1 Тапсырма. Мәтіндерді оқып шығып, сөздік құрастырыңыздар.

Берілген кестені толтырыңыздар.

Аты-жөні	Туған жері	Туған жылы	шығармалары

2 Тапсырма. Төменде берілген сөз тіркестердің мағынасын түсіндіріп, сөйлемдер құрастырыңыздар.

Қайта оралып, түрмесіне қамалады, айдауда болады, абақтыдан босатылады, құрбаны болады, көпшілікке әйгілі, прозаның шағын жанрларында.

3 Тапсырма. Мәтіндерді пайдаланып сөйлемдерді толықтырыңыздар.

1. Біздің атақты жерлестеріміз ......................... .

2. ..............................Солтүстік Қазақстан облысында дүниеге келген.

3. Сәбит Мұқановтың ............... 1922 жылдан бастап жарияланды.

4. Мұқанов Мәскеудегі ............. ......... ........... әдебиет бөлімін бітірген.

5. ................ Омбы қаласындағы семинариясына .................... түседі.

6. «Ботагөз» романын ............................ жазған.

7. Үздік оқитын балалар ............... ............. стипендиясын алып тұрған.

8. Омбы қаласындағы семинариясында ............. Сәкен Сейфуллинмен ................

9. Ғабит Мүсрепов .................. академигі, Қазақстанның ................. .............. .

10. .................. Солтүстік Қазақстан ........... Жамбыл ауданы Жаңажол ............. дүниеге келген.

4 Тапсырма. Екінші мәтін негізінде сұхбат құрастырыңыздар.

5 Тапсырма. Төменде берілген сөйлемерге әр түрлі сұрақ қойып жазыңыздар.

Әкесі 4 жасында Қызылжардағы діни мектепке берді. Мағжан өз шығармаларының кітап болып басылғанын көре алмай кетті. Белгілі қазақ жазушысы Мұқанов Шоқан Уәлиханов өмірі туралы пьеса жазды.

6 Тапсырма. Өлеңді мәнерлеп оқыңыздар (үзінді)

«Мен жастарға сенемін»

Арыстандай айбатты

Жолбарыстай қайратты

Қырандай күшті қанатты

Мен жастарға сенемін!

Көздерінде от ойнар,

Сөздерінде жалын бар.

Жаннан қымбат оларға ар

Мен жастарға сенемін!

Жас қырандар балапан,

Жайып қанат ұмтылған.

Көздегені - көк аспан

Мен жастарға сенемін!

Жұмсақ мінез жібектер,

Сүттей таза жүректер,

Қасиетті тілектер

Мен жастарға сенемін!

Мағжан Жұмабаев

Ұсынылатын әдебиеттер тізімі:

1. Бектұрова А.,Бектұров Ш. Казахский язык для всех. Алматы: Атамұра, 2004ж.

2. Саутова Т.А., Жолдыбаева Р.Н. Ересектерге арналған қазақ тілі. Петропавл,2005ж.

3.Қанғожин М. Менің Мағжаным. Қызылжар. 2010 ж.

3. Саутова Т.А. Қазақ тілі. Бастауыш және жалғастырушы деңгей. Петропавл:Северный Казахстан,2011.

4. Жоғары оқу орындарына арналған «Практикалық қазақ тілі», Алматы, 2006

13-тақырып.

«Қазақтың өнері мен мәдениеті. Өнер түрлері»

Сабақ түрі: практикалық

Қолданылатын әдіс-тәсілдер: мәтінмен жұмыс, сұрақ-жауап, әңгімелеу, «Тақырыптық Бәйтерек» әдісі, «Сөздерді жұптастыр» әдісі, «Баспалдақ» әдісі.

Тапсырмалар түрлері

1. «Тақырыптық Бәйтерек» әдісі (Жаңа тақырыпқа байланысты жаңа сөз алынып, ол әртүрлі сөздермен қосарланып айтылады). Мысалы,

өнер және тарих

өнер және мәдениет

өнер және .........

өнер және .........

мәдениет және қолөнер және зергерлер

мәдениет және ......... және ....................

мәдениет және ......... және ....................

2. Мына сөздерді аударыңыз:

Рухани, қолөнер, мәдениет, көркем әдебиет, бейнелеу, ою-өрнек, әшекейлеу, безендіру, мәдени, өнер тарландары, ән, әуез, ұлттық, шығармашылық, киіз үй, байлық.

3. «Сөздерді жұптастыр» әдісін (тек осы сөздерді қолдану жөн) пайдаланып, сөз тіркестерін құрыңыз. Үлгі: ұлттық қолөнер, киіз үйді безендіру.

4. Өзіңіз құрастырған сөз тіркестерімен («Баспалдақ» әдісі - тек осы сөздермен сөз тіркесін, мүмкіндігінше, сөйлем құрау әдісі )сөйлем құрыңыз.

5. Сөздік көмегімен «Қазақтың өнері мен мәдениеті. Өнер түрлері» мәтінін аударыңыз.

6. Мәтін көмегімен мына кестені толтырыңыз.

Өнер түрлері	Сипаттамасы
1.
2.
3.
4.
5.

7. Өнер, өнерлі, мәдени, мәдениетті, рух, рухани, әдебиет, әдеби, мұра, мұрагер сөздерін мәтінмен байланыстырып, сөйлем құраңыздар. Театрда өнерлі жастар жұмыс істейді. Әдеби мұралар ешқашан ұмытылмайды. Барлық рухани байлық - мақтанышымыз.