- •Беларуская мова (прафесійная лексіка)
- •Тлумачальная запіска
- •Тэматычны план
- •Раздзел I. Уводзіны ў дысцыпліну
- •Тэма 1. Прадмет, задачы і метадалогія вывучэння курса
- •Генезіс беларускай мовы, яе развіццё ў часе
- •Раздзел III. Функцыянаванне фанетычнай і арфаэпічнай сістэм беларускай літаратурнай мовы ва ўмовах білінгвізму Тэма 5. Спецыфіка фанетычнай сістэмы беларускай літаратурнай мовы
- •Тэма 8. Нарматыўнае ўжыванне лексіка-граматычных разрадаў назоўнікаў і займеннікаў
- •Тэма 9. Нарматыўнае ўжыванне лексіка-граматычных разрадаў прыметнікаў і прыслоўяў
- •Тэма 10. Нарматыўнае ўжыванне лексіка-граматычных разрадаў лічэбнікаў
- •Тэма 11. Нарматыўнае ўжыванне граматычных катэгорый і формаў дзеяслова
- •Тэма 12. Функцыянальна-стылістычная характарыстыка службовых часцін мовы
- •Дадаткі
- •Асноўныя паняцці I тэрміны
- •Пытанні для самакантролю
- •Літаратура Асноўная
- •Дадатковая
- •Беларуская мова (прафесійная лексіка)
- •220007, Г. Мінск, вул. Рабкораўская, 17.
- •220007, Г. Мінск, вул. Рабкораўская, 17.
Тэма 12. Функцыянальна-стылістычная характарыстыка службовых часцін мовы
Службовыя часціны мовы: прыназоўнікі (невытворныя і вытворныя), мадальныя словы (паказчык упэўненасці/няўпэўненасці (безумоўна, магчыма, відавочна, факт, напэўна і інш.), паказчык аўтарства (па словах, як пішуць, як кажуць), ацэнка зместу (на жаль, на радасць, на шчасце), паказчык парадку ў выказванні (па-першае, па-другое і г.д.), выклічнікі этыкету ў сінтаксічнай структуры вуснага і пісьмовага маўлення.
Структура і спецыфіка беларускіх словазлучэнняў (параўнальна з рускай). Каардынацыя дзейніка і выказніка ў сказе.
Раздзел V. Функцыянальныя стылі маўлення
Тэма 13. Класіфікацыя функцыянальных стыляў
і іх падстыляў
Паняцце функцыянальнага стылю. Лінгвістычныя і экстралінгвістычныя фактары як аснова класіфікацыі стыляў. Дыферэнцыяцыя моўных стыляў. Агульная характарыстыка кніжных (афіцыйна-справавога, навуковага, публіцыстычнага, мастацкага) і размоўнага стыляў. Узаемадзеянне стыляў і жанраў, адметнасць мастацкага стылю.
Тэма 14. Навуковы стыль
Паняцце навуковага стылю. Асноўныя функцыі і прыметы навуковага стылю.
Уласна навуковы (акадэмічны), навучальны (вучэбна-навуковы), навукова-папулярны падстылі, іх жанры і кампазіцыйныя асаблівасці.
Лексіка-граматычныя асаблівасці навуковага стылю. Спецыфіка перакладу на беларускую мову навуковых тэкстаў.
Тэма 15. Афіцыйна-справавы стыль
Паняцце афіцыйна-справавога стылю. Асноўныя функцыі і прыметы афіцыйна-справавога стылю.
Заканадаўчы (уласна заканадаўчы, або юрыдычны), дыпламатычны, адміністратыўна-канцылярскі (канцылярскі) падстылі, іх жанры і кампазіцыйныя асаблівасці.
Лексіка-граматычныя асаблівасці афіцыйна-справавога стылю. Спецыфіка напісання справавых папер.
Раздзел VI. Культура прафесійнага маўлення
Тэма 16. Маўленне – маўленчая дзейнасць – агульная
культура чалавека
Мова і маўленне. Праблемы культуры маўлення ва ўмовах беларуска-рускага двухмоўя. Агульная культура чалавека і прафесійна арыентаванае маўленне. Асноўныя камунікатыўныя якасці маўлення: правільнасць, дакладнасць, лагічнасць, чысціня, багацце, дарэчнасць, выразнасць.
Тэхніка і выразнасць маўлення: голас і маўленчае дыханне, дыкцыя, інтанацыя, лагічны і эмфатычны націск і інш. Узаемадзеянне вербальных і невербальных сродкаў маўленчай дзейнасці.
Падрыхтоўка да публічнага выступлення. Маўленчы этыкет і культура зносін.
Дадаткі
Дадатак 1
Асноўныя паняцці I тэрміны
Акцэнталагічныя нормы – правільнасць пастаноўкі слоўнага націску / націскаў.
Аманімія – гукавое супадзенне адзінак (марфем, слоў, словазлучэнняў і інш.), якія адрозніваюцца паміж сабой значэннем.
Анамастыка – раздзел мовазнаўства, які вывучае любыя ўласныя імёны, іх паходжанне, гісторыю, асноўныя заканамернасці развіцця і функцыянавання.
Антанімія – проціпастаўленне слоў адной часціны мовы з супрацьлеглым значэннем.
Антанімія – пары слоў з процілеглым значэннем.
Арфаграфічныя нормы – выбар аднаго з магчымых варыянтаў напісання слова ці яго часткі, што адпавядае прынцыпам беларускай арфаграфіі, а таксама замацаванай у моўнай практыцы грамадства традыцыі.
Арфаэпічныя нормы – захаванне патрабаванняў літаратурнага вымаўлення носьбітамі беларускай літаратурнай мовы.
Беларусізацыя – афіцыйная палітыка Кампартыі і ўрада БССР у 1920 – пачатку 1930-х гг, накіраваная на заканадаўчае замацаванне за беларускай мовай функцый дзяржаўнай мовы.
Білінгвізм (двухмоўе) – папераменнае карыстанне дзвюма мовамі.
БНТ – серыя тэрміналагічных, пераважна двухмоўных (руска-беларускіх) і аднамоўных (беларускіх) слоўнікаў, якія былі падрыхтаваны спецыялістамі па розных галінах ведаў на працягу 1922–1930-х гг.
Вусная мова – гукавая форма мовы, якой карыстаюцца людзі ў непасрэдных зносінах паміж сабой.
Графіка – раздзел мовазнаўства, які вывучае абрысы пісьмовых знакаў і гукавыя значэнні, замацаваныя за імі пры пісьмовай перадачы мовы.
Дзяржаўная мова – афіцыйная мова, на якой працуюць дзяржаўныя і адміністрацыйна-гаспадарчыя органы, грамадскія арганізацыі, установы навукі, культуры, службы быту, гандлю і інш., на якой вядзецца навучанне і выхаванне ў сістэме адукацыі.
Дыялектная мова – разнавіднасць агульнанароднай нацыянальнай мовы, што выкарыстоўваецца абмежаванай колькасцю людзей, аб’яднаных тэрыторыяй.
Жанр – гэта від канкрэтнага тэксту, які вылучаецца ў межах таго ці іншага стылю / падстылю, характарызуецца своеасаблівай кампазіцыйнай арганізацыяй матэрыялу і моўных сродкаў.
Закон “Аб мовах у Беларускай ССР” – прыняты на XIV сесіі Вярхоўнага Савета БССР адзінаццатага склікання 26 студзеня 1990 г. – прававы дакумент аб статусе беларускай мовы як дзяржаўнай мовы.
Інтанацыя – сукупнасць фанетычных сродкаў, якія служаць для афармлення фразы і асобных яе частак як адзінага цэлага, а таксама для больш дакладнай перадачы думак і пачуццяў гаворачай асобы.
Інтэрферэнцыя – узаемапранікненне моўных элементаў у выніку непасрэднага кантактавання моў.
Калька – памарфемны пераклад іншамоўнага слова, калі кожная яго значымая частка замяняецца марфемай мовы-рэцыпіента з тым значэннем, якое мае адпаведная марфема мовы-крыніцы.
Камунікатыўныя якасці маўлення – гэта такія маўленчыя асаблівасці, якія забяспечваюць яго дакладнасць і лагічнасць, правільнасць, чысціню і дарэчнасць, багацце і выразнасць.
Красамоўства, або аратарскае мастацтва, – па-мастацку апрацаванае вуснае маўленне, мэта якога – пераканаць слухачоў, узрушыць іх і схіліць да пэўных дзеянняў.
Культура маўлення – сістэма камунікатыўных якасцей маўлення (правільнасць, дакладнасць, лагічнасць, выразнасць, багацце і разнастайнасць, дарэчнасць, чысціня і лаканічнасць); вучэнне пра сістэму камунікатыўных якасцей маўлення.
Лексіка – сукупнасць усіх слоў пэўнай мовы, яе слоўнікавы склад.
Лексічныя нормы – правільны выбар слова і яго ўжыванне ў агульнавядомым значэнні і ў агульнапрынятых спалучэннях.
Літаратурная мова – апрацаваная, упарадкаваная і нармалізаваная форма агульнанароднай мовы, прызначаная для абслугоўвання разнастайных сфер грамадскай дзейнасці чалавека.
Марфалагічныя нормы – гістарычна прынятыя ў моўнай супольнасці варыянты граматычных норм слова і мадэлі ўтварэння новых слоў.
Монасемія – наяўнасць у слове толькі аднаго значэння.
Неалагізмы – словы або словазлучэнні, якія з’яўляюцца ў мове для намінацыі новых прадметаў, з’яў ці для замены старых назваў прадметаў і з’яў.
Нормы літаратурнай мовы – замацаваныя ў маўленчай практыцы правілы вымаўлення, словаўжывання, пабудовы сказаў і тэкстаў.
Паўкалька – слова, утворанае шляхам частковага перакладу запазычанага слова і далучэння да яе ўласнай або запазычанай марфемы.
Падстыль – разнавіднасць пэўнага стылю, якая характарызуецца сукупнасцю, адборам і сістэмна-моўнай арганізацыяй сродкаў, уласцівай толькі пэўнаму тыпу тэкстаў.
Перыфраза – сэнсава непадзельны выраз, які апісальна абазначае прадмет або дзеянне з адначасовым указаннем на яго адметнасць.
Пісьмовая мова – графічная форма мовы, якая дазваляе кантактаваць апасродкавана – з дапамогаю тэкстаў, сукупнасць якіх стварае нацыянальнае пісьменства.
Полісемія – уласцівасць слова мець некалькі значэнняў.
Прафесіяналізмы – словы і выразы, уласцівыя мове прадстаўнікоў якой-небудзь прафесіі.
Пунктуацыйныя нормы – пастаноўка знакаў прыпынку ў пісьмовым тэксце ў адпаведнасці з правіламі, якія прызначаны для абслугоўвання патрэб пісьмовых зносін у грамадстве і кадыфікаваны ў адпаведных актах.
Сінанімія – поўнае ці частковае супадзенне значэнняў моўных адзінак.
Сінтаксічныя нормы – гэта нормы пабудовы словазлучэнняў і сказаў і сінтаксічных адзінак больш складанага ўзроўню.
Слова – асноўная намінатыўная адзінка, якая служыць у мове для ўтварэння сказаў з мэтай перадачы інфармацыі.
Словазлучэнне – свабоднае сэнсавае і фармальнае аб’яднанне двух і больш паўназначных слоў.
Спецыяльная лексіка – словы абмежаванага ўжытку, якімі карыстаюцца толькі прадстаўнікі пэўнай галіны навукі, прафесіі, роду заняткаў.
Стылістыка – раздзел мовазнаўства, які даследуе ўжыванне слоў, словазлучэнняў, сказаў паводле іх адпаведнасці зместу, мэце выказвання, а таксама сітуацыі (у вусным маўленні).
Стылістычныя нормы – правілы ўжывання стылістычна афарбаваных лексічных адзінак, граматычных формаў і сінтаксічных канструкцый у адпаведнасці са зместам, мэтай выказвання і ўмовамі кантактавання.
Тэрмін – слова (або словазлучэнне), якое абазначае спецыяльнае паняцце са сферы навукі, культуры, вытворчасці.
Тэрміналогія – сістэма тэрмінаў пэўнай галіны навукі, вытворчасці, мастацтва; раздзел мовазнаўства, які займаецца вывучэннем тэрмінаў.
Фразеалагічныя нормы – традыцыйнае, аднатыпнае і раўнацэннае ўжыванне фразеалагізмаў, прынятае ў дадзены перыяд моўным калектывам і ўсвядомленае ім як правільнае і ўзорнае.
Функцыянальны падстыль – разнавіднасць стылю, якая характарызуецца сукупнасцю, адборам і сістэмна-моўнай арганізацыяй сродкаў, уласцівай толькі пэўнаму тыпу тэкстаў.
Функцыянальны стыль мовы – грамадска ўсвядомленая, унутрана аб’яднаная разнавіднасць мовы, якая абслугоўвае працэс камунікацыі ў пэўнай сферы.
Дадатак 2