- •1. Паняцце структурнай геалогiі
- •2. Метады даследаванняў геалагічных структур
- •3. Гiсторыя фармiравання структурнай геалогii
- •4. Тапаграфiчная аснова геалагiчных карт
- •Абазначэнне наменклатурных лістоў
- •5. Паняцце геалагiчнай карты
- •6. Слой, слаiстасць. Элементы залягання слаёў
- •7. Магутнасць слоя (пласта). Варыянты вымярэння магутнасці слаёў
- •8. Напружаннi ў зямной кары і сiлы, якія iх выклiкаюць
- •9. Вертыкальныя I гарызантальныя тэктанічныя рухi
- •10. Разрыўныя (дыз’юнктыўныя) дэфармацыі пластоў горных парод
- •11. Магматычныя і метамарфічныя целы
- •12. Спалучэнне структурных форм
- •13. Геалагічнае мадэліраванне
8. Напружаннi ў зямной кары і сiлы, якія iх выклiкаюць
Асноўнай сілай, якая дзейнічае на любы прадмет, што знаходзіцца на Зямлі, з’яўляецца сіла цяжару. Яна накіравана звонку да паверхні Зямлі і адносіцца да экзагенных (знешніх) сіл. Гэта вектарная велічыня, роўная суме сіл гравітацыйнага прыцяжэння і цэнтрабежнай сілы вярчэння Зямлі.
Акрамя экзагенных сіл на зямную кару дзейнічаюць эндагенныя (унутраныя) сілы, якія выклікаюцца працэсамі ў глыбінных абалонках Зямлі і накіраваны да яе паверхні. Гэта тэктанічныя, магматычныя і іншыя сілы.
Эндагенныя і экзагенныя сілы дзейнічаюць адначасова ў процілеглых напрамках на працягу ўсёй эвалюцыі Зямлі. Вынікам гэтага працэсу з’яўляецца парушэнне першапачатковага залягання горных парод – складкавыя (плікатыўныя) і разрыўныя (дыз’юнктыўныя) дэфармацыі парод.
Некалькі рознанакіраваных сіл, якія дзейнічаюць у дадзенай кропцы, утвараюць такі самы эфект, як і адна раўнадзеючая сіла, атрыманая шляхам вектарнага складання некалькіх сіл.
Розныя па сваёй прыродзе сілы адыгрываюць галоўную ролю ў дэфармацыі асобных горных парод і пластоў, утвораных з гэтых парод. Звычайна горныя пароды (пласты) рэагуюць на прыкладзеныя сілы змяненнем месцазнаходжання, арыенціроўкі ў прасторы і формы.
Сіла вызначаецца велічынёй, месцам прыкладання і напрамкам. Графічна яна адлюстроўваецца вектарам, даўжыня якога прапарцыянальна велічыні сілы. Горныя пароды могуць знаходзіцца ў раўнаважным стане, калі раўнадзеянне ўсіх сіл, прыкладзеных да цела, роўнае нулю. Калі ж адна з некалькіх сіл не роўная нулю, тогэта будзенеўраўнаважаны стан цела, пры якім адбываецца рух горнай пароды ці яе дэфармацыя.
Напружанні ў адрозненне ад сіл не з’яўляюцца вектарнымі велічынямі, таму два напружанні, накладзеныя адно на адно ў нейкай кропцы, нельга плюсаваць паводле правіла вектарнага складання. Наогул, калі цела знаходзіцца пад уздзеяннем ураўнаважаных знешніх сіл пры пругкай раўнавазе ўсіх яго часцінак, тотакістан цела з’яўляецца напружаным.
З усіх 18 (ці шасці) складаючых напружанняў на кубе можна заўсёды вылучыць тры ўзаемна перпендыкулярныя плоскасці, дзе тангенцыйныя напружанні роўны 0 і апісваюць стан напружанняў праз нармальныяіх складаючыя ўтрохмернай прасторы1 >2 >3.
У целе Зямлі дзейнічаюць напружанні:
гравітацыйнае;
літастатычнае нармальнае;
гідрастатычнае;
ізастатычнае.
Напружаны стан горных парод – інтэнсіўнасць размеркавання іх унутраных сіл. Даследаваннем механізмаў дэфармацый парод з адначасовай расшыфроўкай прыроды гэтых механізмаў у сувязі з напружаннямі ў літасферы Зямлі займаецца дынамічная структурная геалогія. Пры вывучэнні дэфармацый структур ужываюць лінейны, плоскасны і аб’ёмны метады аналізу напружанняў. У апошнім выпадку яны дзейнічаюць у выглядзе тэнзараў.
Тэнзары – напружанні і дэфармацыі, якія ў адрозненне ад вектараў пры колькасных апісаннях патрабуюць шэсць ці дзевяць параметраў, гэта значыць, сукупнасць напружанняў, якія дзейнічаюць на гранях бясконца малога паралелепіпеда, вылучанага вакол дадзенай кропкі. Напрыклад, xy , yz і г. д., дзе xy – тангенцыйнае напружанне ў плоскасці, перпендыкулярнай да восі x і выпрастаннай па восі y; yz – тангенцыйнае напружанне ў плоскасці, перпендыкулярнай да восі у і выпрастаннай па восі z, і г. д.
У кубе18 складаючых напружанняў. Яго кожная грань мае адну нармальную складаючую і дзве тангенцыйныя.