«Ю бийнь тускар наадһа келҗәнә?»

Наадна күсл:

- Нег юмна тускар келҗ чаддг дасхх.

- Келҗ өгсн цагт юмна онц темдг йилһҗ келдг дасхх.

-Нег-негән соңсч чаддг дасхх.

Наадна зокал: Авдрас неҗәдәр наадһа һарһҗ авх. Наадһан тускар келҗ өгх.

Наадна үүлдвр: - Нег юм хәәҗ авлһн (келҗ өгсн темдгәр)

- Кен түрүн нерәдҗ келнә, тер күн наадһа авна.

Үлгүрнь: - Эн наадһа дөрвн төгрг көлтә, 2 шатдг нүдтә.

Бичкдүд: - Эн машин.

-Эн бичкн,ә һархла җиңгнә.

Бичкдүд: - Эн хоңх.

Наадна зер-зев: Наадһас, авдр.

Багшин, сурһачин үүлдвр: Урдаснь багш эс гиҗ сурһмҗлач наадһа авдр белднә.

«Кен ю соңсна?»

Наадна күсл:

- Бичкдүд оньган өгч соңсдг дасхх

- Нег юмна ә угаһар келҗ чаддг дасхх (җиңнә, наачана, дуулна, шарҗңна).

Наадна зокал: - Нег юмиг бичкдүд соңсч нерәдсн хөөн һарһҗ үзүлх.

-Тоолдг тоолад наадна йовулачиг шүүҗ авх.

Наадна үүлдвр: Хааһул ард көвүн эс гиҗ күүкн дуудгдна. Тер күн үлгүрнь бүшкүр татна. Бичкдүд соңсна, дарунь юн болхнь келҗ өгнә. Үлгүрнь, бүшкүрин Ә һарна. Келҗ өгсн хөөн, тер күн бүшкүртә һарч ирнә.

Наадна зер-зев: Кеңкрг, бүшкүр, домбр,бубен, хоңх нань чигн наадһас

Багшин, сурһачин үүлдвр: Багш ширә деер олн-зүсн юм тәвнә. Ямаран ә һарһдгнь бичкдүдт үзүлнә.

«Кен түргн цуглулҗ авх?»

Наадна күсл: Бичкдүдиг олн земш, тәрә-темсд нег багд орулҗ чадг дасхк. Багшин келсиг оньган өгч соңгсч даалһвр күцәдг дасхх.

Наадна зокал: Зембл дотр бәәсн темдглә ирлцәтә зер-земш, тәрә-темс чикәр тәвҗ чадх. Кенә баг түргн цуглулҗ авна, тедн диилнә.

Наадна үүлдвр: Кергтә юм олҗ авлһн. Команд нег-негнләһән дөрлднә.

Наадна зер-зев: Муляж (зер-земш, тәрә- темсн).

Багшин, сурһачин үүлдвр: Урдаснь багш эс гиҗ сурһмҗлач урдаснь зембл болн зер-земш, тәрә-темсд белднә.

Нег юм олзлҗ наадлһн.

«Юн хүврв медҗ үз»

Наадна күсл: Эргндк бәәх юмн альд, хама бәәдгинь медх (барун тал, зүн тал, өмн, ард, деер, дор...)

Наадна зокал: Юн хама бәәснь хәләҗ тодлад келх.

Наадна үүлдвр: Инәдтә, шогта Баир көвүн мел нег юмиг ормасн талдан ормд тәвнә, дарунь мартна. Күүкд, көвүг нөкд болхинь сурна. Юн хама бәәхинь сурна.

Үлгүрнь: Ширә дор бодма тәвнә, дәкәд сурна:

-Юн ширә дор бәәнә?

-Ширә дор бодма бәәнә.

(Иим кевәр талдан юм бултулад сурх).

Наадна зер-зев: Наадһа, театральн ширм.

Багшин, сурһачин үүлдвр: Бичкдүд чикәр келүлҗ чаддг дасхх.

«Халун - киитн»

Наадна күсл: Багд урһсн цецгәсин, наадһасин туск медрлинь батлх. Оньгта болдг сурһмҗ өгх. Бичкдүдин келинь өөдлүлх

Наадна зокал: Наадһа цецгә нерәдсн, олсн хөөн авх.

Наадна үүлдвр: Нерәдҗ келсн цецгә олх. Цецгән өөр өөрдҗ ирсн цагт «халун, халун», сәәнәр эс өөрдсн цагт «киитн» гиҗ келх.

Наадна зер-зев: Багд бәәсн цецгәсиг кеерүлҗ, чик бәәдләр бәрх. Наадһас белдҗ тәвх.

Багшин, сурһачин үүлдвр: Багд бәәсн урһсн цецгәсиг темдгтә ил ормд тәвх. Цецгәс амрар өөрдҗ болх һазрт тәвх.

IV. Ширәлң наадд. Настольно-печатные игры. «Бичә эндүр»

Наадна күсл: Әмтнә эрдм - бәәдллә таньлдулх.

- Кенд ямаран зер-зев кергтә болдг медҗ авх.

- Оньгта, олмһа болдг сурһмҗ өгх.

Наадна зокал: - Кен түргн, чикәр зургуд негдүлнә, ю кесән келнә, тер диилнә

Наадна үүлдвр: - Кергтә зургуд олҗ авч чадх.

-Зургуд шулуһар негдүлҗ чадх.

-Эн юмн кенд кергтә? (зургт чиңнүр зурата).

-Эн юмн хулдачд кергтә.

Наадна зер-зев: Заманч өмсдг махла, тоолдг шотк эс гиҗ чиңнүр (весы), дегтр, бичүр(ручка), фонедоскоп, чолун, күрз.

Багшин, сурһачин үүлдвр: Олн-зүсн эрдмтә күүнә зер-зев олҗ, кенд ю кергтәһнь келҗ өгх.