- •5. Вклад Ластовского в развитие иторического жанра белорусской литературы
- •7. Вклад м. Довнар-Запольского в развитие белорусской историографии.
- •8. Политическая и общественная деятельность Вс. Игнатовского.
- •9. Вклад Вс. Игнатовского в развитие белорусской историографии.
- •10. Общественная деятельность в. Пичеты.
- •12. Создание и деятельность Института белорусской культуры.
- •13. Историко-археологическая секция и историко-археологическая комиссия Инбелкульта.
- •15. Создание Института исторических наук Белорусской Академии наук.
- •21. Деятельность Института истории партии цк кп(б)б 1929-1941 гг.
- •22. Деятельность Общества историков-марксистов
- •23. Подготовка кадров историков в бсср в 1921-1941 гг.
- •24. Подготовка кадров историков высшей квалификации в бсср в 1927 – 1941 гг.
- •25. Деятельность Института истории ан бсср в 1946 – 1970 гг.
- •26. И.С.Кравченко.
- •27. Н.В.Каменская.
- •28. Деятельность Института истории ан бсср в 1971 – 1990 гг.
- •29. И.М.Игнатенко.
- •30. П.Т.Петриков.
- •31. Деятельность Института истории партии при цк кпб в 1945 – 1991 гг.
- •32. Подготовка кадров историков в бсср в 1945 – 1990 гг.
- •33. Деятельность Института истории нанб в 1991-2012 гг.
- •34. М.П. Костюк- единственный историк-академик
- •35. Н.С. Сташкевич
- •36. Создание и деятельность Белорусского научно-исследовательского института документоведения и архивного дела.
- •37. Создание и деятельность Национального научно-просветительского центра имения ф. Скарины.
- •38. Развитие исторического образования в Республике Беларусь
- •40. История факультета истории и социологии ГрГу имени я. Купалы.
10. Общественная деятельность в. Пичеты.
Уладзімір Іванавіч Пічэта нарадзіўся ў 1878 г. у Палтаве. Скончыў у 1897 годзе Палтаўскую гімназію, а ў 1901 годзе - гісторыка-філалагічны факультэт Маскоўскага універсітэта. Навуковым кіраўніком яго дыпломнай (тады звалася кандыдацкай) работы «Юры Крижанич пра Маскоўскай дзяржаве» быў В. О. Ключэўскі. Пасля заканчэння універсітэта выкладаў у сярэдніх навучальных установах Масквы, а з 1902 года працаваў на Украіне. У верасни 1905 гада Пічэта вярнуўся ў Маскву, дзе выкладаў спачатку ў сярэдніх навучальных установах, а з 1906 года - у вышэйшых, выступаў з лекцыямі перад працоўнымі. У 1909 годзе малады навуковец здаў магістэрскі іспыт, а ў 1910 зацверджаны ў званні прыват-дацэнта Маскоўскага універсітэта. У лютым 1911 разам з групай прафесараў і прыват-дацэнтаў сышоў з універсітэта ў знак пратэсту супраць дзейнасці міністра народнай асветы Л. А. Касы. Выкладаў на Вышэйшых жаночых курсах і ў Практычнай акадэміі камерцыйных навук. У канцы 1917 Пічэта стаў выкладчыкам Маскоўскага універсітэта, а з 1918 г. прафесарам МДУ. У 1918 годзе Уладзімір Іванавіч абараніў дысертацыю на ступень магістра рускай гісторыі па тэме «Аграрная рэформа Жыгімонта-Аўгуста ў Літоўска-Рускай дзяржаве». У 1918 г.Ён быў абраны старшынёй Беларускага навукова-культурнага таварыства. У.І. Пічэта прыняў актыўны ўдзел у падрыхтоўцы стварэння Беларускага дзяржаўнага ўніверсітэта ў Мінску. Ён узначаліў па прапанове ўрада ССРБ Маскоўскую камісію па арганізацыі ўніверсітэта ў Мінску і 9 ліпеня 1921 г. быў прызначаны яго першым рэктарам. Дзякуючы сваім ранейшым працам, і грунтуючыся на вялікім досведзе педагагічнай працы, У. І. Пічэта ў сціслыя тэрміны стварыў курс лекцый з нязвыклай і сімвалічнай назвай — «История белорусского народа».
У спадчыне У. І. Пічэты таксама і пачатак увасаблення ідэі асобнага універсітэцкага гарадка. Рэалізацыя ж ідэі патрабавала велізарных для таго часу і таго становішча эканомікі грошай.
Па ініцыятыве Уладзіміра Іванавіча распачалі сваю дзейнасць Навуковае таварыства БДУ, Таварыства гісторыі і старажытнасцяў. Нельга забыць і тое, што У. Пічэта прасоўваў ідэю стварэння пры БДУ асобнага Інстытута па вывучэнні беларускай спадчыны. Яна была рэалізавана ў дзейнасці Інбелкульта, а потым Акадэміі навук БССР.Яго намаганнямі ў верасні 1927 г. была адкрыта аспірантура. Сам рэктар яшчэ ў 1925 г. узяў “пад сваё крыло” некалькі маладых гісторыкаў (Ф. Забэла, К. Кернажыцкі, А. Бурдзейка). Рэктар не пакідаў па-за ўвагай нават дробязныя універсітэцкія праблемы. Ён асабіста працаваў над першымі вучэбнымі планамі і іх далейшым удасканальваннем, рыхтаваў правілы прыёму абітурыентаў і сам потым прымаў уступныя экзамены, не вельмі кіруючыся прынцыпамі “класавага адбору”. У. Пічэта – стваральнік першага Статута БДУ. Для яго аднолькава важнымі былі праблемы побыту і выкладчыкаў, і студэнтаў.
У 1929 у СССР была сфабрыкавана т. зв. «акадэмічная справа» супраць акадэміка С. Ф. Платонава і іншых гісторыкаў (Гл. таксама: рэпрэсіі ў БССР), 13.9.1930 г. У. Пічэта арыштаваны АДПУ СССР у Ленінградзе. Пастановай СНК БССР ад 6.12.1930 г. пазбаўлены звання акадэміка. Пастановай Калегіі АДПУ ад 8.8.1931 г. сасланы на 5 гадоў у Вятку. У чэрв. 1934 г. месца ссылкі заменена на Варонеж, дзе У. Пічэта працаваў прафесарам у педагагічным інстытуце. У 1935 г. справа У. Пічэты перагледжана, яму дазволілі жыць у Маскве. Паводле адной з версій вызваленне было звязана з прыездам у Маскву былога аднакурсніка У. Пічэты прэм'ер-міністра Чэхаславакіі Э. Бенеша. З 1937 г. працаваў у Інстытуце гісторыі АН СССР, дзе з 1939 г. узначаліў сектар славяназнаўства; адначасова быў загадчыкам кафедры заходніх і паўднёвых славян Маскоўскага ўніверсітэта. З 1941 г. разам з інстытутам у эвакуацыі ў Ташкенце. У 1946 г. з акадэмікам Б. Дз. Грэкавым заснаваў і стаў дырэктарам Інстытута славяназнаўства АН СССР. Уладзімір Іванавіч Пічэта памёр 23 чэрвеня 1947 года.
11.Вклад В. Пичеты в развитие белорусской историографии.У.І. Пічэта з'яўляецца аўтарам вялікай колькасці прац па гісторыі Расіі, Польшчы, Беларусі, Літвы і Украіны. Яго працы 20-х - 30-х гадоў распрацоўваюць у асноўным сацыяльна-эканамічныя праблемы расейскай гісторыі эпохі Смуты і адмены прыгоннага права.
З імем Пічэты звязана станаўленне беларускай савецкай гістарычнай навукі. Тэмы яго даследаванняў ўключалі пытанні этнагенезу беларускага народа, гісторыю беларускіх гарадоў, археалогію і краязнаўства, гісторыю беларускай мовы і літаратуры - з 516 работ навукоўца больш за 150 прысвечаны гісторыі Беларусі.Работы Пічэты ўнеслі немалы ўклад і ў гістарыяграфію Літвы.
З 1939 гады Пічэта засяродзіў увагу на гісторыі Польшчы. У апошнія гады жыцця працаваў пераважна над 3-х томнай "Гісторыяй Польшчы" (3-ы том застаўся незавершаным).Да першых абагульняючых прац па гісторыі Беларусі адносіцца курс лекцый У.І.Пічэты «История белорусского народа», які ўпершыню быў апублікаваны ў дапаможніку «Курс белорусоведения. Лекции, читанные в Белорусском народном университете в Москве летом 1918 г.» (1920 г.). Аўтар прасачыў лінію еўрапейскай традыцыі ў гісторыі Беларусі. Ён прытрымліваўся каланізацыйнай тэорыі – лічыў, што славяне каланізавалі тэрыторыю Беларусі.
З пазіцый дзяржаўнай школы Пічэта прааналізаваў працэс утварэння ВКЛ, яго палітычную пабудову, уніі з Польшчай, узаемаадносіны з Маскоўскай дзяржавай.
Асобную ўвагу ён прысвяціў рэлігійнаму пытанню на Беларусі, вызначыў становішча сялян, шляхты, раскрыў русіфікатарскую палітыку царызма, рэформу 1861 г., дзейнасць земстваў, стан гаспадарчага жыцця ў другой палове ХІХ – пачатку ХХ ст.
У 1924 г. выйшла «Гісторыя Беларусі» У.І.Пічэты. Кніга ахоплівае перыяд ад старажытнасці да Люблінскай уніі (1569 г.). Перыядызацыя, якую прапанаваў аўтар, заснавана на прынцыпе дзяржаўнай прыналежнасці Беларусі. Ён вылучыў пяць перыядаў: 1) дагістарычнае мінулае; 2) гісторыя беларускага народа да другой паловы XI ст.; 3) беларускія землі ў XI – XIII ст.; 4) Беларусь у складзе ВКЛ; 5) шляхецкая феадальная дзяржава.. Асаблівасцю працы з'яўляецца тое, што гісторыю Беларусі Пічэта прасачыў у кантэксце агульнай славянскай гісторыі. Ён пачаў з прарадзімы славян і іх суседзях – готах, іранскіх плямёнах, скіфах і сарматах і інш.
Большая частка першага раздзела прысвечана гісторыі «беларускага племені» да першай паловы XI ст.: паслядоўна разглядаецца гісторыя племянных саюзаў, утварэнне дынастычнай дзяржавы, гандлёвыя сувязі, грамадства, дзяржаўны лад, хрысціянізацыя Беларусі і прававыя нормы.
Утварэнню і гісторыі самастойных Полацкай, Тураўскай і Смаленскай «зямель-краін» прысвечаны другі і трэці раздзелы кнігі. Даследчык меркаваў, што пачатак умацавання палітычнай самастойнасці Полацкага княства прыпадае на княжанне Брачыслава Ізяславіча, бо «Полацкая зямля не ўвайшла ў склад Кіеўскай дзяржавы».
Вельмі нязвыклым для тагачаснай гістарыяграфіі з'яўляецца раздзел, прысвечаны палітычнай думцы XI – XIII ст. Гэтага мы не сустрэнем ні ў папярэднікаў Пічэты, ні ў далейшых навуковых распрацоўках.
У чацвёртай частцы «Гісторыі Беларусі» разглядаецца гісторыя ВКЛ. Некаторыя паведамленні гісторыка спрэчныя і могуць заблытаць непадрыхтаванага чытача, як, напрыклад, пра «пагром над усімі рускімі» у ВКЛ падчас канфрантацыі Вітаўта з Масквой.
Вельмі важным з'яўляецца раздзел, у якім разглядаецца развіццё гаспадаркі ў XV – першай палове XVI ст. Аўтар прааналізаваў прычыны слабасці дзяржаўнага скарбу і малую эфектыўнасць гаспадарчай дзейнасці ўвогуле.
Раздзел пра культуру ВКЛ невялікі. У ім Пічэта падкрэсліў, што ВКЛ «у культурных адносінах з'яўлялася беларускім».
Пяты раздзел кнігі носіць назву «Пачатак шляхецкае феадальнае дзяржавы». У ім разглядаюцца абставіны стварэння Рэчы Паспалітай.
Люблінскай уніі прысвечаны апошні раздзел кнігі. Магчыма, аўтар меркаваў вярнуцца да разгляду гэтай падзеі ў у другой частцы сваёй кнігі.
Да асаблівасцей кнігі можна аднесці ўжыванне аўтарам разнастайных тэрмінаў-мадэрнізмаў, напрыклад, «абрабляючая прамысловасць», «здабываючая прамысловасць», «банкроцтва», «партыя», «інтэлігенцыя».
Пад кіраўніцтвам У.І.Пічэты ў чэрвені 1941 г. выйшлі «Нарысы па гісторыі Беларусі». У гэтай калектыўнай працы гістарычнае мінулае Беларусі разглядалася са старажытных часоў да падзелаў Рэчы Паспалітай. Але ў гады нямецка-фашысцкай акупацыі амаль увесь тыраж кнігі загінуў і не дайшоў да чытача.
Асновы для вывучэння шматлікіх праблем гісторыі Беларусі ІХ – сярэдзіны ХІХ ст. заклаў У.І.Пічэта. У дакументальнай двухтомнай працы «Аграрная рэформа Жыгімонта-Аўгуста ў Літоўска-Рускай дзяржаве» (1917 – 1918 гг.) ён разглядзеў прычыны правядзення і вынікі гаспадарчых пераўтварэнняў сярэдзіны ХVІ ст. Новым словам у айчыннай гістарыяграфіі стала кніга «Гісторыя сельскай гаспадаркі і земляробства Беларусі (да канца ХVІ ст.)», выдадзеная ў Мінску ў 1927 г. Аўтар раскрыў кіруючую ролю класа феадалаў у развіцці аграрных адносін, ахарактарызаваў феадальную вотчыну, закрануў праблему запрыгоньвання сялянства – лічыў прыгоннае права вынікам грамадскага развіцця.