- •1. Паняцце структурнай геалогiі
- •2. Метады даследаванняў геалагічных структур
- •3. Гiсторыя фармiравання структурнай геалогii
- •4. Тапаграфiчная аснова геалагiчных карт
- •Абазначэнне наменклатурных лістоў
- •5. Паняцце геалагiчнай карты
- •6. Слой, слаiстасць. Элементы залягання слаёў
- •7. Магутнасць слоя (пласта). Варыянты вымярэння магутнасці слаёў
- •8. Напружаннi ў зямной кары і сiлы, якія iх выклiкаюць
- •9. Вертыкальныя I гарызантальныя тэктанічныя рухi
- •10. Разрыўныя (дыз’юнктыўныя) дэфармацыі пластоў горных парод
- •11. Магматычныя і метамарфічныя целы
- •12. Спалучэнне структурных форм
- •13. Геалагічнае мадэліраванне
Прадмова
Структурная геалогія мае сваю багатую гісторыю станаўлення і развіцця і займае важнае месца сярод навук аб Зямлі. У сістэме геалагічных дысцыплін курсу «Структурная геалогія» адводзіцца вялікая роля. Выкладанне яго пачынаецца ў трэцім семестры. Студэнты вывучаюць асновы структурнай геалогіі, засвойваюць такія паняцці, як «слой», «элементы залягання слоя і плоскасці разлому», «магутнасць слоя», «элементы складкавых структур», «марфалогія і марфаметрыя структурных форм», «асадкавыя і магматагенныя структуры». Будучыя геолагі набываюць уменне ў выкарыстанні асноўных тэрмінаў, вучацца рабіць замеры элементаў залягання слаёў і іншых марфаметрычных параметраў структурных форм на мясцовасці, а таксама па геалагічных картах і профілях.
Мэта курса – навучыць студэнтаў складаць геалагічныя і структурныя карты, профілі і іншыя двух- і трохмерныя мадэлі структурных форм; рабіць вымярэнні элементаў геалагічных і тэктанічных структур, што неабходна пры пошуках і разведцы карысных выкапняў.
Гэта выданне скіравана на тое, каб дапамагчы будучым геолагам зарыентавацца ў прымяненні метадаў структурных даследаванняў, у вывучэнні розных тыпаў геалагічных карт (чацвярцічных і дачацвярцічных адкладаў, тэктанічных, геафізічных і інш.), у тым ліку і тых, якія адносяцца да тэрыторыі Беларусі.
У дапаможніку паказаны розныя віды мадэліравання пры вывучэнні структурных форм, што з’яўляецца надзвычай актуальным у сувязі з бурным развіццём вылічальнай тэхнікі і сучасных камп’ютэрных графічных праграм.
Для большай нагляднасці ў кнізе прыведзены рысункі з падручнікаў М. Паўлінава «Структурная геалогія і геалагічнае карціраванне з асновамі геатэктонікі» і А. Міхайлава «Структурная геалогія і геалагічнае карціраванне».
1. Паняцце структурнай геалогiі
Існуюць два найбольш характэрныя вызначэнні:
1. Структурная геалогiя – гэта геалагiчная дысцыплiна, якая займае найважнейшае месца ў разуменнi структуры Зямлi ў цэлым i асобных яе частак аж да драбнейшых мiкрачасціц, ад агульнай тэктанiчнай будовы мегаструктур Зямлi да тонкiх мiкраструктур горных парод.
2. Раздзел геатэктонiкi, якi вывучае формы залягання горных парод i тэктанiчныя парушэннi (складкавыя, разрыўныя, магматагенныя) Зямлi ў цэлым, распрацоўвае класiфiкацыю гэтых форм у сувязi з заканамерным iх размеркаваннем i спалучэннем у зямной кары на глыбiню i па плошчы. Гэта навука займаецца вывучэннем структурных форм малогаiсярэдняга памеру, пакiдаючы буйныя формы геатэктонiцы.
Структурная геалогiя мае вялiкае значэнне для пошукавыхiразведачна-эксплуатацыйных работ, таму што намнажэннiбольшасцiкарысных выкапняў, напрыклад вугалю, нафты, газу, металаўiiнш., злучаны з пэўнымі тыпамі структурных форм. Сiнонiмы структурнай геалогii: геатэктонiка (тэктонiка) марфалагiчная, геатэктонiка апiсальная.
Геатэктонiка – адна з найважнейшых геалагiчных дысцыплiн, якая вывучае асаблiвасцiбудовыiразвiцця зямной кары, рухаўiдэфармацый горных пород у прасторыiчасе ў межах зямной кары ва ўзаемасувязiз глыбiннымiпрацэсамi. Паводле М. Шацкага, геатэктонiка – навука аб будовеiразвiццiзямной карыiЗямлiў цэлым.
Структура ў геатэктонiцы – прасторавая форма залягання горных парод. Гэта назва вельмiшырока ўжываецца ў тэктонiцы адносна структуры Зямлiў цэлым, яе асобных рэгіёнаўiневялiкiх тэрыторый. Часта структурай называюць розныя тыпы складак, падняццяў, купалаўiiншыя элементарныя формы заляганнягорных парод. Менавiта гэтых назваў мыiбудзем у далейшым прытрымлівацца ў межах курса структурнай геалогii.
Cтруктурная геалогiя мае вялiкае значэнне:
пры геалагiчнай здымцы (картаграфаваннiiпрафiляваннi);
пошуках iразведцы карысных выкапняў;
вывучэннiпрыродных гiдрарэсурсаў;
iнжынерным будаўнiцтве;
узнаўленнi гiсторыi развiцця дадзенага ўчастка зямной кары.
Курс структурнай геалогii абапiраецца на веданне асноў агульнай геалогii (мiнералогii, петраграфii, стратыграфii і інш.) i цесна звязаны з iншымi кiрункамi геатэктонiкi (рэгiянальнай, параўнаўчай), а таксама з геафiзiкай, геахiмiяй, геаметрыяй, матэматыкай, механiкай, фiзiкай i г. д.
2. Метады даследаванняў геалагічных структур
Для вывучэння форм залягання горных парод iтэктанiчных парушэнняў структурная геалогiя карыстаецца традыцыйнымі метадамiгеалагічных даследаванняў, у прыватнасці, геалагічнай здымкай паверхневай і глыбіннай, а таксама спецыфічнымі, да якiх адносяцца: метады структурнага складання карт і профіляў, вывучэння магутнасцей, фацый і фармацый і інш. Пры глыбінным вывучэнні структур вельмі шырока выкарыстоўваюцца геафізічныя метады даследаванняў: сейсмаразведка, гравітацыйная і магнітная здымка і інш.
Усе метады структурнай геалогiiможна падзялiць на дзве асноўныя групы –марфалагічнуюігенетычную.
Марфалагiчная група займаецца даследаваннем формы цел горных парод першаснага становішча і парушаных структур (складак, трэшчын, разрываў,iншых змяненняў), а таксама іх спалучэнняў (палявыяiглыбiнныя даследаваннi, геаметрычныiколькасны аналiз).
Генетычная група ўключае вывучэнне кiнематыкiўтварэння структурных форм (першасныхiдругасных)iдынамiкiдэфармацый горных парод (дзеянні тэктанiчных напружанняў сцiскання, расцяжэння або зруху паверхняў, да якіх яны былі прыкладзены),у тым ліку эксперыментальныя даследаваннiдэфармацый пародiмадэліраванне развiцця буйных структур зямной кары. Пры гэтым структурная геалогiя звычайна не разглядае паходжанне сiл, якiя выклiкаюць тыя цiiншыя дэфармацыi. Гэтымiпраблемамiзаймаецца агульная геатэктонiка.