- •Құрылыстың нормалары және ережелері
- •Қазақстан республикасындағы қала құрылысы жобаларының құрамы, әзірлену, келісілу және бекітілу
- •Тәртібі туралы нұсқау
- •Инструкция о составе, порядке разработки, согласования и утверждения градостроительных проектов в республике казахстан
- •Мазмұны
- •1. Жалпы ережелер
- •2. Қазақстан республикасының аумағындағы қоныстандыру және қала құрылысын дамытудың бас сұлбасы
- •3. Қоныстандыру мен қала құрылысын дамытудың аймақтық сұлбасы
- •4. Облыс аумағын дамытуды қала құрылысы тұрғысынан жоспарлаудың кешендi сұлбасы
- •5. Әкiмшiлiк аудан аумағын дамытуды қала құрылысы тұрғысынан жоспарлаудың кешендi сұлбасы
- •6. Қала, кент және ауылдық елдi мекеннiң бас жоспары
- •7. Қалалар мен басқа да қоныстардың бөлiктерiн жоспарлау жобасы
- •8. Құрылыс салу жобасы
- •9. Қала құрылыстық жобаларды келiсу, сараптау және бекiту
- •10. Қала құрылыстық жобаларды сақтау тәртiбi
- •Қала құрылыстық жобаны әзiрлеу шартына қойылатын негiзгi талаптар
- •Қала құрылыстық жобаны ресiмдеуге қойылатын жалпы талаптар
- •Аумақты дамытуды қала құрылысы тұрғысынан жоспарлаудың кешендi сұлбасын (жобасын), қала мен басқа қоныстың бас жоспарын әзiрлеу тапсырмасына қойылатын негiзгi талаптар
- •Қала мен басқа қоныстың бөлiктерiн жоспарлау жобасын әзiрлеу тапсырмасына қойылатын негiзгi талаптар
- •Құрылыс салу жобасын әзiрлеу тапсырмасына қойылатын негiзгi талаптар
- •Аумақты дамытуды қала құрылысы тұрғысынан жоспарлаудың кешендi сұлбасын (жобасын), қала мен басқа қоныстың бас жоспарын әзiрлеу үшiн бастапқы ақпаратқа қойылатын негiзгi талаптар
- •Қала мен басқа қоныстың бөлiктерiн жоспарлау жобасын әзiрлеуге арналған бастапқы деректердiң құрамы мен мазмұны
- •Құрылыс салу жобасын әзiрлеуге арналған бастапқы деректердiң құрамы мен мазмұны
- •Аумақты дамытуды қала құрылысы тұрғысынан жоспарлаудың кешендi сұлбасының (жобаның) негiзгi техникалық-экономикалық көрсеткiштерi
- •Қаланың, кенттiң және ауылдық елдi мекеннiң бас жоспарының негiзгi техникалық-экономикалық көрсеткiштерi
- •Қала мен басқа қоныстың бөлiктерiн жоспарлау жобасының негiзгi техникалық-экономикалық көрсеткiштерi
- •Құрылыс салу жобасының негiзгi техникалық- экономикалық көрсеткiштерi
10. Қала құрылыстық жобаларды сақтау тәртiбi
10.1. Қала құрылыстық жобаның бақылау данасы аталған материалдарды ресiмдеуге және қол жеткiзуге арнайы талаптар белгiлеген тәртiпте әзiрлеушiнiң мұрағатында сақталады.
Әзiрлеушiнiң мұрағатында мiндеттi түрде төмендегiлер сақталады: түсiнiктеме жазбахаттың бiр данасы, анықтамалардың, бастапқы материалдардың, автоматтандырылған есептердiң, фоторепродукциялардың түпнұсқалары, кескіндемелік материалдардың электрографиялық көшiрмелерi немесе барлық жобалық материалдардың компьютерлiк көшiрмелерi.
10.2. Егер ол шартта ескерiлмеген болса, әзiр-леушi жобалық құжаттаманы тапсырыс берушіге төмендегiдей құрамда табыстайды:
негiзгi сызба (жобалық жоспар), түпнұсқа - 1 дана;
аумақты қазiргi пайдалану жоспары, түпнұсқа - 1 дана;
сұлбалар, түпнұсқалар - 1 дана;
сызбалар мен сұлбалардың фоторепродукциялары немесе ксерокөшiрмелерi бар түсiнiктеме жазбахат - 3 дана.
10.3. Жобалық және тіректік жоспарлар көшірмелері және ауылдық репродукциялары қала құрылыстық жоба бекітілгеннен кейін, қосымша тапсырыс бойынша қажетті сан мөлшерінде әзірлеуші дайындайды.
10.4. Қала құрылыстық жобаның түпнұсқалық кескіндемелік материалдары, түсiнiктеме жазбахаттары және магниттiк көздердегi көшiрмелерi тиiстi сәулет және қала құрылысы органдарында сақталады.
10.5. Тапсырыс беруші өз қаражаттары есебiнен қалалық, кенттiк шектiң бекiтiлген жобасының көшiрме нұсқасын орындайды және оны тиiстi сәулет және қала құрылысы органдарына табыстайды.
10.6. Тапсырыс беруші қағаз немесе магниттiк көздерде барлық жобалық материалдардың көшiрмелерiн және қала құрылыстық жобаның түрiне байланысты сызбалар мен сұлбалардың фоторепродукциялары немесе ксерокөшiрмелерi бар түсiнiктеме жазбахатты табыстайтын ұйымдар мен мекемелер тiзбесiн қала құрылыс жарғысы және аумақтар мен қоныстарда құрылыс салу ережелерi, ал олар жоқ болғанда - атқарушы орган айқындайды.
Меншiк нысанынан, тапсырыс беруішінің қаржылау көздерiнен тәуелсiз қала құрылыстық жобаның барлық түрлерiнiң және онымен байланысты инженерлiк iздестiрулердiң материалдары бiр данада тиiстi сәулет және қала құрылысы органдарына табыстауға жатады.
Аумақты қызметтік пайдалану және тиiстi тәртiптемелер, шектеулер және сервитуттар орнату бойынша принциптiк жобалық шешiмдер қала құрылыстық мониторингтi жүзеге асыру үшiн мемлекеттiк қала құрылыстық тiзiмдеменiң автоматтандырылған жүйесiне енгiзiледi.
10.7. Сәулет және қала құрылысы органдарында тұрақты сақталатын қала құрылыстық құжаттаманы оны көшiруге байланысты емес пайдалану өтеусiз негiзде жүзеге асырылады.
1-қосымша
Қала құрылыстық жобаны әзiрлеу шартына қойылатын негiзгi талаптар
1. Қала құрылыстық құжаттаманы әзiрлеу шартын тапсырыс беруші және атқарушы мәртебесiн тәртiптейтiн ереженiң, жарғының немесе өзге де бiр құжаттың негiзiнде әрекет ететiн тапсырыс беруші мен жұмыстарды атқарушы ресiмдейдi.
2. Жұмыстар орындау шартында шарттың мәнi: қала құрылыстық жобаның атауы, техникалық, ғылыми, экономикалық және басқа да талаптар; жобаның келiсiлуiн, сараптамасын және бекiтiлуiн жүзеге асыратын ұйымдардың атаулары; жұмыстың аяқталу мерзiмдерi, кезеңдердiң мерзiмдерi және мазмұны көрсетiледi.
3. Жұмыстардың жалпы құнын айқындау кезiнде аванстық төлемдер, қосылған құнға салынатын салық сомасы, қаржыландыру көздерi, мүлiктiк жауапкершiлiк және жобалық құжаттаманы сарапта-мауға, басып шығаруға және таратуға шығыстарды қоса алғанда, басқа да шарттар белгiленедi.
4. Қала құрылыстық жобаны әзiрлеу және оған байланысты инженерлiк iздестiрулер, ғылыми-техникалық жұмыстар құнының сметалық есебiне төмендегiлер кiредi:
- материалдар, жабдық және керек-жарақ сатып алуға шығыстар;
- еңбек ақы бойынша төлемдер;
- әлеуметтiк, медициналық сақтандыруға, жұмыспен қамту қорына аударымдар және заң көздеген басқа да аударымдар;
- амортизациялық аударымдар;
- қалған шығыстар.
Сонымен бiрге төмендегiлер бөлiнiп көрсетiледi: жұмыстарды орындаудың толық құны, пайда, жұмыстың сметалық құны, қосылған құнға салынатын салық, жұмыстардың қосымша құн салығы салынған сметалық құны.
2-қосымша