- •Прыкладны пералік пытанняў па педагогіцы да комплекснай кантрольнай работы
- •Даказаць, што педагогіка - гэта навука.
- •Ахарактарызаваць сістэму педагагічных навук.
- •3.Даць характарыстыку інфармацыйнай гадзіне як асноўнай форме палітычнага выхавання школьнікаў.
- •Ахарактарызаваць фактары развіцця і фарміравання асобы.
- •Ахарактарызаваць асноўныя структурныя элементы урока.
- •6. Сфармуліраваць і ахарактарызаваць мэты педагагічнай дзейнасці і мэту выхавання.
- •7. Раскрыць сутнасць дыдактыкі як тэорыі адукацыі і навучання.
- •8. Раскрыць сутнасць працэсу навучання, яго функцыі і структуру.
- •9. Назваць дакументы, якія вызначаюць змест школьнай адукацыі. Даць характарыстыку вучэбнай праграме.
- •10. Сфармуліраваць сістэму прынцыпаў навучання ў педагогіцы.
- •11. Даць характарыстыку славесным метадам навучання (расказ, гутарка, тлумачэнне).
- •12. Раскрыць сутнасць і ўмовы выкарыстання наглядных метадаў навучання.
- •13. Даць кароткую характарыстыку практычным метадам навучання (практыкаванні, практычныя і лабараторныя работы).
- •14. Даць характарыстыку ўроку як асноўнай форме арганізацыі вучэбных заняткаў у школе. Вызначыць тыпы ўрокаў.
- •15. Апісаць асаблівасці падрыхтоўкі настаўніка да ўрока.
- •16. Раскрыць сутнасць дамашняй самастойнай работы вучняў.
- •17. Ахарактарызаваць віды кантролю вучэбных дасягненняў школьнікаў.
- •18. Ахарактарызаваць метады вуснага кантролю ведаў (франтальнае, індывідуальнае, камбінаванае апытванне).
- •19. Вызначыць асаблівасці выхавання як састаўной часткі цэласнага педагагічнага працэсу.
- •20. Раскрыць сутнасць паняццяў “заканамернасці” і “прынцыпы” выхавання. Растлумачыць узаемасувязь паміж імі.
- •21. Раскрыць сутнасць метадаў выхавання. Растлумачыць іх класіфікацыю.
- •22. Раскрыць сутнасць і прызначэнне метадаў фарміравання свядомасці асобы (этычная гутарка, расказ на этычную тэму, растлумачэнне, прыклад) .
- •23. Ахарактарызаваць метады стымулявання паводзін і дзейнасці: заахвочванне, пакаранне, спаборніцтва.
- •24. Раскрыць сутнасць і прызначэнне метадаў арганізацыі дзейнасці.
- •25. Вызначыць сутнасць, прыкметы і шляхі фарміравання калектыву.
- •26. Даць кароткую характарыстыку структурным кампанентам светапогляду.
- •27. Вызначыць задачы і змест маральнага выхавання школьнікаў.
- •28. Раскрыць сутнасць, задачы і сродкі эстэтычнага выхавання школьнікаў.
- •29. Ахарактарызаваць сістэму работы сучаснай школы па працоўным выхаванні школьнікаў.
- •30. Ахарактарызаваць сістэму фізічнага выхавання ў сучаснай школе.
- •31. Вызначыць формы работы школы з сям’ёй. Ахарактарызаваць бацькоўскісход як найбольш распаўсюджаную форму работы школы з сям’ёй.
26. Даць кароткую характарыстыку структурным кампанентам светапогляду.
У агульным плане светаполгяд уяўляе сабой спецыфічную форму свядомасці чалавека, яго погляды на навакольны свет і сваё месца ў гэтым свеце. У гэтым сэнсе пад светапоглядам патрэбна разумець спецыфічную форму свядомасці чалавека, якая ўключае ў сябе абагульненую стстэму яго ведаў, поглядаў, перакананняў і ідэалаў, у якіх праяўляюцца яго адносіны да развіцця прыроды і грамадства і якія вызначаюць яго грамадска-палітычную і маральна-эстэтычную пазіцыю і паводзіны ў рохзных сферах жыцця.
У якасці важнейшых структурных кампенентаў выступаюць : а) сістэма ведаў;
б) погляды; в) перакананні; г) ідэалы чалавека.У сваю чаргу ўказаныя структурныя кампаненты светапогляду можна падзяліць на аб’ектыўныя (веды) і суб’ектыўныя (погляды,перакананні і ідэалы).
Веды як аб’ектыўны кампанент светапогляду ўяўляюць сабой сістэму навуковых ісцін, якія маюць форму апісальна-канстатуючага меркавання асобы. Авалодванне навуковымі ведамі стварае аснову для выпрацоўкі навуковага светапогляду. Але вядома і іншае: асобныя людзі выдзялюцца сваёй навуковасцю, але не заўсёды маюць правільны светапогляд. Значыць, веды самі па сабе не заўсёды вызначаюць светапогляд чалавека. Для таго, каб веды садзейнічалі фарміраванню і развіццю светапогляду, яны павінны набыць для чалавека суб’ектыўны сэнс, або перайсці ў яго погляды і перакананні, зрабіцца асновай выпрацоўкі яго ідэалаў.
Погляд ёсць меркаванне, суб’ектыўны вывад чалавека, які звязаны з тлумачэннем тых ці іншых прыродных і сацыяльных з’яў, выяўленне ім сваіх адносін да гэтых з’яў. Погляды маюць вялікае значэнне для светаразумення чалавека і аказваюць той ці іншы ўплыў на яго паводзіны. Але прамы пераход ад поглядаў і ацэначных меркаванняў да ўчынкаў адбываюцца не заўсёды. Іншы раз у чалавека погляды і ацэначныя меркаванні бываюць правільнымі, але яны не падмацоўваюцца адпаведнымі дзеяннямі і ўчынкамі.
У гэтым сэнсе больш дзейсным кампанентам светапогляду чалавека з’яўляюцца перакананні. Перакананне – гэта тое, што чалавек глыбока асэнсаваў і перажыў эмацыянальна і што ён гатовы адстойваць і абараняць у любых умовах. Змяненне перакаанняў – гэта змяненне ўстановак і накіраванасці асобы. Разам з тым устойлівасць перакананняў ёсць несумненная вартасць чалавека, бо дзякуючы ёй асоба сама адчувае сябе і ўяўляе для іншых пэўную цэласнасць, каштоўнасць і індывідуальнасць. Калі ў чалавека няма ўстойлівых перакананняў, то ён знаходзіцца пад чыім-небудзь уплывам, кідаецца ў крайнасці, гатовы ісці за любым авантурыстам, калі ён прапануе хуткае і простае вырашэнне праблемы.
Арганічным кампанентам светапогляду з’яўляюцца ідэалы асобы. Ідэал – гэта асэнсаванне і эмацыянальнае прыняцце вышэйшай дасканаласці ў чым-небудзь, тое, што становіцца мэтай дзейнасці, жыццёвым імкненнем асобы. У ідэалах увасабляюцца лепшыя чалавечыя рысы, якія становяцца стымулам і рэгулятарам развіцця і фарміравання асобы. У якасці ідэалаў выступаюць прыклады выдатных людзей, жыццё і дзейнасць якіх напоўнены героікай подзвігаў у служэнні Бацькаўшчыне, навуцы, грамадскаму прагрэсу.
Светапогляд уяўляе сабой сукупнасць ідэй, тэарэтычных прынцыпаў і каштоўнасных арыентацый, якія вызначаюць змест, накірункі і характар яго дзейнасці.