Змест рэкламнай дзейнасці

а). Распрацоўка стратэгіі рэкламнай кампаніі (якія віды рэкламы на якіх этапах будуць выкарыстаны);

б). Падрыхтоўка рэкламнай прадукцыі:

- галоўны ідэнтыфіцыруючы знак — лагатып;

- друкаваныя рэкламныя матэрыялы (даведнік, афішы, буклеты, праграмы, запрашальныя білеты і г.д.);

- рэкламныя матэрыялы для сродкаў масавай інфармацыі (артыкулы ў прэсе, рэкламныя ролікі і запісы);

в). Выкарыстанне рэкламы (публічная дэманстрацыя)

- выкарыстанне сродкаў масавай інфармацыі;

- рэкламная дзейнасць у грамадскіх месцах (наклейкі, рэклама на транспарце, лістоўкі).

Падрыхтоўка ўсяго праекта прадугледжвае карпатлівую распрацоўку канкрэтных рэкламных тэкстаў для кожнага прадукта, але ў рамках агульнага канцэпта рэкламнай кампаніі.

Праграма распаўсюджвання рэкламнай прадукцыі азначае ўстанаўленне сувязяў паміж ініцыятыўнай групай і іншымі арганізацыямі, сродкамі масавай інфармацыі, установамі культуры, адукацыі, грамадскімі арганізацыямі і інш. Адна з задач менеджэра па рэкламе з’яўляецца састаўленне спіска месцаў для распаўсюджвання рэкламных матэрыялаў.

Грамадская рэклама мае пэўную стратэгію. Важна выбраць найбольш спрыяльны час для першых публічных дэманстрацый рэкламнага прадукта (рэкламныя ролікі, рэклама ў газетах і да т.п.).

Віды рэкламы

а). Электронная

б). Тэлевізійная

в). Радыё

г). Перыядычны друк

д). Наглядная

е). Вусная

Узроўні рэкламы. Тэрытарыяльны падыход

а). Міжнародная

б). Рэспубліканская

в). Абласная

г). Раённая, мясцовая

Узроўні рэкламы. Часавы падыход

а) Парярэдняя рэклама;

- у INTERNET

- тэле-, радыёрэкламныя ролікі

- інфармацыйныя матэрыялы ў перыядычным друку, спецыяльныя выпускі газет, часопісах.

б). Непасрэдная рэклама:

- on-line трансляцыя (праз INTERNET);

- прамы тэле-, радыёрэпартаж;

- выпуск штодзённай газеты, анонсы;

- наглядная (фотаздымкі).

в). Рэклама-постфактум:

- уражанні гледачоў, удзельнікаў, афіцыйных асоб;

- інфармацыйна–аналітычныя матэрыялы;

- стварэнне дакументальных відэафільмаў.

Выкарыстанне дадатковых форм рэкламы

Пасля першай публічнай дэманстрацыі рэкламуемага прадукта рэкамендуецца ўжыванне дадатковых анімацыйных форм і метадаў. Напрыклад, выстаўка можа суправаджацца музычна-драматычным выступленнем, канцэртнай праграмай, тэатральная пастаноўка — фотавыстаўкай, лекцыяй.

Значны станоўчы эфект, як правіла, дае прамы кантакт з прадстаўнікамі сродкаў масавай інфармацыі. Арганізатары прадастаўляюць для іх карыстання пакет даведачных матэрыялаў: прэс‑рэліз, праграму фестывальных мерапрыемстваў, інфармацыю пра ўдзельнікаў і інш.

Арганізацыя прэс-канферэнцыі

Прэс-канферэнцыя ― гэта рабочая сустрэча прадстаўнікоў кіраўніцтва прадпрыемства (праекта) і сродкаў масавай інфармацыі. Прэс-канферэнцыі арганізуюцца на этапах падрыхтоўкі фестывальных мерапрыемстваў. Пад час іх правядзення шырокаму колу прадстаўнікоў сродкаў масавай інфармацыі асвятляюцца пытанні правядзення фестывальнай акцыі. Своечасовае “пазіцыяніраванне” прэсы іграе значную рэкламную ролю, ад чаго залежыць цікавасць гледачоў да мерапрыемства і яго паспяховасць.

Падрыхтоўка прэс-канферэнцыі ўключае:

1. вызначэнне мэты прэс-канферэнцыі, а таксама яе ўдзельнікаў (як з боку прадпрыемства, так і з боку сродкаў масавай інфармацыі);

2. састаўленне сцэнарыя прэс-канферэнцыі (месца, часу, працягласці і структуры яе правядзення);

3. размеркаванне абавязкаў паміж супрацоўнікамі на перыяд падрыхтоўкі і на час правядзення прэс-канферэнцыі;

4. папярэдняе (за сем-дзесяць дзён) і канчатковае (за адзін-два дні) паведамленне ўсіх удзельнікаў прэс-канферэнцыі пра парадак яе правядзення;

5. арганізацыйна-тэхнічную падрыхтоўку месца правядзення прэс-канферэнцыі.

Ідэалогія прэс-канферэнцыі мае на мэце аказанне на прадстаўнікоў СМІ комплекснага інфармацыйнага ўздзеяння:

а) да пачатку прэс-канферэнцыі (шляхам распаўсюджвання так званага прэс-кіта ― камплекта інфармацыйных матэрыялаў, якія ўтрымліваюць дадатковыя звесткі па тэматыцы прэс-канферэнцыі);

б) у ходзе выступлення ньюз-мэйкера;

в) пры адказах на пытанні;

г) па заканчэнні прэс-канферэнцыі (калі асвятленне вынесеных на прэс-канферэнцыю пытанняў працягваецца ў кулуарах у коле абмежаванай колькасці прадстаўнікоў СМІ, членаў так званага журналісцкага пула, фарміруемага з ліку асоба давераных сродкаў масавай інфармацыі).

Адпаведна на кожным этапе інфармацыйнага ўздзеяння да журналістаў павінны быць данесены розныя “порцыі” інфармацыі. Найбольш каштоўная інфармацыя распаўсюджваецца сярод меншай колькасці прадстаўнікоў СМІ, паколькі “эксклюзіву” не павінна быць многа.

Як правіла, для асвятлення ў ходзе прэс-канферэнцыі выбіраецца адзін-два галоўных інфармацыйных повады і тры-чатыры ― другарадных. Інфармацыю пра галоўную навіну (падзею альбо факт) агучвае ньюз-мэйкер. “Другая” галоўная навіна распаўсюджваецца сярод абмежаванага кола журналістаў, чые дзелавыя якасці не выклікаюць сумненняў у арганізатараў. Другарадная інфармацыя распаўсюджваецца з дапамогай прэс-кіта і ў ходзе адказаў на пытанні.

Прадстаўнікі СМІ “падбіраюцца” згодна наступных крытэрыяў:

1. адпаведнасць профілю сродка масавай інфармацыі тэме прэс-канферэнцыі;

2. узровень лаяльнасці СМІ да прадпрыемства (праекта), яго удзельнікаў і кіраўніцтва.

Існуе правіла не запрашаць на прэс-канферэнцыю прадстаўнікоў СМІ, якія па тых ці іншых прычынах не дастаткова лаяльныя да прадпрыемства (праекта). З імі належыць працаваць у рэжыме рассылкі прэс-рэлізаў, імкнучыся паступова “перацягнуць” на свой бок.

Перад арганізатарамі прэс-канферэнцыі непазбежна паўстаюць наступныя пытанні.

1. Дзе будзе праходзіць прэс-канферэнцыя?

Чым сур’ёзней інфармацыйны повад, тым салідней павінна быць і “арэна” для мерапрыемства. Значныя прэс-канферэнцыі звычайна праводзяцца ў спецыяльна арандуемых і адпаведным чынам абсталяваных канферэнц-залах і дзелавых цэнтрах. Звычайныя прэс-канферэнцыі могуць праводзіцца непасрэдна на прадпрыемствах, ва установах (пакоях для пасяджэнняў, прэс-цэнтрах, актавых залах і да т.п.).

2. Калі будзе праходзіць прэс-канферэнцыя і якая яе працягласць?

Час пачатку работы выбіраецца з улікам графіка работы рэдакцый СМІ, запрошаных на мерапрыемства. Аптымальным часам лічыцца прамежак з 10 да 13 гадзін. У гэтым выпадку паведамленні патрапяць і ў вячэрнюю, і ў ранішнюю прэсу, а таксама ў большасць выпускаў радыё, ТБ і інтэрнэт-выданняў.

Сярод дзён тыдня найменш удалымі для правядзення прэс-канферэнцый лічацца панядзелак і пятніца. Так, у першы дзень працоўнага тыдня інфармацыйны паток значна павялічвацца і не выключана, што паведамленне пра прэс-канферэнцыю можа прайсці незаўважаным. У перадвыходны дзень інтарэс грамадскасці да радавых навін зніжаецца.

Агульная працягласць прэс-канферэнцыі можа быць ад 30–40 да 90–120 мінут. Яе структура наступная:

Уступная частка – 5–10 хвілін― выкарыстоўваецца для кароткага слова вядучага прэс-канферэнцыі і ўключае фармальнае вітанне ўдзельнікаў, аб’яву парадку работы і прадстаўленне ўдзельнікаў прэс-канферэнцыі.

Наступныя 10–15 хвілін даюцца для выступлення ньюз-мейкера. Гэта, па сутнасці, афіцыйнае вуснае заяўленне арганізатараў.

Наступныя 20–60 хвілін прызначаны для пытанняў і адказаў на іх. Пытанні і адказы павінны быць, па магчымасці, кароткімі і не ператварацца ў дыскусію. Цэнтральную ролю на гэтым этапе іграе вядучы.

Паслядоўнасць прадастаўлення слова прадстаўнікам СМІ належыць вызначыць і аб’явіць папярэдне. Да прыкладу, можна выбіраць журналістаў з розных радоў (сектароў) залы або сыходзячы з паслядоўнасці акрэдытацыйнага спіса і да т.п. Важна, каб зацверджаны парадак не парушаўся.

Каб больш поўна асвятліць інфармацыю, можна выкарыстоўваць “хатнія загатоўкі” у форме запісак з пытаннямі і прадастаўлення слова знаёмым журналістам (аб чым з імі дамаўляюцца папярэдне).

Звычайна за гадзіну магчыма атрымаць адказы на 15–25 пытанняў.

Заключная частка прэс-канферэнцыі ―10–30 хвілін ― звычайна праходзіць ў іншым (меншым) памяшканні пры ўдзеле журналісцкага пула. Прадастаўленне інфармацыі, якая носіць “закрыты” характар, адбываецца ў меней фармальных умовах і даецца журналістам у падкрэслена давяральнай форме, як быццам “па сакрэту”.

3. Як размяркоўваюцца абавязкі ў працэсе падрыхтоўкі і правядзення канферэнцыі?

Размеркаванне абавязкаў паміж супрацоўнікамі адбываецца на рабочай нарадзе і замацоўваюцца ў адпаведным плане. Ключавымі фігурамі прызначаюцца вядучы і ньюз-мэйкер. Каб пазбегнуць непрадбачаных абставін, мэтазгодна прызначыць “дублёраў”.

Акрамя названых асоб, прызначаюцца:

• адказныя (1–2) за падрыхтоўку і распаўсюджванне на прэс-канферэнцыі дадатковых PR-матэрыялаў;

• супрацоўнік, выконваючы агульныя адміністратыўныя функцыі (кантроль за падрыхтоўкай памяшкання, яго абсталяванне, арганізацыю сустрэчы удзельнікаў і іх провады і да т.п.).

4. Якое арганізацыйна-тэхнічнае забеспячэнне месца правядзення прэс-канферэнцыі?

Узровень арганізацыйна-тэхнічнага забеспячэння падобных мерапрыемстваў уважліва ацэніваецца прадстаўнікамі СМІ, таму гэтаму аспекту належыць надаваць адпаведную ўвагу.

Рыхтуюцца:

а) рабочыя месцы прадстаўнікоў кіраўніцтва (сталы, крэслы, асноўныя і запасныя мікрафоны, таблічкі і бэджы з персанальнымі звесткамі пра ўдзельнікаў, інфармацыйныя матэрыя для паведамленняў і адказаў на пытанні, сродкі сувязі, сродкі візуалізацыі, канцылярскія прыналежнасці, мінеральная вада, стаканы і інш.);

б) індывідуальныя рабочыя месцы прадстаўнікаў СМІ (крэслы, мікрафоны, дадатковыя і даведачныя інфармацыйныя матэрыялы, канцылярскія прыналежнасці і інш.);

в) калектыўныя рабочыя месцы прадстаўнікоў СМІ (прылады для размяшчэння тэле- і відэакамер, сталы для размяшчэння аўдыязапісываючай апаратуры ― дыктафонаў, сілкавальных пунктаў, месцы для размяшчэння пераносных камп’ютараў і інш.);

г) індывідуальнае рабочае месца вядучага прэс-канферэнцыі (стол, крэсла, сродкі мабільнай сувязі, пераносны камп’ютар, усе інфармацыйныя матэрыялы ― дубліруючы камплект, спіс удзельнікаў, пералік асноўных і дадатковых пытанняў, рэгламент работы, канцылярскія прыналежнасці і да т.п.);

д) сцэна (асвятляльная і гукавая апаратура, элементы афармлення ― эмблема прадпрыемства-арганізатара, сцягі, інфармацыйныя табло, стэнды, вазы з кветкамі і да т.п.).

Удзельнікам прэс-канферэнцыі павінны быць забяспечаны і іншыя ўмовы для эфектыўнай работы. У непасрэднай блізкасці ад памяшкання, у якім праводзіцца прэс-канферэнцыя, павінны быць:

• вестыбюль, гардэроб;

• туалетныя памяшканні і месцы для курэння;

• буфет.

Арганізатарам прэс-канферэнцыі належыць у канцы мерапрыемства нефармальна падзякаваць прадстаўнікоў СМІ за ўдзел, прапанаваўшы не толькі “часцей сустракацца”, але і выказаць уражанні аб мерапрыемстве па “гарачай” тэлефоннай лініі або пісьмова.

Практычныя заняткі

Знаёмства з відамі рэкламна-інфармацыйнай прадукцыі фестывальных мерапрыемстваў.