- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
4.1. Каталогі бібліятэкі
У сувязі з тым, што каталогі з’яўляюцца прадметам спецыяльнага вывучэння ў курсе “Каталагізацыя дакументаў”, метадычныя пытанні іх вядзення мы разглядаць не будзем, а засяродзім увагу на тэндэнцыях іх развіцця як састаўной часткі ДБА.
Каталогі ствараюцца як на фонд бібліятэкі у цэлым (генеральныя), так і на яго асобныя часткі (фонды аддзелаў, філіялаў, калекцый, краязнаўчай літаратуры і г.д.), на фонды некалькіх бібліятэк (зводныя), на асобныя віды выданняў (каталогі кніг, перыядычных выданняў, карт, нот, спецвідаў тэхнічнай літаратуры, аўдыёвізуальных матэрыялаў і інш.).
Па назначэнні бібліятэчныя каталогі бываюць генеральнымі (службовымі) і чытацкімі.
Па спосабе групоўкі бібліяграфічных запісаў каталогі па- дзяляюцца на алфавітныя, сістэматычныя, прадметныя, нумерацыйныя, храналагічныя, тапаграфічныя і інш. Сярод названых найбольш распаўсюджаны першыя тры разнавіднасці.
У сувязі з укараненнем інфармацыйных тэхналогій у бібліятэках ідзе актыўны працэс пераходу ад традыцыйных сродкаў каталагізацыі да аўтаматызаванай апрацоўкі бягучых паступленняў і стварэння электроннага каталога, які з цягам часу стане галоўным элементам ДБА.
Перавагі электроннага каталога звязаны з тым, што, па-першае, ён аб’ядноўвае пошукавыя магчымасці і функцыі ўсіх каталогаў, вылучаемых па розных прыметах. Па-другое, дзякуючы электроннаму каталогу можна весці шматаспектны, камбінаваны пошук, прычым праводзіць пошук інфармацыі па любым элеменце бібліяграфічнага запісу, у тым ліку па тым, які не можа быць выкарыстаны пры пошуку ў традыцыйных каталогах: па індэксах ІSBN, ISSN, па годзе выдання, па аснове слова (або “ўсячэннем слова”). Па-трэцяе, павышаецца аператыўнасць пошуку. Пошук для спажыўцоў спро- шчваецца дзякуючы выкарыстанню слоўнікаў, інтэграваных у БД.
Электронны каталог забяспечвае доступ да рэсурсаў каталога не толькі карыстальнікам дадзенай бібліятэкі, але і аддаленым спажыўцам інфармацыі. Ён забяспечвае як пошук інфармацыі па разавых запытах, так і задавальненне доўгатэрміновых запытаў, друкаванне бібліяграфічных даных у выглядзе каталожных картак, бібліяграфічных паказальнікаў, магчымасць абмену інфармацыяй з іншымі бібліяграфічнымі базамі даных, у тым ліку і падключэнне да сеткі інтэрнет.
Паралельна з электронным каталогам на працягу пэўнага часу (у ДПНТБ лічаць – 5–6 гадоў) для падстрахоўвання будуць папаўняцца традыцыйныя карткавыя каталогі. Толькі пасля поўнай гарантыі надзейнасці электроннага каталога (пры ўмове забеспячэння адначасовага масавага доступу да яго) традыцыйныя каталогі будуць закансерваваны і паступова пераведзены ў кампактную форму. Для вызначэння пытанняў паслядоўнасці кансервацыі каталогаў і картатэк бібліятэкі праводзяць спецыяльныя даследаванні. Так, у 2002 г. НББ правяла даследаванне на тэму “Вывучэнне эфектыўнасці выкарыстання карткавых каталогаў і картатэк чытачамі НББ”. У выніку было вызначана, што пераважная колькасць чытачоў карыстаецца традыцыйнымі каталогамі і картатэкамі ў сувязі з тым, што ў бібліятэцы яшчэ недастаткова персанальных камп’ютэраў, існуюць абмежаванні ў часе пры рабоце з электронным каталогам (ЭК), у ЭК адсутнічае неабходная інфармацыя (ЭК у НББ пачалі весці з 1993 г.), карыстальнікі больш сталага ўзросту прывыклі традыцыйна звяртацца да карткавых каталогаў. Рэйтынг выкарыстання карткавых каталогаў і картатэк у розных аддзелах, напрыклад у даведачна-інфармацыйным аддзеле і аддзеле беларускай літаратуры, розны. Таму прымаць рашэнне аб кансервацыі карткавых каталогаў у аддзелах можна толькі пры наяўнасці дастатковай колькасці аўтаматызаваных месцаў карыстальнікаў, надзейнасці іх работы, прадастаўленні магчымасці ў электронным выглядзе атрымаць неабходную інфармацыю. Што ж тычыцца карыстальнікаў, то на сёння 84% апытаных гатовы працаваць з электронным каталогам.
Яскравай тэндэнцыяй у развіцці каталогаў бібліятэк з’яўляецца актывізацыя работы па стварэнні зводных каталогаў. Роля зводных каталогаў павышаецца ў сувязі са зменай самой ідэалогіі фарміравання фондаў бібліятэк; з’яўленнем новых формаў супрацоўніцтва – бібліятэчных кансорцыумаў. Такія зводныя каталогі ствараюцца і ў выглядзе навігатараў па інфармацыйных рэсурсах інтэрнет або ў выглядзе БД, якую могуць весці бібліятэка-арганізатар і каардынатар такога супрацоўніцтва самастойна або на кааператыўных пачатках.
Прыкладамі стварэння зводных каталогаў у рэспубліцы з’яўляецца фарміраванне зводнага электроннага каталога краіны, фарміруемага на базе НББ, які будзе аб’ядноўваць на першым этапе рэсурсы вядучых бібліятэк; зводных каталогаў новых замежных кніг і перыядычных выданняў, што паступаюць у бібліятэкі краіны; зводнага электроннага каталога на фонды РНТБ і абласных НТБ; зводных электронных каталогаў ЦБС.
Павялічваюцца магчымасці выкарыстання бібліятэчных рэсурсаў за кошт звароту да каталогаў, прадстаўленых у су- светных камп’ютэрных сетках як асобных бібліятэк, так і зводных. Буйныя навуковыя бібліятэкі Беларусі размясцілі таксама свае электронныя каталогі ў інтэрнеце, забяспечыўшы тым самым аддалены доступ да іх*.
З фарміраваннем электронных каталогаў у іх пачалі ўключаць і аналітычны роспіс выданняў, у сувязі з чым адбываюцца размыванне меж паміж каталогамі і картатэкамі, аб’яднанне іх пошукавых магчымасцей.