- •Уводзіны
- •Раздзел I. Жаночая вопратка
- •1. Склад касцюма
- •2. Пасавая адзежа
- •3. Жаночы святочны ўбор
- •4. Жаночы сезонны ўбор
- •5. Святочны ўбор для дзяўчыны
- •Раздзел II. Мужчынскі касцюм
- •Раздзел III. Абрадавае (вясельнае) адзенне
- •1. Вясельны ўбор маладой
- •2. Вясельны ўбор маладога
- •Раздзел IV. Сцэнічны касцюм
- •Раздзел V. Словы-тэрміны
- •Заключэнне
- •Літаратура, выкарыстаная пры падрыхтоўцы работы
- •Дадатак
Раздзел I. Жаночая вопратка
1. Склад касцюма
Ж аночы касцюм складаўся са спадніцы, кашулі, фартуха. Галаўны ўбор – хустка. Абутак – лазовыя лапці (мал. 5).
Мал. 5
Мал.6
Вельмі прыгожа аздаблялася кашуля. Узор тканы або вышываны размяшчаўся на рукавах, плечавых устаўках, на каўняры (мал 6).
Асаблівай маляўнічасцю вызначаліся спадніцы – папярэчкі. Былі яны рознага колеру, з тканымі па іх рознакаляровымі палосамі (мал.6).
Белы льняны фартух аздабляўся тканымі ці вышытымі ўзорамі рознай формы.
Мал. 7
Завяршалі касцюм галаўныя ўборы (мал. 7). Яны строга адпавядалі сямейнаму становішчу жанчыны. Замужнія жанчыны хавалі валасы пад галаўны ўбор. Гэта былі наміткі, хусткі – шаліноўкі, чапцы. Шыю ўпрыгожвалі пацеркамі, насілі на пальцах рук пярсцёнкі.
2. Пасавая адзежа
П асавая адзежа складалася са спадніц і белых палатняных фартухоў. Палатняныя фартухі (запаскі) (мал. 8) і характэрныя спадніцы арнаментавалі палосамі ў ніжняй частцы або па ўсёй плоскасці выраба, памяншаючы шырыню палос знізу ўверх (мал.9). Уключэнне ў пасавую адзежу матэрыялу натуральнага колеру (льна, канопляў) надавала гарнітуру своеасаблівы серабрысты каларыт, які арганічна пераплятаўся з насычаным цёмна-чырвоным арнаментам.
Мал. 8 Мал. 9
Спадніца ("бурка") была з узорнай цяжкай і тоўстай ваўнянай тканіны ў бела-шэрыя гарызантальныя палосы, затканыя арнаментам чырвона-карычневага колеру, часта аздобленыя некалькімі вузенькімі палосамі па падоле.
Такім чынам, адным з асноўных прынцыпаў, якім кіраваліся мясцовыя жанчыны ў дэкарыраванні пасавай адзежы, з'яўляецца свядомае падначаленне арнаменту, функцыянальнаму прызначэнню рэчы.
Спадніцы для паўсядзённага нашэння амаль не ўпрыгожваліся, бо цалкам прыкрываліся фартухамі. І наадварот, святочныя спадніцы, якія насіліся з кароткай камізэлькай, запаўнялі ўзорам зверху да долу.
Мастацкая выразнасць дэкору дасягалася за кошт рытму палос. У кашулях вытканыя або вышытыя наборам арнаменту густа-чырвонага колеру дробныя геаметрычныя элементы (ромбы, квадрацікі, зубчыкі і зорачкі) сабраны ў вузкія палосы звычайна аднолькавай шырыні. Праз роўныя прамежкі яны пакрывалі паверхню рукава ўздоўж або ўпоперак (мал. 10).
Мал. 10
Такім чынам, у ХIХ – сярэдзіне ХХ стст. назіраем цвёрда выпрацаваную, замацаваную шматвяковай традыцыяй сістэму мастацка-дэкаратыўных прыёмаў аздаблення кашуль незалежна ад таго, тканнем ці вышываннем выконваўся ўзор.
3. Жаночы святочны ўбор
З ыходзячы з прызначэння, найбольш дбайна ўпрыгожвалі святочную адзежу (мал. 11). У камплект адзення ўваходзіць белая льняная кашуля, шарсцяная спадніца, фартух, хустка. Кашуля і фартух аздоблены тканымі палосамі чырвонага колеру. Галаўны ўбор – хустка. Абутак – лапці.
Мал. 11 Мал. 12
У дэкоры святочнай вопраткі спалучаліся розныя віды рамяства: ткацтва, вышыўка, карункапляценне, аплікацыя, набіванка. Кожны элемент святочнага народнага гарнітура (кашуля, спадніца, камізэлька, світа, кажух, галаўныя ўборы) ўяўляў сабой закончаны мастацкі твор, які сялянкі-майстрыхі кампанавалі з вялікім густам у адзінае цэлае – касцюмны ансамбль.
У мастацкай характарыстыцы касцюма важную ролю адыгрывае ўпрыгожванне кашуль. Традыцыйны дэкор сарочкі (кашулі) абмяжоўваўся тканым ці вышытым арнаментам чырвонага колеру, часам з дабаўленнем чорнага, сіняга. Нескладаныя геаметрычныя матывы: ромбы, крыжыкі, зорачкі, квадрацікі – камбінаваліся ў розныя ўзоры, размешчаныя звычайна палосамі. У першай палове ХХ ст. некаторае распаўсюджанне атрымалі і раслінныя матывы. У 30-40-я гады бытавала таксама вышыўка гладдзю.