Тэматыка і метадычныя указанні да практычных і дробнагрупавых заняткаў

ІІІ семестр – 2 к

Тэма 1. Прадмет, мэта і задачы курса, яго значнасць і месца ў сістэме навучання рэжысёраў свята.

• Прагляд і аналіз сцэнічных пляцовак, макетаў, эскізаў і іншых матэрыялаў па сцэнаграфіі святаў.

• Візуальная экскурсія па гарадах Беларусі. Аналіз архітэктурна-мастацкіх вартасцяў забудовы ў традыцыйных месцах правядзення свята.

• Методыка аналіза прапанаванага прадметнага асяроддзя (па фатаздымках, у кампутарнах версіях, відэазапісях і г.д.).

Раздзел ІІ. Матэрыяльная культура Беларусі.

Тэма 2. Сімволіка. Месца і выкарыстанне сімволікі ў вобразным вырашэнні свята і мастацка-дэкаратыўным аздабленні.

• Прагляд, збор і аналіз іканаграфічных матэрыялаў па тэме “Сімволіка”. Дыспут на тэму “Сімволіка і яе месца ў вобразным мастацка-дэкаратыўным вырашэнні свята”.

• Збор і аналіз іканаграфічных матэрыялаў па тэме “Сімволіка і яе месца ў вобразным мастацка-дэкаратыўным вырашэнні свята”.

• Экскурсія ў Нацыянальны музей гісторыі і культуры Беларусі на прагляд экспазіцыі “Нацыянальная сімволіка”, “Гарадская геральдыка беларускіх гарадоў”, “Партрэты ВКЛ” ці іншыя тэматычныя экспазіцыі.

• Збор матэрыялу для мастацка-дэкаратыўнага вырашэння святаў: геральдыка, даты, звязаныя з гістарычнымі падзеямі, каларыстыка і элементы народнага арнаменту.

Па выніках працы ў ІІІ семестры прымаецца залік.

ІV семестр – 2 к

Тэма 3. Матэрыяльная культура Беларусі ў кантэксце сучаснага свята.

• Выкарыстанне ведаў пра ўзнікненне, сацыяльную прыналежнасць, сімвалічнае і функцыянальнае значэнне, стылістыку культавай і свецкай архітэктуры у сцэнаграфіі святаў. Магчымае месца правядзення свята і выкарыстанне архітэктурнага ландшафту ў сцэнаграфіі свята.

• Выкарыстанне традыцыйнага народнага дэкаратыўна-ужытковага мастацтва ў сцэнаграфіі свята. Распрацоўка аздаблення сцэнічнай прасторы з выкарыстаннем сімволікі і мастацка-дэкаратыўных асаблівасцяў традыцыйнага народнага мастацтва.

• Наведанне Музея старажытнабеларускай культуры НАН Беларусі.

• Распрацоўка мастацкага, эстэтычнага і культурнагістарычнага аналізу прапанаванага прадметнага асяроддзя.

• Аналіз прапанаванага студэнтам выяўленчага і факталагічнага матэрыялу і магчымасцяў яго выкарыстання ў мастацка-дэкаратыўным вырашэнні свята. Архітэктура культавая Старадаўнія сакральныя (культавыя) помнікі

• Збор матэрыялу для мастацка-дэкаратыўнага вырашэння святаў: архітэктура культавая, старадаўнія сакральныя помнікі,народнае дойлідства і элементы побыту.

• Прапановы па месцы і тэматыцы правядзення свята, магчымасці выкарыстання архітэктурнага ландшафту, легенд і г.д. ў сцэнаграфіі прапанаванага вамі свята.

• Эскіз аздаблення сцэнічнай пляцоўкі з выкарыстаннем сабранага матэрыялу па традыцыйным мастацтве Вашай мясцовасці.

Тэма 4. Беларускі народны касцюм.

• Календарна-абрадавы касцюм ў сцэнаграфіі свята. Распрацоўка сцэнічнага вобразу праз гіпербалізацыю сімволікі, адметнасцяў адзення, фрызуры і г.д.

• Наведанне Музея народнай архітэктуры і побыту (в. Строчыца). Наведванне музея Беларускага народнага мастацтва (Раўбічы).

• Аналіз сабранага студэнтам іканаграфічнага матэрыялу і прапананых магчымасцяў яго выкарыстання ў мастацка-дэкаратыўным вырашэнні свята.

• Распрацоўка характарыстыкі вобразу пры дапамозе ведаў пра сімволіку і элементы народнага адзення. Аргументацыя, эскіз, апісанне.

Па выніках працы ў IV семестры прымаецца калоквіум.