- •Прадмова
- •Глава 1. Арганізацыя бібліяграфічнай дзейнасці
- •1.2. Бібліяграфічная дзейнасць: арганізацыя, методыка і тэхналогія
- •1.3. Агульныя пытанні арганізацыі бібліяграфічнай дзейнасці
- •1.4. Цэнтры бібліяграфічнай дзейнасці ў Рэспубліцы Беларусь
- •1.5. Узаемадзеянне цэнтраў бібліяграфічнай дзейнасці ў Рэспубліцы Беларусь
- •1.6. Узаемадзеянне цэнтраў бібліяграфічнай дзейнасці Беларусі з замежнымі ўстановамі і арганізацыямі
- •Пытанні і заданні
- •Глава 2. Арганізацыя бібліяграфічнай дзейнасці ў бібліятэцы
- •2.1. Агульныя пытанні арганізацыі бібліяграфічнай
- •Дзейнасці ў бібліятэцы
- •2.2. Асаблівасці арганізацыйна-функцыянальнай структуры бібліяграфічнай службы бібліятэк розных тыпаў
- •2.3. Бібліяграфічнае падраздзяленне бібліятэкі і яго асноўныя функцыі
- •2.4. Бібліяграфічныя працэсы ў небібліяграфічных падраздзяленнях бібліятэкі
- •Пытанні і заданні
- •Раздзел іі. Даведачна-бібліяграфічны апарат бібліятэкі Глава 3. Агульныя пытанні арганізацыі дба бібліятэкі
- •3.1. Азначэнне, функцыі, уласцівасці, прынцыпы
- •І метадычныя патрабаванні да арганізацыі дба
- •3.2. Структура дба і задачы бібліятэк па яго развіцці
- •Пытанні і заданні
- •Глава 4. Сістэма каталогаў і картатэк бібліятэкі
- •4.1. Каталогі бібліятэкі
- •4.2. Картатэкі і базы даных бібліятэкі
- •4.3. Пошукавыя сістэмы ў інтэрнеце
- •Пытанні і заданні
- •Глава 5. Даведачна-бібліяграфічны фонд (дбф) бібліятэкі
- •5.1. Азначэнне, структура, камплектаванне і арганізацыя дбф у бібліятэках
- •Пытанні і заданні
- •5.2. Афіцыйныя дакументы і бд прававой інфармацыі ў дбф бібліятэкі
- •5.3. Даведачныя выданні і фактаграфічныя бд у дбф бібліятэкі
- •5. 4. Даведачныя рэсурсы ў інтэрнеце
- •5.5. Бібліяграфічныя крыніцы ў дбф бібліятэкі
- •5.6. Крыніцы бягучай дзяржаўнай бібліяграфіі ў дбф бібліятэкі
- •5.7. Крыніцы агульнай рэтраспектыўнай бібліяграфіі ў дбф бібліятэкі
- •5.8. Крыніцы масавай бібліяграфічнай інфармацыі ў дбф бібліятэкі
- •5.9. Крыніцы навукова-дапаможнай бібліяграфіі ў дбф бібліятэкі
- •5.10. Бібліяграфічныя базы даных у дбф бібліятэкі
- •5.11. Крыніцы папулярнай бібліяграфіі ў дбф бібліятэкі
- •5.12. Бібліяграфічныя рэсурсы ў інтэрнеце
- •5.13. Паказальнікі бібліяграфічных дапаможнікаў у дбф бібліятэкі
- •5.15. Фонд неапублікаваных бібліяграфічных дапаможнікаў
- •Пытанні і заданні
- •Раздзел III. Арганізацыя, тэхналогія і методыка падрыхтоўкі бібліяграфічных дапаможнікаў
- •Глава 6. Тэхналогія і методыка падрыхтоўкі
- •Бібліяграфічных дапаможнікаў: агульныя пытанні
- •6.1. Тэхналагічная характарыстыка падрыхтоўчага этапу складання бібліяграфічных дапаможнікаў
- •6.2. Тэхналагічная характарыстыка аналітычнага этапу складання бібліяграфічных дапаможнікаў
- •6.3. Тэхналагічная характарыстыка сінтэтычнага этапу складання бібліяграфічных дапаможнікаў
- •6.4. Тэхналагічная характарыстыка заключнага этапу складання бібліяграфічных дапаможнікаў
- •6.5. Тэхналогія падрыхтоўкі бібліяграфічных дапаможнікаў з выкарыстаннем сродкаў аўтаматызацыі
- •Пытанні і заданні
- •Глава 7. Спажыўцы бібліяграфічнай інфармацыі
- •7.2. Метады вывучэння інфармацыйных патрэбнасцей
- •7.3. Асноўныя групы спажыўцоў бібліяграфічнай інфармацыі ў бібліятэках розных тыпаў і асаблівасці іх інфармацыйных патрэбнасцей
- •Пытанні і заданні
- •Глава 8. Бібліяграфічнае абслугоўванне: агульныя пытанні
- •8.1. Масавыя формы бібліяграфічнага інфармавання
- •8.2. Дыферэнцыраванае бібліяграфічнае інфармаванне
- •8.3. Дыферэнцыраванае бібліяграфічнае інфармаванне з выкарыстаннем аўтаматызаваных тэхналогій
- •Пытанні і заданні
- •Глва 9. Даведачна-бібліяграфічнае абслугоўванне: агульныя пытанні
- •9.1. Тэхналогія даведачна-бібліяграфічнага абслугоўвання
- •9.2. Асаблівасці выканання розных тыпаў даведак
- •9.3. Аўтаматызаваная тэхналогія даведачна-бібліяграфічнага абслугоўвання
- •9.4. Даведачна-бібліяграфічнае абслугоўванне з выкарыстаннем сродкаў інтэрнета
- •Пытанні і заданні
- •Раздзел V. Фарміраванне бібліяграфічнай культуры спажыўцоў інфармацыі
- •Глава 10. Агульныя пытанні фарміравання бібліяграфічнай культуры спажыўцоў інфармацыі
- •10.1. Формы фарміравання бібліяграфічнай культуры спажыўцоў інфармацыі
- •10.2. Асаблівасці фарміравання бібліяграфічнай культуры асобных груп спажыўцоў інфармацыі
- •Пытанні і заданні
- •Літаратура
- •Дадатковая
- •Арганізацыя і тэхналогія бібліяграфічнай дзейнасці
8.2. Дыферэнцыраванае бібліяграфічнае інфармаванне
Дыферэнцыраванае бібліяграфічнае інфармаванне – гэта сістэматычнае забеспячэнне бібліяграфічнай інфармацыяй спажыўцоў у адпаведнасці з іх доўгатэрміновымі індывідуальнымі ці групавымі інфармацыйнымі запытамі. Абанентамі дыферэнцыраванага бібліяграфічнага інфармавання можа выступаць асобны спецыяліст ці група спецыялістаў, па- трэбнасці якіх характарызуюцца агульнасцю тэматыкі. Адпаведна адрозніваюць індывідуальнае і групавое бібліяграфічнае інфармаванне, індывідуальных і калектыўных абанентаў. Дыферэнцыраванае бібліяграфічнае інфармаванне – эфектыўны, але працаёмкі від абслугоўвання, таму сёння не кожная бібліятэка можа дазволіць сабе выкарыстоўваць яго дастаткова шырока, многімі бібліятэкамі формы дыферэнцыраванага бібліяграфічнага абслугоўвання прапануюцца ў якасці платных паслуг.
Асноўнымі формамі індывідуальнага бібліяграфічнага інфармавання з’яўляюцца: індывідуальнае інфармаванне, выбіральнае распаўсюджанне інфармацыі (ВРІ), індывідуальнае інфармаванне з элементамі ВРІ, дыферэнцыраванае абслугоўванне кіраўніцтва (ДАК), ці тэматычнае абслугоўванне кіраўніцтва.
Тэхналогія ажыццяўлення ўказаных формаў дыферэнцыраванага абслугоўвання аднолькавая. Першы працэс – гэта вызначэнне кола абанентаў, якія будуць абслугоўвацца ў разглядаемым рэжыме. Іх выбар вызначаецца тыпам бібліятэкі, яе задачамі ў агульнай сістэме інфармацыйнага забеспячэння рэгіёна, галіны, ведамаснай прыналежнасці і рэсурснымі магчымасцямі. Кожная бібліятэка сёння ў працэсе правядзення маркетынгавых даследаванняў праводзіць сегментаванне рынку спажыўцоў інфармацыі і вызначае прыярытэтныя групы карыстальнікаў для сваёй бібліятэкі, у тым ліку і карыстальнікаў, якім у першую чаргу неабходна сістэматычная інфармацыя аб новай літаратуры ў дапамогу іх прафесійнай дзейнасці.
Другі працэс – вызначэнне зместу інфармацыйных патрэбнасцей абанентаў. У гэтых мэтах могуць выкарыстоўвацца разнастайныя метады вывучэння ІП, якія ўжо былі ахарактарызаваны. Але незалежна ад таго, якія метады будуць выкарыстоўвацца, важным з’яўляецца атрыманне наступнай інфармацыі: тэматыка ІП; віды выданняў, якія ўяўляюць цікавасць; на якіх мовах; ступень паўнаты неабходнай інфармацыі (абмежавана новымі паступленнямі ў фонд бібліятэкі ці не); ступень згортвання прадстаўляемай бібліятэкай інфармацыі; пастаянна праглядаемыя самастойна спажыўцом крыніцы інфармацыі; пераважныя для спажыўца формы прадстаўлення інфармацыі. Важным з’яўляецца таксама атрыманне звестак аб спажыўцу інфармацыі: прозвішча, месца працы, пасада, кантактны тэлефон.
Усе атрыманыя звесткі заносяцца ў дзве спецыяльныя картатэкі: алфавітную індывідуальных і групавых абанентаў і алфавітна-прадметную картатэку тэм. На верхнім баку карткі ў картатэцы абанентаў указваюцца наступныя звесткі: прозвішча, імя, імя па бацьку, месца працы, пасада, кантактны тэлефон або адрас для абвяшчэнняў, назвы тэм (або тэмы). На адваротным баку карткі вядзецца ўлік адасланых абвяшчэнняў з указаннем даты адпраўкі, колькасці дакументаў, якія ўключаны ў абвяшчэнні, вынікаў апрацоўкі талонаў зваротнай сувязі. На картках групавых абанентаў абавязкова адлюстроўваюцца наступныя звесткі: поўная назва прадпрыемства (арганізацыі), прозвішча кіраўніка (ці асобы, адказнай за арганізацыю інфармацыйнага абслугоўвання), кантактны тэлефон, адрас, асноўны профіль дзейнасці прадпрыемства і пералік тэм інфармавання. Адваротны бок карткі прызначаны для ўліку адпраўленых абвяшчэнняў і запытаў на першасныя дакументы. У картатэцы тэм на кожнай картцы ўказваюцца назва тэмы і прозвішчы абанентаў ці назвы прадпрыемстваў, якіх яна цікавіць.
Наступны працэс звязаны з вызначэннем кола праглядаемых крыніц, па якіх будуць выяўляцца дакументы для інфармавання абанентаў. У залежнасці ад патрабуемай абанентам паўнаты гэта могуць быць толькі новыя паступленні ў фонд бібліятэкі (картатэка новых паступленняў ці самі выданні, перыядычныя выданні і інш.) ці дадаткова і іншыя другасныя крыніцы інфармацыі, якія могуць забяспечыць паўнату інфармавання па тэме. Бібліёграф праглядвае вызначаныя крыніцы і ажыццяўляе адбор дакументаў у адпаведнасці са зместам запытаў. Дзеля забеспячэння рэлевантнасці падбіраемай бібліяграфічнай інфармацыі бібліёграф павінен дастаткова добра арыентавацца ў адпаведных праблемах, ведаць тэрміналогію і інш.
Адабраны матэрыял аналізуецца, апрацоўваецца і афармляецца ў выглядзе абвяшчэння. Форма абвяшчэння можа быць рознай: пісьмовыя абвяшчэнні на спецыяльных бланках, на картках, у выглядзе тэматычных бібліяграфічных спісаў, падборак і інш. На спецыяльных бланках, акрамя бібліяграфічнага абвяшчэння аб дакуменце, якое павінна ўключаць абавязкова бібліяграфічнае апісанне дакумента (уключацца таксама могуць анатацыя або рэферат, класіфікацыйныя індэксы ці прадметныя рубрыкі), можа быць размешчаны і талон зваротнай сувязі, з дапамогай якога абанент павінен ацаніць атрыманую інфармацыю па наступнай шкале: 5 – каштоўная, будзе выкарыстана ў рабоце; 4 – уяўляе цікавасць; 3 – вядомая з іншых крыніц; 2 – не ўяўляе цікавасці; 1 – не адпавядае тэме; 0 – патрэбна копія ці сам дакумент.
Абвяшчэнні адсылаюцца абаненту. Абанент знаёміцца з імі. Запаўняе карту зваротнай сувязі, адсылае яе ў бібліятэку.
Бібліёграф аналізуе карту зваротнай сувязі. Калі ёсць запыт на першакрыніцу ці копію дакумента, то адсылае яе абаненту. У неабходных выпадках па выніках аналізу зваротнай сувязі ажыццяўляе карэкціроўку функцыянавання сістэмы: праводзіць удакладненне тэматыкі запыту, дадаткова высвятляе, якія крыніцы праглядвае абанент самастойна, удакладняе крыніцы выяўлення дакументаў і інш.
Адрозненне формаў індывідуальнага бібліяграфічнага інфармавання заключаецца ў наступным: індывідуальнае інфармаванне ажыццяўляецца па новых паступленнях у фонд бібліятэкі. Выбіральнае распаўсюджванне інфармацыі абавязкова прадугледжвае адпаведнасць наступным патрабаванням: максімальная паўната даводзімай да абанентаў бібліяграфічнай інфармацыі; кароткае раскрыццё зместу дакумента з дапамогай анатацыі, рэферата ці набору прадметных рубрык; аператыўнасць і рэгулярнасць давядзення інфармацыі; наяўнасць пастаяннай зваротнай сувязі з абанентам; забеспячэнне абанента першаснымі дакументамі ці іх копіямі пры паступленні на іх запыту. Індывідуальнае інфармаванне з элементамі ВРІ прадугледжвае інфармаванне па новых паступленнях у фонд бібліятэкі, але з наяўнасцю зваротнай сувязі ці прадастаўленнем копій першасных дакументаў. Такая форма, як дыферэнцыраванае абслугоўванне кіраўніцтва, адрозніваецца ад іншых наступнымі асаблівасцямі: у якасці абанентаў выступаюць кіраўнікі, якім патрэбна інфармацыя, што змяшчала б аналіз звестак з дакументаў з вывадамі і рэкамендацыямі, была дастаткова абагульненай, своечасовай, дакладнай, кароткай у выкладанні і мела прагнастычны і супастаўляльны характар. Згодна з гэтымі патрабаваннямі інфармацыя павінна прадастаўляцца кіраўнікам у выглядзе агляду, аналітычнай даведкі. Хаця ў залежнасці ад магчымасцей бібліятэкі інфармацыйныя абвяшчэнні могуць дасылацца абанентам у выглядзе бібліяграфічных запісаў з пашыранымі анатацыямі, рэфератамі. Адразу па запатрабаванні кіраўніцтва павінны прадастаўляцца і самі першасныя дакументы або іх копіі.
Групавое інфармаванне. Значнае месца ў рабоце бібліятэк па бібліяграфічным інфармаванні займаюць формы групавога бібліяграфічнага інфармавання, такія як тэматычныя выставы і агляды, тэматычныя спісы новых паступленняў, дні спецыяліста, кальцавая пошта. У якасці абанентаў групавога інфармавання выступаюць калектывы, падставай для выдзялення якіх з’яўляюцца такія прыметы, як сумесная работа калектыву і агульнасць вырашаемых задач (выдзяляюцца ад- дзелы, кафедры і іншыя вытворчыя ці навуковыя калектывы); агульнасць прафесіі (настаўнікі беларускай мовы і інш.); агульнасць адукацыйнага і прафесійнага ўзросту (маладыя спецыялісты той ці іншай сферы і інш.).
Тэхналогія ажыццяўлення групавога бібліяграфічнага інфармавання з дапамогай тэматычных спісаў літаратуры нічым не адрозніваецца ад тэхналогіі індывідуальнага бібліяграфічнага інфармавання. Рыхтавацца тэматычныя спісы літаратуры могуць таксама як на падставе прагляду новых паступленняў у бібліятэку, так і прагляду другасных крыніц.
Да групавых формаў бібліяграфічнага інфармавання адносіцца і такая форма, як дзень спецыяліста (ДС). Ён праводзіцца для пэўнай катэгорыі спецыялістаў з улікам асаблівасцей іх інфармацыйных патрэбнасцей і можа быць прысвечаны як больш ці менш вузкай тэматыцы, якая цікавіць дадзеную групу спецыялістаў, так і пэўнай галіне ведаў. Накіраванасць дадзенага мерапрыемства мае комплексны характар і звязана з азнаямленнем спецыялістаў з дасягненнямі па тэме ў навуцы, практыцы; з адлюстраваннем дадзеных праблем у літаратуры; з прапагандай інфармацыйных прадуктаў і паслуг бібліятэкі і пашырэннем інфармацыйнай культуры спажыўцоў інфармацыі.
У адпаведнасці з мэтавай накіраванасцю складаецца і праграма дня спецыяліста, якая звычайна ўключае мерапрыемствы бібліятэчнага і небібліятэчнага характару. Так, у праграму абавязкова ўключаюцца такія формы небібліятэчнага характару, як выступленні вядучых спецыялістаў, вучоных з лекцыямі, дакладамі па тэме ДС, шырокае абмеркаванне прафесійных праблем, знаёмства са спецыяльна падабранымі экспанатамі, экскурсіі на прадпрыемствы, прагляд кінафільмаў па тэме ДС. Асноўная роля ў правядзенні гэтых формаў адводзіцца спецыялістам адпаведнай галіны ведаў ці сферы дзейнасці. Акрамя таго, як правіла, спецыялісты праводзяць тэматычныя агляды літаратуры, даюць ацэнку матэрыялу з пункту гледжання магчымасці яго выкарыстання на практыцы, знаёмяць калег з сучасным станам адлюстравання дадзенай тэмы ў літаратуры.
Сярод бібліятэчных формаў аснову ДС складае выстава-прагляд літаратуры па тэме. Калі ДС праводзіцца для дадзенай катэгорыі спецыялістаў ці па дадзенай тэме ўпершыню, то падбор літаратуры ажыццяўляецца рэтраспектыўна, як правіла, за тры – пяць апошніх гадоў, пры паўторным правя- дзенні бібліятэкі абмяжоўваюцца экспанаваннем новых паступ-ленняў. На выставе павінны быць прадстаўлены ўсе віды выданняў, прычым не толькі тыя, што знаходзяцца ў бібліятэцы, але і заказаныя з іншых бібліятэк. Калі літаратуру не ўдалося атрымаць з іншых бібліятэк, складаецца дадатковы спіс літаратуры, які экспануецца разам з першаснымі дакументамі. Методыка афармлення тэматычнай выставы-прагляду аналагічная універсальнай. У праграму ДС уключаюцца таксама такія бібліятэчныя мерапрыемствы, як агляд літаратуры па тэме, агляд бібліяграфічных і інфармацыйных выданняў, кансультацыі бібліёграфаў аб тым, як сачыць за новай літаратурай па тэме, рэкламна-інфармацыйныя абвяшчэнні аб інфармацыйных прадуктах і паслугах бібліятэкі і інш.
На ДС арганізуецца як дзяжурства спецыялістаў-кансультантаў, так і бібліёграфаў-кансультантаў. У абавязкі бібліёграфа-кансультанта ўваходзяць правядзенне кансультацый, праверка расстаноўкі дакументаў на выставе, раздача наведвальнікам анкет, кантрольных лісткоў наведвальнікаў і інш.
Сярод арганізацыйных пытанняў падрыхтоўкі ДС трэба адзначыць, што ДС праводзіцца на падставе загадзя распрацаванага плана, які ўключае тры раздзелы: арганізацыйны (вызначаюцца тэматыка, форма правядзення, месца, дата, працягласць ДС, мерапрыемствы па рэкламна-інфармацыйным забеспячэнні ДС, неабходныя тэхніка-вытворчыя, натурныя, наглядныя матэрыялы); зместавы (указваюцца канкрэтныя бібліятэчныя і небібліятэчныя мерапрыемствы, адказныя за іх падрыхтоўку і правядзенне); вывучэнне эфектыўнасці (вызначаюцца асноўныя віды эфектыўнасці, якія будуць вывучацца, плануецца падрыхтоўка інструментарыя для правядзення гэтай работы).
Пры падрыхтоўцы ДС вялікая работа ў арганізацыйным плане праводзіцца з кіраўніцтвам прадпрыемства, арганізацыі, для спецыялістаў якіх ён праводзіцца. Разам з кіраўніцтвам удакладняюцца і ўзгадняюцца тэма ДС, план правя- дзення, вызначаюцца тэма даклада, лекцыі, адказныя спецыялісты.
Вялікая ўвага надаецца рэкламна-інфармацыйнаму забеспячэнню ДС. У гэтых мэтах выкарыстоўваюцца індывідуальныя запрашэнні, аб’явы, плакаты, якія вывешваюцца ў бібліятэках, на прадпрыемствах, ва ўстановах, выкарыстоўваюцца рэкламныя буклеты, абвяшчэнні праз сродкі масавай інфармацыі.
Адной з эфектыўных формаў групавога бібліяграфічнага інфармавання, якая дазваляе даводзіць патрэбныя матэрыялы да рабочага месца спецыялістаў, з’яўляецца кальцавая пошта. Гэтая форма выкарыстоўваецца бібліятэкамі прадпрыемстваў, арганізацый, дзе спецыялісты працуюць у непасрэднай блізкасці, ведаюць адзін аднаго і маюць падобныя па змесце патрэбнасці. Для іх бібліятэка падбірае з новых паступленняў першасныя (малааб’ёмныя дакументы – афіцыйныя матэрыялы, інструкцыі, рэкамендацыі, палажэнні) і другасныя дакументы (агляды, зборнікі рэфератаў, спісы літаратуры), якія камплектуюцца ў спецыяльныя папкі. Гэтая папка матэрыялаў перадаецца з суправаджальным лістом па пэўным маршруце. У суправаджальным лісце ўказваецца спіс спецыялістаў, якія павінны пазнаёміцца з матэрыяламі, перадаючы іх потым адзін другому ў паслядоўнасці прозвішчаў, што ўказаны ў лісце. Апошні з іх павінен вярнуць папку ў бібліятэку. Для знаёмства з матэрыяламі кожнаму спецыялісту адводзіцца два–тры дні. Калі матэрыял уяўляе цікавасць для абанента, ён можа заказаць копію, запрасіць дадатковую інфармацыю, папрасіць зрабіць пераклад. Аднаму з супрацоўнікаў бібліятэкі даручаецца сачыць за прахо- джаннем папкі па кальцавой пошце. У бібліятэцы можа выкарыстоўвацца і наступная тэхналагічная схема праходжання матэрыялу: бібліятэка–абанент – бібліятэка–абанент.