- •Он екінші апта қазақ халқының дәстүрлі өнері (3 сағат)
- •1. Берілген туынды зат есімдермен сөйлемдер құрастырыңыз.
- •2. Мәтінді оқып, баяндауға жоспар жасаңыз.
- •Халық дәстүрлі өнері — ұлттық мәдени мұра
- •3.Жаңа сөздерді жаттап алыңыз.
- •4. Сұрақтарға жауап беріңіз.
- •5.Өнер туралы қанатты сөздерді жаттап алыңыз.
- •6.Мәтінді оқып, қысқаша өз сөзіңізбен баяндаңыз.
- •7.Сөйлемдерді толықтырыңыз.
- •Екінші сабақ (1 сағат)
- •1.Мәтінді мазмұндаңыз.
- •Қазақ кино өнері
- •2. Сұрақтарға жауап әзірлеңіз.
- •5.Мәтінді берілген жоспар бойынша топқа бөліп баяндаңыз.
- •6.Сұхбаттасыңыз.
- •7.Қосымша оқуға. Астана Опера (театр)
- •Kk.Wikipedia.Ord/wiki
- •1.Мәтінді оқып, негізгі ойды анықтаңыз, мағынасын өз сөзіңізбен баяндаңыз.
- •Қазақстан опера өнерінің негізін салушы сахна жұлдыздары
- •2.Мәтінге жоспар құрыңыз.
- •Он үшінші апта
- •2. Жаңа сөздермен таныс болыңыз.
- •3. Берілген сұрақтарға жауап беріңіз.
- •4.Есіңізге түсіріңіз.
- •5.Мәтіннен шылауларды тауып, теріп көшіріңіз, түрлерін ажыратыңыз.
- •6.Мәтінді оқып, бәдік айтысы жайлы біліп алыңыз.
- •7. Сұхбаттасыңыз.
- •Екінші сабақ (1 сағат)
- •1. Мәтінді оқып, мағынасын ұғып алыңыз. Күй атасы – Құрманғазы
- •Kk.Wikipedia.Org
- •2. Мәтіні төмендегі жоспар бойынша баяндаңыз.
- •3. Мәтіндегі күрделі сөздер мен тұрақты сөз тіркестерінің мағынасын есте сақтаңыз.
- •4. Сөйлемдерді, қажетті шылауларды қойып, толықтырыңыз.
- •5.Берілген мақалдарды жаттап алыңыз.
- •Үшінші сабақ (1 сағат)
- •1. Мәтінді оқып, мазмұнын өз сөзіңізбен баяндаңыз. Ұлттық байлық
- •3. Қазақстанның үлттық байлығына не жататынын көрсетіңіз.
- •5. Берілген сұрақтарға жауап жазыңыз.
- •6.Сұхбаттасыңыз.
- •7.Берілген мақал-мәтелдердің мағынасын айтыңыз, жаттап алыңыз..
- •Ұлттық құндылықтар
- •Он төртінші апта
- •2. Мәтіннен есімшелерді теріп жазыңыз.
- •3. Сұхбаттасыңыздар.
- •Екінші сабақ (1 сағат) Жамбыл шығармаларындағы батырлық концепция
- •1.Мәтінді оқып, мағынасын үғып алыңыз.
- •«Заман жаршысы» газеті.
- •6. Төмендегі сөздерді орыс тіліне аударыңыз.
- •2.Шәкәрімнің ғибадаттарын ұғып алыңыз (ықшамдалып алынды).
- •3. Сұрақтарға жауап беріңіз.
- •4. Өлеңді жаттап алыңыз. Құмарлық
- •Көркем сөз – көркем өнер (3 сағат)
- •Бірінші сабақ (1 сағат)
- •1. Сөздікті пайдаланып, жаңа сөздер мен сөз тіркестерінің мағынасын ұғып алыңыз.
- •Ж.Аймауытов шығармаларындағы жан сұлулығы
- •3. Төмендегі сұрақтарға жауап беріңіздер.
- •4. Төмендегі үстеулерді пайдаланып, мәтін мазмұнына сәйкес сөйлемдер құраңыз.
- •5. Төмендегі сөз тіркестерімен сөйлем құрыңыздар.
- •Екінші сабақ (1 сағат)
- •1. Мәтінді оқып, өз сөздеріңізбен мазмұндаңыз. М. Әуезов – суреткер
- •2. Сөз тіркестерінің мағыналарын сөздіктің көмегімен анықтаңыз, сөйлем құраңыз.
- •3. Мәтіннен жазушының ауыл адамдарын – жерлестерін суреттеген үзіндіні тауып, сипаттама беріңіз.
- •4. Төменде берілген сұрақтарға жауап беру арқылы мәтіннің қысқаша мазмұнын айтыңыз.
3. Төмендегі сұрақтарға жауап беріңіздер.
1) Жүсіпбек Аймауытұлы қашан және қандай жанұяда дүниеге келген?
2) Қазақ жұртшылығы үшін Ж.Аймауытұлының орны қандай?
3) Ж.Аймауытұлының еңбектері жайлы не білесіздер?
4) Біз Ж.Аймауытұлы шығармаларынан не білеміз?
4. Төмендегі үстеулерді пайдаланып, мәтін мазмұнына сәйкес сөйлемдер құраңыз.
Бұрын, аса, әжептеуір, қыруар, жанында, нағыз.
5. Төмендегі сөз тіркестерімен сөйлем құрыңыздар.
Ауыл молдасы, алаш қозғалысы, ат салысты, саяси жұмыстар, шығармашылық мұра, ақындық сезімталдық.
6. Сөйлесіңіздер.
- Арман, сен қай университетте оқисың?
- ---------------------------------
- Қандай маманықта оқисың?
- ---------------------------------
- Сен Ж. Аймауытұлының шығармаларын білесің бе??
- ----------------------------------
- Жазушының қандай романдары бар?
- ----------------------------------
- Жазушы шығармаларында нені суреттейді?
- ----------------------------------
-Ж.Аймауытұлы кімнің шығармаларын аударды?
- ----------------------------------
Екінші сабақ (1 сағат)
1. Мәтінді оқып, өз сөздеріңізбен мазмұндаңыз. М. Әуезов – суреткер
Мұхтар Омарханұлы Әуезов – Ұлы жазушы, қоғам қайраткері, ғұлама ғалым, Қазақстан Ғылым академиясының академигі (1946), филология ғылымдарының докторы, профессор (1946), Қазақ КСР-нің еңбек сіңірген ғылым қайраткері (1957).
Туған жері — бұрынғы Семей уезінің Шыңғыс болысы (қазіргі Шығыс Қазақстан облысының Абай ауданы). Әкесі Омархан мен атасы Әуез сауатты кісілер болған. Мұхтар атасының қолында өскен. Ол алты жасынан Абайдың өлеңдерін ауылдастарына жатқа оқып беретіндей дәрежеге жетеді. 1915 жылы Семей қалалық мұғалімдер семинариясына қабылданады. Оқып жүргенде Шәкәрім Құдайбердіұлының «Жолсыз жаза» дастаны негізінде «Еңлік-Кебек» пьесасын жазып, оны 1917 жылы маусым айында Ойқұдық деген жерде тіркестіріп тіккен киіз үй сахнасына шығарады.
«Абай жолы» – Мұхтар Әуезовтың әлемге әйгілі роман-эпопеясында қазақ халқын, оның ұлттық дәстүрін барлық қырынан энциклопедиялық деңгейде жан-жақты ашып көрсетті. Әуезовтың «Абай жолы роман-эпопеясы әлемдік деңгейде: «ХХ ғасырдағы ең үздік шығармалардың бірі» (Луи Арагон) деген жоғары баға алды. «Абай жолында» қазақ халқының этнографиялық, діни, жалпы мәдени-танымдық дәстүрлері: жаз жайлауға көшу, құдалыққа бару мен той жасау, кісі өлімі мен аза тұту, ас беру, жұт, болыс сайлауы, дауға билік айту, аң аулау мен табиғат көріністері, т.б. бәрі бар. Алғашқы екі кітаптан тұратын «Абай» романы үшін жазушыға КСРО Мемлекеттік сыйлығы (1949) беріліп, төрт томдық «Абай жолы» роман-эпопеясы жарық көргеннен кейін ол Лениндік сыйлықтың лауреаты (1959) атанды. Эпопея дүние жүзі халықтарының бір жүз он алты тіліне аударылған. Ол екі жүз томдық «Әлем әдебиеті кітапханасы» топтамасында екі том болып басылды.
2. Сөз тіркестерінің мағыналарын сөздіктің көмегімен анықтаңыз, сөйлем құраңыз.
Ғылым қайтаркері, сауатты кісілер, жатқа оқу, киіз үй сахнасы, ғылыми зерттеулер, ұлттық дәстүр.
3. Берілген сөздермен сөйлем құраңыздар.
Мұра, роман-эпопея, шығарма, қазақ қоғамы, ұлттық әдебиет, дүние жүзі.
Үлгі: М.Әуезов мұрасы-аса маңызды мұра.
4. «Мен М. Әуезов жайлы не білемін?» деген тақырыпта өзара сұхбаттасыңыздар.
Үшінші сабақ (1 сағат)
1. Жаңа сөздермен танысыңыз.
Қаламгер – писатель
Тілші – корреспондент
Жерлес - земляк
Өр мінезді – принципиальный
Сағыныш – тоска
Шыншыл – правдивый
2. Мәтінді оқып, өз сөздеріңізбен мазмұндаңыз.
О. Бөкей шығармаларындағы табиғат сұлулығы
Қазақтың көрнекті қаламгерінің бірі Оралхан Бөкей 1943 жылдың 28 қыркүйегінде Шығыс Қазақстан облысының Қатонқарағай ауданындағы Шыңғыстай ауылында туған. О. Бөкейдің әкесі Бөкей көп сөйлемейтін, сөйлей қалса сөзі өткір, жаны таза адам болған. Анасы Күлия көреген, ашық кісі болған.
О. Бөкей 1961 жылы Шыңғыстайдың Сұлтанмахмұт Торайғыров атындағы орта мектебін бітіріп, сонда пионер вожатыйы, кейін “Алтай” ауылында тракторшы болып еңбек еткен. 1968 жылы Қазақ мемлекеттік университетін бітіріп, өз өңіріндегі Большенарым ауданында “Еңбек туы” және Шығыс Қазақстан облыстық “Коммунизм туы” газеттерінде тілшілік қызметтер атқарды. Жиырма бес жасында О. Бөкеев Алматыға келіп, “Лениншіл жас” (бүгінгі “Жас алаш”) газетінде әдебиет және өнер бөлімінің меңгерушісі болды.
1970 жылы Алматыда жарық көрген «Қамшыгер» атты тұңғыш повестер және әңгімелер жинағы ерекше үнімен оқырмандарды елең еткізді. «Менің повесть, әңгімелерімнің сюжеттері туған жер, жастық шағымда болған оқиғалар туралы естеліктерге толы», – деп жазды ол.
О.Бөкеев “Үркер” (1971 ж.), “Қайдасың, қасқа құлыным?” (1973 ж.), “Мұзтау” (1975 ж.) жинақтарын шығарды. Жазушының көлемді шығармаларын айтпай, кез келген шағын әңгімелерінде де туған жеріне, тіпті оның әр түп ағашына деген ыстық сағынышы атойлап тұрады. Шығармаларының әр тармағынан туған жерге ілтипаты танылады. Туған жері – Алтайдың сұлулығын, тәкаппарлығын, асқақтығын жырлаған жазушы қысқа ғана ғұмырында өзін де, туған әдебиетін де осындай асқар асуға шығарып үлгерді. Оның шығармаларының кейіпкерлері – ауыл адамдары – қойшылар, жылқышылар, бұғы өсірушілер, диқандар, орманшылар, ересектер мен жастар. Олар рухани дүниелері бай, бітім-болмысы кіршіксіз, пәк ниетті жандар. Олар қиындыққа төзімді, өздеріне сенімді, адал да аңғал, ақ жүректі, кеңпейілді адамдар. Қай шығармасын алмаңыз, өмірге деген құштарлық, өмірді жақсартуға деген ұмтылыс жеңіп шығады. Қаламгердің кітаптары неміс, словак, болгар, ағылшын, венгр, араб, қытай, жапон және ТМД елдері халықтарының тілдерінде жарық көрді.