- •Прыкладны пералік пытанняў па педагогіцы да комплекснай кантрольнай работы
- •Даказаць, што педагогіка - гэта навука.
- •Ахарактарызаваць сістэму педагагічных навук.
- •3.Даць характарыстыку інфармацыйнай гадзіне як асноўнай форме палітычнага выхавання школьнікаў.
- •Ахарактарызаваць фактары развіцця і фарміравання асобы.
- •Ахарактарызаваць асноўныя структурныя элементы урока.
- •6. Сфармуліраваць і ахарактарызаваць мэты педагагічнай дзейнасці і мэту выхавання.
- •7. Раскрыць сутнасць дыдактыкі як тэорыі адукацыі і навучання.
- •8. Раскрыць сутнасць працэсу навучання, яго функцыі і структуру.
- •9. Назваць дакументы, якія вызначаюць змест школьнай адукацыі. Даць характарыстыку вучэбнай праграме.
- •10. Сфармуліраваць сістэму прынцыпаў навучання ў педагогіцы.
- •11. Даць характарыстыку славесным метадам навучання (расказ, гутарка, тлумачэнне).
- •12. Раскрыць сутнасць і ўмовы выкарыстання наглядных метадаў навучання.
- •13. Даць кароткую характарыстыку практычным метадам навучання (практыкаванні, практычныя і лабараторныя работы).
- •14. Даць характарыстыку ўроку як асноўнай форме арганізацыі вучэбных заняткаў у школе. Вызначыць тыпы ўрокаў.
- •15. Апісаць асаблівасці падрыхтоўкі настаўніка да ўрока.
- •16. Раскрыць сутнасць дамашняй самастойнай работы вучняў.
- •17. Ахарактарызаваць віды кантролю вучэбных дасягненняў школьнікаў.
- •18. Ахарактарызаваць метады вуснага кантролю ведаў (франтальнае, індывідуальнае, камбінаванае апытванне).
- •19. Вызначыць асаблівасці выхавання як састаўной часткі цэласнага педагагічнага працэсу.
- •20. Раскрыць сутнасць паняццяў “заканамернасці” і “прынцыпы” выхавання. Растлумачыць узаемасувязь паміж імі.
- •21. Раскрыць сутнасць метадаў выхавання. Растлумачыць іх класіфікацыю.
- •22. Раскрыць сутнасць і прызначэнне метадаў фарміравання свядомасці асобы (этычная гутарка, расказ на этычную тэму, растлумачэнне, прыклад) .
- •23. Ахарактарызаваць метады стымулявання паводзін і дзейнасці: заахвочванне, пакаранне, спаборніцтва.
- •24. Раскрыць сутнасць і прызначэнне метадаў арганізацыі дзейнасці.
- •25. Вызначыць сутнасць, прыкметы і шляхі фарміравання калектыву.
- •26. Даць кароткую характарыстыку структурным кампанентам светапогляду.
- •27. Вызначыць задачы і змест маральнага выхавання школьнікаў.
- •28. Раскрыць сутнасць, задачы і сродкі эстэтычнага выхавання школьнікаў.
- •29. Ахарактарызаваць сістэму работы сучаснай школы па працоўным выхаванні школьнікаў.
- •30. Ахарактарызаваць сістэму фізічнага выхавання ў сучаснай школе.
- •31. Вызначыць формы работы школы з сям’ёй. Ахарактарызаваць бацькоўскісход як найбольш распаўсюджаную форму работы школы з сям’ёй.
27. Вызначыць задачы і змест маральнага выхавання школьнікаў.
Кожны чалавек з’яўляецца членам сацыяльнай сістэмы і знаходзіцца ў мностве грамадскіх і асабістых сувязей. Каб быць пэўным чынам арганізаваным і ў той або іншай меры ўзгадняць сваю дзейнасць з іншымі людзьмі яму неабходна падпарадкоўвацца пэўным нормам, правілам і патрабаванням. Рэгулюючую функцыю паводзін чалавека ў грамадстве выконваюць прававыя нормы (розныя пастановы дзяржаўных органаў, уставы, інструкцыі, указанні, распараджэнні афіцыйных асоб) і мараль, або маральнасць.
Мараль як форма грамадскай свядомасці ёсць сукупнасць правіл, патрабаванняў і норм, якія грамадства прад’яўляе да чалавека, і якія рэгулююць адносіны і ўзаемадзеянне паміж людзьмі.
Такім чынам, маральнае выхаванне – гэта мэтанакіраванае і сістэматычнае ўздзеянне на свядомасць, пачуцці і паводзіны выхаванцаў з мэтай фарміравання ў іх маральных якасцей, якія адпавядаюць патрабаванням грамадскай маралі. Як вынік маральнага выхавання выступае маральнасць асобы.
Маральнасць чалавека – сукупнасць яго свядомасці, навыкаў і звычак паводзін, звязаных з рэальным выкананнем гэтых норм, правіл і патрабаванняў. У нормах, правілах і патрабаваннях маралі адлюстроўваюцца тыя маральныя адносіны, якія павінны вызначаць паводзіны і дзейнасць асобы ў розных сферах жыцця.
Маральнае выхаванне ажыццяўляецца толькі ў працэсе ўключэня вучняў у разнастайныя віды практычнай дзейнасці і арганізацыі яе такім чынам, каб яна садзейнічала фарміраваню ў іх станоўчых маральных адносін і асобасных якасцей.
Асноўныя задачы маральнага выхавання:
1. Фарміраванне маральнай свядомасці.
2. Выхаванне і развіццё маральных пачуццяў.
3. Выпрацоўка ўменняў і звычак маральных паводзін (заключаецца ў фарміраванні ў вучняў пасродкам спецыяльных практыкаванняў культуры паводзін).
4. Выхаванне маральных якасцей.
Каб ажыццяўляць маральнае выхаванне , неабходна ведаць змест тых адносін, на аснове якіх адбываецца фарміраванне адпаведных асобасных якасцей. Гэты змест уключае ў сябе:
адносіны да палітыкі дзяржавы, да радзімы, іншых краін і народаў (грамадзянскасць, патрыятызм, павага да іншых народаў);
адносіны да працы (працавітасць, дысцыпліна працы, актыўнасць, ініцыятыўнасць);
адносіны да грамадскага здабытку, матэрыяльных каштоўнасцей і прыроды (беражлівасць, экалагічная культура);
адносіны да людзей (калектывізм, гуманнасць, таварыскасць);
адносіны да сябе (праўдзівасць, прынцыповасць, сціпласць, чэснасць, стыманасць).
У рамках кожнай групы адносін фарміруюцца пэўныя маральныя якасці. Змест маральнага выхавання вызначаецца Канцэпцыяй бесперапыннага выхавання дзяцей і навучэнскай моладзі ў Рэспубліцы Беларусь, агульнымі мэтамі выхавання, мараллю грамадства і адлюстраваны ў Праграме выхавання дзяцей і навучэнскай моладзі ў Рэспубліцы Беларусь.
28. Раскрыць сутнасць, задачы і сродкі эстэтычнага выхавання школьнікаў.
Паняцце “эстэтычнае выхаванне” цесна звязана з тэрмінам “эстэтыка”, які абазначае навуку аб прыгожым. Само слова “эстэтыка” утвараецца ад грэчаскага (aesthesis), што ў перакладзе азначае адуванне, пачуццё. Таму ў агульным плане эстэтычнае выхаванне ўяўляецца як працэс фарміравання пачуццяў у галіне прыгожага. У эстэтыцы ўсё прыгожае звязана з мастацтвам, з мастацкім адлюстраваннем рэчаіснасці ў свядомасці і пачуццях чалавека, з яго здольнасцю разумець прыгожае, імкнуцца да яго ў жыцці і ствараць яго.
Сутнасць эстэтычнага выхавання заключаецца ў фарміраванні ў вучняў здольнасцей паўнацэннага ўспрымання і правільнага разумення прыгожага ў мастацтве і жыцці, выпрацоўцы эстэтычных паняццяў, густу і ідэалаў, у развіцці творчых задаткаў і дараванняў у галіне мастацтва.
Мэта эстэтычнага выхавання – фарміраванне эстэтычнай культуры асобы. Задачы эстэтычнага выхавання адлюстроўваюць не толькі разнастайныя крыніцы эстэтычнага ўздзеяння, але і складанасць шляхоў эстэтычнага развіцця чалавека, якое пачынаецца з развіцця ўмення ўспрымаць і адчуваць прыгожае і завяршаецца ўменнем ствараць жыццё па законах прыгажосці.
У працэсе ажыццяўлення эстэтычнага выхавання неабходна вырашаць наступныя задачы:
1) развіццё эстэтычнага ўспрымання, здольнасці ўспрымаць прыгожае ў прыродзе, мастацтве, жыцці;
2) выхаванне эстэтычнага густу, здольнасці ацэньваць прыгожае, адрозніваць сапраўды прыгожае ад неэстэтычнага;
3) выхаванне эстэтычных адносін да рэчаіснасці, што ўключае актыўныя дзеянні чалавека па ахове і абароне ўсяго прыгожага і яго асабістую дзейнасць, накіраваную на стварэнне новых духоўных каштоўнасцей, арганізацыю жыцця па законах прыгажосці.
Усе задачы цесна звязаны паміж сабой, аднак парадак іх пералічэння адлюстроўвае паслядоўнасць у рабоце па эстэтычным выхаванні.
Эстэтычнае выхаванне ажыццяўляецца пры дапамозе разнастайных сродкаў. Вылучаюць эстэтычнае выхаванне сродкамі мастацтва і сродкамі акаляючай рэчаіснасці. Эстэтычнае выхаванне сродкамі мастацтва называецца мастацкім выхаваннем. Да мастацкіх сродкаў адносяць літаратуру, жывапіс, музыку, тэатр, скульптуру, архітэктуру і іншае. Да сродкаў акаляючай рэчаіснасці адносяцца прырода, бытавыя ўмовы, працоўная дзейнасць, ўзаемаадносіны.
Такім чынам, эстэтычнае выхаванне – гэта дзейнасць выхавацеля па фарміраванні ў вучняў успрымальнасці да прыгожага ў прыродзе, мастацтве і навакольнай рэчаіснасці, развіццю ўменняў правільна ацэньваць прыгожае, прабуджэнне гатоўнасці актыўна абараняць прыгожае і імкнуцца ўносіць прыгажосць у навакольную рэчаіснасць.