- •Беларускі дзяржаўны універсітэт культуры і мастацтваў Мастацка-дэкаратыўнае вырашэнне свята вуЧэБна-метадычны комплекс
- •Тлумачальная запіска
- •Тэматычны план
- •Змест курса ііі семестр Уводзіны
- •Раздзел і. Матэрыяльная культура Беларусі ў кантэксце сучаснага свята
- •Іv семестр
- •V семестр
- •Раздзел іі. Сцэнаграфія свята
- •VI семестр
- •Viі семестр
- •VIII семестр
- •Іх семестр
- •Раздзел ііі. Работа мастака-пастаноўшчыка над комплекснай сцэнаграфіяй свята
- •Разгорнуты тэматычны план Курса “Сцэнаграфія відовішчаў і свят”
- •Тэматыка і метадычныя указанні да практычных і дробнагрупавых заняткаў
- •V семестр – 3 к
- •VI семестр – 3 к
- •Viі семестр – 4 к
- •VIII семестр – 4 к
- •Метадычныя указанні для самастойнай работы студэнтаў: тэматыка, графік кантролю за срс.
- •Літаратура
- •V семестр – 3к
- •Літаратура
- •Пытанні да экзамена па прадмеце “Сцэнаграфія відовішчаў і свят”, 3 курс, V семестр.
- •Пытанні за заліку
- •Індывідуальныя заданні студэнтаў ііі семестр
- •Іv семестр
- •V семестр
- •VI семестр
- •Viі семестр
- •VIII семестр
- •Іх семестр
- •Выкарыстанне тс, аўдыёвідэаматэрыялаў
- •Матэрыялы дыдактычнага характару у дапамогу засваення курса сімволіка свята
Раздзел іі. Сцэнаграфія свята
VI семестр
Тэма 6. Сцэнаграфія сучаснай святочнай культуры Беларусі.
Сучасная святочная культура Беларусі. Агляд сцэнаграфіі свят, мастацкія і іншыя праблемы сцэнаграфіі. Сучасны беларускі нацыянальна-народна-сцэнічны вобраз. Мастацкія, тэматычныя дасягненні і праблемы. Увасабленне эпохі на “Вольнай сцэне” (“Барбара Радзівіл”), на сцэне тэатра імя Я. Купалы (“Князь Вітаўт”, “Чорная дама Нясвіжа”), Гродзенскага драматычнага тэатра (“Рагнеда”), увасабленне эпохі ў пастаноўках народнага ансамбля танца “Харошкі” (“Полацкі сшытак”), ансамбля “Бліскавіца”. Вобраз-сімвал у пастаноўцы “Раскіданага гнязда” Я. Купалы на сцэне Рускага драматычнага тэатра. Гістарычная і народная тэматыка ў выяўленчым мастацтве, кіно. Гістарычная тэматыка масавых паратэатральных дзей.
Месца традыцыйнай народнай культуры і яе знакавасць ў сучаснай святочнай прасторы Беларусі. Традыцыі і штампы ў cцэнаграфіі сучасных народных свят. Сімвалічная атрыбутыка Каляд, Купалля, Гукання вясны, Дзядоў.
Выкарыстанне здабыткаў матэрыяльнай культуры Беларусі ў кантэксце сучаснага свята (аўтэнтыка, рэканструкцыя, рэстаўрацыя; сімвалізм, знакавасць і інш.). Знакі-сімвалы культуры Беларусі і іх увасабленне ў сучаснай святочнай прасторы.
Сцэнічны касцюм у свяце. Касцюм і жанр свята. Касцюм ў тэатралізаваным відовішчы – сродак пераўтварэння персанажаў. Умоўнасць. Абагульненне і ўзбуйненне формы. Сілуэт. Дэталь замест цэлага. Трансфармацыя аб’ёму, сілуэта, колеру, вобраза.
Гісторыя станаўлення беларускага сцэнічнага касцюма. Касцюмы сярэднявечных дзей, касцюмы прыдворных тэатраў князёў Радзівілаў, Сапегаў, школьнага тэатра XVII -- ХVIII стст., тэатраў В. Дуніна-Марцінкевіча,
І. Буйніцкага і У. Галубка. Стварэнне беларускага народнага хору і ўплыў на далейшае развіццё народна-сцэнічнага касцюма. Стварэнне шматпланавых прафесійных калектываў і масавае развіццё мастацкай самадзейнасці ў 50-60 гады ХХ ст. Стварэнне ў 1958 г. спецыялізаванага камбіната па вытворчасці сцэнічных касцюмаў пры Беларускім тэатральным аб’яднанні (з І990 г. Саюз тэатральных дзеячаў). Дзейнасць Рэспубліканскага савета па сцэнічным касцюме пры Міністэрстве культуры (1981 - 1986 гг). Даследчая і творчая дзейнасць
Л. Баразны і М. Раманюка ў галіне сцэнічнага касцюма. Станаўленне сцэнічнага касцюму Беларусі, звязанага з гістарычнай тэматыкай. Творчасць Л. Баразны,
Ю. Піскуна, А. Александровіч.
Крытэрыі ацэнкі мастацкіх і функцыянальных вартасцей сцэнаграфіі свята. Рост патрабаванняў да тэматычнай, гістарычнай і этнічнай адпаведнасці, мастацкіх вартасцей сцэнічнага вобраза. Методыка пошуку арыгінальнага мастацкага вырашэння свята.
Практычныя заданні
Знакі-сімвалы культуры Беларусі і іх увасабленне ў сучаснай святочнай прасторы. Ілюстрацыйны матэрыял, агрументацыя.
Месца традыцыйнай народнай культуры і яе сімволіка ў сучаснай святочнай прасторы. Сімвалічная атрыбутыка Каляд, Купалля, Гукання вясны, Дзядоў. Ілюстрацыйны матэрыял, эскіз у колеры, аргументацыя.
Гістарычны, карнавальны ці па самастойна абранай студэнтам тэме сцэнічны касцюм з трансфармацыяй. Аргументацыя, эскіз, апісанне.
Самастойная праца
Распрацоўка тэмы і ідэі свята або фрагмента свята паводле сабранага матэрыялу.
Распрацоўка сцэнічнага вобраза розных слаёў насельніцтва праз гіпербалізацыю асаблівасцей характару, сілуэта, касцюма, элементаў матэрыяльнай культуры. Аргументацыя, эскіз, апісанне.