- •Уводзiны
- •1. Паняцце пра структурную геалогiю, яе месца сярод геалагiчных дысцыплiн. Гiсторыя фармiравання структурнай геалогii.
- •1.1. Структурная геалогiя як галiна геалагiчных ведаў.
- •1.2. Метады структурнай геалогii.
- •1.3. Месца структурнай геалогii сярод навук аб Зямлi.
- •1.4. Гiсторыя фармiравання структурнай геалогii .
- •Геалагiчныя карты I профiлi.
- •2.1. Тапаграфiчная аснова геалагiчных карт.
- •2.2. Тапаграфiчныя праекцыi.
- •2.3. Наменклатурныя iндэксы I масштабы геалагiчных карт.
- •2.4. Паняцце аб геалагiчнай карце.
- •2.5. Асноўныя тыпы геалагiчных карт.
- •2.6. Асаблiвасцi афармлення геалагiчных карт. Урэзкi I геалагiчныя профiлi.
- •2.6. Геалагiчныя карты Беларусi.
- •3. Слой, слаiстасць. Элементы залягання слаёў.
- •3.1. Слой, пласт. Слаiстасць.
- •Элементы залягання слаёў I iх вылiчэнне.
- •3.2.1. Элементы залягання слаёў.
- •3.2.2. Горны компас I яго выкарыстанне пры вызначэннi элементаў залягання пластоў.
- •3.2.3. Вызначэнне элементаў залягання пластоў на абгаленнях.
- •3.2.4. Вызначэнне элементаў залягання структурнай плоскасцi (слоя) па трох яе кропках, якiя выходзяць на поверхню.
- •3.2.5. Вызначэнне элементаў залягання структурнай плоскасцi (слоя) па геалагiчнай карце.
- •3.2.6. Вызначэнне элементаў залягання структурнай плоскасцi (слоя) па дадзеных свідравання.
- •4.1. Паказ выхадаў структурных плоскасцяў на карце.
- •4.2. Вызначэнне элементаў залягання структурных плоскасцяў на карце з гарызанталямi.
- •5. Магутнасць слоя (пласта).
- •5.1. Азначэнні розных варыянтаў магутнасці слаёў.
- •5.2. Вылічэнне магутнасці слаёў.
- •6. Напружаннi ў зямной кары. Сiлы iх выклiкаючыя.
- •6.1. Эндагенныя I экзагенныя сiлы.
- •6.2. Вертыкальныя I гарызантальныя рухi.
- •6.3. Тэнзары напружанняў.
- •6.4. Галоўныя напружаннi.
- •7. Дэфармацыі пластоў горных парод.
- •7.1. Тыпы дэфармацый цел.
- •7.2. Стадыйнасць дэфармацый.
- •8.1. Складкавыя формы.
- •8.1.1. Элементы складак.
- •8.1.2. Антыклінальныя і сінклінальныя складкі.
- •8.1.2.1. Класіфікацыі складак.
- •8.2. Флексуры.
- •8.3. Структурныя складкавыя формы высокіх рангаў.
- •8.4. Спалучэнні складкавых форм.
- •9.1. Нетэктанічныя нарушэнні.
- •9.2. Тэктанічныя нарушэнні.
- •9.2.1. Раскрышанасць.
- •Катаклазіты, міланіты і ўльтраміланіты складаюць звычайна унутраныя часткі разломаў.
- •9.2.2. Кліваж і тэктанічная сланцавасць парод.
- •9.2.3. Тэктанічнае разлінзаванне і будзінаж.
- •9.2.4. Тэктанічныя трэшчыны.
- •9.2.5. Разломы.
- •9.2.5.1. Асноўныя элементы разломаў і іх колькасныя характэрыстыкі.
- •9.2.5.2. Кінематычныя тыпы разломаў.
- •10. Магматычныя і метамарфічныя целы.
- •10.1. Склад магмы і асаблівасці праяўлення магматычнай дзейнасці.
- •10.2. Кантакты паміж магматычнымі ўтварэннямі і ўмяшчаючымі пародамі
- •10.3. Расколістасць магматычных цел
- •10.4. Інтрузівы. Марфалагічная класіфікацыя інтрузіваў.
- •10.4.1. Рассякаючыя глыбінныя інтрузівы.
- •10.4.2. Згодныя інтрузіўныя масівы.
- •10.4.3. Інтрузівы змешаных форм.
- •10.4.4. Формы субвулканічных, або звязуючых інтрузіўных цел.
- •10. 5. Паверхневыя магматычныяцелы.
- •10.5.1. Вулканічныя покрывы і патокі.
- •10. 5.2. Вулканічныя апараты.
- •10.6. Вулкана-тэктанічныя структуры.
- •10.7. Метады структурнага вывучэння магматычных целаў
- •11. Спалучэнні структурных форм
- •11.1. Гістарычнае спалучэнне структурных форм
- •11.2. Механічнае спалучэнне структурных форм
4.1. Паказ выхадаў структурных плоскасцяў на карце.
Пры правядзенні геалагічнай здымкі і пабудове геалагічных карт геолагам даводзіцца выносіць на карты структурныя плоскасцi* (паверхні слаёў і пластоў, жылы, трэшчыны, разломы і да т.п.). Часцей за ўсё гэтыя паверхні маюць нахіленае заляганне, але сустракаюцца выпадкі гарызантальнага і вертыкальнага палажэння слаёў, разломаў, іншых структурных плоскасцяў. Структурныя паверхнi ў геалагічным сэнсе - літалагічныя, тэктанічныя або эразійныя межы, якія падзяляюць пласты рознага складу ці узросту.
* Структурныя паверхнi кроўлi i падэшвы слаёў горных парод, паверхні iнтрузiўных цел; зрушацелі (па-руску - сместители) разломаў на невялікай плошчы можна прыняць за плоскасць.
У выпадку гарызантальнага распалажэння структурнай плоскасцi (паверхнi) лiнiя яе выхада будзе супадаць з гарызанталлю рэльефа, якая мае тую ж абсалютную адзнаку, што і гэта плоскасць. Пры вертыкальным палажэнні структурнай плоскасцi яе праекцыя на гарызантальную плоскасць (карту) з’яўляецца прамой лiнiяй (лiнiя распасцiрання) незалежна ад форм рэльефу, якія яна перасякае.
У выпадках нахілу структурнай плоскасці картаграфаванне праводзіцца больш складаным спосабам. Выключэннем з’яўляюцца выпадкі, калі нахіленая структурная плоскасца перасякае мясцовасць з роўным гарызантальным рэл’ефам. На такiх участках плоскасць мае выхад таксама ў выглядзе прамой лiнii (лiнii распасцiрання). У астатніх выпадках (пры сложным рэл’ефе) лiнiя выхада нахіленай плоскасцi будзе мець канфiгурацыю, якая залежыць ад форм рел’ефу i элементаў залегання плоскасцi.
Для таго каб пабудаваць на карце выхад нахіленай манаклінальнай структурнай плоскасцi, неабходна мець тапаграфiчную аснову ў гарызанталях i дадзеныя аб заляганнi структурнай плоскасцi, якія замераны хаця б у адной кропке, якая прывязана да рел’ефу, напрыклад кропка А (мал. 27 а). Ведаючы элементы залягання пласта (нахіленай плоскасці) - азімут падзення (стрэлка), азімут распасцірання (адрэзак перпендыкулярны стрэлцы), кут падзення (лічбы каля стрэлкі), можна вынесці на тапаграфічную карту з ізагіпсамі рэл’ефу лінію выхада на паверхню нахіленай структурнай плоскасці (геалагічную мяжу). Робіцца гэта наступным чынам. Перад тым, як пачаць пастраенні, трэба ўявіць манаклінальную аднастайна нахіленую структурную плоскасць, якая перасякаецца гарызантальнымі пласкасцямі з роўнымі iнтерваламi вышынь з крокам, адпавядаючым кроку ізагіпс рэл’ефу на тапаграфічнай карце (у нашым выпадку 10 м) (мал. 27, б). На перасячэнні паверхнi нахіленага слою з серыяй гарызантальных пласкасцяў атрымаем паралельныя лініі, якія знаходзяцца на плоскасці слоя, паказваюць яго аднолькавыя гіпсаметрычныя адзнакі (iзалiнii) i завуцца стратаiзагiпсамi.
Далей наша задача вынесці гэтыя стратаізагіпсы на тапаграфічную карту - спраекцыраваць нахіленую структурную плоскасць на гарызантальную паверхню. Чым меньшы кут падзення структурнай плоскасцi, тым большай будзе адлегласць паміж iзагiпсамi на праекцыі структурнай плоскасці на гарызантальнай паверхні карты. І наадварот, чым большы кут падзення, тым часцей будуць iзагiпсы, праведзенныя з тым самым вертыкальным iнтэрвалам (крокам ізагіпсаў). Адлегласць паміж праекцыямi iзагiпс лiнiй распасцiрання, якія праведзены з аднолькавым вертыкальным iнтэрвалам, называюць залажэннем. Велiчына залажэння прапарцыйна косiнусу кута падзення структурнай плоскасцi.
Як бачым, каб вынесці стратаізагіпсы на тапаграфічную карту нам не абысціся без уліку кута падзення структурнай плоскасці. Для гэтага патрабуецца пабудаваць графiк залажэння, які яшчэ завецца маштабам залажэння. Ён уяўляе сабой праекцыю iзагiпс (лiнiй распасцiрання) праведзеных на структурнай плоскасцi з аднолькавым высотным iнтэрвалам на вертыкальную плоскасць (мал. 27, в). Як бачна на графіку залажэння, адлегласць паміж стратаізагіпсамі па гарызанталі (а) утворана ў выніку перасячэння кута падзення (роўным у нашым прыкладзе 250) з гарызантальнымі прамымі, праведзенымі праз адзнакі вышынь у маштабе тапакарты з крокам, адпавядаючым кроку стратаізагіпс (ізагіпс рэльефу): 150, 140, 130 і г.д. (мал. 27, в).
Наступным крокам пабудовы лініі выхада на паверхню рэл’ефу нахіленай структурнай плоскасці з’яўляецца вынесенне на тапаграфічную карту стратаізагіпс карціруемай плоскасці. Ад кропкі А, у якой вядомы элементы залягання пласта, адкладаюцца лініі, паралельныя лініі распасцірання з адлегласцю а, якая вылічана з дапамогай графiка залажэння. На тапакарце кропка А, у якой нахіленая структурная плоскасць выходзіць на паверхню, знаходзіцца на вышыні 100 м. Такую ж вышыню мае і стратаізагіпса, якая праходзіць праз кропку А. Стрэлка ўмоўнага знака ў кропке А паказвае накірунак падзення пласта (нахіл структурнай плоскасці). Менавіта ў гэтым напрамку адбываецца памяньшэнне значэнняў стратаізагіпс. У процілеглы бок назіраецца іх павелічэнне. Наносiць лiнii распасцiрання (iзагiпсы) структурнай плоскасцi з кропкі А на карте трэба як у бок падзення, так i ў бок паўстання.
Пасля таго, як стратаізагіпсы нахіленай структурнай плоскасці вынесены на тапаграфічную карту, нецяжка знайсці кропкі выхада гэтай плоскасці на паверхню рэл’ефу. Гэта будуць кропкі перасячэння стратаізагіпс і ізаліній рэл’ефу з аднолькавымі гіпсаметрычнымі адзнакамі (роўнымі вышынямі). Не ўяўляе складанасці далей паступова злучыць гэтыя кропкі паміж сабой і атрымаць лінію выхаду нахіленай структурнай плоскасці на паверхню рэл’ефу (перарывістая лінія на малюнку 27, а). Форма лiнii выхаду структурнай плоскасцi на паверхню рэл’ефу (дзённую паверхню), яе выгіны залежаць ад элементаў залягання плоскасцi i рэл’ефу мясцовасцi, гэта значыць, ад частаты размеркавання лiнiй распасцірання (стратаізагіпс) плоскасцi i ад канфiгурацыi гарызанталяў.
Для пабудовы карты выхада нахіленай структурнай плоскасцi можна выкарыстаць спецыяльную палетку (маштабную лiнейку).
Для гэтага спачатку трэба вычэрцiць графiк маштаба залажэння. На лiсце мiлiметровай паперы ў маштабе карты наносяць сячэнне гарызанталяў. Ад верхняй гарызанталi на маштабе залажэння (у нашым прыкладзе 150 м) ўнiз праводзяць лiнiю падзення пад вуглом 25°, якая пересячэ гарызантальныя лiнii i ў проекцii на вертыкальную плоскасць (палетку) дасць велiчыню залажэння, якая роўная адрэзку а.
Велiчыню залажэння можна вызначыць i матэматычна, ведаючы вугал падзення і адзін з катэтаў (перавышэнне паміж стратаізагіпсамі па вертыкалі). Для гэтага вядомыя лічбы трэба падставіць у формулу прамавугольнага трохкутнiка:
а = /tg, ці а = ctg.
Пасля гэтага велiчыню залажэння наносяць на палетку, ці маштабную лінейку, якую прыкладаюць да тапаграфічнай карты ў гарызанталях, сумяшчаючы адпаведную адзнаку на палетцы і ў кропцы А, дзе вядомы элементы залягання нахіленай структурнай плоскасцi. Ад гэтай кропкі адкладаем меткі з палеткі (маштабнай лінейкі) і праз ніх праводзім лініі паралельныя лінii распасцірання (стратаiзагiпсы). Кропкі перасячэння аднайменных лiнiй распасцірання i гарызанталяў рэл’ефу злучаюць паслядоўна плаўнай лiнiяй. Гэта лiнiя i будзе лiнiяй выхада плоскасцi на зямную паверхню (гл. мал. 27, штрыхавая лiнiя).
Часцей сустракаемымі і больш складанымі ў картаграфаванні з’яўляюцца выпадкі калі кропка з вядомымі характарыстыкамі залягання пласта (структурнай паверхні) трапляе паміж двумя гарызанталямi. Для пабудовы лініі выхада на паверхню плоскасці ў такіх выпадках трэба правесцi прамежкавую гарызанталь. Яна праводзіцца шляхам простай iнтэрпаляцыi паміж вядомымі гарызанталямі (мал. 28). Напрыклад, кропка А трапляе паміж гарызанталямі 120 і 110 м. Праз кропку А праводзім лінію, перпендыкулярную да названых гарызанталяў, і знаходзім вышыню на якой знаходзіцца кропка А - у нашым прыкладзе 115 м. Шляхам інтэрпаляцыі праз кропку А і дадатковыя кропкі з адзнакай 115 м, захоўваючы прапорцыю адлегласці паміж гарызанталямі 120 і 110 м, праводзім дадатковую прамежкавую гарызанталь, гіпсаметрычная адзнака якой адпавядае вышыні кропкі А. Прамежкавыя гарызанталi могуць наносіцца шляхам змыкання лiнiй выхада структурнай плоскасцi на грэбянях узвышшаў або на дне далiн. Далей, для таго каб нанесці дадатковыя кропкі выхада плоскасці на паверхню на палетцы (маштабнай лінейке) таксама выносяць дадатковую метку 115 м паміж адзнакамі 120 і 110 м. Менавіта гэтую метку сумяшчаюць з кропкай А, прыкладаючы палетку ці маштабную лiнейку да лiнiі распасцiрання такім чына, каб меньшыя адзнакі былi накіраваны ў бок падзення плоскасцi (на паўднёвы ўсход у нашым прыкладзе). Лiнейку пасоўваюць уздоўж стратаізагіпсы 115 м на якой знаходзіцца кропка А па ўсей даследуемай паверхні карты, знаходзячы і адзначаючы кропкі перасячэння лiнiй распасцiрання (стратаізагіпс) з аднайменнымi гарызанталямi на карце. Далейшыя дзеянні па адбудове лініі выхада нахіленай структурнай плоскасці на дзённую паверхню робіцца спосабам апісаным вышэй.
Дадатковыя кропкі паміж ізагіпсамі на тапаграфічнай карце адзначаюцца і ў выпадках, калi адлегласць ад адной кропкамі выхада да другой значная i не вядомы дакладна выгін лiнii выхада паміж двумя гарызанталямi, якія адмалёваюць складаныя формы рэл’ефу. Інтэрпаляцыя і пабудова лініі выхада з выкарыстаннем дадатковых кропак праводзіцца спосабам, апісаным у папярэднім абзацы. Часцей за ўсё дадатковыя кропкі і лiнii на карту не выносяцца, а малююцца на палетцы цi на лiнейке масштаба залажэння. Усе дапаможныя лініі (стратаізагіпсы, дадатковыя ізагіпсы і іншыя), якія праводзяцца пры пабудове выхада плоскасцi на дзённую паверхню на карте або плане, выконваюцца тонкімі, наносяцца простым алоўкам i пасля выканання пабудовы лiнii выхода плоскасцi сцiраюцца.