Сабақтың барысы

Сабақтың кезеңдері	Мұғалімнің іс-әрекеті	Оқушылардың іс-әрекеті
1.Ұйымдасты-ру кезеңі	Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.	Мұғаліммен амандасу. Сабақта кім жоқ екенін анықтау.
2. Жаңа тақырыпты меңгеру кезеңі.	1. Петрография, минералогия, тарихи геология, палеонтология, ғылымдары нені зерттейді? 2. Павлодар облысы аумағының екі бөліктен: Батыс Сібір плитасы мен Қазақтың қатпарлы облысынан тұратынын сипаттап айтады. 3. Павлодар облысы аумағының геологиялық даму тарихы мен органикалық дүниесін сипаттайды. 4. Тектоника және сейсмология ғылымдары нені зерттейді? Тектоникалық қозғалыстар дегеніміз не деген сұрақтарға тоқталады. 5. MSK-64, MMSK-84 шкалаларын түсіндіреді. 6. Жалпы жер бетіндегі болған кейбір ірі жер сілкінулері мен Қазақстан жерінде болған жер сілкіністеріне тоқталады. 7. Қазақстанның жер бедерінің қалыптасуына сәер еткен күштерге тоқталып, жер бедері пішіндерін мысалға келтіреді.
3. Жаңа тақырыпты бекіту.	Жаңа тақырыпты бекіту ретінде келесі тапсырмаларды береді: 1. Оқулықтың 58-бетіндегі «Сейсмикалық аудандастыру» суретіне қарап, Қазақстанның сейсмикалық аудандарына талдау жасау. Ең күшті сейсмикалық аудандарды анықтау, оның балдық күші қандай? Бекіту сұрақтары: 1. MSK-64, MMSK-84 шкалалары нені білдіреді? 2. Жер бедерінің өзгеруіне әкелетін сыртқы және ішкі күштерге мысал келтіріңдер. 3. Олардың әсерінен қандай жер бедері пішіндері пайда болады?
4. Сабақты қорытындылау кезеңі	1. Павлодар облысы аумағы геологиялық жамуына қарай қандай бөліктерге бөлінеді? 2. Тектоникалық қозғалыстар дегеніміз не? Сейсмология ғылымы нені зерттейді?
5. Бағалау кезеңі	Сабақ барысында белсенді қатысып отырған және картамен жұмыс істеген оқушылар бағаланады.
6. Үйге тапсырма беру кезеңі	Тақырыптар соңындағы сұрақтар мен тапсырмаларға жауаптар әзірлеу. «Аса қауіпті апат әкелетін табиғат құбылыстары» атты рефераттар дайындау. Кескін картаны аяқтау.

Сабақ №13

Күні: 14.10.09

Сынып: 8

Тақырыбы: Қазақстан жазықтары, үстірттері және қыраттары

Мақсаттары:

Білімділік. Қазіргі республика аумағы жер бедері пішіндерінің пайда болуы ұзақ уақыт геологиялық даму нәтижесі екендігі туралы білімдерін жүйелеу. Жер бедері ірі пішіндерінің бірі жазықтар, олардың Қазақстан аумағында орналасуы туралы білімдерін қалыптастыру.

Дамытушылық. Қазақстанның физикалық картасы мен тектоникалық картасын пайдалана отырып, жер бедеріне сипаттама беру іскерліктерін қалыптастыруды одан әрі дамыту.

Тәрбиелік. Өз отаны туралы білімдерін тереңдете келе, отансүйгіштік қасиеттерін артыру, географиялық мәдениетке тарту.

Сабақ түрі: аралас сабақ

Сабақты үйымдастыру формасы: фронтальді

Сабақты жүргізу әдіс-тәсілдері: сұрақ-жауап

Құрал-жабдықтар: Қазақстанның физикалық картасы, тектоникалық картасы

Негізгі ұғымдар: жазықтар, үстірттер, қыраттар, ойпат, бэр төбешіктері

Номенклатура: Солтүстік Қазақ жазығы, Тұран, Каспий маңы ойпаттары, Үстірт, Торғай, Орал алды, Бетпақдала үстірттері, Жалпы Сырт қыраты, Балқаш маңы жазығы, Қызылқұм, Үлкен және Кіші Борсық, Нарын, Батпайсағыр, Бозанай, Тайсойған, Тауқұм, Сарыесік Атырау құмдары