1. Ұжымдық еңбек дауының тараптары арасында дауды делдалдың қатысуымен

немесе онсыз шешу туралы келісімге қол жеткізілген барлық жағдайларда

аяқталмай қалған бітімгерлік рəсімдері тоқтатылады, ал тараптар арасындағы

келісімнің талаптары дауды шешудің талаптары деп есептеледі.

Ұжымдық еңбек дауының тараптары қол жеткізген келісімдер жазбаша түрде

ресімделеді.

2. Тараптар арасында даудың шешілуі туралы келісімге қол жеткізу, егер ереуіл

жарияланған болса, оның тоқтатылуына əкеп соғады.

296-бап. Ұжымдық еңбек дауының шешілуімен байланысты кепілдіктер

Бітімгерлік комиссиясының мүшелері ұжымдық еңбек дауын шешу жөніндегі

келіссөздерге қатысқан уақытта орташа жалақысы сақтала отырып, негізгі

жұмысынан босатылады.

Қызметкерлердің, олардың бірлестіктерінің ұжымдық еңбек дауын шешуге

қатысатын өкілдері ұжымдық еңбек дауын шешу кезеңінде тəртіптік жазаға

тартылмайды, басқа жұмысқа ауыстырылмайды немесе солардың өкілдік етуіне

уəкілеттік берген органның алдын ала келісімінсіз жұмыс берушінің бастамасы

бойынша олармен еңбек шарты бұзылмайды.

297-бап. Тараптардың жəне бітімгерлік органдарының ұжымдық еңбек

дауларын реттеу жөніндегі міндеттері

1. Тараптардың ешқайсысы бітімгерлік рəсімдерге қатысудан жалтаруға құқылы

емес.

2. Бітімгерлік __________комиссиясы, еңбек арбитражы реттей алмаған ұжымдық еңбек

дауындағы келіспеушіліктер жазбаша түрде тараптардың назарына жеткізілуге

тиіс.

3. Егер жұмыс берушінің өкілі өкілеттіктерінің жеткіліксіз болуына байланысты

ұжымдық еңбек дауы тараптарының келіспеушіліктерін реттеу мүмкін болмаса,

қызметкерлердің талаптары ұйымдардың, оның ішінде Қазақстан

Республикасының аумағында орналасқан, мүлкінің меншік иелері шетелдік жеке

немесе заңды тұлғалар болып табылатын ұйымдардың не шетелдік қатысуы бар

ұйымдардың мүлік меншік иелеріне, құрылтайшыларына (қатысушыларына)

немесе акционерлеріне табыс етіледі.

4. Осы баптың 2, 3-тармақтарында көрсетілген рəсімдердің нəтижелерімен

келіспеген жағдайда, қызметкерлер өз мүдделерін қорғаудың заңда көзделген,

ереуіл өткізуге дейінгі өзге де барлық тəсілдерін пайдалануға құқылы.

298-бап. Ереуіл өткізу құқығы

1. Егер бітімгерлік рəсімдер арқылы ұжымдық еңбек дауын шешуге қол

жеткізілмесе, сондай-ақ жұмыс беруші бітімгерлік рəсімдерден жалтарған не

ұжымдық еңбек дауын шешу барысында қол жеткізілген келісімді орындамаған

жағдайларда қызметкерлер ереуіл өткізу туралы шешім қабылдай алады.

2. Ереуіл өткізу жөніндегі шешім қызметкерлердің (олардың өкілдерінің)

жиналысында (конференциясында) ұйым қызметкерлері жалпы санының кемінде

жартысы болғанда қабылданады жəне жиналысқа (конференцияға)

қатысушылардың кемінде үштен екісі сол үшін дауыс берген жағдайда

қабылданды деп есептеледі.

3. Ереуілді қызметкерлер (олардың өкілдері) уəкілеттік берген орган (ереуіл

комитеті) басқарады. Бірнеше жұмыс берушілердің қызметкерлері (олардың

өкілдері) бірдей талаптар қойып, ереуіл жариялаған жағдайда, оны осы

қызметкерлер өкілдерінің бірдей санынан құрылатын бірлескен орган басқаруы

мүмкін.

4. Ереуілге қатысу ерікті болып табылады. Ешкімді ереуілге қатысуға немесе

ереуілге қатысудан бас тартуға мəжбүрлеуге болмайды.

5. Қызметкерлерді ереуілге қатысуға немесе ереуілге қатысудан бас тартуға

мəжбүрлейтін тұлғалар Қазақстан Республикасының заңдарында белгіленген

тəртіппен жауаптылықта болады.

299-бап. Ереуілдің басталуы туралы жариялау

1. Осы Кодекстің 298-бабының 3-тармағында көрсетілген уəкілетті орган ереуілдің

басталуы мен болжамды ұзақтығы туралы жұмыс берушіге, жұмыс берушілердің

бірлестігіне (олардың өкілдеріне) оны жариялағанға дейін күнтізбелік он бес

күннен кешіктірмей жазбаша түрде ескертуге тиіс.

2. Ереуіл жариялау туралы шешімде:

1) тараптардың ереуіл өткізуге негіз болған келіспеушіліктерінің тізбесі;

2) ереуіл өткізілетін күн, орын мен уақыт, оның ұзақтығы жəне қатысушылардың

болжамды саны;

3) ереуілді басқаратын органның атауы, бітімгерлік рəсімдерге қатысуға уəкілеттік

берілген қызметкерлер өкілдерінің құрамы;

4) ереуіл өткізу кезеңінде орындалатын қажетті жұмыстардың (қызмет

көрсетулердің) ең төменгі көлемі жөніндегі ұсыныстар көрсетіледі.

300-бап. Ереуілді басқаратын органның өкілеттіктері

1. Ереуілді басқаратын орган өзіне осы Кодекспен берілген құқықтар шегінде жəне

қызметкерлер (олардың өкілдері) берген өкілеттіктер негізінде əрекет етеді.

2. Ереуілді басқаратын органның:

1) қойылған талаптарды шешу мəселелері бойынша жұмыс берушімен, жұмыс

берушілердің бірлестігімен (олардың өкілдерімен), мемлекеттік, кəсіподақ, өзге де

заңды жəне лауазымды тұлғалармен өзара қарым-қатынастарда қызметкерлер

мүдделерін білдіруге;

2) жұмыс берушіден, жұмыс берушілер бірлестігінен (олардың өкілдерінен)

қызметкерлердің мүдделерін қозғайтын мəселелер бойынша ақпарат алуға;

3) қызметкерлердің талаптарын қарау барысын бұқаралық ақпарат құралдарында

жариялап отыруға;

4) даулы мəселелер бойынша қорытындылар шығару үшін мамандарды тартуға;

5) қызметкерлердің (олардың өкілдерінің) келісімімен ереуілді тоқтата тұруға

құқығы бар.

3. Бұрын тоқтата тұрған ереуілді қайта бастау үшін бітімгерлік комиссиясының,

делдалдың немесе еңбек арбитражында дауды қайта қарауы талап етілмейді.

Жұмыс беруші, жұмыс берушілер бірлестігі (олардың өкілдері) жəне еңбек

дауларын реттеу жөніндегі орган ереуілдің қайта басталуы туралы үш жұмыс

күнінен кешіктірілмей ескертілуге тиіс.

4. Ұжымдық еңбек дауының тараптары оны реттеу жөніндегі келісімге қол қойған,

сондай-ақ ереуіл заңсыз деп танылған жағдайларда, ереуілді басқаратын

органның өкілеттіктері тоқтатылады.

5. Ереуілді басқаратын органның өз өкілеттіктерін жүзеге асыру кезінде жұмыс

берушінің, мемлекеттік органдардың жəне қоғамдық бірлестіктердің құзыретіне

жататын шешімдерді қабылдауға құқығы жоқ.

301-бап. Ұжымдық еңбек дауы тараптарының ереуіл барысындағы

міндеттері

Ереуіл өткізу кезеңінде ұжымдық еңбек дауының тараптары осы дауды бітімгерлік

рəсімдер жүргізу жолымен шешуді жалғастыруға міндетті.

Жұмыс беруші, мемлекеттік органдар жəне ереуілді басқаратын орган ереуіл

кезеңінде қоғамдық тəртіпті, ұйымның мүлкін жəне қызметкерлердің қауіпсіздігін

сақтау, сондай-ақ тоқтап қалуы адамдардың өмірі мен денсаулығына тікелей қатер

төндіретін машиналардың жəне жабдықтардың жұмысын қамтамасыз ету жөніндегі

өздеріне байланысты шараларды қабылдауға міндетті.

302-бап. Қызметкерлерге ереуіл өткізуге байланысты берілетін кепілдіктер

1. Ереуілді ұйымдастыру немесе оған қатысу (осы Кодекстің 303-бабының 1-

тармағында көзделген жағдайларды қоспағанда) қызметкердің еңбек тəртібін

бұзуы деп қаралмайды жəне осы Кодексте көзделген тəртіптік ықпал ету

шараларының қолданылуына əкеп соқпайды.

2. Ереуіл кезінде қызметкердің жұмыс орны (лауазымы), əлеуметтік сақтандыру

бойынша жəрдемақы төлеміне құқығы, еңбек өтілі сақталады, сондай-ақ еңбек

қатынастарынан туындайтын өзге де құқықтарына кепілдік беріледі.

Ереуілді жалақының төленбеуіне немесе уақтылы төленбеуіне байланысты

өткізуден басқа жағдайларда, ереуілге қатысушы қызметкерлердің ереуіл кезіндегі

жалақысы сақталмайды.

303-бап. Заңсыз ереуілдер

1. Ереуілдер:

1) соғыс жағдайы немесе төтенше жағдай не төтенше жағдай туралы заңнамаға

сəйкес айрықша шаралар енгізілген кезеңде; Қазақстан Республикасы Қарулы

Күштерінің органдары мен ұйымдарында, елдің қорғанысын, мемлекеттің

қауіпсіздігін, авариялық-құтқару, іздестіру__________-құтқару, өртке қарсы жұмыстарды

қамтамасыз ету, төтенше жағдайлардың алдын алу немесе оларды жою

мəселелерімен айналысатын басқа да əскери құралымдар мен ұйымдарда; құқық

қорғау органдарында; қауіпті өндірістік объектілер болып табылатын ұйымдарда;

жедел жəне шұғыл медициналық көмек көрсету станцияларында;

2) осы баптың 2-тармағында көрсетілген шарттар сақталмаған жағдайда, темір

жол көлігі, азаматтық авиация, денсаулық сақтау ұйымдарында, халықтың тыныс-

тіршілігін қамтамасыз ететін ұйымдарда (қоғамдық көлік, сумен, электр

энергиясымен, жылумен, байланыспен қамтамасыз ету), жұмысының тоқтатыла

тұруы ауыр жəне қауіпті зардаптарға əкеп соғуы мүмкін үздіксіз жұмыс істейтін

өндірістерде;

3) осы Кодексте көзделген мерзімдер, рəсімдер жəне талаптар ескерілмей

жарияланған жағдайда;

4) адамдардың өмірі мен денсаулығына нақты қатер төндіретін жағдайларда;

5) Қазақстан Республикасының заңдарында көзделген өзге де жағдайларда

заңсыз болып танылады.

Осы тармақта көрсетілген негіздердің біреуі болғанда, сот тиісті шешім шығарғанға

дейін прокурор ереуілді тоқтата тұруға құқылы.

2. Темір жол көлігі, азаматтық авиация, денсаулық сақтау ұйымдарында, халықтың

тыныс-тіршілігін қамтамасыз ететін ұйымдарда (қоғамдық көлік, сумен, электр

энергиясымен, жылумен, байланыспен қамтамасыз ету) ереуіл жергілікті

атқарушы органмен алдын ала келісу негізінде айқындалатын халыққа қажетті

тиісті қызмет көрсетулердің тізбесі мен көлемі сақталған жағдайда өткізіледі.

Үздіксіз жұмыс істейтін өндірістерде ереуіл негізгі жабдықтардың, тетіктердің

іркіліссіз жұмысы қамтамасыз етілген жағдайда ғана өткізілуі мүмкін.