5.2. Нарматыўна-тэхнічныя і тэхнічныя дакументы
Аб'ектам бібліяграфічнага запісу з'яўляюцца наступныя апублікаваныя нарматыўна-тэхнічныя і тэхнічныя дакументы:
– нарматыўна-тэхнічныя дакументы па стандартызацыі;
– тэхніка-эканамічныя нарматывы і нормы, прэйскуранты;
– патэнтныя дакументы;
– тыпавыя праекты і чарцяжы;
– прамысловыя каталогі.
Нарматыўна-тэхнічныя дакументы па стандартызацыі
Да нарматыўна-тэхнічных дакументаў па стандартызацыі адносяцца міждзяржаўныя, дзяржаўныя, замежныя стандарты і тэхнічныя ўмовы.
Нарматыўна-тэхнічны дакумент па стандартызацыі – дакумент, які ўстанаўлівае комплекс нормаў, правіл, патрабаванняў, абавязковых для выканання ў пэўных галінах дзейнасці, распрацаваны ў парадку, які ўстаноўлены і зацверджаны кампетэнтным органам.
Вядомы наступныя катэгорыі НТД па стандартызацыі:
– дзяржаўныя стандарты Беларусі – СТБ;
– міждзяржаўныя стандарты – ДАСТ (ГОСТ);
– міжнародныя стандарты – (ISO, MЭК);
– нацыянальныя стандарты замежных краін у тым ліку краін СНД – (ГОСТ Р).
Аб'ектам складання бібліяграфічнага запісу з'яўляюцца нарматыўна-тэхнічны дакумент па стандартызацыі, выдадзены асобна, зборнік дакументаў, а таксама састаўная частка зборніка.
Бібліяграфічны запіс на нарматыўна-тэхнічныя дакументы складаецца пад загалоўкам ці пад назвай. Загаловак на нарматыўна-тэхнічныя дакументы складаецца ў адпаведнасці з ГОСТ 7.80 – 2000. Библиографическая запись. Заголовок. Общие требования и правила составления [19]. Падрабязна аб гэтым сказана ў раздзеле 3.4. “Загаловак бібліяграфічнага запісу”.
Дадаткова да бібліяграфічных звестак, прыведзеных у бібліяграфічным запісе, могуць быць указаны прадстаўленыя ў дакуменце класіфікацыйныя індэксы, геаграфічны вызначальнік па УДК (у круглых дужках), назва краіны.
Крыніцай бібліяграфічных звестак з'яўляецца нарматыўна-тэхнічны дакумент па стандартызацыі ў цэлым, уключаючы яго асноўныя элементы, якія выкарыстоўваюцца ў наступным парадку: тытульны ліст, вокладка (пераплёт), дадатак, інфармацыйныя даныя.
Схема бібліяграфічнага запісу
НТД па стандартызацыі
-
(Геаграфічны вызначальнік) Назва краіны
Загаловак
Асноўная назва [Агульнае абазначэнне матэрыя-
лу] = Паралельная назва: звесткі, якія адносяцца да на-
звы. –Звесткі аб выданні. – Вызначэнне дакумента, які
раней дзейнічаў; дата ўвядзення і тэрмін дзеяння
дакумента. – Месца выдання: Выдавецтва ці арганіза-
цыя,якая выдае, дата выдання. – Аб'ём: ілюстрацыі. –
(Асноўная назва серыі).
Заўвагі.
Індэкс УДК
Шыфр групы па МКС
Код ДРНТІ
Бібліяграфічны запіс пад загалоўкам абавязковы для прымянення ў спецыяльных каталогах нарматыўна-тэхнічных дакументаў па стандартызацыі.
Загаловак запісу на дакументы па стандартызацыі складаецца з абазначэння віду дакумента, лічбавага ці літарнага абазначэння міністэрства (ведамства), галіны, рэгістрацыйнага нумара, года зацвярджэння дакумента, а таксама можа ўключаць звесткі аб адносінах да экспертнай прадукцыі.
ГОСТ 7.82–2001
СТБ 7.12–2001
Агульнае абазначэнне матэрыялу ўказваецца па агульных правілах.
Издания.Международная стандартная нумерация книг [Текст]
Звесткі, якія адносяцца да назвы, уключаюць даныя, якія змяшчаюць дадатковую характарыстыку.
Дапускаецца асобна выдадзены стандарт апісваць пад назвай. У гэтым выпадку ў звестках, якія адносяцца да назвы, указваюць абазначэнне дакумента (СТБ, ТУ і г. д.); абрэвіятуру і лічбавую частку.
Пошук і распаўсюджванне інфармацыі. Тэрміны і азначэнні
[Тэкст]: СТБ 7.73 – 2002
У звестках аб выданні, як правіла, прыводзяць даныя аб перавыданні дакумента з указаннем даты перавыдання, змяненняў (калі яны былі) і афіцыйнай крыніцы, у якой апублікавана змяненне.
Переизд. Май 2001 с Изм. 1 (ИУС. 1999. № 2)
Звесткі аб парадкавым нумары выдання прыводзяць па агульных правілах.
3-е выд.
Звесткі аб тым, што выданне з’яўляецца афіцыйным, у апісанні (БЗ) не прыводзяць.
Вобласць спецыфічных звестак змяшчае даныя аб тым, узамен якіх дакументаў уведзены дакумент (Узамен СТБ 7.12.95), а таксама звесткі аб часе ўвядзення і тэрміне яго дзеяння.
Уведз. 2002-01-01
Паміж сабой гэтыя звесткі аддзяляюцца кропкай з коскай ( ; ).
Калі ўказаны канчатковы тэрмін дзеяння, звесткі прыводзяць па форме: “Уведз. з …да …”
Вобласці выхадных даных, фізічнай характарыстыкі, серыі, заўвагі, стандартнага нумара (або яго альтэрнатывы) і ўмоў да- ступнасці прыводзяць па агульных правілах.
Бібліяграфічны запіс на стандарт пад загалоўкам
-
ГОСТ 7.80 – 2000.
Библиографическая запись. Заголовок. Общие требования и правила составления [Текст]. – Введ. 2001-11-01. – Мн.: Межгос. совет по стандартизации, метрологии и сертификации, 2001. – 8 с. – (Система стандартов по информации, библиотечному и издательскому делу).
УДК 006.034:025.32:006.354
СТБ ИСО 14596 –2002.
Нефтепродукты. Определение содержания серы методом рентгеновской флюоресцентной спектрометрии [Текст] = Нафтапрадукты. Вызначэнне ўтрымання серы метадам рэнтгенаўскай флюарэсцэнтнай спектраметрыі = Petroleum products. Determination of sulfur content of method x–ray fluorescence spectrometry. – Введ. 01.07.03. –Мн.: Госстандарт Беларуси: БелГИСС, 2003.–12с.
УДК [03 – 828 л] 665.71:543.427:
543.632.461(083.74)
-
СТБ 7.73 – 2002.
Пошук і распаўсюджванне інфармацыі. Тэрміны і азначэнні[Тэкст] = Поиск и распространение информации. Термины и определения = Retrieval and dissemination of information. Terms and definitions. – Уведз.2003-07-01. – Мн.: Дзяржстандарт Беларусі: БелДІСС, 2003. – 10 с. – (Сістэма стандартаў па інфармацыі, бібліяграфічнай і выдавецкай справе).
УДК [002.5 + 001.4 + 004] (083.74)
На зборнік стандартаў бібліяграфічны запіс складаецца як на кнігу ці асобна выдадзены дакумент.
Апісанне мнагатомнага зборніка прыводзяць па агульных правілах з улікам спецыфікі выдання. Неабходна ўлічваць, што многаўзроўневае апісанне складаецца пад назвай незалежна ад таго, ці паказана на тытульным лісце (вокладцы) вызначэнне дакумента.
Дапускаецца апісанне састаўной часткі зборніка стандартаў і тэхнічных умоў.