«Хама йовсан келхн угавидн, ю кесән үзүлнәвидн »

Наадна күсл: Олмһа болдг, шулун –шудрмг болдг дасхх. Нег юмна бәәдл, үзүлҗ чаддг дасхх, нег күүнә эрдм үзүләд келдг дасхх.

Наадна зокал: Нег юмна, нег күүнә эрдм чикәр үзүлх, келх.

Наадна үүлдвр: Бичкдүд 2 багд хувагдна. Талдан күн һарч ю кех медҗ авна. (Тоолдг тоолад кен үзүлх, кен тәәлвринь олх медҗ үзнә).

Наадна зер-зев: Күүнә эрдм медүлҗәх хамг юмн, наадһас

Багшин, сурһачин үүлдвр: Багш эс гиҗ сурһмҗ өдр болһн эн үгмүдиг келндән олзлх.

«Кен ю үзв?»

Наадна күсл: Келсиг чикәр соңсч чаддг дасхх. Оньгта болдг сурһмҗ өгх.

Наадна зокал: Багшин келсиг оньган өгч соңсх. Келсн нег үгиг тодлҗ чадх.

Наадна үүлдвр: Багш келсн хөөн, өгсн зург хәләһәд келнә. Багш сурна: - Кен лавкд махла үзв. Махла зурата зург бәрсн күн келнә: - Би лавкд махла үзв.

Наадна зер-зев: Зургуд. (ямаран төрәр күүндвр кехәр седнә)

Багшин, сурһачин үүлдвр: Багш эс гиҗ сурһмһҗлач наад давулхин өмн ямаран төрәр күүндхән йилһҗ авна.

«Долан хонгт кедү өдрмүд?»

Наадна күсл: Долан хонгин өдрмүдин нерд батлҗ авх.

Наадна зокал: Бичкдүд өдр болһн календарь хәләҗ, өдр болһн 1 өдрин цаас авх зөвтә.

Наадна үүлдвр: Бичкдүд болһн ик төгрг бәрүлх, төгрг болһнд бичкн төгрг зурата. Сурһмҗлач эс гиҗ багш долан хонгин негдгч өдр нерәднә, дарук өдр ямаран болхинь келнә.

Наадна зер-зев: Карточкс (төгрг терүнд бичкн төгрг нааһата).

Багшин, сурһачин үүлдвр: Урдаснь багш наадна зокал келҗ цәәлһнә. Зургуд эс гиҗ наадһас белднә.

«Кергтә әс олад, үгмүд кел»

Наадна күсл: Бичкдүд чикәр хальмг келнә ә соңсч келдг дасхх.

Наадна зокал: Багш кесг зургуд тәвнә. Дарунь сурна: - Ямаран үгд «Һ» гидг ә бәәнә? Кен түргн чикәр үг келнә, тер күн диилвр бәрнә.

Наадна үүлдвр: Багшин келсн хөөн бичкдүд келсн әс соңсч үг келх.

Наадна зер-зев: Зургуд.

Багшин, сурһачин үүлдвр: Урдаснь бичкдүдлә хамдан ик төгрг зурҗ керчҗ авад, терүн деер бичкн төгрг нааҗ белднә.

«Кен дала юм меднә?»

Наадна күсл: Бичкдүд ухалҗ келдг дасхх, эргндк бәәх юмна чинрнь, юуни төлә бәәдгинь медүлҗ батлх. Бичкдүдин уха-тоолврнь батлх.

Наадна зокал:

Узсн юм хәләһәд, шинҗләд юуни төлә? гидг сурврт хәрү өгх. Тоолдг тоолад наадна йовулач шүүҗ авх.

Наадна үүлдвр: Наадна йовулач ширә деер бәәх юм үзүләд сурна «Эн юуни төлә?» наадк бичкдүд хәрү өгх зөвтә.

Үлгүрнь: Таава үзүлҗ сурна:

Энд ю кенә?

-Таавад шарна(нискт цә чанна, суулһд ус кенә,ааһар цә ууна…)

(Эн кевәр наадк ааһ-сав үзүләд сурх).

Наадна зер-зев: зургуд, наадһас

Багшин, сурһачин үүлдвр: Урдаснь хальмг келнә 6 үзг белдх.

III. Нег юм олзлҗ наадлһн. (Игры с предметами)

«Олн юм бәәдг орн-нутгур зуульчлһн»

Наадна күсл: Бичкдүдиг багд бәәх хамг юмнла таньлдулх, юунас кегдсн, тедниг яһҗ олзлдг келҗ медүлх.

Наадна зокал: Багшин келсиг соңсч, сурврт хәрү өглһн.

Наадна үүлдвр:

Бичкдүд багшин келсиг соңсад, үүлдвр күцәнә.

Үлгүрнь: - Эн юмб?

-Эн ширә.

-Ширә ик, бичкн?

-Ширә бичкн.

-Ширә ямаран өңгтә?

-Ширә шар өңгтә.

-Ширә юуһар кеҗ.

-Ширә модар кеҗ.

-Ширә деер ю кенә?

-Ширә деер зурна.

-Ширә деер бичнә.

-Ширә деер хот ууна.

Наадна зер-зев: Багд бәәх хамг юмн (мебель). Терүнә әңг, зүс, кев-янз шинҗлһн

Багшин, сурһачин үүлдвр: Урдаснь багш ямаран төрәр наадыг давулхнь медҗ авч, зургуд эс гиҗ кергтә хамг-юм белдх.