- •§4.1. Дынаміка насельніцтва і яго полаўзроставая структура.
- •§ 4.2. Натуральны і механічны рух насельніцтва. Міграцыі.
- •§ 4.3. Склад насельніцтва.
- •§ 4.4. Працоўныя рэсурсы і іх ацэнка.
- •§ 4.5. Рассяленне. Тыпы паселішчаў.
- •Практычныя заданні.
- •Тэма 5. Агульная характарыстыка гаспадаркі.
- •§ 5.1. Фактары размяшчэння вытворчасці.
- •§ 5.2. Структура і спецыялізацыя гаспадаркі.
- •§ 5.3. Сучасная структура гаспадаркі.
- •Тэма 6. Геаграфія вытворчай сферы.
- •§ 6.1. Паліўная прамысловасць.
- •§ 6.2. Электраэнергетыка.
- •§ 6.3. Металургія чорная і каляровая.
- •6.4. Машынабудаванне.
- •§ 6.5. Хімічная прамысловасць.
- •§ 6.6 Лясная, дрэваапрацоўчая і цэлюлозна-папяровая прамысловасць.
- •§ 6.7. Прамысловасць будаўнічых матэрыялаў.
- •§ 6.8. Лёгкая прамысловасць.
- •§ 6.9.Харчовая прамысловасць.
- •§ 6.10. Сельская гаспадарка
- •§ 6.11. Геаграфія галін жывёлагадоўлі.
- •§ 6.12. Транспарт.
- •§ 7.1. Структура невытворчай сферы, яе роля ў народнай гаспадарцы.
- •§ 7.2. Геаграфія ўстаноў адукацыі, культуры і аховы здароўя.
- •Асноўныя вывады па зместу тэмы
- •Тэма 8. Беларусь у сусветнай супольнасці
- •§ 8.1. Беларусь на палітычнай карце свету
- •§ 8.2. Знешні гандаль Беларусі
- •§ 8.3. Замежныя інвестыцыі і свабодныя эканамічныя зоны
- •Тэма 9. Вобласці Беларусі.
- •§ 9.1. Брэсцкая вобласць.
- •§ 9. 2. Віцебская вобласць.
- •§ 9.3. Гомельская вобласць.
- •§ 9.4. Гродзенская вобласць.
- •§ 9.5 Магілёўская вобласць
- •§ 9.6. Мінская вобласць
- •Асноўныя вывады па зместу тэмы.
§ 6.11. Геаграфія галін жывёлагадоўлі.
Жывёлагадоўлядае самыя высокакаларыйныя прадукты харчавання – малако, мяса, яйкі, - сыравіну для харчовай прамысловасці. Для некаторых галін лёгкай прамысловасці яна пастаўляе воўну, шчацінне, скуры, мех. Развіваецца ў цеснай узаемасувязі з раслінаводствам. Прыроднай асновай развіцця жывёлагадоўлі з’яўляюцца натуральныя заліўныя і сухадольныя лугі, аблогі, балоты, хмызнякі. Іх удзельная вага ў плошчы сельльскагаспадарчых угоддзяў у цэлым па краіне складае 1/3, але яна значна павышаецца ў межах Палескай нізіны. У асобных месцах доля натуральных сенажацяў і пашы складае каля паловы усёй плошчы сельскагаспадарчых угоддзяў, што спрыяе развядзенню буйной рагатай жывёлы і авечкагадоўлі.
Сельская гаспадарка Беларусі мае жывёлагадоўчую спецыялізацыю. На долю гэтай галіны прыпадае больш за 40% прадукцыі сельскай гаспадаркі, але ў таварнай прадукцыі яе доля значна большая (каля 80%) з-за таго, што значная колькасць прадукцыі раслінаводства спажываецца вытворцамі для развіцця жывёлагадоўлі.
У былым СССР Беларусь займала адно з першых месц па вытворчасці жывёлагадоўчай прадукцыі. І цяпер па вытворчасці мяса на душу насельніцтва краіна апярэджвае ўсе былыя саюзныя рэспублікі, а па малаку саступае толькі Літве. У структуры мясной прадукцыі амаль палова прыходзіцца на свініну (мал. 6.33). Больш развіта жывёлагадоўля ў Гродзенскай, Брэсцкай і на захадзе Мінскай абласцей.
Асноўная галіна жывёлагадоўлі – гадоўля буйной рагатай жывёлымалочных і малочна-мясных парод. Ялавічына належыць да каштоўных і найбольш запатрабаваных відаў мясной прадукцыі, таму развядзеннем буйной рагатай жывёлы займаюцца паўсюдна. Аднак шчыльнасць жывёлы ў разліку на 100 га сельскагаспадарчых угоддзяў найбольшая ў Гродзенскай, Брэсцкай і часткова Мінскай абласцях. У гэтых рэгіёнах больш высокія паказчыкі прадукцыйнасці жывёлагадоўлі. Больш за ўсё гадуюць жывёлу чорна-пярэстай пароды малочнага накірунку, якая найбольш прыстасавана да мясцовых умоў.
Існуе пэўная спецыялізацыя ў гадоўлі буйной рагатай жывёлы. На яе ўплываюць асаблівасці кармавой базы. На поўначы Беларусі больш спрыяльныя ўмовы для развіцця мяса-малочнай жывёлагадоўлі, на поўдні – пераважае вытворчасць мяса. Вакол буйных гарадоў гаспадаркі спецыялізуюцца на вырабе малака. На астатняй тэрыторыі малочна-мясны напрамак спалучаецца з мяса-малочным.
У савецкі перыяд створаны буйныя прадпрыемствы па вытворчасці малака і адкорму буйной рагатай жывёлы. Іх цяпер налічваецца больш за 150.
Факт да роздуму: на 100 га сельскагаспадарчых угоддзяў у 2003 г. ва ўсіх катэгорыях гаспадарак прыпадала па 44,2 галавы буйной рагатай жывёлы, атрымана 2,4 т мяса, 52,7 т малака. Найбольшыя прадпрыемствы па вытворчасці малака налічвалі па 800 – 1200 і 2 тыс. галоў, комплексы па адкорме 6 – 10 тыс. галоў буйной рагатай жывёлы.
Другая па значэнні галіна жывёлагадоўлі – свінагадоўля, якая ва ўмовах Беларусі непасрэдна звязана з бульбаводствам і размяшчаецца паўсюдна. На долю свініны прыходзіцца амаль палова вытворчасці мясной прадукцыі. Для галіны характэрна канцэнтрацыя і спецыялізацыя вытворчасці. З 1970-х г. галіна пераводзілася на прамысловую аснову – пабудаваны буйныя высокамеханізаваныя комплексы і ўкаранёна паточна-цэхавая сістэма вытворчасці. На Беларусі налічваецца 100 свінагадоўчых комплексаў і больш за тысячу ферм трох тыпаў.
Свіней адкормліваюць пераважна да мясных і беконных кандыцый. У сярэднім па краіне на 100 га ворыва прыходзіцца 60 галоў свіней, але найбольшая іх шчыльнасць у цэнтральнай і паўднёвай частцы Беларусі. Найбольш танна абыходзіцца вытворчасць свініны ў Віцебскай і Гродзенскай абласцях, дзе да 90% свіней сканцэнтравана на буйных комплексах.
Канцэнтрацыя свінагадоўлі на комплексах прывяла да ўзнікнення экалагічнай праблемы з-за цяжкасцяў ва ўтылізацыі гною.
Факт да роздуму: падлічана, што свінагадоўчы комплекс на 100 тыс. галоў дае адыходаў і шкодных выкідаў у навакольнае асяроддзе як горад з 250-тысячным насельніцтвам (без уліку прамысловасці і транспарту).
Конегадоўляў Беларусі – пераважна племяннога і спартыўнага кірунку. Механізацыя сельскай гаспадаркі рэзка скараціла патрэбы ў цяглавай конскай сіле. Элітныя пароды коней гадуюць на пяці спецыялізаваных конезаводах ў Мінскім, Мсціслаўскім, Веткаўскім, Баранавіцкім і Смалявіцкім раёнах. Спартыўныя пароды коней разводзяць у трох гаспадарках. Да мясцовых умоў найбольш прыстасаваны коні беларускай запражной пароды.
У параўнанні з даваенным перыядам пагалоўе авечак скарацілася ў 20 разоў, з якіх каля 90% прыходзіцца на асабістыя гаспадаркі. Авечкагадоўля мае мяса-воўнавы кірунак. Для кармлення авечак адводзяцца угоддзі з бедным травастоем, а на зіму нарыхтоўваюць сілас і грубы корм. Гадоўля авечак пашырана пераважна ў Гомельскай вобласці.
Высокім узроўнем канцэнтрацыі характарызуецца птушкагадоўля. Буйныя птушкафабрыкі прамысловага тыпу створаны ва ўсіх абласцях, а ў некаторых раёнах (Мінскі, Баранавіцкі) іх некалькі. У аснове інтэнсіфікацыі галіны – паглыбленая спецыялізацыя і канцэнтрацыя пагалоўя птушкі. Ва ўсіх катэгорыях гаспадарак гадуецца больш за 25 млн. галоў курэй, гусей, качак, індычак, цацарак. Гадуюць таксама перапёлак і страусаў. Большую частку яек атрымліваюць на 39 птушкафабрыках. Створаны 3 племзаводы, 5 племянных рэпрадуктараў. Найбольшыя птушкафабрыкі знаходзяцца каля Оршы, Баранавіч, Смалявіч, у Мінску.
Рыбагадоўля як галіна сельскай гаспадаркі ўключае сажалкавае, садовае і індустрыяльнае развядзенне прэснаводнай рыбы. У Беларусі налічваецца больш за 10 тыс. азёр, каля 130 вадасховішчаў, 20,8 тыс. рэк, вялікая колькасць сажалак, многія з якіх прыдатныя для гадоўлі рыбы, але выкарыстоўваюцца ў рыбнай гаспадарцы недастаткова. У сучасны момант працуюць 18 сажалкавых гаспадарак і адна халаднаводная гаспадарка па вырошчванні стронгі, рыбныя сажалкі ў шэрагу сельскагаспадарчых прадпрыемстваў і дапаможных гаспадарках прамысловых прадпрыемстваў.
Адна з маладых галін сельскай гаспадаркі – зверагадоўлязаймаецца гадоўляй каштоўных пушных звяроў (норка, пясец, ліса, нутрыя, трусы і інш.) у клетках. Найбольшыя зверагаспадаркі каля Маладзечна, Баранавічаў, Пінска, Вілейкі, Гродна.
Пчалярстваразвіваецца ў пчалапрадпрыемствах, у фермерскіх гаспадарках і ў значнай колькасці ў пчаляроў-аматараў. Для развядзення пчол і якаснага паляпшэння пчоласем’яў створаны пчолагадавальнікі (Брэсцкі, Баранавіцкі, Гродзенскі). Найбольшыя пчолапрадпрыемствы знаходзяццв каля Мастоў і Шчучына.
Пытанні для самападрыхтоўкі: 1. Які фактар з’яўляецца вызначальным у выбары спецыялізацыі і размяшчэнні асобных галін жывёлагадоўлі? 2. Чаму канцэнтрацыя жывёлагадоўлі на буйных комплексах мае экалагічную рызыку? 3. Чаму заходнія рэгіёны Беларусі вылучаюцца больш высокім узроўнем развіцця асноўных галін жывёлагадоўлі?