у лексічнай сістэме беларускай мовы (актыўная і пасіўная лексіка). Паняцце тэрміна. Супастаўляльная характарыстыка тэрміналагічнай і прафесійнай лексікі. Устойлівыя выразы ў межах прафесійнага ўжывання (заключны акорд, вакальная партыя, гарадскі фальклор, бібліятэчны запыт, апорны гук).
Тэма 4. Беларускамоўная тэрміналагічная сістэма
і спосабы яе апісання
Тэрміналогія і галіновыя тэрміналагічныя сістэмы. Працэсы тэрміналагізацыі і дэтэрміналагізацыі ў мове. Асаблівасці тэрмінаўтварэння (слова і словазлучэнне ў ролі тэрміна). Іншамоўныя тэрміны і іх асваенне беларускай мовай.
Гісторыя станаўлення беларускай навуковай тэрміналогіі (асноўныя прынцыпы выпрацоўкі, крыніцы фарміравання).
Характарыстыка лексікаграфічных крыніц (энцыклапедычныя і лінгвістычныя слоўнікі). Сістэма падачы ў іх тэрмінаў.
Раздзел III. Функцыянаванне фанетычнай і арфаэпічнай сістэм беларускай літаратурнай мовы ва ўмовах білінгвізму Тэма 5. Спецыфіка фанетычнай сістэмы беларускай літаратурнай мовы
Паняцце білінгвізму. Фанетычная сістэма і яе функцыянаванне ва ўмовах білінгвізму: артыкуляцыйная класіфікацыя галосных, артыкуляцыйная класіфікацыя зычных. Інтанацыйная сістэма беларускай мовы: ІК-1, ІК-2, ІК-3, ІК-4, ІК-5, ІК-6, ІК-7. Гукавыя значэнні літар. Беларускі алфавіт.
Фанетычныя законы беларускай мовы: аканне, яканне, дзеканне, цеканне, прыстаўныя (зычныя і галосныя), устаўныя гукі, падаўжэнне.
Тэма 6. Арфаэпічныя нормы беларускай літаратурнай мовы
і прычыны іх парушэння
Асноўныя законы беларускага літаратурнага вымаўлення: вымаўленне зычных, вымаўленне галосных, вымаўленне спалучэнняў зычных. Вымаўленне асобных зычных і галосных у спецыяльнай лексіцы іншамоўнага паходжання. Адхіленні ад нормаў літаратурнага вымаўлення і іх прычыны.
Раздзел IV. Функцыянаванне арфаграфічнай і марфалагічнай
сістэм беларускай літаратурнай мовы ва ўмовах білінгвізму
Тэма 7. Арфаграфічныя нормы беларускай літаратурнай мовы
і прычыны іх парушэння
Прынцыпы беларускага правапісу (фанетычны, марфалагічны, традыцыйны, дыферэнцыраваны). Напісанні спецыяльнай лексікі славянскага і іншамоўнага паходжання паводле фанетычнага прынцыпу: перадача акання, якання; правапіс ы, і пасля прыставак; правапіс спалучэнняў галосных у іншамоўных словах; правапіс галосных у складаных словах; правапіс прыстаўных галосных і зычных; правапіс ў (нескладовага); правапіс спалучэнняў зычных у корані і на стыку кораня і суфікса; правапіс прыставак на з-(раз-, уз-, без-, цераз-); правапіс д-дз, т-ц; правапіс падоўжаных зычных. Напісанне спецыяльнай лексікі славянскага і іншамоўнага паходжання паводле марфалагічнага прынцыпу: правапіс звонкіх – глухіх; правапіс цвёрдых – мяккіх зычных; правапіс выбухных – афрыкат; напісанне прыназоўніка без і часціцы не. Напісанне спецыяльнай лексікі разам, асобна і праз злучок. Ужыванне вялікай літары пры размежаванні ўласных і агульных назваў, пры афармленні простай мовы і цытат.