«Зурачла күүндхм»

Наадна күсл: Бичкдүд оньган өгч юм хәләдг сурһмҗ өгч батлх.

Зурачин дүр үзүлҗ чаддг дасхх.

Наадна зокал: Ийртмҗин туск медрл батлх ю зургт зурач үзүлҗ зурснь келҗ чадлһн.

Наадна үүлдвр:Багш йиртмҗин туск зургуд үзүләд сурна:

-Эн зургт би ямаран

җилин цаг зурв.

- Үвлин цаг.

- Эн зургт би ю зурв?

- Эн зургт цасн, ...

Наадна зер-зев:

Багшин, сурһмҗлачин урдк көлдмш:

Дөрвн җилин цагин зургуд

Урдаснь мольберт, бирет, биир, ширмүд белдх

Наадна зер-зев: Дегтр, девтр, харанда, биир, бичүр, илүр

Багшин, сурһачин үүлдвр: Урдаснь багд бәәх хамг-юмиг чикәр тәвҗ белдх. «Ухата» гисн медаль белдх.

IV. Ширәлң надд «Элст балһсна гиичнр»

Наадна күсл: Хальмг Таңһчин Элст хотл балһсндан дурта болдг сурһмҗ өгх. Эврә бәәсн балһсна туск медрл гүүдүлх. «Гид» - гидг күүнә эрдмлә таньлдулх

Наадна зокал: Элст балһсна сәәхн һазр цоксн зургуд хәләҗ, юн бәәхнь медҗ келх.

Наадна үүлдвр: Элст балһсар йовҗ гиичнрт сән һазр үзүлх. Йовх көлг шүүҗ авх. « Гид» шүүҗ авх. Багш «гид» күүнә үулдврлә таньдулҗ үзүлх. Улгүрнь:-Нанд дөрвлҗн бәәнә, энүг хайҗ ямаран то тусна.Тер туссн тооһар ирлцәтә зург олна. Үлгүрнь: зургт Сити-Чесс шатрин балһсн. Энүнд сәәхн гермүд бәәнә.

-Наадна зер-зев: Элст балһс үзүлҗәх цоксн зургуд.

Багшин, сурһачин үүлдвр: Урдаснь нааднд кергтә хамг-юмн белдх.

«Кен ю кеҗәнә»

Наадна күсл:Үүлдвр медүлҗәх үгмүд тодлҗ, медҗ авх.

Наадна зокал: Ик цаасн деер нааһата зургуд хәләҗ, салу-салу кевтсн әдл зургуд авч олад, ямаран үүлдвр үзүлҗәх келх.

Наадна үүлдвр: Багш ик цаасн деер нааһата зургуд хәләһәд келнә:

- Эн күүкн ю кеҗәнә?.

-Күүкн зурҗана.

-Ода иим зург олтн.

Бичкдүд олҗ авад келнә:

-Күүкн зурҗана.

Дарунь багш «биилҗәх көвүн » зург үзүлҗ сурна:

-Эн күүкн ю кеҗәнә?

-Көвүн биилҗәнә.

Бичкдүд олҗ авад келнә:

-Көвүн биилҗәнә. (Эн кевәр наадк зургудар күүндвр кеҗ болх).

Наадна зер-зев: Үүлвдр медүлҗәх ик зургуд.

«Кен шулун-шудрмг?»

Наадна күсл: Бичкдүдин медрл батлх. Үгин көрңгиг байҗулх. Жилин

эргцд дассн үгмүд батлх.

Наадна зокал: Зургуд хәләҗ кергтә хамг тоот олҗ авад, чиар келҗ нерәдх.

Наадна үүлдвр: Өгсн докьяһар кергтә хамг-тоот олҗ авх. Бичкдүд хойр багд хувагдна. Багш зург үзүләд сурна: -Эн юмб? (Угүрнь: махла, күлт…). Ода эн хувц кен түргн өмсч чадх.

Наадна зер-зев: Зургуд болн кергтә хамг юмн. Хувц-хунр үзүлҗәх зургуд.

Багшин, сурһмҗлачин үүлдвр: Урдаснь кергтә зургуд белдх.

V. Наадн-даалһвр (Игры- поручения)

«Оллҗ үзтн»

Наадна күсл: «Деер», «дор», «өөр»,«ард», «өмн» үзгин чинр медҗ авх. Схем зурҗ юм олҗ авдг дасхх.

Наадна зокал: Зургуд хәләҗ, кергтә хамг тоот олҗ авад, чикәр келҗ нерәдх.

Наадна үүлдвр: Урдаснс кергтә зургуд,хамг-юмн белдх. Үлгүрнь: Хоран схем. Схемд багин тогтац зурата. Зурата схем олздад, бичкдүд наадһа эс гиҗ кергтә тоот олҗ авна.

Наадна зер-зев: Зурсн схем, наадһас.

Багшин, сурһмҗлачин үүлдвр: Урдас ик цаасн деер схем зурх.

«Хөөч болн малч»

Наадна күсл: Бичкдүд «хөөч» болн «малч» гисн үгмүдин чинр медүлх.

Наадна зокал: Ямаран мал «хөөч» болн «малч» хәрүлдг тускар келх. Наадна үүлдвр: Багш сурна: Кен «хөөч» болх, кен «малч» болх? «Малч», « хөөч» шүүҗ авсн дару багш зургуд үзүлнә күн болһн, ямаран мал хәрүлх келҗ өгх.

Наадна зер-зев: Наадһас.

Багшин, сурһмҗлачин үүлдвр: Урдаснь зургуд белдх.