- •Гісторыя беларускай літаратуры Аўтар: дацэнт Федарцова т.М. Агульная колькасць лекцый – 17
- •Сімвалізм Кірылы Тураўскага
- •У вязніцы трыманы
- •Беларуская Літаратура перыяду барока
- •«Што, быдлё, ты мармочаш?
- •Мемуарная літаратура
- •Лекцыя 4. Беларуская літаратура эпохі асветніцтва
- •Жанрава-стылёвыя асаблівасці творчасці рамантыкаў
- •Вершаваныя быліцы як жанр літаратуры XIX стагоддзя
- •Пустадомнай птушцы і свой дом нямілы
- •Асаблівасці творчасці францішка багушэвіча
- •Інтэлектуалізм у творчасці янкі лучыны
- •Літаратура пачатку хх стагоддзя
- •Да праблемы станаўлення класічнага верша ў творчасці багдановіча
- •Зіхаціць шыпшына. [1, т.1, с. 80]
- •Адгадайце ж, людзі,
- •Літаратура
- •Мадэрнізм як літаратурна-эстэтычная з’ява. Мадэрнізм на Беларусі, яго адметнасць
- •2. Ідэйна-тэматычныя і вобразныя аспекты вершаванных твораў аўтара
- •Прыёмы стварэння сатырычнага эфекту ў творчасці андрэя мрыя
- •Лекцыя 14 Тэма: “беларуская паэзія у першай трэці хх стагоддзя”
- •Літаратура
- •Творчасць уладзіміра караткевіча
- •Дадатковая літаратура па тэме “Сучасная беларуская проза” карнавальны аспект творчасці в. Казько (на матэрыяле аповесці “Выратуй і памілуй нас, чорны бусел”)
- •Літаратура
- •Літаратура
- •ТВорчасць янкі сіпакова ў кантэксце літаратурнага працэсу хх стагоддзя
- •Дадатковая літаратура па тэме “сучасная беларусная паэзія” агульначалавечыя матывы ў творчасці янкі сіпакова, янкі купалы і максіма танка
- •Элегія і яе разнавіднасці ў паэзіі анатоля сербантовіча.
- •Літаратура
- •Грамадзянская пазіцыя якуба коласа паводле эпісталярнай спадчыны
- •Літаратура
Інтэлектуалізм у творчасці янкі лучыны
Сапраўдная лірыка, на думку Бахціна, “гэта магчымасць бачыць і чуць сябе знутры эмацыянальнымі вачыма і ў эмацыянальным голасе іншага”. Для каго ж свяціла паэтычнае сонца Янкі Лучыны? Хто ж тыя “іншыя”, чый слых і густ імкнуўся задаволіць ўзвышана-пранікнёны паэтычны радок творцы? Хто мяркуемыя рэцыпіенты? Селянін, інтэлегент, мешчанін, шляхціц?
На каго, скажам, разлічаны Лучынаўскія радкі з верша “З гісторыі жыцця і песні”
Калі чытаў я Шылера чынна
Альбо мне чуўся Альдонін спеў,
Я верыў шчыра ў геройства ўчынкаў,
Ў палёт кахання, у шляхетны гнеў.
Наўрад ці многія ведалі тады спадчыну Шылера. А вось наш аўтар браў для сябе за ўзор працу нямецкага паэта і тэарэтыка мастацтва “Пра наіўную і сентыментальную паэзію”, а таксама ягоны “Ліст да Вальфганга фон Гёте”, ведаў спеўны Шылераўскі паэтычны родок таму і дзяліўся з чытачом сваім эстэтычным густам, нібы прапануючы: “Пачытайце, шаноўныя, Шылера ў роспачы і ў добрым настроі, адным словам, пачытайце!”
А хто ж такая Альдона, чыім спевам так зачарованы наш аўтар? Ды гэта ж гераіня паэмы Адама Міцкевіча “Конрад Валенрод”. Такім чынам, аўтар не толькі прэзентуе свайму Чытачу ўласны верш, але знаёміць нас са спадчынай яшчэ аднаго знакамітага паэта, на гэты раз нашага земляка. У гэтым жа вершы Янка Лучына параўноўвае сваю каханую з Беатрычэ Партынары – рэальнай жанчынай, каханне да якой натхніла вялікага італьянскага паэта Дантэ Аліг’еры да напісання ўзвышаных санетаў і канцонаў яшчэ ў пачатку 90-х гадоў ХШ стагоддзя. А ці не намёк гэта на знаёмства з творчасцю яшчэ аднаго знакамітага паэта? Хаця Беатрычэ Лучыны больш літасцівая да свайго каханага. Бо ў роспачны час яна маральна падтрымлівае паэта:
Калі пабачыў жаху аблічча
І рэштку хвіляў пачаў лічыць,
Багіня зноў, мая Беатрычэ,
Прыйшла і кажа змагацца, жыць.
“Глянь!—кажа пані—
Ў душу не горка,
У прорве, ў твані
Бліскоча зорка,
Яна лагодней
Табе заззяла,
Была паходняй
І ідэалам.
Радкі гэтыя напісаны чалавекам, якога спасцігла фізічная немач, але моц яго духу, воля, няўёмнае жаданне да жыцця паказваюць выхад – быць паходняй і ідэалам для многіх, таму і рэцэпт ад роспачы ў яго адзін: “За кнігу сеў я, / Забыўшы пешчы”, -адзначыць аўтар. І палілася песня тугі і радасці, песня на роднай мове:
Мая ты песня простая дужа!
Дзіцятка вёскі з берага Нёмана.
Вось так пяшчотна звяртаецца да вытокаў сваёй творчасці Янка Лучына. А каму адрасаваныя гэтыя песні, таксама не сакрэт:
Люблю цябе, селянін, мой браце!
З тваёю думкай хоць невясёлай...
Калі супаставіць інтэлектуальныя намаганні аўтара, то адчуваеш, што няма парадоксу ў асветніцкіх дзеях паэта, бо аўтар разлічваў на разуменне яго твораў сваім Чытачом, не залежна хто ён па сацыяльнаму статусу, галоўнае, каб гэта быў разумны і дасведчаны чалавек. Таму ў яго творах гучаць частыя звароты да многіх тагачасных славутасцяў. Напрыклад, у “Паляўнічых акварэльках з Палесся” ён упамінае імя нямецкага філосафа-ідэаліста Артура Шапенгаўэра, з вучэннем якога не быў згодзен і нават выказваў свае супярэчнасці. Не хавае паэт сваіх адносінаў і ў памянёнай вышэй паэме:
Паверым, шчасце заквітнее на зямлі,
Шумець там жыту, дзе балоты век былі.
Палескай простай грамады нашчадкі ў хатах
За стол шырокі сядуць у бяседзе братняй,
Нарэшце скажуць “Шчасце і да нас прыйшло!”
Паверым шчыра! Шапенгаўэру назло!..
Сам жа Янка Лучына, тэхнолаг па адукацыі, як бачым, меў цудоўную гуманітарную падрыхтоўку. Ён добра ведаў гісторыю і філасофію, антычную і сярэдневяковую літаратуру, паважна ставіўся да прац гісторыка Салаўёва, літаратурна-крытычнай спадчыны Гётэ. Але ж не мог ён пазбегнуць і прапаганды тэхнічнага прагрэсу. Бо ў тых жа “Паляўнічых акварэльках з Палесся” мы чытаем і наступныя радкі:
Ідзе да люду поступ, хай ідуць і людзі,
Гудок фабрычны кліча, паравозы будзяць,
Свет белы абягае тэлеграф ганцом,
Развееў цемру Томас Эдысан святлом.
І не відаць акрэсу, нас куды загоніць
Навукі грунт і моц мазолістай далоні!.
Ода навуковаму прагрэсу падаецца поруч з расповедам аб...Куцці, свяце якое па тлумачэнні самога аўтара, шануецца на Літве. І тут Янка Лучына верны сабе ў асветніцкіх намаганнях, бо ў сваім тлумачэнні сягае аж да часоў Паганства, калі і ставіліся ўсе прысмакі каля Кута – драўлянага бажка, затым Кут, як ідал пакланеня, замяніў звычайны кут хаты. Такі лінгвістычны экскурс у гісторыю узнікнення слова кут робіць наш аўтар паралельна з разгортваннем цікавага сюжэту пра хараство палявання.
Вось такі ён, непаўторны, цікавы аўтар-эрудыт Янка Лучына. Спадчына якога яшчэ чакае свайго грунтоўнага вывучэння і пераасэнсавання. І толькі невукі могуць сцвярджаць: “А што там за постаці ў беларускай літаратуры?! Колькі іх там?!” І постацей у нас шмат, і спадчына іх непаўторная. Ды толькі ці запатрабаваная яна намі, спадкаемцамі, дастаткова. Давайце пра гэта падумаем разам і шчыра.
Лекцыя 9