Қазақ гуманитарлық-заң университеті

Пән: _Құқық негіздері _________ Кредит саны:__2_________

Дәріс № ______ Соның ішінде сабақ түріне байланысты_________

Дәріс тақырыбы Қылмыстық құқығының негіздері Факультет_____________

Оқытушы _Танатарова З.Л.____________ Академиялық жыл_2009/2010________

Курс 2_________________________ Семестр_2_________

1.Дәрістің мақсаты:

Қылмыстық құқық пәні, қағидалары, қайнар көздері және жүйесінің мазмұнын ашып, түсінік беру.

2. Жоспары:

1. Қылмыстық құқықтың түсінігі, қайнар көздері, жүйесі

2. Қылмыстың ұғымы, құрамы

3. Жазаның мақсаты және түрлері

4. Жазадан босатудың негіздері

3. Дәрістің қысқаша мазмұны:

Қылмыстылықты және іс-әрекеттердің жазалылығын, қылмыстық жауапкершілік негіздерін, жаза жүйесін, оны тағайындау тәртібі мен шарттарын, сонымен қатар, қылмыстық жауапкершілік пен жазадан босату негіздерін анықтайтын, мемлекеттік жоғары органдарымен бекітілген заңдық нормалар жинағы қылмыстық құқық деп аталады.

Қылмыстық құқық пәніне қылмыстың жасалуымен байланысты туатын қоғамдық қатынастар жатады. Қылмыстық құқықтың реттеу әдісі қылмыстылықты, қылмыстың жасалуына заңдық тиым салу мен олардың жазалылығын анықтаудан тұрады.

Қылмыстық құқық жүйесі жалпы және ерекше бөлімнен тұрады.

Жалпы бөлім – бұл қылмыстық заңдылық пен оның қағидалары, қылмыстық жауапкершілік негіздері, қылмыстық заңның кеңістіктегі, уақыттағы, тұлғалар шеңберіндегі әрекетін анықтайтын, қылмыс түсінігі мен категорияларын, кінә нысанын, қылмыстық құқықтық жас мөлшерін, қылмысты жоққа шығаратын мән – жайларды, қылмысқа қатысуды, жаза мақсаттары мен түрлерін, олардың тағайындалу тәртібі мен мазмұнын, жауапкершіліктен босату негіздерін, сонымен қатар, кәмелетке толмағандар жазасының ерекшеліктерін көрсететін бөлім.

Ерекше бөлімде нақты қылмыс түрлері мен олардың жазалары, істеуші тұлғалар көрсетілген.

Қылмыстық құқық мынадай қағидаларға сүйенеді: заңдылық, азаматтардың заң алдында теңдігі, кінә үшін жауаптылық, әділеттік пен гуманизм.

Қылмыстық құқықтың негізгі қайнар көзі болып қылмыстық заң табылады. Тек қана қылмыстық заң қоғамға қауіпті іс - әрекеттердің қылмыстылығын және жазалануын тағайындайды. ҚР – да қылмыстық заңды ҚР қылмыстық Кодексі құрайды. Жаңа қылмыстық заңдар қылмыстық Кодекске қосылуға жатады.

Қылмыс дегеніміз жазалаумен ескертілген, ҚР ҚК – мен тиым салынған, қоғамға аса қауіпті іс - әрекет. Іс - әрекетті қылмыс деп тану үшін оның мынадай белгілері болуы қажет:

а) қоғамға аса қауіптілігі;

ә) қылмыстың құқыққа қайшылығы;

б) кінәлілік;

в) жазалауға жататындығы.

Қылмыстар әртүрлі ерекшеліктеріне байланысты сарапталады. Қылмыстарды сараптау – бұл қоғамға аса қауіпті іс - әрекеттерді олардың мәнді белгілеріне байланысты өзара байланысқан топтарға бөлу. Ол қоғамға аса қауіптііс - әрекеттердің қоғамға қауіптілік сипаты мен деңгейіне байланысты бөлінеді.

Қоғамға қауіптілік сипаты – бұл іс - әрекет қол сұғатын қоғамдық қатынастың маңыздылығы мен қылмысты жасау әдісі бойынша анықталатын қылмыстың әлеуметтік қасиеті.

Қоғамға қауіптілік деңгейі – бұл жауапкершілікті ауырлататын және жеңілдететін мән – жайларды есепке ала отырып анықталатын қылмыстың әлеуметтік қасиеті.

Бұларға байланысты қылмыстар төрт категорияға бөлінеді:

1) жеңіл қылмыстар – қасақана жасалған жағдайда 2 жылға дейін бас бостандығынан айыру қарастырылатын қылмыстар;

2) орташа ауырлықтағы қылмыстар – 2 - 5 жыл;

3) ауыр қылмыстар – 5 – 12 жылға дейін;

4) аса ауыр қылмыстар – 12 жылдан көп және өлім жазасы қарастырылған қылмыстар.

Осында көрсетілген алғашқы үш категорияда қылмыстық жауапкершілік 16 жастан, соңғысында 14 жастан бастап қарастырылған.

Студенттер ҚР қылмыстық заңдылығы ережелері туралы толық мәліметті 1998 жылдың 1- қаңтарынан бастап күшіне енген ҚР қылмыстық кодексінен және «Қылмыстық құқық » курсы бойынша арнайы әдебиеттерден таныса алады.

Глоссарий (терминдер): қылмыстық құқық, қылмыс, қылмыс құрамы, қылмыс санаттары, қасақаналық, абайсыздық, қажетті қорғану, аса қажеттілік, жаза, және т.б.

СӨЖ тапсырмасы:

№1 СӨЖ: Реферат. Студенттің өзіндік жұмысының ең басты түрлерінің бірі реферат жазу. Реферат құқық негіздері пәні бойынша жазылады және ол компьютер үлгісіндегі 3-4 беттен аспауы керек. Реферат: кіріспе, негізгі, қорытынды бөлімнен тұрады. Кіріспе бөлімде тақырыптың жан-жақтылығын, мақсатын және талабын және тақырыпты зерттеуде қандай әдебиеттерді пайдаланғаныңызды көрсетесіз. Негізгі бөлімде реферат тақырыбын ашып: ол қысқа әрі жеке зерттеуіңізді көрсетіп, салыстырмалы анализ жасаңыз. Қорытынды бөлімде өз тұжырымдамаңызды көрсетесіз. Сондай ақ әдебиеттер тізімін көрсетесіз: 1) нормативтік құқықтық актілер; 2) негізгі әдебиеттер; 3) қосымша әдебиеттер. Реферат ауызша қорғалады, белгіленген ұпайға сәйкес бағаланады.

Рефератты бағалау критерийлері:

28. Тақырыптың ғылыми және тәжірибелік маңыздылығы

29. Зерттеу тақырыбы бойынша әдебиеттерді терең оқып, дұрыс талдау жүргізіп, оны дұрыс жаза білуі

30. Қажетті қортындылардың жасалуы

31. Материалдардың жоспарға сайкес қисынды және рет-ретімен жазылуы

32. Жұмыстың әдеби тілмен дұрыс жазылуы және оның дұрыс рәсімделуі

Реферат тақырыптары:

1. Қылмыстық құқықтың міндеттері

2. Қылмыстық заңның кеңістіктегі шегі

3. Жаза түрлері

4. Жаза мен қылмыстық жауаптылықтан босатудың негіздері

5. Жеке адамдарға қарсы қылмыстар

6. Әскери қылмыстар

7. Экологиялық қылмыстар

8. Адамның және азаматың конституциялық құқықтары мен бостандықтарына қарсы қылмыстар

9. Бейбітшілік пен адамзат қауіпсіздігіне қарсы қылмыстар

10. Көліктегі қылмыстар

№2 СӨЖ: Глоссарий. Бұл жұмысты орындау үшін оқу курсының басынан бастап, ұсынылған тақырыптармен жұмыс істеп, терминдер сөздігін жасау қажет. Яғни, сіз үшін таныс емес, жаңа сөздердің (терминдердің) барлығын жазып алып, оларға анықтама бересіз.

СӨЖ тапсырмасын бағалау критерийлері

• Мәтінді заңда негізделген нысан бойынша толтыру

• Казустарды тақырыпқа сай ұйымдастыру

• Рәсімдеу сапасы

• Сауатты талқылау

СОӨЖ тапсырмасы: Тақырыпқа байланысты тест тапсырмаларымен жұмыс жасайсыз.

Үй тапсырмасы:

Төмендегі әдебиеттерді пайдалана отырып үйде терминдерге байланысты сөз жұмбақ құрастырыңыз.

Негізгі әдебиеттер:

1. Қазақстан Республикасының заңы «Сыбайлас жемқорлыққа қарсы күрес туралы» Алматы, 1998.

2. Қазақстан Республикасының Қылмыстық кодексі. Алматы, 2000.

3. Қазақстан Республикасының қылмыстық іс жүргізу кодексі. Алматы, 1998.

4. Қазақстан Республикасының қылмыстық - атқару кодексі. Алматы, 1998.

Қосымша әдебиеттер:

1. Алауов Е. Қылмысқа тосқауыл. Алматы, 1997.

2. Ағыбаев А.Н. Қылмыстық құқық: жалпы бөлімі. Алматы, 1999.

3. Ағыбаев А.Н. Қылмыстық құқық: ерекше бөлім. Алматы, 2000.

4. Алауханов Е. Қылмыстық құқық. Ерекше бөлімі. Алматы, 2001.

5. Биебаева А.Ә. Әрекеттің мән-жайларын жоятын кейбір түрлері. Қарағанды, 2003.

6. Қазақстан Республикасының қылмыстық құқығы. Алматы, 2001.

7. Қазақстан Республикасының қылмыстық атқару құқығы. Алматы: Жеті Жарғы, 2002.

8. Наумов А.В. Қылмыстық құқығы. Астана, 2001.

9. Рахметов С.М., Бапанов Т.А. Қылмыс құрамы. Алматы: Баспа, 1998.

10. Төлеубекова Б.К. Қазақстан Республикасының қылмыстық іс жүргізу құқығы. Алматы: Жеті Жарғы, 2000.

Семинарлық сабаққа бақылау сұрақтары:

1. Қылмыстық құқықтың негізгі ұғымдарын сипаттаңыз.

2. Қылмыстық құқықтың қағидалары.

3. Қылмыс дегеніміз не және оның белгілері қандай?

4. Қылмыстың санаттарын атаңыз.

5. Жаза дегеніміз не және оның түрлері.

6. Қылмыстық жауаптылықтан және жазадан босатуды сипаттаңыз.