- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
Тэма 4 Філасофія і нацыянальная самасвядомасць. Філасофская думка беларусі. Руская філасофія
4.1. Філасофская думка Беларусі
З
Філасофская думка Беларусі
4.1
4.1
араджэнне грамадска-палітычнай, эстэтычнай і філасофскай думкі на тэрыторыі Беларусі адносіцца да X–XI стст. І звязана са стварэннем дзяржаўнасці і развіццём феадальных адносін. Першыя элементы філасофскай культуры знаходзяць сваё адлюстраванне ў прытчах і абрадавых гімнах, казках і былінах. Вялікае значэнне для развіцця філасофскай думкі мела распаўсюджванне пісьменнасці на тэрыторыі Беларусі, што звязана з прыняццем хрысціянства.
Развіццё грамадска-палітычнай думкі ў Беларусі ў XI–ХIII стст. суправаджалася распаўсюджваннем асветніцкіх ідэй. Узнік рух «нехтыўцаў», прадстаўнікі якога прысвячалі ўсю сваю дзейнасць і жыццё асветніцтву грамадства (К. Смаляціч, К. Тураўскі, Е. Полацкая). Асветніцкія ідэі адлюстраваны ў такіх помніках XII ст., як «Полацкае Евангелле», «Пасланне Клімента Смаляціча», «Творы» К. Тураўскага, «Сказанне пра Хрыста і Антыхрыста» і інш. Хрысціянская ідэалогія прынесла на беларускую зямлю не толькі адукацыю, пісьменную культуру, але і жорсткія норавы. Распаўсюджванне хрысціянства на славянскіх тэрыторыях адбывалася ў барацьбе з ерэтыкамі, характарызавала сабой супрацьлегласць светапогляду хрысціян і язычнікаў.
Выдатны прадстаўнік эпохі вальнадумства – Францыск Скарына (каля 1490–1541 гг.). Яго жыццё і дзейнасць, інтарэсы і арыентацыі адпавядалі атмасферы эпохі Адраджэння. Атрымаўшы бліскучую адукацыю, Ф. Скарына заснаваў друкарню, перакладаў, выдаваў і распаўсюджваў літаратуру. Яго заслугай з’яўляецца першае свецкае выданне Бібліі (у той час права выдання Бібліі манапольна належала царкве, нават чытанне яе было забаронена простым людзям, і толькі прадстаўнікі духавенства мелі права на чытанне тэкстаў Свяшчэннай кнігі, іх інтэрпрэтацыю). Выданне Бібліі, ды яшчэ з прадмовай, дзе Скарына гаварыў пра гістарычнае і культурнае, а не толькі пра рэлігійнае значэнне Бібліі, было прамым выклікам царкоўным парадкам. Філосаф прапаведаваў ідэі верацярпімасці, бараніў прынцыпы асабістых адносін з Богам (не праз царкву), адстойваў карыснасць адукацыі і ідэі, якая сцвярджае годнасць чалавека. Заслугай Скарыны з’яўляецца тое, што ён друкаваў кнігі і выкладаў свае погляды на беларускай мове, і тым самым садзейнічаў развіццю нацыянальнай культуры.
Крытычныя адносіны да царкоўнай палітыкі і Свяшчэннага Пісання выказваў выдатны асветнік XVI ст. Сымон Будны (каля 1530–1593 гг.). Мысліцель-гуманіст зрабіў пераклад Бібліі, паставіўшы перад сабой задачу выправіць «глупства перапісчыкаў» і «хітрасць ерэтыкоў», як «памылкі ранейшых перакладчыкаў». Яго інтэрпрэтацыя біблейскіх тэкстаў змяшчае першыя прыкметы атэістычнага светапогляду.
Далейшае развіццё ідэй вальнадумства, атэізму звязана з дзейнасцю Казіміра Лышчынскага (1634–1689 гг.) у змрочную эпоху панавання каталіцкай царквы ў Рэчы Паспалітай. Лышчынскі пакараны за распаўсюджванне атэістычных думак. Яго рукапіс «Аб неіснаванні Бога», які паслужыў падставай для даносаў, а потым і пакарання, быў спалены.
У ХVI–ХVIII стст. у Беларусі ўзмацнілася свабодалюбівая тэндэнцыя ў развіцці грамадска-палітычнай думкі, атрымалі распаўсюджанне ідэі, якія развівалі С. Шчадурскі, К. Нарбут, Б. Дабшэвіч і інш. Яны пратэставалі супраць царкоўнага прыгнёту, схаластыкі, адстойвалі права чалавека на свободу думкі і дзеянняў. Да канца XVIII ст. Беларусь увайшла ў склад Расіі, што дало новыя магчымасці для развіцця духоўнага жыцця пад уздзеяннем рускай культуры. Паступова пашыраўся рух супраць царкоўнага засілля і ўлады памешчыкаў. Гэты рух характарызаваўся шэрагам сялянскіх бунтаў, сярод якіх асабліва выдзяляецца сялянскае паўстанне на чале з Кастусём Каліноўскім (1838–1864 гг.). Ідэі рэвалюцыйных дэмакратаў знайшлі сваё адлюстраванне і ў літаратуры таго часу (Ф. Багушэвіч, Я. Лучына, М. Багдановіч).
У 80-я гг. XIX ст. на тэрыторыі Беларусі пачынаюць распаўсюджвацца ідэі марксізму, галоўны прынцып якіх – абгрунтаванне рэвалюцыйнага пераўтварэння грамадства.
У філасофіі савецкага часу можна выдзеліць асобныя перыяды, асновай для якіх служыць развіццё тых ці іншых праблем і пытанняў. Так, 20–30-я гг. характарызуюцца цікавасцю да аналізу адносінаў філасофіі і ўласна навук, распрацоўкамі праблем катэгарыяльнага апарата і метадаў філасофскай навукі. Беларускія філосафы ўдзельнічалі ў дыскусіі супраць фармалізму і механіцызму.
30-я гг.– перыяд актывізацыі руху так званых »нацыяналістаў», якія выступілі супраць сацыялістычнай ідэі і палітыкі, разглядалі беларускую нацыю як асаблівую, што вяло да самаізаляцыі. Аднак гэтыя ідэі не атрымалі распаўсюджання.
Асноўная задача філасофскай навукі ў савецкі час паступова зводзілася да папулярызацыі ідэй марксізму-ленінізму, праслаўленню поспехаў на шляху будаўніцтва сацыялістычнага грамадства, прапагандзе ідэй аб росквіце нацый і культур, прагрэсіўных змяненнях у сацыяльнай сферы. Адначасова крытыкавалася буржуазнае грамадства, яго ідэалогія і навука. У філасофскіх распрацоўках, прысвечаных праблемам сацыяльнага развіцця, пераважала абсалютызацыя класавага падыходу, навуковая аргументацыя часта замянялася навешваннем палітычных ярлыкоў. У развіцці грамадска-палітычнай думкі сталінскага перыяду выявілася празмерная ідэалагізацыя філасофскай навукі, што прывяло да зніжэння яе пазнавальных функцый, у значнай ступені аслабіла эўрыстычныя магчымасці філасофскага мыслення.
У пачатку 70-х г. на філасофскім аддзяленні Беларускага дзяржаўнага універсітэта пры актыўным удзеле прафесара г. Давідзюка пачынаецца падрыхтоўка сацыёлагаў. У 1979 г. выходзіць у свет яго манаграфія «Прыкладная сацыялогія». Вывучэннем мікрасыцыяльных працэсаў на ўзроўні працоўных калектываў стала прыярытэтным напрамкам у дзейнасці сацыёлагаў Інстытута філасофіі і права АН БССР і Беларускага дзяржаўнага універсітэта.
У гэтыя гады ў рэспубліцы з’яўляецца цэлы шэраг арыгінальных даследаванняў. Н. Жукаў паспяхова распрацоўвае філасофскія праблемы інфармацыі, кібернетыкі, матэматыкі, свядомасці. «Аснову інфармацыйных працэсаў складае, – лічыць аўтар, – паняцце адлюстравання». Зыходзячы з гэтай тэарэтычнай устаноўкі, інфармацыя ўяўляе сабой, з аднаго боку, працэс адлюстравання ў прыродзе, грамадстве і тэхніцы; з другога боку, яна з’яўляецца рэчава-энергетычнай формай адлюстравання.
Праблемы дыялектычнай логікі даследаваны акадэмікам НАН Беларусі Д. Шыраканавым. Аўтар прааналізаваў гісторыю станаўлення і развіцця лагічных катэгорый ва ўсходняй, антычнай, нямецкай класічнай і ў марксісцкай філасофіі. Узаемасувязь катэгорый дыялектыкі разглядаецца ў аспекце высвятлення іх аб’ектыўнага зместу як ступеняў пазнавальнага працэсу.
У пачатку 80-х гг. XX ст. шырокую вядомасць атрымліваюць погляды доктара філасофскіх навук, загадчыка кафедры філасофіі гуманітарных факультэтаў БДУ В. Сцёпіна.
Скразной тэмай яго творчасці з’яўляецца даследаванне пытанняў метадалогіі навуковага пазнання. Навуковыя веды разглядаюцца В. Сцёпіным ва ўзаемасувязі ўнутрынавуковых і соцыяокультурных фактараў як цэласная дынамічная сістэма.
У навуцы як дынамічнай сістэме фарміравання новых ведаў важнае значэнне маюць асновы навукі, у якіх ён выдзяляе тры галоўныя кампаненты: ідэалы і нормы даследавання, навуковую карціну свету і філасофскія асновы навукі. Ідэалы і нормы даследавання, паводле В. Сцёпіна, уяўляюць своеасаблівую «сетку метаду», якую навука «закідвае ў свет» з тым, каб «вывудзіць з яго пэўныя віды аб’ектаў». «Сетка метаду» дэтэрмінуецца, з аднаго боку, культурай дадзенай эпохі, а з другога, – характарам саміх даследуемых аб’ектаў. Са змяненнем культуры, ідэалаў змяняецца і метад, што дае магчымасць пазнаваць іншыя тыпы прадметаў і з’яў. Разглядаючы два тыпы цывілізацыі ( традыцыйную і тэхнагенную), В. Сцёпін паказвае, што адрозненні ў разуменні чалавека, прыроды, рацыянальнасці, ісціны, улады, асобы вызначае саму накіраванасць цывілізацыйнага працэсу. Нягледзячы на відавочныя дасягненні заходняй (тэхнагеннай) цывілізацыі, яна спарадзіла і спараджае глабальныя крызісы. В. Сцёпін у гэтай сувязі ставіць пытанне аб магчымасці і неабходнасці фарміравання новых арыенціраў аб сэнсе жыцця ў тэхнагеннай цывілізацыі, якія змогуць стварыць перадумовы ў вырашэнні глабальных праблем, якія стаяць перад чалавецтвам і прывядуць да новага тыпу цывілізацыі.
Новы тып цывілізацыі можа, на яго думку, узнікнуць у працэсе ўзаемнай адаптацыі розных культурных светаў. Асновай цывілізацыйнага развіцця з антымістычным сцэнарыем павінна стаць, падкрэслівае В. Сцёпін, злучэнне рацыянальнага пазнання і маральнасці.
Е. Бабосаў, прафесар, акадэмік НАН Рэспублікі Беларусь, працуе ў галіне сацыяльнай філасофіі. Е. Бабосаў на аснове вялікага фактычнага матэрыялу, звязанага з буйнейшай катастрофай XX стагоддзя – аварыяй на Чарнобыльскай АЭС, даследуе тэорыю і практыку катастроф. Аналізуючы катастрофы, аўтар падраздзяляе іх на прыродныя, экалагічныя, псіхалагічныя і сацыяльныя.
Прыродныя катастрофы, на яго думку, адбываюцца з-за парушэння прыроднай рытмікі. Такім чынам, аўтар прапануе, што для таго, каб пазбегнуць прыродных катастроф, чалавеку неабходна ўлічваць усю разнастайнасць прыродных і сацыяльных рытмаў, якія ўздзейнічаюць на рытміку Зямлі і яе біясферу, а на сучасным узроўні развіцця навукі гэта зусім рэальна. У 90-я гады ХХ ст. зноў настойліва заявіла пра сябе неабходнасць духоўнага адраджэння грамадства, звязаная з набыццём дзяржаўнага суверэнітэту. Гэта аб’ектыўная неабходнасць супрацьстаіць тэндэнцыі реаніміравання валюнтарысцскіх постсталінских мадэлей у грамадскім жыцці. Аднак менавіта яна ставіць сёння ў аснову асноў пытанне па аднаўленні страчанай беларускім грамадствам «сувязі часоў», без чаго народу ў пачатку трэцяга тысячагоддзя цяжка адказаць на выклік, зроблены яму гісторыяй.
4
Гісторыя рускай філасофіі. Асноўныя напрамкі развіцця і тыпалагічныя характарыстыкі рускай філасофіі
.2. Гісторыя рускай філасофіі. Асноўныя напрамкі развіцця і тыпалагічныя характарыстыкі рускай філасофіі
Л
4.2
я вытокаў арыгінальный філасофскай думкі ў гэты час стаяў П. Чаадаеў (1794–1856 гг.). Яго «Філасафічныя пісьмы» – гэта спроба адказаць на пытанні пра Расію і яе лёс. Ён прыйшоў да думкі, што Расія развіваецца ў баку ад еўрапейскага прагрэсу: «Мы жывём толькі сённяшнім, без таго, што прыйшло, і без таго, што будзе, сярод застою... Мы расцём, але не выспяваем; рухаемся, але па крывой лініі, гэта значыць па такой, якая не вядзе да мэты». Яго філасофія песімістычная. Пазней Чаадаеў часткова перагледзеў свае погляды і прызнаў, што Расія мае магчымасць ісці па шляху пазітыўных зменаў. Для таго каб змяніць жыццё, зрабіць яго больш дасканалым, ён прапанаваў узмацніць рэлігію. Яго пазіцыя вызначыла прыхільнасць да філасофіі аб’ектыўнага ідэалізму, развіццё якога ў Расіі адбывалася пад моцным уплывам ідэй Шэлінга і Гегеля.
У 40–60-я гг. XIX ст. супраць нямецкага ідэалізму выступілі славянафілы (А. Хамякоў, І. Кірээўскі, К. Аксакаў, А. Грыгор’еў і інш.). Яны звязвалі лёс дзяржавы з развіццём рускай нацыянальнай свядомасці і росквітам праваслаўнай рэлігіі. Славянафільства (русіцызм), на думку Герцэна, з’явілася процідзеяннем замежнаму ўплыву, імкненнем узвысіць каштоўнасць і самабытнасць усяго нацыянальнага ў процівагу ўсяму заходняму, чужому. Адначасова ўзнікла плынь прыхільнікаў заходняй культуры, якія лічылі, што Расія павінна ва ўсім прытрымлівацца традыцый Заходняй Еўропы.
Ідэі славянафілаў атрымалі далейшае развіццё ў ідэалогіі петрашэўцаў і ў поглядах прадстаўнікоў рэвалюцыйнай дэмакратыі другой паловы XIX ст. (А. Герцен, В. Бялінскі, М. Чарнышэўскі, М. Дабралюбаў, Д. Пісараў). Так, «рускі ідэал» Герцэна – гэта патрыярхальная абшчына, дапоўненая свецкім праўленнем і арцельнай работай. Распрацоўшчык прынцыпаў антрапалагічнага матэрыялізму М. Чарнышэўскі сцвярджаў, што арганічная сувязь чалавека і прыроды патрабуе «рацыянальнага эгаізму», паняцце дабра ён атаясамліваў з выгадай, з агульнай карысцю – выгадай для большасці. Чарнышэўскаму належыць таксама распрацоўка прынцыповага тэарэтычнага абагульнення таго, што філасофскія сістэмы наскрозь пранізаны ідэямі і духам тых сацыяльных груп і палітычных партый, да якіх належаць аўтары. Зыходзячы з гэтай думкі, Чарнышэўскі аналізаваў асаблівасці філасофскіх поглядаў Гобса, Лока, Шэлінга, Русо і інш.
70–90-я гг. XIX ст. характарызуюцца перавагай ідэалістычнага кірунку, прадстаўленага працамі А. Увядзенскага, Б. Чычэрына, В. Салаўёва. Так, Салаўёў, зыходзячы з ідэі аб’яднання праваслаўя, каталіцызму і пратэстантызму, распрацоўвае ідэю «Усёадзінства» як умовы пераходу да сусветнай хрысціянскай манархіі, «богачалавечага саюзу». Сваю тэасофскую сістэму («філасофію ўсёадзінства») ён супрацьпаставіў марксізму, лічачы, што пераадоленне класавых антаганізмаў магчыма толькі на духоўнай аснове і мае ў якасці неабходнай умовы аб’яднанне Усходу і Захаду ў гарманічны хрысціянскі свет, дзе будзе панаваць усеагульная справядлівасць. Гуманістычныя ідэі Салаўёва падпарадкаваны рэлігійнаму светапогляду, а філасофія разглядаецца як служанка тэалогіі.
Ідэі В. Салаўёва прадоўжылі С. Булгакаў і Н. Бярдзяеў. Так, Бярдзяеў у сваёй рабоце «Філасофія свабоды» адзначаў: «Філасофія павінна свядома пераадолець рацыяналізм... і ...зрабіцца функцыяй рэлігійнага жыцця...». Гісторыю Бярдзяеў разглядаў як шматактную трагедыю, дзе кульмінацыйным пунктам з’яўляецца Хрыстос – касмічная Асоба, духоўны цэнтр аб’яднання людзей. Выступаючы супраць любых формаў таталітарызму, падаўлення творчай актыўнасці чалавека, аўтар лічыў першаснымі духоўныя каштоўнасці, а сэнс гісторыі разглядаў як развіццё свабоды. Крытыкуючы пазіцыю Маркса, Бярдзяеў указваў на тое, што сацыялізм ёсць не канчатковая мэта грамадскага развіцця, а толькі этап, своеасаблівая ахвяра ў імя высокай мэты. Ён лічыў, што сацыялізм – гэта безрэлігійны гуманізм, за якім надыдзе час бога-чалавека, вяртання чалавека да Бога.
Рэлігійная філасофія Н. Бярдзяева, В. Салаўёва, П. Фларэнскага знаменавала рэлігійны рэнесанс рускай філасофіі канца XIX ст. – пачатку XX ст. У той жа перыяд развівалася аналітычная і фенаменалагічная філасофія Л. Лапаціна, Н. Лоскага, г. Шпета, У. Вярнадскага. У канцы XIX ст. на тэрыторыі Расіі ўзніклі гурткі па вывучэнні і распаўсюджванні марксістскіх ідэй. Асаблівую ўвагу філосафы-марксісты ўдзялялі праблемам грамадскага пераўтварэння, пошуку шляхоў рэвалюцыйнай перабудовы грамадства і чалавека.
Складаным быў перыяд развіцця філасофіі ў паслярэвалюцыйны час. У 1922 г. многія вучоныя назаўсёды пакінулі Расію, а да 30-х гг. Філасофская думка ва ўсё большай ступені дэманстравала адбітак сталінскай эпохі: каментатарскі стыль, цытатны метад абгрунтавання тэарэтычных распрацовак, крайняя нецярпімасць да апанентаў, «навешванне» ярлыкоў, палітычныя абвінавачванні, юрыдычная і фізічная расправа. Галоўнай функцыяй афіцыйнай філасофіі, увасобленай «сталінскімі акадэмікамі», становіцца апалогія сталінскага рэжыму, праслаўленне «магутнага розуму» і «тэарэтычнага генія» вялікага правадыра, працы якога ацэньваліся як найвышэйшае дасягненне чалавечай думкі.
На развіццё рускай філасофскай думкі, звязанае з эміграцыяй філосафаў, сталінскімі рэпрэсіямі, сусветнай вайной, паўплывала пастанова ЦК ВКП (б) «Аб журналах “Звезда” і “Ленінград”» 1947 г., у выніку якога яе сувязі з сусветнай філасофскай думкай былі штучна разарваныя на многія десяцігоддзі. Выкладанне філасофіі і распрацоўка філасофскіх праблем былі пад кантролем афіцыйнай ідэалогіі. Аднак і ў гэты складаны час праўдзівая філасофская думка не згасла. Перш за ўсё маюцца на ўвазе распрацоўкі праблем логікі і метадалогіі, выкананыя В. Ф. Асмусам, П. С. Паповым, М. М. Бахціным, Ю. М. Лотманам. З’явіліся цікавыя работы па гісторыі і эстэтыцы А. Ф. Лосева. Схаластыцы і дагматызму супрацьпаставілі свае даследаванні Э. В. Ільянкоў, А. А. Зіноўеў. Глыбокія распрацоўкі былі праведзены ў галіне культуралогіі, этыкі, сістэмных даследаванняў, філасофскіх пытанняў прыродазнаўства.
Прагрэсіўная філасофская думка савецкага перыяду, адлюстраваная ў творах вядомых вучоных-даследчыкаў, займае дастойнае месца ў сусветнай філасофскай культуры, з’яўляецца яе яркай старонкай, якую неабходна вывучаць, удумліва аналізаваць і асэнсоўваць.