- •Вучэбны дапаможнік
- •Прадмова
- •УВодзіны
- •Філасофія і жыццёвы свет чалавека
- •ТЭма 1 фІлАсофІя Як сацЫЯкультурны феномен
- •1 Праблема вызначэння філасофіі. Светапогляд і філасофія 1.1 .1. Праблема вызначэння філасофіі. Светапогляд і філасофія
- •1.2. Спецыфіка праблемнага поля класічнай філасофіі. Прадмет філасофіі і яго гістарычная дынаміка
- •1.3. Функцыі філасофіі
- •ТЭма 2 Гістарычныя тыпы класічнай філасофіі
- •2 Станаўленне філасофіі ў культуры старажытных цывілізацый Усходу 2.1 .1. Станаўленне філасофіі ў культуры старажытных цывілізацый Усходу
- •2 Спецыфіка філасофскай традыцыі старажытнай Індыі, яе культурна-светапоглядныя асновы .2. Спецыфіка філасофскай традыцыі старажытнай Індыі, яе культурна-светапоглядныя асновы
- •2 Асаблівасці філасофскай думкі старажытнага Кітая, яе рацыянальна-прагматычны кірунак .3. Асаблівасці філасофскай думкі старажытнага Кітая, яе рацыянальна-прагматычны кірунак
- •2.4. Характар старажытнагрэчаскай цывілізацыі і асаблівасці антычнай філасофскай традыцыі
- •2 Філасофія і рэлігія. Статус і функцыі філасофіі ў сярэднявечнай еўрапейскай культуры 2.5 .5. Філасофія і рэлігія. Статус і функцыі філасофіі ў сярэднявечнай еўрапейскай культуры
- •2 Філасофія і навука: праблема самавызначэння філасофіі ў новаеўрапейскай культуры 2.6 .6. Філасофія і навука: праблема самавызначэння філасофіі ў новаеўрапейскай культуры
- •2.7. Сацыяльна-гістарычныя і светапоглядныя асновы філасофскай думкі эпохі Асветніцтва
- •2 Нямецкая класічная філасофія і яе роля ў развіцці еўрапейскай філасофскай традыцыі .8. Нямецкая класічная філасофія і яе роля ў развіцці еўрапейскай філасофскай традыцыі
- •ТэМа 3 Станаўленне і асноўныя стратэгіі развіцця посткласічнай філасофіі
- •3.1. Крытыка філасофскай класікі і рацыяналізацыя філасофіі ў творчасці а. Шапенгауэра, с. К’еркегара, ф. Ніцшэ
- •3 Трансфармацыя традыцый класічнай філасофскай спадчыны ў марксізме 3.2 .2. Трансфармацыя традыцый класічнай філасофскай спадчыны ў марксізме
- •3.3. Асноўныя гістарычныя формы пазітывісцкай філасофіі
- •Тэма 4 Філасофія і нацыянальная самасвядомасць. Філасофская думка беларусі. Руская філасофія
- •4.1. Філасофская думка Беларусі
- •Тэма 5 Метафізіка і анталогія
- •5 Катэгорыя «быццё» як пачатак філасофскага аналізу рэчаіснасці .1. Катэгорыя «быццё» як пачатак філасофскага аналізу рэчаіснасці
- •5 5.2 .2. Паняцце субстанцыі. Манізм і дуалізм
- •5.3. Катэгорыя матэрыі. Эвалюцыя поглядаў на матэрыю ў гісторыі філасофіі
- •5 Паняцце руху. Рух і развіццё 5.4 .4. Паняцце руху.Рух і развіццё
- •5.5. Прастора і час як формы быцця матэрыі
- •5.6. Ідэя адзінства свету
- •5.7. Дыялектыка як філасофская тэорыя развіцця, яе прынцыпы, законы і катэгорыі
- •Тэма 6 Філасофія прыроды
- •6 Паняцце прыроды 6.1 .1. Паняцце прыроды
- •ТЭма 7 Праблема чалавека ў філасофіі і навуцы
- •7.1. Праблема сутнасці чалавека ў гісторыі чалавецтва
- •7.2. Дыялектыка асобы і грамадства
- •7.3. Свабода як вышэйшая каштоўнасць быцця асобы
- •7 Жыццё, смерць, бяссмерце ў духоўным вопыце сучаснага чалавецтва 7.4 .4. Жыццё, смерць, бяссмерце ў духоўным вопыце сучаснага чалавецтва
- •7.5. Каштоўнасці і іх роля ў жыцці чалавека
- •ТЭма 8 Свядомасць чалавека як прадмет філасофскага аналізу
- •8 Праблема свядомасці і асноўныя традыцыі яе аналізу ў класічнай філасофіі 8.1 .1. Праблема свядомасці і асноўныя традыцыі яе аналізу ў класічнай філасофіі
- •8 Адлюстравальна-інфармацыйная і сацыяльная прырода свядомасці 8.2 .2. Адлюстравальна-інфармацыйная і сацыяльная прырода свядомасці
- •8.3. Актыўна-творчы характар свядомасці. Свядомасць і самасвядомасць
- •8.4. Грамадская і індывідуальная свядомасць
- •Тэма 9 паЗнаНне як каштоўнасць культуры і прадмет філасофскага аналізу
- •9.1. Спецыфіка пазнавальных адносін чалавека да свету і разнастайнасць філасофскага пазнання
- •9 Суб’ект і аб’ект пазнання. Формы пачуццёвага і рацыянальнага пазнання 9.2 .2. Суб’ект і аб’ект пазнання. Формы пачуццёвага і рацыянальнага пазнання
- •9 Ісціна як аснова, мэта пазнання. Крытэрый ісціны .3. Ісціна як аснова, мэта пазнання. Крытэрый ісціны
- •9 Метады і формы навуковага пазнання .4. Метады і формы навуковага пазнання
- •9 9.5 .5. Формы ненавуковага пазнання
- •Формы ненавуковага пазнання
- •ТэМа 10 Навука, яе кагнітыўны і сацыякультурны статус
- •11.2. Паняцце сацыяльнай рэальнасці. Грамадства як сістэма
- •Паняцце сацыяльнай рэальнасці. Грамадства як сістэма
- •11.3. Паняцце дзейнасці і грамадскіх адносінаў
- •Паняцце дзейнасці і грамадскіх адносінаў
- •Падсістэмы грамадства 11.4
- •11.5. Сацыяльная падсістэма
- •1 11.6 1.6. Палітычная падсістэма
- •11.7. Духоўная падсістэма
- •Тэма 12 АсноЎныя прАблемы пАлІтычнАй фІлАсофІі
- •12.1. Феномен улады ў жыцці грамадства
- •12.2. Палітычная ўлада і сацыяльны інтарэс
- •1 12.3 Дзяржава і грамадзянскае грамадства 2.3. Дзяржава і грамадзянскае грамадства
- •12.4. Палітыка і права. Канцэпцыя прававой дзяржавы
- •12.4 Палітыка і права. Канцэпцыя прававой дзяржавы
- •Тэма 13 філасофскія праблемы сацыяльнай дынамікі
- •13.1. Грамадства як сістэма, што развіваецца
- •1 13.2 Крыніцы і рухаючыя сілы развіцця грамадства 3.2. Крыніцы і рухаючыя сілы развіцця грамадства
- •Тэма 14 ФіЛаСоФіЯ культуры
- •14.1 Паняцце культуры
- •14.1. Паняцце культуры
- •14.2. Традыцыі і навацыі ў дынаміцы культуры
- •Заключэнне Філасофія і каштоЎнасныя прыярытэты ў культуры XXI ст.
2.4. Характар старажытнагрэчаскай цывілізацыі і асаблівасці антычнай філасофскай традыцыі
Характар старажытнагрэчаскай цывілізацыі і асаблівасці антычнай філасофскай традыцыі
2.4
Галоўным цэнтрам старажытнай філасофіі наогул і матэрыялізму ў прыватнасці становіцца антычная Грэцыя – краіна найбольш развітага класавага грамадства з рабаўладальніцкай дэмакратыяй. У разнастайных формах грэчаскай філасофіі ёсць зародкі амаль усіх пазнейшых тыпаў светапогляду.
Старажытнагрэчаская філасофія па праву можа лічыцца той тэарэтычнай базай, на якой вырасла не толькі ўся еўрапейская філасофская думка, але і еўрапейская культура. Асаблівасці заходняга тэарэтычнага мыслення, якія прывялі ў канчатковым выніку да з’яўлення такой формы грамадскай свядомасці, як сучасная навука, караняцца ў асноўных палажэннях старажытнагрэчаскай філасофіі. У сваю чаргу старажытнагрэчаскую філософскую думку нельга зразумець, не праводзячы аналізу тых сацыяльных умоў, у выніку якіх яна ўзнікла і развівалася. Гісторыкі старажытнай Грэцыі канстатуюць дзіўны факт незвычайнага росквіту ўсіх форм духоўнай і матэрыяльнай культуры, якую мела гэта невялікая краіна ў VI–III ст. да н. э. У старажытнай Грэцыі склаўся зусім іншы ў параўнанні са старажытнаўсходняй цывілізацыяй, тып сацыяльных адносінаў, які даў асобе магчымасць ва ўсёй паўнаце праявіць сваю творчую індывідуальнасць.
Гэтай сацыяльнай арганізацыяй з’явіўся старажытнагрэчаскі поліс – невялікі горад з прылеглым да яго сельскім наваколлем. Была створана новая сацыяльная прастора з цэнтрам на гарадской плошчы, дзе грамадзяне дзяржавы-поліса абмяркоўвалі ўсе праблемы яго сацыяльнага жыцця. Хуткае скасаванне архаічных форм радавога ладу ва ўмовах тэхнічнага прагрэсу і эканамічнага ўздыму прывёў не да прыгнечання асобы гіганцкай дзяржаўнай машынай, а да ўзнікнення такога строю думак асобных членаў гэтага поліса, згодна з якім лічылася, што толькі сам індывід з’яўляецца гаспадаром свайго ўласнага лёсу.
Невялікія памеры поліса садзейнічалі таму, што кожны яго грамадзянін мог спадзявацца на вагу свайго голасу пры абмеркаванні важных дзяржаўных спраў. Паводле сведчання Фукідыда, кожны спяшаўся удзельнічаць у грамадскім жыцці, баючыся, што без такога ўдзелу на агульных сходах поліса будуць нейкім чынам занядбаны яго інтарэсы. Аднак для таго, каб яго пачулі на гэтым сходзе і каб ён паўплываў на яго рашэнні, патрэбна была апора не на аўтарытэт іерархіі і традыцый, а на аўтарытэт лагічна несупярэчлівага доказу. Так паступова выпрацоўвался рацыянальная логіка, вызначалася важнейшая роля дыскусіі як адзінага сродку знаходжання ісціны.
Прырода спаборніцтва сацыяльных адносінаў унутры поліса, жаданне даказаць сваю перавагу над супляменнікамі ў любых галінах чалавечае дзейнасці, ці то ў спартыўных гульнях, ці то ў палітычнай барацьбе альбо ў сферы пазнання прыроды і грамадства, фарміруюць такую асаблівасць старажытнагрэчаскай філасофіі як наяўнасць розных філасофскіх школ і напрамкаў, якія спрабавалі выказаць свой ўласны арыгінальны пункт гледжання па ўсіх праблемах пазнання. Гэта абумовіла ў старажытнагрэчаскай думцы прыярытэт навацый над традыцыямі (у адрозненне ад кітайскай ці індыйскай філасофіі, дзе традыцыі былі вызначальным фактарам). Але для таго, каб прыняты школай пункт гледжання атрымаў перавагу ў светапоглядзе суграмадзян, неабходна была апеляцыя не да традыцыйных сістэм вераванняў (яны якраз і аспрэчваліся), а перш за ўсё да розуму. Вось чаму ўжо на ранніх этапах развіцця старажытнагрэчаская філасофія вылучаецца сваёй увагай да логікі доказаў і абвяржэнняў. Менавіта ў старажытнагрэчаскай філасофіі адбываецца рашучая секулярызацыя філасофскага мыслення. Слова «міф» і «логас», якія спачатку абазначалі адно і тое ж – слова, расказ, мову, выразна абасабляюцца і супрацьпастаўляюцца адзін аднаму. Калі логас абазначае цяпер не проста мову, а мову, заснаваную на рацыянальных доказах, то пад міфам трэба разумець меркаванне, якое не мае пад сабой якога-небудзь пераканаўчага грунту.
Сваім характарам і скіраванасцю зместу, асабліва метадам філасофствавання, яна адрозніваецца ад старажытных усходніх філасофскіх сістэм і з’яўляецца, па сутнасці, першай у гісторыі спробай рацыянальнага спасціжэння навакольнага свету.
Роданачальнік грэчаскай філасофіі і навукі Фалес разглядаў усю разнастайнасць рэчаў і з’яў прыроды, як праяўленне адзінага, вечнага матэрыяльнага пачатку. Такім матэрыяльным першапачаткам усяго існага ён лічыў ваду і сцвярджаў, што ўсе рэчы ўзніклі з вады, а калі разбурацца,то зноў ператвараюцца ў ваду. Вада вечная, а тыя рэчы і з’явы, што ўтвараюцца з яе,– часовыя, яны мінаюць. Фалес першы ў старажытнай Грэцыі стаў на пазіцыю разумення матэрыяльнага адзінства свету і выказаў прагрэсіўную думку аб ператварэнні адзінай матэрыі з аднаго стану ў іншы.
У канцы VI – пачатку V ст. да н. э. выступіў буйны прадстаўнік стыхійнай матэрыялістычнай дыялектыкі Геракліт Эфескі (530–470 гг. да н. э.). Зыходным пунктам свайго вучэння ён браў прызнанне агню як адзінай матэрыяльнай асновы ўсіх прыродных рэчаў і з’яў. Геракліт лічыў агонь вечнай матэрыяльнай асновай усяго існага, і таму ўсю разнастайнасць з’яў ён імкнуўся тлумачыць змяненнямі агню, усе з’явы свету вывесці з самаруху агню. Свет, космас, паводле яго вучэння, нікім не створаны, а заўсёды быў, ёсць і будзе вечным жывым агнём, які заканамерна загараецца і заканамерна гасне. Агонь, вучыў Геракліт – гэта вечна існая першаматэрыя, аснова ўсяго кругавароту прыродных з’яў. Усе прадметы і з’явы прыроды нараджаюцца з агню і, знікаючы, зноў абарочваюцца ў агонь. Вечны працэс руху матэрыі ён зводзіў да простага кругавароту. Гістарычная каштоўнасць вучэння Геракліта заключаецца ў тым, што ідэю матэрыяльнасці свету ён дапоўніў ідэяй аб яго руху і змяненні як неабходным і заканамерным працэсе. Такую заканамернасць ён назваў логасам. Гэтым логасам, усеагульнай заканамернасцю, якой падпарадкоўваюцца ў сваім руху ўсе прадметы і з’явы прыроды, з’яўляецца ў яго вучэнні барацьба процілегласцей. Ён зрабіў спробу выявіць прычыну руху, паказаць, што рух і змяненне рэчаў і з’яў ёсць неабходны заканамерны працэс, народжаны барацьбой процілегласцей, і што гэта барацьба з’яўляецца крыніцай руху і змянення ўсяго існага, што ў свеце няма нічога пастаяннага, у ім усё цячэ, усё змяняецца. Вылучыўшы палажэнне аб барацьбе процілеглых пачаткаў як крыніцы руху ў прыродзе, Геракліт абрунтаваў у той жа час адзінства і непарыўную сувязь процілегласцей у іх барацьбе. Геракліт узяў за аснову ўсяго існага матэрыяльны пачатак, ён па-матэрыялістычнаму вырашаў пытанне аб свядомасці і яе адносінах да матэрыі, да цела чалавека. Ён прызнаваў адзінства, непарыўную сувязь свядомасці (душы) і цела і залежнасць свядомасці ад цела, г. зн. другараднасць свядомасці. Геракліт прызнаваў пазнавальнасць навакольнай рэчаіснасці і лічыў, што пазнанне вонкавага свету ажыццяўляецца праз органы пачуццяў і мыслення. Сапраўдныя веды, веданне логасу з’яўляецца, паводле вучэння Геракліта, вынікам мысліцельнай дзейнасці чалавека.
Філасофія Дэмакрыта. Самым буйным дасягненнем было ў гэты час з’яўленне атамістычнага матэрыялізму, найбольш сталай разнавіднасці матэрыялістычнай філасофіі.
Атамістычны матэрыялізм Леўкіпа (550–440 гг. да н. э.) быў развіты Дэмакрытам (каля 460 – каля 370 г., да н. э.). Ён прызнаваў першаснасць матэрыі, другараднасць свядомасці і пазнавальнасць свету. Сапраўдным існым светам ён лічыў вечную, бязмежную і бясконцую аб’ектную рэальнасць, якая складаецца з атамаў і пустаты.
Распрацоўваючы праблемы будовы матэрыі, Дэмакрыт стварыў атамістычную карціну свету. Матэрыя, паводле Дэмакрыта,– гэта вечны рух атамаў у пустаце. Атамы недзялімыя, нязменныя, якасна аднародныя, яны адрозніваюцца адзін ад аднаго толькі знешнімі, колькаснымі рысамі: формай, велічынёй, а таксама парадкам і становішчам. Колькасць атамаў, як і іх формаў, бясконцая. Бясконцае мноства атамаў вечнае ў бясконцай пустаце; яны перамяшчаюцца ў розных напрамках, іншы раз сутыкаюцца адзін з адным і ўтвараюць віхры атамаў. Так узнікае бясконцае мноства светаў, якія нараджаюцца і паміраюць, яны нібыта не створаны Богам, а ўзнікаюць і знішчаюцца натуральным шляхам, па неабходнасці. У асноўным для Дэмакрыта характэрны адрыў прасторы ад матэрыі, паколькі ён паказвае яго як існуючы побач з матэрыяй самастойны пачатак і адзін з відаў аб’ектыўнай рэальнасці.
Дэмакрыт абгрунтоўваў атамістычную будову ўсяго існага і даказваў, што і душа – крыніца руху жывых целаў – таксама матэрыяльная і складаецца з атамаў. Ён змагаўся супраць вучэння піфагарэйцаў аб бессмяротнасці душы і даказваў, што гібель арганізма ў выніку распаду атамаў абазначае ў той жа час і смерць душы, рассейванне атамаў, якія складаюць душу. Дэмакрыт лічыў усё ў свеце прычынна-абумоўленым, неабходным і не прызнаваў выпадковасці як аб’ектыўнай з’явы і сцвярджаў, што ні ў прыродзе, ні ў грамадстве нічога выпадковага быць не можа. Дэмакрыт, такім чынам, не сумеў вырашыць пытання аб выпадковасці і ўзвёў у абсалют неабходнасць.
Дэмакрыт першы з антычных матэрыялістаў стаў сістэматычна даследаваць праблемы гнасеалогіі і логікі, разглядаў іх як састаўную частку філасофіі. У аснове тэорыі Дэмакрыта ляжыць тэорыя выніковасці, якая ўяўляе сабой прымітыўную форму тэорыі адлюстравання вонкавага свету ў свядомасці чалавека. Пазнанне, паводле Дэмакрыта, пачынаецца з пранікнення ў органы пачуццяў чалавека копій, якія выцякаюць з паверхні рэчаў, драбнюткіх і найтанчэйшых вобразаў гэтых рэчаў. Пранікаючы ў цела чалавека, які пазнае, вобразы рэчаў судакранаюцца з атамамі душы і выклікаюць у чалавека адпаведныя адчуванні рэчаў вонкавага свету, а затым і думкі пра іх. Крыніцай усіх адчуванняў і ведаў Дэмакрыт прызнаваў вонкавы свет, навакольную рэчаіснасць. Ён вучыў, што без пранікнення ў органы пачуццяў адпаведных вобразаў вонкавых рэчаў у чалавека не могуць узнікнуць ані адчуванні, ані думкі. Гаворачы пра пазнанне, Дэмакрыт падраздзяляў усё існае на два віды – на існуючае «па ісціне»і на існуючае «паводле агульнай думкі».
Да існуючага «па ісціне» ён адносіў усё, што існуе абсалютна незалежна ад чалавека, які пазнае,а існуючым «паводле агульнай думкі » ён называў усё тое, што ў той ці іншай меры залежыць ад людзей, якія адчуваюць уздзеянні вонкавага свету. У гэтым выпадку ў Дэмакрыта выразна праводзіцца тэндэнцыя да раздзялення ўсяго існага на два віды якасці: аб’ектыўныя і суб’ектыўныя. Да аб’ектыўных якасцяў ён адносіў (для атамаў): цвёрдае, мяккае, разрэджанае, цяжкае, лёгкае; да суб’ектыўных: смак, пах, цяпло, холад, колер, лічачы апошняе станам найбольш пачуццёвых успрыманняў чалавека.
Дзяленне Дэмакрытам усіх рэчаў і з’яў на існуючыя «паводле агульнай думкі» і на існуючыя «па ісціне» ляжыць у аснове яго вучэння аб двух родах свядомасці: «цёмнае» і «светлае», і адпаведна аб ролі пачуццяў і мыслення ў пазнанні. Вучэнне Дэмакрыта аб пазнанні гістарычна каштоўнае тым, што ў ім з матэрыялістычных пазіцый пастаўлены і асветлены важнейшыя гнасеалагічныя пытанні. Так Дэмакрыт зрабіў важны крок у тым кірунку, які ў канчатковым выніку ў XVII–XVIII ст. прывёў да ўзнікнення навукі Новага часу.
Філасофія Платона. Платон (428/427–348/347 гг. да н. э.) – ідэолаг афінскай рабаўладальніцкай дэмакратыі. Выступіў са шматлікімі творамі, у якіх тэарэтычна абгрунтаваў ідэалістычны светапогляд. Абагульняючы і развіваючы ідэалістычныя погляды сваіх папярэднікаў (піфагарэйцаў), Платон вёў сістэматычную барацьбу з матэрыялістычнай філасофіяй, асабліва з ыычэннямі яе галоўных прадстаўнікоў – Геракліта і Дэмакрыта. Для тлумачэння быцця развіваў тэорыю аб існаванні бесцялесных формаў рэчаў, якія называў «відамі» ці «ідэямі» і якія атаясамліваў з быццём. Платон прызнаваў свет вечных, нязменных, самастойна існуючых «ідэй». Ідэі, якія ўтвараюць з пункту гледжання Платона першаснае і адзіна сапраўднае быццё, па сутнасці з’яўляюцца ні чым іншым, як агульнымі паняццямі чалавека аб рэчах пачуццёвага свету, адарванымі ад гэтых рэчаў і пераўтворанымі ў абсалют, у самастойныя істоты. Філасофія Платона лічыць матэрыяльны свет другасным, які мінае і не ёсць дасканалым, а свет ідэй – першасным, вечным і дасканалым узорам. Існае ёсць толькі ідэя, а матэрыя – не існае.
Філасофія Платона, акрамя вучэння аб быцці, як свеце ідэй, змяшчае ў сабе таксама вучэнне аб пазнанні, важнейшым раздзелам якога з’яўляецца «тэорыя ўспаміну». У вучэнні аб пазнанні Платон зыходзіў з свайго раздзялення свету на вечныя ідэі і мінучыя рэчы. Ідэі ён лічыў аб’ектам ведаў, а рэчы – аб’ектам думкі. Веды, ідэі, вучыў Платон, даюцца абстрактным мысленнем, а думка, уяўленне аб рэчах, – спараджаецца пачуццёвым успрыманнем. Прычым абстрактнае мысленне ён трактаваў як незалежны ад пачуццёвага ўспрыняцця, абсалютна самастойны працэс прыпамінання чалавекам ідэй, якія нібыта праводзілі незалежнае ад цела існаванне. У аснове «тэорыі ўспаміну» ляжыць прызнанне бяссмерця душы. Ён вучыў, што чалавек, як цялесная істота, смяротны, яго душа не гіне, а толькі вызваляецца ад цялеснага покрыва як ад сваёй турмы і пачынае вольна падарожнічаць па-над нябеснымі сферамі, уваходзячы ў судакрананне са светам ідэй і сузіраючы іх. Платон адзначаў, што дзейнасць душы ёсць не пасіўнае ўспрыманне, а ўласная ўнутраная работа, якая носіць характар бяседы самой з сабой; разважаючы, душа нічога іншага не робіць,– адно толькі размаўляе, пытаецца сама ў сябе, адказвае, сцвярджае і адмаўляе. Падчас гэтага падарожжа яна судакранаецца са светам ідэй і сузірае іх. Вось чаму сутнасць працэсу пазнання заключаецца ў прыпамінанні душой тых ідэй, якія яна ўжо сузірала. Сапраўдныя веды дае толькі мысленне. Мысленне ж ёсць незалежны ад пачуццёвых успрыняццяў абсалютна самастойны працэс прыпамінання. Пачуццёвае ўспрыняцце спараджае толькі думку пра рэчы. Платонаўскае вучэнне аб пазнанні было ў той час найбольш развітой тэорыяй звышпачуццёвых ведаў, даступных розуму.
Састаўной часткай платонаўскай гнасеалогіі з’яўляецца «дыялектыка», яе Платон разумеў не проста як дыялог і не як кожную гутарку, а дыялог – як лагічныя аперацыі раздзялення і злучэння паняццяў, што ажыццяўляюцца з дапамогай пытанняў і адказаў, прыводзяць да вызначэння зместу паняццяў.
У дыялектыцы ён бачыў метад абстрактнага мыслення, спосаб пазнання, карыстаючыся якім можна вызваліцца ад усіх пачуццёвых успрыняццяў і паглыбіцца ў працэс мыслення, г.зн. ва ўспаміны пра свет ідэй, даступных розуму. Дыялектыку ён ставіў вышэй за ўсе іншыя навукі і прыпісваў ёй боскае паходжанне. Платон называў паняцці цякучымі і ўнутрана супярэчлівымі. Гістарычная каштоўнасць платонаўскай «дыялектыкі» заключаецца ў патрабаванні дакладнага вызначэння паняццяў, у распрацоўцы, хоць і на ідэалістычнай аснове, актыўнага, дзейснага боку чалавечага мыслення.
Філасофія Арыстоцеля. З крытыкай вучэння Платона ў VI ст. да н. э. выступіў Арыстоцель (384–322 гг. да н. э.) – найвялікшы мысліцель старажытнасці. Яго творы маюць энцыклапедычны характар. У іх атрымалі афармленне і далейшую распрацоўку ўсе галіны ведаў, якія меў старажытны свет,– метафізіка, душа, аналітыкі, катэгорыі. Ён заснаваў у Афінах сваю філасофскую школу (Лікей). Характэрнай рысай Арыстоцеля як філосафа з’яўляецца яго хістанне паміж матэрыялізмам і ідэалізмам. З аднаго боку, ён прызнаваў існаванне Бога як першаснай у адносінах да прыроды духоўнай творчай сілы, а з другога, крытыкаваў вучэнне Платона аб ідэях як першапрычыне пачуццёвых рэчаў. Арыстоцель сваёй крытыкай тэорыі ідэй Платона падрываў асновы ідэалізму наогул і садзейнічаў умацаванню пазіцый матэрыялізму. Арыстоцель прызнаваў існаванне матэрыяльнага свету, прыроды як бясконцай сукупнасці пачуццёва ўспрымальных рэчаў і з’яў. Але ў адрозненне ад паслядоўных матэрыялістаў, якія лічылі паняцце прыроды і паняцце матэрыі тоеснымі, Арыстоцель праводзіў паміж гэтымі паняццямі істотнае адрозненне. Паняцце матэрыі, з пункту гледжання Арыстоцеля, паводле зместу – ужо паняцце прыроды. Прырода, згодна з яго вучэннем,– гэта сукупнасць рэчаў і з’яў, якія ўяўляюць сабой канкрэтныя віды арганічнага адзінства матэрыі і формы. Матэрыя, паводле Арыстоцеля, – гэта тое вечнае, з чаго ўзнікаюць рэчы. Матэрыя – пачатак пасіўны, форма ж – пачатак актыўны, творчы. З матэрыі і формы, як з двух супрацьлеглых пачаткаў, узнікаюць, паводле Арыстоцеля, усе целы прыроды. У поглядах Арыстоцеля на праблему матэрыі і формы ёсць гістарычна каштоўныя ідэі матэрыялізму і дыялектыкі, якія заключаюцца ў яго прызнанні аб’ектыўнага існавання рэчаў прыроды і характарыстык іх як канкрэтных увасабленняў адзінства матэрыі і формы, як вынікаў бесперапыннага, вечнага руху прыроды. Разам з тым Арыстоцель не дайшоў да разумення прыроды як матэрыі ў руху, што уяўляе сабой непарыўнае адзінства зместу і формы пры вырашальнай ролі зместу, г. зн. не дайшоў да высвятлення сапраўднай дыялектыкі формы і зместу. Ён пайшоў па шляху ідэалізму, стаў даказваць, што форма з’яўляецца не толькі творчым, вызначальным, у параўнанні з матэрыяй, пачаткам, але і папярэднічае матэрыі ў часе. У канчатковым выніку, Арыстоцель стаў казаць пра душу як пра форму, якая папярэднічае целу, і пра існаванне формы ўсіх формаў – Бога – як вечнага першарухавіка прыроды. Арыстоцель меркаваў, што павінна існаваць нешта, што прыводзіць усе целы ў рух. Гэта і ёсць першы рухавік. Сам ён не можа знаходзіцца ў руху, бо інакш тады трэба было б меркаваць пра наяўнасць яшчэ аднаго рухавіка. «Першы рухавік» для сваёй дзейнасці не мае патрэбы ў існаванні іншых цел, ён сам ёсць энергія, чыстая дзейнасць. Быўшы энергіяй, першарухавік не валодае матэрыяй, у ім няма коснага, ён ёсць чыстая форма-мэта. Арыстоцель крытыкаваў ідэалістычныя перакананні Платона аб вечнасці, бессмяротнасць душы і выказаў думку пра тое, што душу маюць толькі жывыя істоты, указваў на прымат цялесных працэсаў над псіхічнымі, на залежнасць свядомасці ад стану цела чалавека. Матэрыялістычная трактоўка пытання аб суадносінах матэрыі і свядомасці, цела і душы знаходзіць у Арыстоцеля выражэнне ў яго сцверджанні пра тое, што са спыненнем існавання той ці іншай жывой істоты знікае і яго душа. Аднак такія наіўна-матэрыялістычныя, па сутнасці правільныя, палажэнні суправаджаюцца ў Арыстоцеля тыпова ідэалістычнымі сцвярджэннямі і высновамі. Ідэалізм у Арыстоцеля пры тлумачэнні пытання пра душу і цела, пра матэрыяльнае і духоўнае атрымаў сваё выражэнне ў характарыстыцы ім душы: як формы, што абумоўлівае ўзнікненне і існаванне жывых істотаў, Арыстоцель бачыў у душы дзейсны пачатак, лічыў душу сутнасцю жывых цел, прычынай іх узнікнення і крыніцай руху.
Распрацоўваючы сваю тэорыю пазнання, Арыстоцель зыходзіў з матэрыялістычных палажэнняў аб першаснасці прадметаў і з’яў вонкавага свету і другараднасці ведаў чалавека, заяўляў, што пазнаваемае існуе раней, чым веды пра яго. Набытыя веды, казаў Арыстоцель, заўсёды з’яўляюцца ведамі пра ўжо існуючыя прадметы і іх уласцівасці. Пазнанне чалавекам, паводле Арыстоцеля, пачынаецца з адчуванняў, з пачуццёвых ўспрыманняў, выклікаемых вонкавым прадметамі і з’явамі, якія папярэднічаюць пачуццёвым успрыманням таксама як і тое, што рухае, заўсёды папярэднічае таму, што рухаецца. Акрамя адчуванняў і ўспрыняццяў, ён аперыраваў ужо такімі формамі пазнання, як уяўленне і паняцце, не ігнараваў ролі абстрактнага мыслення ў працэсе пазнання. Арыстоцель лічыў, што памылкі чалавека ў характарыстыцы прадметаў і з’яў вонкавага свету звязаны не з успрыняццем, а з абстрактным мысленнем, з працэсам утварэння паняццяў, меркаванняў і вывадаў.
Паводле думкі Арыстоцеля, сапраўдныя навуковыя пазнанні павінны характарызавацца трыма асноўнымі рысамі: па-першае, доказам, па-другое, здольнасцю тлумачыць з’явы прыроды і па-трэцяе – адзінствам атрыманых ведаў.
Вялікую гістарычную каштоўнасць маюць творы Арыстоцеля па пытаннях логікі як навукі аб законах і формах мыслення. Арыстоцель даў найбольш глыбокае сістэматычнае даследаванне асноўных формаў, у якіх працякае мысленне чалавека: паняццяў і вывадаў (сілагізмаў). Яму належыць таксама выяўленне такіх асноў законаў мыслення, як закон тоеснасці, закон супярэчнасці, закон выключанага трэцяга. У іх прысутнічаюць матэрыялістычныя тэндэнцыі ў вырашэнні лагічных праблем, г. зн. у Арыстоцеля ўсюды бачна пры гэтым аб’ектыўная логіка. Побач з даследаваннем законаў і формаў мыслення Арыстоцель зрабіў таксама прадметам спецыяльнага сістэматычнага вывучэння філасофскія катэгорыі: найбольш агульныя паняцці аб формах і адносінах быцця. Ён выдзеліў і прааналізаваў дзесяць катэгорый: сутнасць, якасць, месца, погляд, становішча, валоданне, дзеянне, пакута. Раскрываючы сутнасць катэгорый, Арыстоцель характарызуе іх як найбольш агульныя паняцці, якія адлюстроўваюць розныя формы адносінаў розных бакоў быцця: па- матэрыялістычнаму і як найбольш агульныя паняцці, якія ўяўляюць сабой роды і формы самога быцця, г. зн. па-ідэалістычнаму Каштоўным у вучэнні Арыстоцеля пра катэгорыі з’яўляецца яго імкненне не толькі раскрыць змест катэгорый, апісаць і класіфікаваць іх, але і разглядаць іх у руху, у сувязі і ўзаемасувязі.
Філасофія Арыстоцеля была апошнім пікам і ў пэўным сэнсе завяршэннем старажытнагрэчаскай філасофіі. Гэта не азначае, што пасля Арыстоцеля ў Старажытнай Грэцыі і пазней у Старажытным Рыме не развіваліся, не з’яўляліся арыгінальныя філасофскія канцэпцыі, не праводзіліся філасофскія дыскусіі. Тым не менш, такіх па маштабу мысліцеляў, як Арыстоцель і Платон, не было. Справа тут не ў таленавітасці тых ці іншых мысліцеляў, якія працавалі пасля Платона і Арыстоцеля, а ў сацыяльна-культурных умовах, якія ствараюць пэўныя межы творчасці любога мысліцеля.
Крызіс філасофскага мыслення пасля Арыстоцеля вельмі цесна звязаны з тым крызісам, які перажываў у III–II ст. да н. э. грэчаскі поліс – тая сацыяльная глеба, на якой і магчымы быў росквіт старажытнагрэчаскай культуры і філасофіі. Захопніцкія паходы Аляксандра Македонскага на Усход, раскол яго вялікай імперыі на шэраг дзяржаў, якія засвоілі для свайго выжывання культуру кіравання, удасканаленую на Усходзе, пераўтварэнне самой Грэцыі ў адну з правінцый гэтых імперый, паступовае скасаваннея вольнай палітычнай дзейнасці ў полісах прывялі да пераарыентацыі ўсёй філасофскай думкі.
Філосафаў стала хваляваць пытанне не пра тое, што ёсць, як існуе свет, а пра тое, як трэба жыць у свеце, каб пазбегнуць небяспекі, што пагражае індывіду на кожным кроку ад цэнтралізаванай бюракратычнай дзяржавы, якая з’яўляецца нашчадкам усходніх дэспатый. З гэтай прычыны саслабела сіла тэарэтычнай думкі, філосафы адыходзяць ад праблем грамадскага жыцця, бо не маюць магчымасці іх вырашыць. Вучоныя пакідаюць у баку праблемы абгрунтавання навуковых ведаў і пачынаюць займацца прыватнымі, вузкапрактычнымі задачамі.
Галоўнай праблемай філасофіі паўстае праблема выжывання асобнага чалавека ва умовах татальнага сацыяльнага і палітычнага прыгнёту, праблем прыватных паводзін. Так узніклі найбольш папулярныя ў позняй антычнасці філасофскія вучэнні скептыцызму, стаіцызму і эпікурызму. Стварэнне Рымскай імперыі, якая ўключала ў свой склад амаль усю цывілізацыю тагачаснага Захаду і былых старажытнаўсходніх дэспатый, узмацніла крызіс антычнай цывілізацыі.
Глыбокія сацыяльныя супярэчнасці, праблематычнасць лёсу асобнага індывіда, дэспатычная ўлада і бюракратыя органаў кіравання поўнасцю адхіліла мыслячую частку грамадства ад удзелу ў грамадскім жыцці. Узмацнілася імкненне да рэлігіі як адзінай духоўнай каштоўнасці. Вось чаму філасофія набыла рэлігійны характар. Вядучай філасофскай школай стаў неаплатанізм, галоўнай задачай якога было імкненне раскрыць паходжанне ўсяго існага з асновы асноў – Бога – і паказаць шлях, які вядзе да гэтага зыходнага адзінства.