Нарматыўна прававое рэгуляванне

Задача органаў дзяржаўнага кіравання ў дачыненні клубных устаноў краіны заключаецца ў стварэнні прававых, арганізацыйна-метадычных і эканамічных асноў іх функцыяніравання. БелДІПК пастаянна бярэ удзел у распрацоўцы нарматыўна-прававых дакументаў. У 2002 годзе па заданню Міністэрства культуры распрацаваны праекты Палажэння аб статусе фестываляў (міжнародных, рэспубліканскіх, абласных) у Рэспубліцы Беларусь, Палажэння аб арганізацыі і правядзенні маладзёжных дыскатэк, створаны праекты Палажэнняў аб арганізацыі трэцяга фестывалю сямейнай творчасці, аб правядзенні рэспубліканскага агляду-конкурсу сярод устаноў культуры на лепшую арганізацыю вольнага часу гарадскога насельніцтва і іншыя дакументы.

Развіццё дзіцячай мастацкай творчасці

У нашай краіне існуе разнастайны і змястоўны вопыт работы клубных устаноў з дзецьмі і падлеткамі. Адным з прыярытэтных кірункаў у рабоце клубных устаноў РБ у мінулым годзе з’яўлялася работа з дзецьмі, якая была скіравана на развіццё іх творчых здольнасцей, вылучэнне талентаў, далучэнне да нацыянальных культурных каштоўнасцей, арганізацыю вольнага часу, эстэтычнае выхаванне дзяцей. У гэтым кірунку ўстановамі культуры прадастаўляецца цэлы спектр культурных паслуг. Арганізуюцца святы дзяцінства, ладзяцца выставы дзіцячай мастацкай творчасці, праводзяцца разнастайныя конкурсы, гульнёва-забаўляльныя праграмы, тэатралізаваныя прадстаўленні, музычныя віктарыны, святочныя ранішнікі, фестывалі, беларускія абрады і г.д. У большасці ўстаноў культуры склалася пэўная станоўчая сістэма работы з гэтай катэгорыяй наведвальнікаў. Клубныя работнікі не абмяжоўваюцца асобнымі эпізадычнымі марапрыемствамі, ствараюць комплексныя праграмы па розных напрамках эстэтычнага выхавання, арганізоўваюць цыклы тэматычных мерапрыемстваў.

Заслугоўвае ўвагі вопыт работы з дзецьмі ў клубных установах Магілёўшчыны. Так, напрыклад, клубы Круглянскага раёна ўжо некалькі год працуюць па спецыяльна распрацаваных праграмах работы з дзецьмі. Там складзена і рэалізуецца доўгатэрміновая мэтавая праграма “Вясёлка”. Асаблівая ўвага надаецца рабоце з сацыяльна неабароненнымі дзецьмі (інвалідамі, дзецьмі з мнагадзетных сямей, цяжкімі падлеткамі, дзецьмі-сіротамі. Фінансава-матэрыяльную падтрымку такія акцыі атрымліваюць з боку аддзелаў культуры і адукацыі гаррайвыканкомаў, грамадскіх арганізацыяй, вытворчых прадпрыемстваў, фундатараў.

Згодна статыстычных дадзеных на 01.01.2002 г. у краіне працуе 13 619 клубных фарміраванняў (гурткі, студыі, калектывы мастацкай самадзейнасці, аматарскія аб’яднанні і т.п.), у якіх займаецца 158 454 дзяцей і падлеткаў.

Для арганізацыі змястоўнага, цікавага і карыснага адпачынку юнакоў, пры клубных установах ствараюцца аматарскія аб’яднанні і клубы па інтарэсах. На сённяшні дзень паспяхова дзейнічае 1 948 дзіцячых аматарскіх аб’яднання ў якіх удзельнічае 31 121 чалавек.

Стан аматарскай творчасці дзяцей і падлеткаў

Вобласці	Агульная лічба калектываў мастацкай самадзей-насці		Па жанрах
		Агульная колькасць удзельнікаў (чалавек)	Харавыя, вакальныя	Харэаграфіч-ныя	Тэатральна-драматычныя	Інструмен-тальныя	Мастацкай самадзейнасці малых форм
Брэсцкая	2091	22342	680	351	573	89	398
Віцебская	1268	13820	411	357	314	47	139
Гомельская	1377	14348	380	349	235	49	364
Гродзенская	1272	14297	418	234	239	35	346
Магілёўская	1405	14353	438	309	424	45	189
Мінская	1634	18952	459	445	338	82	310
г. Мінск	6	115	3	2			1
Па РБ	9053	98227	2789	2047	2123	347	1747

Як бачна з вышэйсказанага, дзеючыя ў Беларусі клубныя ўстановы знаходзяцца ў актыўным пошуку аптымальных мадэляў дзейнасці, працуюць над эфектыўнасцю выкарыстання рэсурсаў.