- •Знакі прыпынку ў бяззлучнікавых складаных сказах а) Бязэлучнікавыя сказы са спалучальнымі часткамі
- •Б) Бяззлучнікавыя сказы з супастаўляльнымі часткамі
- •В) Бяззлучнікавыя сказы з азначальнымі часткамі
- •Г) Бяззлучнікавыя сказы з дапаўняльнымі часткамі
- •Д) Бяззлучнікавыя сказы з акалічнаснымі часткамі
- •Е) Бяззлучнікавыя сказы з далучальнымі часткамі
Знакі прыпынку ў бяззлучнікавых складаных сказах а) Бязэлучнікавыя сказы са спалучальнымі часткамі
Пры звычайнай інтанацыі спалучальныя часткі бяззлучнікавых сказаў аддзяляюцца коскай: Плывуць у небе самолёты, у даль імчацца цягнікі (Гл.). Залатое жыта зжата, дажынаецца авёс (К. Б.). Вясна мінецца, прыйдзе лета (К-с). Плачуць бярозы кудлатыя, сцелецца сівы туман, шэпча над шэрымі хатамі стрэх саламяных дыван (А. Зв.).
Калі спалучальныя часткі слаба звязаны па сэнсу і расчленены інтанацыйна, то яны аддзяляюцца адна ад другой пры дапамозе кропкі з коскай: Стаяць палкі баравікоў; дрыжыць басок чмяліны (Вял.). Моцна брахалі сабакі; дзесьці непадалёку пачуліся людскія галасы (К. Ч.). Стогнуць пад мурам халодным таполі; крыліцца у ветках начніца; плачуща совы па днеўным прыволлі; вецер калыша званіцай (Куп.).
Калі спалучальныя часткі з'яўляюцца развітымі і маюць свае знакі прыпынку, то паміж гэтымі часткамі ставіцца кропка з коскай: Ціха трапечуцца лісці зялёныя, з ветрыкам мову вядуць; вішні, узняўшыся белай каронаю, быццам дзяўчаты, цвітуць (К-с). Над рэчкай высокай сцяной стаяць стромкія хвоі, з лахматымі, белымі ад інею вярхамі; шырока развесілі сваё галлё волаты-дубы; блішчаць ледзянымі пацеркамі пышныя бярэзіны, сабраўшыся ў купку (Гал.).
Кропкай з коскай аддзяляbbюцца таксама асобныя групы частак, якія слаба звязаны па сэнсу і паміж якімі ёсць працяглая паўза: Замерлі дрэў макушкі, не зварухнецца ліст; пявучай самай птушкі замоўк апошні свіст (Гл.). Засвісталі вятры над далінай, засвісталі завеі ў палях; зажурылася ў лесе каліна, загубіўся завеяны шлях (Гл.).
Б) Бяззлучнікавыя сказы з супастаўляльнымі часткамі
1. Пры супастаўленні часткі бяззлучнікавага сказа звычайна аддзяляюцца коскай: На вакзале стаяць цягнікі, на прыстанку стаяць пароходы (Гл.). У сёлах людзі нас віталі, у лесе дрэвы зналі нас (Гл.). Неслі ворагі нам здзек, леглі ворагі навек (Бр.). Шумела ў прысадах рабінь: дарога, праводзіла Насця хлапца дарагога (Бр.).
2. Калі супастаўленне падкрэслена з асаблівай сілай, то паміж часткамі бяззлучнікавага сказа ставіцца працяжнік: Бой за новы фарватар мы вялі не адны — нам прыслаў экскаватар завод тарфяны (К.). Каля Оршы снягі не растаюць — зацвітаюць у Брэсце сады (Вял.)І Міколка агледзеў вагон — няма дзеда (Лыньк.). Не глядзеў на работу збоку я — сам з вялікім рабіў здавальненнем (У. Д.).
Пры больш працяглай паўзе, якая ўзмацняе і лагічна падкрэслівае кантрастнасць супастаўлення, замест працяжніка ставіцца коска і працяжнік: Адны паміралі ў агні-барацьбе,— другія ішлі на падмогу (Тр.). Песня салаўёў не даходзіць сюды,— яна пакрыта песняй нашай моладзі (Б.). Ой, не яснага сокала крылле,— праімчаліся дні-санцавеі (Тр.).
Калі супастаўленне выражаецца словамі то не — гэта, то не — то і інш., то часткі бяззлучнікавага сказа заўсёды аддзяляюцца коскай і працяжнікам: То не першая пароша запарошыла загон,— гэта поле прыхарошыў кучаравы сіні лён (Бял.). То не Нарач высока коціць хвалі на травы,— то шырока, далека наша коціцца слава! (Бял.). То не струны звіняць галасістыя,— зашумела жытцо каласістае (М.).
Калі супастаўляльныя часткі бяззлучнікавага сказа вызначаюцца болынай самастойнасцю, а паміж імі існуе працяглая паўза, то гэтыя часткі могуць аддзяляцца кропкай з коскай: Над ракою ў спакоі зацвітала каліна; у сяле за ракою вырастала дзяўчына (Куп.). Галлё спусціўшы над парканам, расла тут грушка з тонкім станам; па-над парканам пышным валам стаяў вішняк густы, прыўдалы (К-с).